زواجي صار فجأة...

:: بسكوتي :: اذلك :: 06-11-2008 24 رد 1,619 مشاهدة
:
السلام عليكم ورحمت الله وبركاتة ...

..............

بحكي لكم قصه زواجي اللي جاءت مفاجأة لي ...

انخطبت وانا في ثالث ثانوي بداية الفصل الثاني ... من واحد اكبر مني بسنه
وانا وافقت ... " قلت هو صغير اكيد ما راح يسوي الزواج إلا بعد كم سنة ..واكون انا قطعت
مشواري في الدراسة الجامعية "

وفي شهر 7 بالتحديد بعد انتهاء المدارس ... جاء ابوه لأبوي . وقاله " الزواج راح يكون في الاجازة الجايية " يعني بعد انتهاء المدارس .. في شهر 8 تقريباً ..

انا قلت لأبوي يكلمهم على الاقل يأجلونه سنة ثانية ... وابوي اقتنع وقال هو لسا صغير
قلت اكيد هم بيوافقوا عشان ولدهم لسا صغير وما اعطيت الموضوع إهتمام ... المهم مرت الايام وابوي كل يوم يقول بكرا اقوله ..

انا سجلت في الجامعة قسم العلوم الطيبة .. وانا اللحين في السنه التحضيرية
ودوامنا يومياً من الساعة السابعة صباحاً إلى الساعة الخامسة عصراً إلا يومي السبت والثلاثاء
يبدأ الدوام ثمانية صباحاً والخروج خمسة العصر ...
المهم يوم من الايام قابل وحدة من صدقاتي من ايام الثانوي ... وبارك لي على خطبتي
عااااااااد انا تذكرت ان ابوي لسا ما كلمهم ...
اول ما جيت الساعة 5 العصر ... جرى على ابوي وقلت لها لازم اليوم تكلمهم
قالي طيب خلاص بعد المغرب ان شاء الله


المهم ... جاء ابوي ... ومعاه الخبر ... رفضواا ... قال لازم الاجازة هاذي ... عاد انا مرة انصدمت
وما اتجهزت ... اصلاً هم إلا الان ما اعطونا المهم اصلاً لسا ماصارت ملكة

انا ماراح اقدر الاجازة الجاية ... ما اقدر اتجهز ابداً .. انا يا دوب ألقى وقت للنوم والمذاكرة
دراستي صعبة ...واذا ما جبت معدل مرتفع .. ما راح ادخل الطب ...
هم اللحين يقولون :: سوي التحليل حق الزواج :: وانا خايفة تصير ملكة ... وانشغل عن دراستي ... وبعدين المكالمات اللي تصير والزيارات ... وانا ما ابغى اضيع حلمي واخسر دراستي
......
وهم ياليتهم اعطونا المهر من بدري .. عشان اقدر اتجهز على راحتي
انا اللحين يبغالي جلسات عند اخصائية .. التجميل عشان مشاكل بشرتي وشعري ..
ويبغالي اهتم بجسمي <<<<< وحااااالة انتوا ادري فيها


المهم ... انا فكرت اللحين ... اني أعند وما اروح للتحليل واللي يصير يصير
وخايفة تصير مشااااكل ...

ايش اسوي ...
قلت لابوي خلاص نلغي الخطبة كلها ... ومرة عصب " قالي هذا مو لعب عيال "

انا اللحين مدري ايش اسوي ...
كيف اقنعهم ... مرة ما اقدر ..
واذا ما اقتنعوا .. كيف القى وقت للسوق الاهتمام والحوسة كلها ...

بليز اللي عنده رد حكيم ... يشووور عليّ...

مرة خاااااااااااااااااااايفة
K
الله يعيينج

حبيبتي اذا خلاص ابوج موراضي انه يأجل توكلي على الله

وقوليله وقت الملكه يشترط إنج تكملين دراستج ومايخليج تطلعين...لأن واايد رياييل لما يتزوجون يمنعون زوجاتهم من اكمال الدراسه (n)

أو اذا صارت الملكه وكلمتي خطيبج حاولي انج تقنعينه يأجل العرس شوي...لأن هو ريال موبكيف ابوه

اكيد اذا هو قال انا ابي ااجل العرس شوي محد بيعترض لأن هذي حياته وهو الريال وصاحب القرار

ولو ماوافق أو ماقدرتي خلاص توكلي على الله.....وخلي في بالج انج تكملين دراستج ومافي شي يوقف بطريجج

لاتخافين من شي صدقيني وان شاءالله بتقدرين توفقين بين بيتج ودراستج

وان شاءالله الله يرزقج الزوج اللي يحس فيج ويهتم بمصلحتج

ودايم ادعي (( اللهم سخرلي زوجي...واجعل بيننا الموده والرحمه))


الله يوفقج ويسهل امورج يارب
خ
مبروووك أول شي الخطبه عسى الله يهنيج في حياتج

بس حراام بصراحه ماشي وقت بالمره و حلاة الزواج فترة التجهيز و الخطوبه ..

مب عارفه شو أقولج بس لا تخسرين وقت أكثر من جي ... جهزي عمرج كل اسبوع يومين
و طبعا طلبوا المهر ..

و غير هذا ماعرف عن نظام دراستج ؟؟؟ ما ينفع توقفين كورس واحد و عقب ترجعين تدرسين ؟؟؟
n
حبيبتي انا اشوف من الافضل ابوج يرجع يكلمهم ويشرح لهم بالتفصيل وش تبغين بالضبط مثل ما قال اهو مو لعب اعيال وبعد مستقبلج العلمي مب لعب اعيال الا يعني اذا قدرتي توفقين بين التجهيزات والدراستج فممكن بس لانه باقي على اجازة الصيف كم شهر ولكن الاصعب بعد الزواج هل يعرف زوجج المسقبلي بقرراتج واشلون بيكون الدوام بعد الزواج هذا هو الاصعب خصوصا اول سنة جامعه تكون صعبه ومرهقة نوعا ما والله يوفقج
ف
بالبركة يا عسل

:)

بالنسبة لدراستك الزواج ما عائق أبدا صدقيني

هذا يعتمد عليك انتي

انا خواتي اثنين منهم تزوجوا وهم بسنة أولى جامعة وماشاءالله احملوا وصار عندهم عيال

وتخرجوا بتقدير جيد جدا مرتفع ماشاءالله


يعني هالشي يعتمد عليك اذا بتقدري تنظمي وقت أو لأ

لا تقولي لا صعب ما أقدر ... كذا تحبطي نفسك .. تفائلي حبيبتي ..


وبالنسبة للتجهيز أحس فيه وقت لأنه تونا بشهر 11 .. وشهر 8 بعيد

انتي أول ما يسلموك المهر ابدي تجهزي شوي شوي .. ولحد شهر 8 بتكوني خلاص جــاهزة



موفقة يارب

^_^
n
فيء;7661062:
بالبركة يا عسل

:)

بالنسبة لدراستك الزواج ما عائق أبدا صدقيني

هذا يعتمد عليك انتي

انا خواتي اثنين منهم تزوجوا وهم بسنة أولى جامعة وماشاءالله احملوا وصار عندهم عيال

وتخرجوا بتقدير جيد جدا مرتفع ماشاءالله


يعني هالشي يعتمد عليك اذا بتقدري تنظمي وقت أو لأ

لا تقولي لا صعب ما أقدر ... كذا تحبطي نفسك .. تفائلي حبيبتي ..


وبالنسبة للتجهيز أحس فيه وقت لأنه تونا بشهر 11 .. وشهر 8 بعيد

انتي أول ما يسلموك المهر ابدي تجهزي شوي شوي .. ولحد شهر 8 بتكوني خلاص جــاهزة



موفقة يارب

^_^


جزاكي الله خير يا حبيبتي كلامك عين العقل

بسكوتي .....متقلقيش ان شاء الله خير انتي بس تكلمي مع خطيبك و تاكدي انه مش هيمانع انك تكملي دراسه و اهم حاجه تطمنيه ان ده مش هيأثر علي اهتمامك بنفسك او بيه او بالبيت

بس اتاكدي انه مقتنع و موافق و يبقي موافقته ديه قدام ناس كبيره من العلتين ... بس حاولي تخلي الموضوع يجي صدفه متبقيش متعمده تشهدي عليه ناس كبيره عشان ميحسش انك مخوناه

الموضوع محتاج شويه ترتيبات عشان يبان طبيعي ... بس انتي كده هتبقي مطمنه انه هيلتزن بالاتفاق اللي مبينكم

وربنا يوفقك في دراستك و في حياتك
A
ياحليلك بس

اجل اللي زواجها شهر 2 الجاي ومادرت الا الان وش تقول؟؟؟؟؟؟

حبيبتي احمدي ربك انو من الحين عرفتي

محدثتك انخطبت بشهر شوال وقبل يومين كلموا وقالوا نبي عرس على شهر 2

واصروا على الزواج
يعني بين فترة الخطوبة والزواج اقل من 5 شهور

مع العلم انو انا طالبة جامعية وهذا اخر ترم لي وادرس حاسب الي واكيد تعرفين قد ايش صعوبته
وعندي مشروع تخرج وبلاوي ثانيه وانتي عارفة الدراسة وهمها

وتخيلي الحين تجهيز لي وانا نفسي يبغالي تجهيز من علاجات بشرة وشعر

ومابقى معاي الا 3 شهور

يعني حبيبتي انتي لسه عالصيف وان شاء الله يمديك على التجهيز والعناية بالراحه واما الدراسة لازم ترتبين نفسك من الان عشان ماتحوسين

انا قلت قصتي عشان ماتحوسين ...بس ابيك تتخيلين كيف الضغط اللي انا فيه هم عرس +هم الجامعه+هم مشروع التخرج

اتوكلي على الله واستخيري وانشاء الله ربي يعينك

ومبروك عليك مقدما

دعواااااااااااتكم,,,
م
أختي إنتي قصدك شهر 8 الجاي ؟؟؟؟؟

يعني بعد 10 شهور كامله !

معاكي وقت طوييييل أختي...في ناس إنخطبوا و تزوجوا في 6 شهور بس...و كله تمام...

إنتي بس اللي خايفه و مش قادره تقرري مصيرك...

يحتاج إنك تشوفيه و تقعدي معاه و تعرفي هل هو بيكمل دراسته واللا لأ و هل مستعد يخليكي تكملي دراستك ؟
:
اشكركم ... من كل قلبي
بصراااااااااحة ريحتوني شوي ....

بس ابيكم تساعدوني ... كيف انظم وقتي ... ويمديني اتجهز من اللحين
اخاااف الوقت ما يكفي ...
انا ان شاء الله راح اكتب في عقد الزواج ... انو يخليني اكمل دراستي .. واتوظف
وراح اكلمة ... لو يقدر يأخر الزواج ...
وان شاء الله يحصل خير ...

بجد اشكركم .... ريحتوني .... كنت احسب لازم سنة كاملة عشان البنت تتجهز ...

الله يوفقكم ... وسدد خطاكم
&
مبروك مقدماً ..

حبيبتي عندج وقت واااااااااااايد ..

انتي لا تحاتين حبوبه وان شاء الله بتلحقين اتخلصين امورج تمام التمام ..

بنت خالتي كان عندهاا مجرد 15 يوم علشان تتجهز وخلصت امورهاا ...... اتخيلي !!
ع
حبي كل شي بالتنظيم يصير واذا كتير خايفة مشان الدراسة أجلي فصل (مابعرف اذا يصير عندكم

وبالنسبة لتجهيز نفسك

ركن العروس

حتلاقي فيه كل شي حتى في برامج تنظمي فيها أغراضك

والله يوفقك ويتمم لك على خير
ز
اولا انا اتمنى لش التوفيق الله يوفقك
لكن الزواج تخطيط وتكتكه ماهو ضربه استباقيه يأخد الأخر على حين غره
وإذا خطيبك يقدر الأمور لازم يعطيك مجال لاتكون الأمور اللي تسعدك مصدر ضجر له
ولا الأمور اللي تسعده مصد قلق لش
المهم اتفاهمو مع بعض وعسى الله يوفقكم
:
اشكركم من قلبي ...
جزاكم الله كل خير
n
ربنا يوفقك دايم
ع
حبيبتي وييين المشكله انا مو شاايفه مشكله

وبصراحه لو انتي حاابه تكملي دراستك راح تكمليها حتى لو عندك هموم الدنيا شوفي البنات في الجامعه حوااامل وبطنها قد ايش وماشاء الله تدرس

اتوكلي على الله وادخلي ركن العروس هنا تلاقي كيف ترتبي جدول تجهيزاتك ترى تقدري مو شرط تشتري السوق كلو لااا خذي اشياءك المهمه

ترى ماراح ينلبس كل شي

فتره كويسه الي حددوها انا اعرف وحده بين ملكتها وفرحها مو اكثر من شهر ونص كمان عشان كان عندها اختبارات

اتوكلي على الله ربي يقدم لك كل خير ان شاء الله

عيون الفهد
ه
الف الف مبروووووووووووووووووووووك

حبيبتي العمر يخلص والدراسه ما تخلص بالنسبه للدراسه لا تخافين بس المهم انه يكون موافق انج تكملين دراستج بعد الزواج وعادي انك اداومي من الصبح إلى العصر وانتي متزوجه توكلي على الله وان شاء الله الله يباركلك في وقتك وزواجك اللهم آآآآآآآآآآآآمين

وبالنسبه للوقت إلى يوم العرس عندك وقت وكثييييييييييييييييييييييير بعد للتجهيز وللاعتناء بنفسك وووووو....

تخيلي عيل ان انخطبت بآخر شهر اربعه وبعدها قرروا ان العرس بشهر سبعه وانا كان عندي امتحانات لين تقريبا عشرين سته تخيلي يعني شوفي الوقت اللي كان عندي (بس شهرين وشوي وبعد امتحاناتي فيهم)كيف بتجهز ولا كيف بعتني بنفسي ولا ولا بس الحمدلله الله سهلها علي وامي واختي وخالاتي ماقصرن كل حد ساعدني في شي في التجهيز والحمدلله تم على خير وبعد العرس ماوقفت عن الدراسه درست وتخرجت بامتياز ولله الحمد

المهم التوكل على الله وعيشي ايامج حبيبتي وتوكلي على الله وصدقيني حتى العرس والدراسه وكله مع بعض حلو بعد.. لا اتخلين هالاشياء الجميله تكون تعاسه حقج بالعكس وبعد لما تدرسين وانتي متزوجه تغيرين جو بعد تطلعين شوي عن زوجج (ويزيد الشوق بينكم هههه) شوفي في ايجابيات مولازم تكونون طول الوقت مع بعض خلي الحياه تمشي ويااااااااااااارب يباركلك في حياتك الزوجيه ويجعل الموده والمحبه والرحمه بينك وبين زوجك
(
اختي ليش تصعبينها على نفسج .. وليش تعطين نفسج ايحاءات سلبيه .. وانج ماراح تقدرين تخلصين شي وماتقدرينتنجزين شي ؟!؟
وبعدينكلام ابوج صح هذا مب لعب عيال ..

حبيبتي دام هذا نصيبج وجاج لين عندج .. ليش ترفضينه؟؟ الدراسه مهمه .. نعم الدراسه مهمه ومحد يستغنى عنها هالايام لكن بعد مب من حقج انج ترفضين نصيبج وتلغين كل شي عشان اوهام انتي حطيتيها في بالج .. واي بنت في مكانج بتفرح وبتنتظر لحظة الزواج وانتي ماتبين ؟!؟

كلنا ندرس ياحبيبتي وكلنا مشغولين ومذاكره وعفسه بس ماقلنا شي .. ومتى ماجانا النصيب ماراح نرده .. يعني نسقي بين كل شي .. وقت حق الدراسه وقت حق الزيارات والمكالمات ..مب شرط كل يوم زيارات والمكالمات مب شرط طول اليوم .. انتي توكلي على الله والله بيفرجها عليج وماراح ينساج .. بس دايما وكلي امرج له .. وانتي سوي اللي عليج واللي تقدرين عليه والباقي على رب العالمين .. وبعدين حلو تهتمين في نفسج .. بس مو ضروري تبالغين وتكبرين السالفه في راسج .. يعني شوفي اللي تقدرين تسوينه سوي .. يعني مثلا اذا الوقت مايكفي على قولتج .. خليه حق اهم شي .. مثلا البشره والشعر وماعتقد بياذخون منج وقت وايد .. كلها كم جلسه وبتخلصين ان شاء الله وبعدها شوفي جسمج وجذي نسقي امورج ..

لاتخلين الشيطان يقص عليج ويقولج لا وصعبه وماتقدرين .. انتي بس ادعي رب العالمين ان دايما يفرجها عليج ويساعدج .. واهم شي تحافظين على صلاتج والذكر والدعاء .. الدعاء طبعاً في الاوقات المستجابه .. وشوفي الخير اللي بيجيج من الرزاق الكريم ..

موفقه باذن الله :)
s
الف مبروووك وربنا يوفقك وماشاءالله البنات ماقصرو

وان شاءالله تطلعين احلى عروسه
r
اشرايكم بالي انخطبت وتزوجت في شهر!!!!
كنت اول سنه جامعه والحين اكمل دراسه
الله يوفق الجميع
o
اول شي .. الف مبروك :)

وثانيا .. قبل الملكه وقبل كل تفاصيل الزواج لازم توضحين له عن دراستك


وعن اصرارك بانك تكملينها مهما كانت الظروف

عشان ماتنحطين بعدين في مشاكل إنتي في غنى عنها :(

وثالثا .. انا اشوف انه الفتره الجايه كافيه على الملكه وبعد الملكه ممكن تقنعين خطيبك بتأجيل العرس

لأنه حرام ترفضينه لو كان كويس بحجة الوقت الضيق !!

تمنياتي لك بالتوفيق ..

X