بنتي والحفاضه؟؟؟؟؟

انا نوووسه 06-11-2008 16 رد 1,606 مشاهدة
ا
:confused::confused::confused: مرحبا كيفكم جميعا ابي منكم تساعدوني وتعطوني حل لمشكلت بنتي




بنتي عمرها خمس سنوات ولا تعرف تقضي حاجاتها الكبيره الا بالحفاضه ما تعرف تسويها بالحمام حاولت معاها بس للاسف ما قدرت ؟؟؟؟؟:confused:



ابي حل مناسب معاها الله يجزاكم خير
ش
الله يكون بعونك
بس والله حرام البنوته صارت كبيره
جربي جيبلها مقد صغير بينحط على سيفون على قدها
ودايما شجعيها انها تروح الحمام
او اتبلش بالنونيه تاعت الصغار
وساليها اذا هي خايفه من اشي وحاولي تعوديها قد ما بتقدري لانو كمان شوي راح تروح الحضانه
موفقه حبابه
ا
هلا اختي شوووووووووووووووووش اسعدني مرورك واهتمامك بالرد علي بس حربت لها النونيه ورفضت كل شي مع العلم انها الان بالتمهيدي الله يعيني وياها
ا
وين التفاعل وين الردود وش دعوة ماعندكم حلول :(
ا
وين التفاعل وين الردود وش دعوة ماعندكم حلول:(
ا
وين التفاعل وين الردود
ا
اختي لا اتساهلين معاها و لا لحظة يمكن تساهلج اهو اللي خلاها هلون
C
انا بنتي سنتين ونص و قبل لا اعودها على الحمام كانت لما تبي تنزل الخروج اعز السامع تروح بزاوية بروحها و تقعد مثل قعدة الحمام العربي

الحين بعد اجوف عندها مشكلة في المرحاض لازم تقعد عليه مثل الحمام العربي هاذي يمكن مشكله بنتج
.
الله يكون بعونك


بس والله حرام البنت صارت كبيره
.
مريت بهالتجربه مع ولدي وبنت أخت زوجي كانو مثل بنتك بس تخلصوا من هالعاده بسن أصغر
السبب
معليش تحملوا كلامي يمكن فيه جرأه وأطاله بس المهم نستفيد
الطفل تعود فتره من الزمن على قضاء حاجته بالحفاظ وهو واقف أوجالس نايم على راحته وبيكون جسمه مظغوط بالحفاظ وأول ما نخليخ يجرب يعمل في الحمام وهو جالس سواء على المرحاض العربي أو الكرسي بيكون فاتح رجليه بشكل كبير وبيحس بأحساس غريب عند الخروج وخاصة أذا عنده أمساك وبيكون عنده ردة فعل وخوف من هذه التجربه
الحل
جيبلها مقد صغير بينحط على سيفون على قدها خطوه صحيحه
وأذا جات تجلس خليها تكون على جنب المرحاض وضمي رجليها وخليها تتمسك بالبانيو أذا قريب أو كرسي صغير حتى مايكون في توسع كبير لفتحة الشرج وتخاف البنوته
مع التشجيع والحنان أول مره أمسكي يدها أو حطي رآسها بصدرك وضميها
أن شاء الله أكون أفدتك وتتخلصين من هالمشكله
ا
الله يكون بعونك

بنتك كبيره المفروض من علمتيها على الحمام

خلاص تتركي البامبرز عشان تتعود
ا
الله يجزاكم خير جميعا (f)
t
انا توني ماره بهالتجربه مع ولد اخت زوجي عمره 3 سنوات وللحين على الحفاظه تقول هي انه عنيد وهو عن جد عنيد بس يحبني ويموت فيني فاذا جابته عندي يستحي مني لانه اذا سواها بالحفاظه انا الي بغيرله والصراحه اقرف فلمن يجي عندي كله اشجعه واقوله انت كبير ولا زم تروح الحمام بس بعض الاحيان مايبيني اقول هالكلام فاحول الكلام لبنتي اقوله هي كسلانه ماتروح الحمام انت احسن منها كبير تروح الحمام طبعا كان ولا مره رايح ههه بس نوع من انواع التشجيع المهم يوم قالي ابي اروح اكرمك الله انه بطنه يعوره وفي شي قلتله خل نجرب نروح الحمام طبعا الحمام مو عربي لحاله راح وجلس عليه كانه حمام عربي قلت مو مشكله اهم شي يتعود عليه بعدين جلس معاه نسالف طبعا حاولي سوالفك ماتروح بعيد عن الحمام كله قولي لها انتي صرتي كبيره وتروحين الحمام ولا تسوين شي الحفاظه عيب ومن هالكلام طبعا اول مره وصخ فيها قعد يصرخ هههههههههههههههههههههههه كانه شي صاير خايف هو لانه متعود انها بالحفاظه هههههههه

بس الحمد لله من هذاك اليوم للحين صارله شهرين كله يوصخ بالحمام بس باقي مشكلت التبول مابعد تضبط معاه

بس انتي جلسي معاها وقولي لها ضغطي وعلميها كيف وانشالله ينفع معاها وهي مشالله كبيره اكيد بتفهم عليك

اسفه اذا طولت عليك
آ
الله يعينج اختي بنتج 5 سنوات يعني كبيرة ..

عوديها على الحمااام و استخدمي معاها اسلوب الجزااااء يمكن ينفع اوعديها بشي تحبه ..

و الله يعينا احنا بعد على هالمرحلة احسها صعبة ...
ن
اختي انا نوووسة المفروض انك ما تستنين اكثر اول شى لازم تعمليه انك تمنعي الحفاظات عن المنزل البداية عليكى انت احسمى الموضوع لا لا لا للحفاظات الله يعينك اول الايام وبالصبر كل شى يتم
د
الله يعطيج العافية وتتخلصين من هالمشكلة

انا اضيف على الافكار اللي عطوج اياها ..

حاولي اتشجعينها انها تسوي الشي ذي في( نونية على اشكال تحبها) يبيعونها في محلات الاطفال .. وخليها على راحتها بدون ماتستعجلينها ..وانشالله بعد فترة قصيرة تتخلصين من الحفاظات وتتعود على الحمام
ل
حبيتي بنتك كبيره لازم تروح الحمام ولوحدها؟؟؟ حاولي تشجعيها تحطيلها ملصقات على باب الحمام وكل ما تروح الحمام حطيلها نقطه وإذاجمعت كم نقطه قوليلها راح أشتريلك لعبه أو حلاوه وإن شاء الله تتحمس للفكره بعدين لا تلبسيها حفظات لبسيها الملابس الداخليه إلي من النايلون عشان يمكن هي نفسيا ما ترتاح إلي بالحفاظ ولما تشيليه تكون حطتيها بالأمر الواقع وتتطر تروح الحمام إن شاء الله أفدتك أختي
X