"وإن أكرمت اللئيم تمردا..." رايكم ياعرايس؟؟

انتي كيف تحكمين على بنت عمتك بمحادثة؟ صح انهافتحت امور مو كويسة مع اختك بس عادي فيه ناس تاخذ هالكلام من باب المزح والضحك والا مستحيل تطبقه واختك لاتقيسين عمرها بالسن قيسيه بالعقل يمكن هي اعقل من بنت عمتك بكثير وهذا كان موضوع نقاش وتقفل لكن من ناحية كلمة شريرة<بذمتك لهالدرجةبنت عمتك واثقة ان اختك ماراح تقول لك شئ!! معروف الاخوات مايخبون شئ وهذا دليل انها قالتها من باب المزح بس تخاف انك تشوفين الكلام وتزعلين منها
اسألي اختك اذا كانت تجيب طاريك عندها وشوفي وش تقول عنك
بعدين من ناحية الخطوبة البسي واكشخي وخذي الاستريو بس بعد مايروحون المعازيم عمتك قالت تعالوا يالبنتات بعد مايروحو المعازيم اوكي انتي اسمعي كلامها وبالنسبة لبنت عمتك باركي لها واضحكي وفرفشي ماصار شئ مصيرها بتتزوج وبتنشغل بزواجها ماراح تفضى لحش والا مدح خخخ

حبيبتي مدام انج رايحة لمدة ساعه فلا تلبسين الفستان اللي شريتيه لانه حرام يشوفونه عليج لمدة ساعه

وثاني شغلة انا اقول ودي الاستيريو معاج ولا تهمج لانه في بنات عقلهم صغير واهمه تفكيرهم انه قاعدين يوعوون اليهال ( اختج) بس بالعكس اهيه قاعده تشتت تفكيرها و تخربه

ممكن بالضبط تقولين لي شنو قالت لها بالتفصيل ؟ عشان نقدر نحكم على بنت عمتج بالضبط

واضح من الموضوع انه السالفه فيها غيره و تصغر عقل

تركيها عنج اهيا ما عندها سالفه

واذا سالفه اختج الله بيجازيها لأنها تحاول تخرب البنت

انا لو منج اروح و اكشخ و ادخل علهم بثقه كاااااااامله و تصرفي على طبيعتج

وله جنه صار شي

لا تحطين ابالج كلامها لو فيها خير ما علمت اختج على هالسوالف

لا تهتمين وله شي

انتي بجذي بتكسرين عنها .. و غير جذي ما عليج كلام الواجب و سويته

الله يوفقج يا رب

اشكر لكم تفاعلكم يا احلى بنات عروس
(صوصة) ان شاء الله بروح وبضغط على قلبي :( لاني ماحب المشاكل شاكره مرورك
(قطاف) شكله بروح وبس والاستيريو مابوديه هههههه حلوه فكرة اقول السماعه خربانه شكرا عالمشاركه
(عنفوان أنثى) صح بروح عشان مايقولو غيرانه شاكره مرورك
(weeb) ان شاء الله بروح وبكشخ احلى كشخه لا انا مو مخطوبه صح كل شي جايز اسعدتني مشاركتك
(تحب الحب) صاااقه خلاص من اليوم بكون قويه عشان محد يستغلني بعد كذا والاستيريو ماراح اخذه مشكووره عالمشاركه
(عيون الفهد) دايما تعجبني طريقة تفكيرك وحلولك للمواضيع بس حبيبتي هذي خطوبه مافيه زفه واحنا بنروح بعد مايروحو الضيوف شاكره مشاركتك
(أم_سيافي)فعلا كل انسان باصله مشكوووره عالنصيحه ان شاء الله بروح
(دلوعه سوسو) نصيحتك بمشي عليها ونشوف للاخر ايش بيصير شاكره مرورك
(ZeEeNaH) (حب القلوب) خلني اقولكم شي
دايما اختي تجي تحكيلي عن الي بيقولوه البنات ان كل وحده تجي تقول مغامراتها وتقول عندي بوي فريند وانا انصدم كيف يقولو كلام زي كذا لبنت توها مراهقه وهم كبار بالثانوي والجامعه وانا الحمدلله بتخرج من الجامعه وعمري ماكان لي علاقات زي كذا حتى احيانا لما ادخل عليهم يسكتو ولما اسال اختي تقول كانو يسولفو بهالمواضيع انا ماصدقت الا لما شفت بعيني وهم يغارو مني لان الحمدلله الكل يمدح باخلاقي واني مالي بهالاشياء حتى امهاتهم دايم يقولو لبناتهم صيروا مثلها
والفستان مدري يمكن البسه لاني ناويه من زمان وجهزت كل اغراضه
(ga6rt neda) مشكوووووره على كلامك الي زي العسل والغيره والحسد اكيه اللهم كافينا شرهم

صباح الورد والاحساس والطبيه اختي ---حساسه---
بشرينا كيف الحفله وشي اكيد ماخيبتي عشم حبايبك فيك اكيد رحتي واكيد كنتي ملكت الحفله

صباح الخير لاحلى عرايس
اختي دلوعة سوسو شااااكره اهتمامك :D
خلني اقولك وش صار سبحان الله ربي يمهل ولا يهمل
في نفس يوم الحفله الخياطه خربت فستان العروس
والله من جد حزنت عليها وش اسوي قلبي رهييييف
المهم المسكينه راحت تدور جاهز وشرت وراحت تشتري باقي اغراضه
وهي نازله من التاكسي نست الفستان بالسياره :confused:
ولا درت الا لما راح التاكسي ولا تعرف رقمه من جد حزنت عليها
المهم دبرت فستان غيره وكملت شغلها
بعد كذا جاء وقت الحفله وجو الضيوف وبعدها بفتره كلمتنا امي قالت تعالو انا واختي
طبعا لبست ذاك الفستان الي يطير العقل واستشورت شعري وحطيت مكياج ناعم حطيت مناكير احمر
<<اهم شي عندها المناكير :D
ودخلت عليهم والكل يطالع بسم الله علي
المهم وانا في الطريق كنت افكر وش اقول اذا سالوني عن الاستيريو لاني ماخذته تبعت نصيحتك :wink:
الا يوم دخلت وهم جابين ستيريو وخالصين حتى ماخبروني تخيليني شايله حقي وسماعاته ومقطعه قلبي بالشيل وهم ولا معبريين :eek:
المهم واسلم واجلس واحلي وبعدين جلست ارقص وانبسطت مرررره
وهي كل شوي تتلصق فيني وش رايك فيني حلو شكلي وانا ماعطيها وجه واقول ايه ايه
تقول شفتي وش صاار فيني ضاع فستاني وانا ارد عليها ايه دريت الله يعوض عليك
صحيح انا زعلت عشانها بس هذي الدنيا معروف كما تدين تدان
المهم والله وكملت السهرة وانبسطنا ورجعنا قبل الفجر بشوي :D
الحمدلله اشكر كل الي نصحوني وعطوني رايهم
وشكر خاص لدلوعة سوسو على الاهتمام والمتابعه :D:D

هههههههههه هلا حبيبتي هل السوالف اللي قلتيها اتصير اتصير في كل بيت بس أنا اللي خلاني أرد اني أبي أقولج شي زايد عجبني في المشكلة أمج ما شاء الله عليها أصيييييييييييييللللة أصييييلللللللة والله لو وحده غيرها جان ازعلت و لا راحت أو سوت لها مشاكل !!

المهم سالفه بنت عمج انها قالت شيطانة عنج ابيج اتواجهينها بأسلوب حلو و لا تخلين صوتج يرتفع حتى تتأدب و يمكن بعد اهي من النوع الشقي عارفتني ؟!! يعني فيها شطانة و حب مغامرة و قالت هل كلمة بس أهي أكيد اتحبج

عن الحفلة اظن أنج اتروحين حق عمتج و اتقولين لها عمتي أنا أبي ايي و يا الناس و انا كاشخة و امبرزة روحي و عقب ايي اخر شي ما يصير عمتي تره انا كبرت و ووووو ماظن بتردج و لا تقولين كرامتي لأنها عمتج و بالعكس أظن بتلقه حل للبنات و الزحمة حتى لو تحطكم في حجرة مب المهم في الصاله


يالله ان شاء الله تنحل المشكلة قريب و تروحين




وييييييييييييي شكلي متاخرة في الرد الحمدلله عدت ع خير

طولي بالج حبيبتي ولا تزعلين اهم شئ انتي كلمي بنت عمج وقولي لا تسولف لاختج بمواضيع بايخه لانها لسه صغيره وبسن حرج وقولي لها بدل ما تنصحينها وتعتبرينها مثل اختج تحافظين عليها تقومين تقولين جذي على المسنجر لهاا .. وكلمي اختج برضوو وقولي لها ان هالشئ عيب وعطيها محاضرة سنعه ..
خليج انتي الاحسن واعتبريهم ثنتينهم مراهقات وما ينشره عليهم .. والايام جايه وفهمي اختج الصح من الغلط ... وروحي الخطوبة وعادي ولا كأن صاير شئ ..

فديتج والله ..

حبوبه روحي واستانسي .. ولا تحطين بخاطرج ..

وسويلهم طاااااااف ...

فدددددددددددددددددددددددددددديت الواثقه بنفسه

Reddish مشكوووووره على الرد فديت اهل البحرين ههههههههه انت والله الاصيله امي الحمدلله دايم راعية واجب بس الحمدلله رحت وكل شي تمام صحيح للحين ماصارحتها بس يالله انا ماحب المشاكل وكلمه شريره مدري ليه قالتها بعد كل الي سويته لها بس ماعليه ربي يعطي كل واحد على نيته :)
شمس كلامك صحييييييييييح وانا اهم ماعلي اختي وان شاء الله مابقصر وياها مشكوووووره عالمشاركه على فكره الحفله خصلت كانت امس :)
بنوته زايد فديت اهل الامارات والله احبهم موووووت الحفله خلصت امس ورحت واستانست وسويت لهم طااااااااااف هههههه ولا صارحتها بالموضوع كتمت بقلبي :(

سولفي مع اختك وكأن السالفه عاديه وعابره

ولا تحسسينها انك زعلانه ان الحوار ذاك دار بينهم .. عشان لو براسها شي

تقولك انتي وما تلجأ لغيرك ..

أنا أختي الله يحفظها بنفس عمر أختك ودايم أعطيها الحريه بأمور زي كذا

أقصد الحريه بأنها تتكلم .. عشان ما اخليها تلجأ لغيري ..

واذا عالحفله حقة بنت عمتك ..


البسي واكشخي على سنقة عشره لا وبعد خذي الاستيريو

مو عشان العروس !!

عشان عمتك اللي تحبينها وعشان مامتك ماتزعلينها

وعشان تنبسطين انتي كمان بجو الحفله والرقص :)

ايه صح قوليلها انك مو شريره .. بس لا تعلمينها انك قريتي المحادثه

عشان يجي ببالها ان اختك حكت لك وتصير ماتخرب افكارها ..


والله يوفقك .. ويهديها ..

دلوعة سوسو شفتي شسويت :wink:ههههههه يالله عدت على خير وكبرت راسي ولا كلمتها بالموضوع
مشكوووره عالمتابعه

om gmr شكرااا عالمشاركه حبيبتي الحفله خلصت امس
واذا على اختي الحمدلله احنا متفاهمييييييين مررره مع بعض ودايم تصارحني بكل شي
بس انا ماحبيت اقولها اني شفت المحادثه عشان ماتحس اني اتجسس عليها او مو واثقه فيها
مع انها تعرف الباس وورد حق ايميلي وانا اعرف حق ايميلها لاني ماابيها ابدا تحس انه في شي غلط او اني اخبي عليها شي او هي تخبي علي شي اسعدتني مشاركتك :D:D

ماشاء الله الله يكملك بعقلك

والله ذكرتيني ببنت خالتي اذكر ثنتين من بنات خالاتي يكرههونها ومايحبون يجلسون معاها ليه؟ لانها محترمة ولاتحب هالامور وهالسوالف والكل يمدح فيها فهم يغارون منها
وبنت عمتك اكيد تحبك بس الغيرة مخربتها

يالله اهم شئ عدت على خير وانتي كنتي ملكة الحفلة هذا اهم شئ

الحمد الله عدت على خير

واهم شي انج انبسطي :)

انا داخله موضوعج اشوف شصار معاج

الصراحه انا لو مكانك بروح وبقرها وببين لها اني مو مهتم لها وبطبع الماحدثه وبروح وبوديها لها وبقلها والله وطلعتي كفو يا فلانه الصراحه كبرتي في عيني وبروح وبخليها

الله يهدي النفوس
ويكتب لكم اللي فيه الخير

عزيزتي خليك عادي علي طبيعتك وعاملي الناس معاملة احسن من اللي يعاملوك فيها ولا تنتظري المقابل وربي يهدي النفوس هذا شيطان دخل بينكم