تعالي شاركينا بلعبتنا لعبة ال TAG

السلام عليكم و رحمة اللـه و بركاته

أولاً أحب أشكر مشرفاتنا العزيزات على هذا الموضوع الحلو بجميع أجزاءه
و استفدت من جميع البنات اللي شاركوا فيها صح إني ما شاركت في الأجزاء السابقة بس كنت متابعة باستمرار من البداية بس كنت متخفية :cool2:
و السبب اللي منعني من المشاركة خوفي لا المشرفات يختاروني للمشاركة
بس الطريقة ما نفعت :21_131: و هذي مشرفتنا الغالية غموضة اختارتني و أشكرها على اختياري و لثقتها بي

أدري إني هذرت كثير بخليكم مع الأجوبة

بس تفضلوا الشكولاته أول

تحذير صحي تراني مدمنة مكياج يعني تماماً عكس صمت الأصايل

· كيف تحفظين و ترتبين مكياجك بالبيت ( نبي تصورين لنا مكان حفظ مكياجك بالغرفة و طريقة ترتيبك له)

مكياجي أحطه في التسريحة في مكانين جزء فوق التسريحة و الجزء الآخر بأحد أدراج التسريحة

على التسريحة حاطة الجلوسات بعلبة قش و جنبهم المحددات و أرواج ماك بعلب للأرواج و باقي الأرواج بعلبة من ديور و كل الأشياء اللي لها علاقة بالعين من شادو و ماسكرا و كحل في علبة أخذتها من ماك

هذي صورة علبة ماك مفتوحة

و هذا صورة الدرج طلعته للتصوير

الفرش حطتهم بلفة الفرش من ماك و العلبتين اللي في آخر الدرج حاطة فيهم الأشياء اللي بعدني ما استخدمتهم حتى لا يتلوثون

العلب اللي في الدرج

علبة حاطة فيها الأساسات و خافيات العيوب و البودرات و البلاشرات و أشياء لها علاقة بالحواجب و عاقصة الرموش

العلبة الثانية حطيت فيها الفكس و بودرات الإضاءة و اللمعات

* كيف تنظفين مكياجك و تحافظين عليه و يا ليت نشوف صور الأدوات اللي تستخدمينها في تنظيف المكياج مع الشرح !!

هذي الأدوات اللي استخدمها في التنظيف، مناديل جونسون لتنظيف العلب من برا بالذات اللي عليها آثار كريم أساس و الكلينكس لإزالة أي شوائب متناثرة داخل العلب أو لتجفيف العلب بعد ما أكون نظفتهم بمناديل جونسون، أعواد القطن و أعواد ماك للتنظيف الدقيق يعني للأماكن اللي صعب الوصول إليها و مرات استخدم قطعة قماش نظيفة للتنظيف بس نسيت أصورها

* ما هي مستحضرات العناية بالبشرة اللي تواظبين على استخدامها كل يوم و اللي تضعينها قبل المكياج !!!

هذه الفترة عندي كسل غير طبيعي فاكتفي بغسول من كانيبو و كريم نهاري مرطب من ألبيور ALPure، إذا تذكرت أحط الكريم الليلي من ألبيور و مرطب العين من بنفت

* أفضل مستحضر لإزالة المكياج و طريقتك في إزالة مكياجك !!!

هذي الأدوات اللي استخدمها في إزالة المكياج، طريقتي في التنظيف تختلف على حسب كمية المكياج اللي حاطته

مكياج الأعراس أزيله أول شيء بمناديل جونسون للوجه ما عدا العيون (يصير شكلي بعدها مثل الراكون) بعدها أزيل مكياج العيون بواسطة منظف العين من كانيبو أحطه في قطنة و أمسح عيوني و مرتاحة عليه كثير لا يحرق عيوني و لا شيء بعدها أجيب زيت التنظيف من كانيبو أحط في يدي شوية و أحطه على الوجه مع التنظيف بعدها الماء بعدها غسول كانيبو

للمكياج العادي أكتفي بالغسول و منظف العين من كانيبو

أعواد ماك المبللين يصلحون لداخل العين و لمنابت الرموش

و للعلم بشرتي مختلطة لكن بالشتاء تكون جافة

* ما هي أفضل فرشاه بالنسبة لك و ما تقدرين تستغنين عنها بحيث انج تستخدمينها كل يوم ؟؟؟؟؟

ما عندي فرشاة مفضلة و ما أحط المكياج كل يوم، بس أحب هذي الفرشاة أخذتها من boots أمشط فيها حواجبي و مرات رموشي بعد وضع الماسكرا و الفرشاة ممتازة صار لها عندي فوق الست سنوات

* كيف تنظفين فرش مكياجك و ما هو أفضل منظف فرش استخدمتيه !!

الفرش الجديدة أنظفهم بشامبو و ماء دافئ قبل ما أبدأ في استخدامهم لأول مرة بعدها أنظفهم بمنظف الفرش من ماك، أحط السائل في علبة على حسب كمية الفرش اللي راح أنظفهم و أراعي إني ما أخلط اللي فيهم شادو أو كحل أسود مع البقية أخليهم فترة بعدها أنظفهم على طرف العلبة لإزالة أي شوائب بعدين أرش عليهم سائل التنظيف و أنظفهم و اخيراً أنظفهم بماء دافئ و أجففهم على منشفة خاصة فيهم ما حد يشاركهم فيها :D، منظف ماك هو الوحيد اللي جربته للآن.

على فكرة أنا أنظف فراشيّ بعد كل استعمال، ما أستخدم أي فرشاة مش نظيفة و لو أحط مكياج كل يوم - مثل أيام العيد – أنظفهم كل يوم قبل لا أنام

* وين تحفظين ألوان المنكير اللي عندك ؟؟؟ ما هو أفضل مزيل طلاء أظافر استخدمته !!

المناكير اللي عندي حاطتهم في علبتين و أحفظهم في الثلاجة حتى يطول عمرهم

مزيل صبغ الأظافر أشتري اللي أحصله في وجهي ما عندي شيء مفضل كان في واحد لونه أزرق بس ماعد شفتهم يبعيونه، الحين استخدم واحد من ريميل و قرب يخلص فأخذت واحد جديد من opi، و اللي على شكل قلم هذا مزيل صبغ أظافر يصلح للّمسات النهائية إذا في شوائب

و إن شاء اللـه ما كنت ضيفة ثقيلة عليكم

و أي استفسار على الخاص

السلام عليكم و رحمة اللـه و بركاته

أهلين أخواتي أسعدني مروركم العطر على مشاركتي
و أعتذر عن تأخري في الرد عليكم
بس ما أعرف إيش فيه المنتدى بصعوبة يخليني أشارك

**أم عبدالرحمن**
هلا أختي
تسلمين هذا من ذوقك
و اللـه يهنيك باللي معك
شكراً على الدعاء و إن شاء اللـه أصير خبيرة مكياج
و شكراً على مرورك

"حياة الحب"
هلا أختي تسلمين
و إن شاء اللـه تكوني استفدتِ من طريقتي في الترتيب

بالنسبة للمناكير هم طلبوا بس وين نحفظهم ما طلبوا يشوفوا الدرجات و إذا على درجات مناكير ماك أنا حطيتهم في موضوعي " مجموعتي الماكية" وبالإضافة إلى صور الصفحة الأولى راح تحصلين صور قي الصفحة 29 في نفس الموضوع
و شكراً على مرورك

غدووورة
هلا بأم محمد تسلمين
تعرفين أفرح يوم أعرف إن في أحد عنده مكياج أكثر مني حتى إذا أحد لامني على كثرته أقولهم إن في ناس عندهم أكثر مني
و شكراً على مرورك

MemoriesInBloom
هلا أختي تسلمين
العفو
و إن شاء اللـه تكوني استفدتِ من طريقتي في الترتيب
و شكراً على مرورك

عاشقه الدوحه
هلا عاشقة
شكراً على إطراءك الحلو أخجلتني
و أيضاً شكراً على الدعوة و إن شاء اللـه يتحقق اللي في بالي السنة القادمة (لا يروح تفكيركم بعيد أقصد الحج)
و شكراً على مرورك

vanvoon77
هلا فانفون واو تكفي
أتمنى إنك استفدت و حصلت أفكار تساعدك في تنظيم مجموعتك
و شكراً على مرورك

.تكفيني الذكرى.
هلا أختي تسلمين
و يهنيك ربي باللي عندك
و ترا ترتيب المكياج بالنسبة لي شيء ضروري و إن شاء اللـه استفدتِ من طريقتي في الترتيب
و شكراً على مرورك

((al_shms))
هلا شموسة تسلمين
و اللـه يهنيك باللي عندك
تراه الترتيب يسهل على الوحدة تحصل على اللي تبغاه بسرعة
و شكراً على مرورك

coffeerose
هلا أختي تسلمين
اللـه يهنيك باللي عندك

ترتيب و تنظيف مكياجي مهم جداً عندي
يسّهل علي كل شيء و يطول عمر مكياجي و يحافظ على بشرتي
و شكراً على مرورك

ICE
هلا أختي تسلمين
و ما عندي وسواس نظافة الحمد للـه
بس أحب أشيائي تكون نظيفة
الحمد للـه إنك استفدتِ من مشاركتي
و شكراً على مرورك

the charmed
هلا أختي و تسلمين
حبيبتي لازم ترتيبين أغراضك
بالإضافة إلى إن الترتيب يسّهل عليك كل شيء أيضاً يوفر لك مساحة لكل أغراضك بدل ما تجيبين علب و صناديق زيادة

و الأغراض مش شرط تكون على التسريحة ممكن تكون داخلها و تكون مرتبة أهم شيء يكون مريح لك، في موضوع لـvanvoon77 عن ترتيبها لمكياجها داخل أدراج التسريحة أدخليه و إن شاء اللـه تحصلين أفكار زيادة للترتيب
و شكراً على مرورك

^الكونتيسه^
أعترف إني مدمنة مكياج و أعتقد سببه إني دائماً أفكر ممكن أحتاج هذا اللون أو الشيء تراني تعقدت من موقف صار لي في مناسبة عائلية مهمة

و أغراضي ما يتبهدلون إذا بتمكيج
لأني قبل ما أحط مكياج أطلع اللي راح أستخدمه من أساس و خافي عيوب و بودرة و شدوات و بلاشر و ماسكرا و فراشي و لأن أغراضي مرتبة أحصل اللي أريده بسرعة

و على فكرة أنا حتى فرشي مرتبتهم في لفة الفرش على حسب تسلسل استخدامي لهم و الشدوات إذا طلعتهم من علبهم، العلب أخليها في الصندوق

و لا شيء يرجع لمكانه قبل ما يتنظف صح مرات يجلسون بالأيام برا بس أنظفهم أول بعدين يرجعون لبيتهم و كل واحد لغرفته الخاصة

و على فكرة نظامي هذا سهّل حتى على أخواتي إذا يريدوا شيء من عندي، مشكلتهم في الترجيع الأغراض لمكانها المحدد بالضبط

و شكراً على مرورك

و لكل من مرت و أعجبتها مشاركتي تسلمون و إن شاء اللـه استفدتوا منها

و ننتظر الأخت القادمة