تجهيزات عرايس مصر الجزء 106

نيو لايف :) اسمك مكتوب فاللسته من الاول..ركزي ياحبيبتي هههههههههه
الفرح شكله ملخبطك خالص

يابنات لما هو الفرن البيلت ان مقاسه بردو 60*90
يبقى اصغر ازاي؟؟؟مش فاهمه
انا شفت بتاع يونفرسال وحسيته عادي

emansaed;7658034:
بنات ازيكو عاملين ايه الف مبروك ع الجزء الجديد ماشاء الله ربنا يزيد ويبارك
انا عايزة منكم خدمة سريعة بلييييييييييز لانى مسافرة بكرة كنت عايزة اعرف اسعار الحاجات دى ف القاهرة ايه عشان اقارن بنها وبين الاسعار ف ميت غمر لان الافضل ليا اشترى من هناك لان شقتى هناك المهم عشان مطولش عليكو

غسالة ايديال زانوسى العبد
تلاجة ايديال ايليت 14 او 16 قدم
بوتاجاز تكنوجاز

ها يابنات ايه رايكو ف الحاجات دى انا هشتريها ان شاء الله بناء على ارائكم وياريت كمان اللى اتجوزو وعندهم حاجات غير دى حلو ميبخلوش عليا بالرد لان احتمال كبير مالقيش اللى انا عايزاه

مافيش دلوقتى حاجة اسمها ايديال زانوسى العبد. دلوقتى ايديال زانوسى نازلة من اوليمبك. العبد منزل غسالة اسمها وايت بوينت ناس جابتها وبتشكر فيها الحمد لله وسعرها حوالى 2200 او 2300 او حاجة فى الرينج ده.
تلاجة ايديال انا مش بحبها وعند قرايبى وجديدة ومش طايقينها. انا جايبة كريازى 14 قدم الحمد لله.
تكنوجاز الـ5 شعلة فى حدود 1200 تقريبا. يونيفرسال بيعجبنى عنه عشان الارفف بتاعت الفرن بتاعته أمتن.

ghadghoda;7658060:



قولولى يا بنات القمصان صحيح بقى بتبقى مركات ايه وكدة وكمان بيبقى انوعهم وشاكالهم ايه ؟؟؟؟؟؟؟؟؟؟؟

انتى بتجيبى الاشكال اللى تعجبك والخامات اللى تعجبك بغض النظر عن الماركات.
يابنات والله العظيم الماركات والكاتالوجات اللى بتقعدوا تنزلوا فيها دى ولا ليها أى لزمة. هو مش هييجى يقولك لفى كده ويروح ماسك القميص اللى انتى لابساه ويقلبه ويشوف الماركة ويقولك "يع ايه الماركة المقرفة اللى انتى جايباها دى" اهم حاجة تنوعى فى الموديلات والالوان ومش مهم خاااااااااااااااالص الماركات. وسيبك من الكاتالوجات كل حاجة موجودة فى المحلات عادى واى محل لانجيرى عنده كاتالوجات كتير بيبيع منتجاتها.
الكلام ده مش ليكى بس ده لبنات كتير بيقعدوا يتكلموا عن الكاتالوجات والماركات. عامة دى نصيحة من واحدة مخلصة جهازها الحمد لله.

kasndra;7659819:
بنات هو ايه الفرست بوز اللي بتقولوا عليه ده؟

عندي سؤال هو تجميع اراء يعني هو في المجمل فستان العروسة اما يكون مطرز احسن ولا الساتانات والتل اللي من غير تطريز احسن؟؟؟

عايزة صورة واضحة لفستان الفراشة بتاع داغر اللي عرضته مي عز الدين

اسمه الـfirst use وده انك بتخلى اتيليه يفصلك فستان او بيكون متفصل عنده جاهز وانتى بتأجريه أول لبسة وبعد كده بياخده يأجره لناس غيرك براحته.

انا بحب المطرز البسيك أكتر. الفستان اللى كله ساتان وتل بس بحسه رخيص ومش مخدوم. الفستان الى فيه تطريز بسيط بحسه أقيم. التطريز الكتير مش بيعجبنى. وفى الاول والاخر دى بتبقى أذواق واهم حاجة انتى تبقى راضية عن نفسك.

berro85;7660288:
يابنات بليز ساعدونى
بصوا انا جبت طقم صينى وجبت طقم اركوبال من اللى هو طالع جديد ده اللى هو ملون الوان كلها كده على الموضه
قولولى بئه هاحتاج ايه تان بالنسبه للاطباق
وكمان انا جبت 3 طاسات تيفال احجام هاحتاج طاسات الومنيوم ولا ايه
وكمان الحلل جبت طقم استلس وطقم صاج برده هاحتاج الومنيوم ولا ايه
وصوانى الفرن جبتها استلس وعندى واحده تيفال ده غير طقم البيركس بتاع الفرن
فا ايه رأيكو هاحتاج صوان الومنيوم برده ولا ايه ياريت تفيدونى
معلش تقلت عليكوا بس كل واحد وله زنقههههههههههههه

الاطقم الصينى ولااركوبال كفاية مش محتاجة تانى.
عايزة تجيبى طاسة ألومنيوم هاتى مش عايزة بلاش كفاية.
الحلل هاتى حلتين تيفال او 3 بمقاسات مختلفة. وماتجيبيش ألومنيوم خلاص مادام عندك الاستانلس.
الصوانى انا مش عارفة الاستانلس فيها بيبقى حلو ولا لأ. بس دايما بنجيب ألومنيوم وتيفال.
وهاتى لبانة تيفال او الومنيوم.

emansaed;7658296:
ههههههههههههههههههههههههههههه
اول ماشوفت الصرو عرفت عالطول لواحدى انه من فلوريد مول هو اساساا جمب بيتى
انا كنت عايزة اسالك سوال
انا كنت شايفة ان البيجامة اللى انتى جيبتيها دى واسعة ياترى فى اللبس عالة ايه؟؟؟؟؟
وكمان البانتى انا شوفته لقيته واسع مووووووووووت مع انى مش رفيعة بس حسيت الحاجات اللى فاضلة كانت واسعة لان المقاسات التانية خلصت
ياريت تردى عليا عشان لو كده انزل اجيبهم لانهم عاجبنى بس المقاس خايفة منه

بصى انا ارفع واحدة ممكن تشوفيها فى حياتك :) بس الحاجة الوحيدة اللى طلعت واسعة هو البانتى الباقى فى منه مقاسات و الحمد لله

صوت العيون;7658244:



ما شاء الله كلهم حلوين بس فين فلوريدا مول دا يا جميله ان شاء لله

N0rma;7658467:
حاجتك حلوه ماشاء الله
فين فلوريدا مول ده؟

ياسمينــــا;7658321:




حجاتك ماشاء الله جميلة اوى اوى والهوت سكيرت كتيييير حلووووة اوى
ماشاء الله قوليلى بئة المكان فين بالظبط علشان اروح القط رزقى هناك على رائي بوكى هههههههههههههههه

بحبك يا حمودى;7658996:
فين المول ده يا قمر

المول ده فى مساكن شيراتون هليوبوليس يا بنات مصر الجديدة و هو جنب شغلى و المحل اسمه MAD HOUSE

ادعولى بقى ربنا يفك ضيقتى و كربى و يبعد عنى شياطين الانس وولاد الحرام قولوا امين انا و انتوا و كل البنات يااااااااااارب

heba 017;7659077:
بنات انا مش عارفه اعمل ردود فى قضايا وحلول ؟؟ بيقلى الموضوع مغلق موضوعى وموضوع غاده
يا بنااااااااااااااااااااااااااااااااااات نداء منى ليكى انكم تدعولى بالنسيان وانك اكون اقوى من كده
وعايزة بنات من القاهرة يقولى على مكان اجيب منه بطاطين ضرورى انا نازله بكرة وعايزة اشترى مفرش سرير بس مقاس صغير تفتكروا الاقى يعنى مقاس شريرى اللى هو السرير بتاع اوض الاطفال ؟؟؟ ويكون تمنه فى حدود كام كده ؟؟؟
حمد الله على السلامه يا امه الله

البدراوى ميدان الجامع

MAYODAA;7659302:

برنسيس ميرو
الف مبروك حلى اوى الحركات الجديده خاصه الفرى فرى هوت سكيرت دى تهبل ماشاء الله
عقبال يارب ماتلبسيهم لجوزك ياقمر على فكره انا عجبنى موضوعك وقيمته

ربنا يكرمك يا حبيبتى ميرسى ليكى اوى

صوت العيون;7659251:
جزاك الله خير

طيب هو فيه ايه غير الملابس فى عبايات خروج وادوات مطبخ وكدا ولا ايه بالظبط يا جميله
والتخفيضات دى فيه كله ولا محلات محلات ان شاء الله

هو اساسا مفهيوش محلات كتير و مفيش غير المحل ده اللى فيه حاجات حلوة

Princess_miro;7661608:
البدراوى ميدان الجامع


ربنا يكرمك يا حبيبتى ميرسى ليكى اوى




هو اساسا مفهيوش محلات كتير و مفيش غير المحل ده اللى فيه حاجات حلوة

ميرو البدراوى فين بالظبط فى ميدان الجامع انا روحت فرع عين شمس وحش
وسألته على حاجات شفتها على الويب سايت بتاعهم قالى روحى فرع مصر الجديدة بس مش عرف يوصفلى

DodyCat;7661665:
ميرو البدراوى فين بالظبط فى ميدان الجامع انا روحت فرع عين شمس وحش
وسألته على حاجات شفتها على الويب سايت بتاعهم قالى روحى فرع مصر الجديدة بس مش عرف يوصفلى

فى اخر شارع هارون الرشيد على اليمين قرب الميدان

kitty_kity;7651355:
بونبونايه...اقري القوانين ف الاول ياريت ياجميله :)
ماينفعش تكتبي رد عبارة عن شكر او كدا لازم يااما سؤال يااما اجابه

رورو الف مبروووووووووك حاجتك روعه ماشاء الله تتهني بيها


بنات لو سمحتم...حد يعرف حاجه عن بهجت ستورز..الاعلان الي بيجي على دريم فيه اوضتين اطفال يجننوا
عايزة اعرف اسعاره والخشب وكدا
ولو ان الاودتين معتقدش انهم خشب

بهجت ستورز غالي جدا هتلاقي ليه فرع في مكرم عبيد

للي بيحبو المودرن

http://www.3roos.com/forums/t395572.html


http://www.3roos.com/forums/t397570.html

dandona we bas;7655375:
بنات هيا أمة الله فيييييييييييين وحشتني جدا جدا جدا و الف حمدلله على سلامتها و ان شاء الله يكون ولد صالح و يتربى في عزكو .

بنات ايه رأيكو في اطقم المطبخ المعالق اللي بتكون ملونة يعني هايتها بلاستيك ملونة و لا المعدن العادي فاهماني يا ترى مين احسن في الاستعمال و يستحمل

انا جايباها بس لازم تكون الملعقه صبه واحده اتاكدى ان من اولها لاخرها متصله ببعض علشان غير كده بتنفصل عن بعضها

شيماء سعيد;7655993:

بنات عايز اسال على حاجه ياريت المتجوزين يجاوبوني عليها....اولا انا عندي احباط من كلام كل اللي متجوزين اللي حواليا..بخصوص الانجيري ولبس الدلع والحاجات دي..بيقولو مالهاش لازمة...لان اول مالست بتبقى حامل مش بتلبس اي حاجه من دي..في دماغي احلام وردية ونظام نفسي اعمله في بيتي...حركات وشموع ورومانسية..وخطيبي نفسه يعمل زيي بالظبط...بس اللي حواليا معقدني...بيقولو كله كلام فاضي مابيتعملش اكتر من شهر...ولما بصرف ع الحاجات دي وكل ماجيب شمعة ولا قميص....يقولولي هاتي حاجه اهم...ماتكتريش في القمصان...والدلع والكلام ده..هو كلامهم ده صحيح...؟؟؟؟؟انا خايفة يكون صحيح..

مش شرط دى حاجه ترجعلك بس مع وجود الاطفال الموضوع ده بيبقى صعب اوى اوى

ياسمينــــا;7656068:
يابنات انا بعمل المطبخ عند المطابخ الحديثة
هو المطبخ خشامنيوم
وعمولولى تصميمين ومحتارة بينهم جدا اعمل الفرن الي بيكون
فى الحيطة بس دة هيكون اضيق من الفرن العادى ولا اعمل
بوتجاز عادى التصميمين اهم ويااااريت تقولولى مين الاحلى فيهم لحسن محتارة جدا ووالله اعيط

دة التصميم الاول الي فية الفرن لوحدة والشعلة لوحدها


التصميم التانى اهو

ها قولولى رائيكم بئة

بصي الاولانى اشيك بس التانى عملى وفي نفس الوقت حلو برضو
انا لو منك اعمل التانى

بنات نسيت ااقولكم انى رحت H&M سيتى ستارز و مش لقيت تخفيضات حلوة غير توبات بحمالات ب 12 جنيه و بسسسسسسسسسس

و جبت دريل بس من قسم الاطفال :o:o:o

ب 14 جنيه

صباح الورد يا قمرات وحشتوني جدا جدا جدا

ياسمينا يا قمر التصميم الأول للمطبخ احلى طبعا بس مع تغيير مكان الحوض عشان تعرفي تقفى براحتك فاهماني متبقيش مزنوقة بس الاول اشيك و حاسة كل حاجاة مترتبة فيه كده

شيماء سعيد بصي ملكيش دعوة بكلام حد حسب على فكرة الناس بتختلف في ناس بيبقى ولادهم مجوزين و مخلفين و لسه بيحبوا بعض و بيعملوا كل حاجة تخطر على بالك و الحمدلله خطيبك رومانسي فخلاص ده كمان هيساعدك كتير جيبي يا ستى شموع و حركات و ظبطي نفسك ومكليش دعوة بحد و متديش فرصة لحد أنه يحبطك احنا لسه بنقول يا هادي ههههههههههههههه


بوكي يا قمراية انا بعت لطمطم رسالة على موبايلها عزيتها بس مش عارفة شافتها و لا لأ ياريت تبلغيها خالص تعازي بوفاة والدها ربنا يرحمه يارب و يدخله فسيح جناته اللهم آمين

برنسس ميرو البيجامة التانية اللي ابيض في اسود في احمر حلوة اوييييييييي بجد ربنا يهينيكي بيها و يسعدك يا ميرو

هبة 017 ربنا يقويكي ياري و تنسي بسرعة و كل ده بيبقى بعزم الإنسان على فكرة و إرداته حطي في ابلك انك لازم تنسي و ان شاء الله هتنسي يا قمراية و ربنا ييسرلك الحال و يعوضك باللي أحسن منه يارب اللهم آمين

بنات هوا يعني ايه فرست بوز ممكن أعرف

[
بنات هوا يعني ايه فرست بوز ممكن أعرف[/quote]

فرست بوز بيتقال على الفساتين
بمعنى فستان اول لبسة
بوز = طلة
فستان اول طلة


مين فى مصر بيعمل الفرست بوز دة يا حلوين ؟
وفين مكان منال القاضى وهيا بتعمل دة ولا لا
وعايزة تليفون عايدة نجيدة ؟
ومين غير عايدة نجيدة بيعملة
وامة رجعت يا عيال بس ماكد ماعدش عندها وقت لينا كفاية عليها سى عبدة الصغير ادعولها تعرف تتعامل معاة ويعنها على الضيف الجديد

DodyCat;7662164:
فرست بوز بيتقال على الفساتين
بمعنى فستان اول لبسة
بوز = طلة
فستان اول طلة


مين فى مصر بيعمل الفرست بوز دة يا حلوين ؟
وفين مكان منال القاضى وهيا بتعمل دة ولا لا
وعايزة تليفون عايدة نجيدة ؟
ومين غير عايدة نجيدة بيعملة
وامة رجعت يا عيال بس ماكد ماعدش عندها وقت لينا كفاية عليها سى عبدة الصغير ادعولها تعرف تتعامل معاة ويعنها على الضيف الجديد

ساره أخباركو ايه فى الدايت ممكن لينك الأنظمة
أنا تخنت جدااااااااااا من كتر المشاكل بطلع همى فى الأكل ولبسى الشيتوى كله ضاااق[/quote]
http://www.3roos.com/forums/t397545.html
شوفى الرابط دة مع الرابط بتاع منال

ربنا يفرج همك امين

عايزة اجيب طقم الحمام الصبانة وما شابة منين واسعارة تتراوح بين كام لكام ؟

بنات انا هاسال سوال ومعرفش مخالف ولا لا وسالتو ف قسم تانى بس للسف محدش بيدخلو باستمرار انا لقيت كريم فاشكول للشعر ب 125 جنيه حد يعرف حلو ولا وحش واستخداماته ايه ؟؟؟

وكمان كريم البانثينول اللى محدش راضلا يرد فيه لايه بالظبط ؟؟؟؟

وكمان عجبنى طقم معالق المانى ب 1600 جنيخ يبقى غالى ولا دة العادى ؟؟؟؟؟

kitty_kity;7653942:


بنات لو سمحتم ..عايزة مكان اجيب منه سراير ..مش لبيتي او كدا هو لشقه مؤقته ف القاهرة
سراير زي سراير المصايف دي...عارفينها؟؟؟

احسن مكان انزلي المناصره هتلاقي كل حاجه و خلي بالك الحاجات ديه رخيصه

Princess_miro;7654196:

ممكن يا بنات تقولوا لى اجيب حلل تيفال فردانى منين و كانت فيه بنت قالت مش لازم اجيب طقم و قالت مقاس حلتين تيفال مهم يبقوا عندنا ايه هما بقى؟

و كمان اجيب الومنيوم فردانى منين؟




http://www.3roos.com/forums/blogs/269909/

من التوحيد و النور و المقال رائع يا ميرو وانا قيمته

danasam;7656039:
ازيكم يابنات
انا عاوزه اسألكم على الشفاط
انا كنت ناويه اجيب شفاط اللي هو فلتر اللي بيبقى على البوتجاز
بس لقيت البنات هنا بيقولو م عملي
انا محتاره دلوقت اجيب الشفاط الفلتر والا الشفاط المدخنه
مع العلم اني مش هركب شفاط من العادي المروحه
ف اجيب ايه ياريت تفيدوني

هاتي المدخنه

ياسمينــــا;7656179:
بصى لازم علشان تقيمى واحدة مرتين تقيميها
اول مرة وبعدين لازم تقيمى بعديها 20 واحدة وبعدين
ترجعي تقيميها ياااريت تكونى فهمتينى

شكرا يا قمر علي المعلومه

pippo;7657320:

طبق بلاستيك صغير للغسيل وطبق زيه كبير وسبت غسيل. هتحطيه تحت الحوض فى التقفيلة بتاعتك. لو ماعندكيش مكان زيى كده مش عارفة والله انا وانتى هنعمل ايه :ss: اتمنى الاقى معجزة لما آجى افرش ان شاء الله

انا توصلت اني هحطه في التوليت و لما يبقي في ضيوف هحطه في البلكونه:ss:

شوفته الهنا

emansaed;7658034:
بنات ازيكو عاملين ايه الف مبروك ع الجزء الجديد ماشاء الله ربنا يزيد ويبارك
انا عايزة منكم خدمة سريعة بلييييييييييز لانى مسافرة بكرة كنت عايزة اعرف اسعار الحاجات دى ف القاهرة ايه عشان اقارن بنها وبين الاسعار ف ميت غمر لان الافضل ليا اشترى من هناك لان شقتى هناك المهم عشان مطولش عليكو

غسالة ايديال زانوسى العبد .......... 2600
تلاجة ايديال ايليت 14 او 16 قدم
بوتاجاز تكنوجاز ............ 1470

صوت العيون;7659274:
هى الشقه ان شاء الله تدهن قبل ما يجى العفش باد ايه ان شاء الله

صوت انا رديت عليكي في قسم الديكور

MAYODAA;7659302:

بنات هيا ماهى مظهرتش من ساعتها محدش يعرف اخبارها طمنونى عليها

ماهي دخلت من كام يوم وطمنتنا عليها

ربنا يصبرها هي و كل البنات و يرحم موتاهم

rozyyy;7660244:
البنات الي عايزين يعرفو عن فالانتاين : اليخت ده بيشيل 70 فرد والساعة فيه بتكون ب 500 ج ومكانه - عند نهاية كوبري عباس " كوبري الجيزة "

روزي انا اسفه اني اتدخلت بس العنوان كده يتوهه خالص و مش مظبوط

انا ان شاء الله هعمل حفله هناك بعد كتب الكتاب

الساعه ب 550 و الدي جي ب 300 و الفيديو ب 150 و الزفه ب 400

المكان قصاد شيراتون القاهره علي الصف بتاع نادي القاهره

و المسئول هناك اسمه وليد وعلي فكره يا بنات احنا عملنا هناك مناسبات قبل كده و بجد التعامل مع مستر وليد ده مريح و انسان محترم و ملتزم باتفاقه

وزي ما روزي قالت هو بيشيل 70 بس احنا بنوصلها لحد 80 هو اساسا الياخت يتحمل بس التصريح بتاعهم ب 70 بس

اي تفاصيل قولولي

بنات شوفوا الموضوع ده

http://www.3roos.com/forums/t393634.html

meroo012;7662501:

وكمان كريم البانثينول اللى محدش راضلا يرد فيه لايه بالظبط ؟؟؟؟

لنعومة الكعبين واليدين وتشققات الكعبين هايل

وكمان عجبنى طقم معالق المانى ب 1600 جنيخ يبقى غالى ولا دة العادى ؟؟؟؟؟

لو كل معلقة وشوكة مكتوب عليها وختومة made in german كل قطعة مش العلبة من برة يبقى كويس وكمان مكتوب عليها العيار بتاع المعلقة

heba 017;7659077:
بنات انا مش عارفه اعمل ردود فى قضايا وحلول ؟؟ بيقلى الموضوع مغلق موضوعى وموضوع غاده
يا بنااااااااااااااااااااااااااااااااااات نداء منى ليكى انكم تدعولى بالنسيان وانك اكون اقوى من كده
وعايزة بنات من القاهرة يقولى على مكان اجيب منه بطاطين ضرورى انا نازله بكرة وعايزة اشترى مفرش سرير بس مقاس صغير تفتكروا الاقى يعنى مقاس شريرى اللى هو السرير بتاع اوض الاطفال ؟؟؟ ويكون تمنه فى حدود كام كده ؟؟؟
حمد الله على السلامه يا امه الله

سوق غزة
والازهررررر هتلاقى كلللللللللللللل حاجة والازهر ارخص من سوق غزة

صوت العيون;7659274:
هى الشقه ان شاء الله تدهن قبل ما يجى العفش باد ايه ان شاء الله

باسبوعين

MAYODAA;7659302:
ياسمينا
التصميم التانى افضل اولا شيك زى التانى مافيش فرق وغير كده الفرن الكبير حلو جدا لانك تقدرى تخبزى صنيتين فى نفس الوقت لو بتعملى بسكويت او صنيتين حاجه بالباشميل كوسا ومكرونه مثلا وكمان عشان الفرن والتلاجه ميبقوش جنب بعض عشان مثلث العمل فى المطبخ يبقى مظبوط





بنات هيا ماهى مظهرتش من ساعتها محدش يعرف اخبارها طمنونى عليها

انا معاكى فى كدة وانا كنت بحاول اقولها نفس الكلام دة فى مشاركة فاتت


لا ظهرت وبتسلم عليكم
ادعولها هى وطمطم بالصبر والسلوان

[]

berro85;7660288:
يابنات بليز ساعدونى
بصوا انا جبت طقم صينى وجبت طقم اركوبال من اللى هو طالع جديد ده اللى هو ملون الوان كلها كده على الموضه
قولولى بئه هاحتاج ايه تان بالنسبه للاطباق
وكمان انا جبت 3 طاسات تيفال احجام هاحتاج طاسات الومنيوم ولا ايه
وكمان الحلل جبت طقم استلس وطقم صاج برده هاحتاج الومنيوم ولا ايه
وصوانى الفرن جبتها استلس وعندى واحده تيفال ده غير طقم البيركس بتاع الفرن
فا ايه رأيكو هاحتاج صوان الومنيوم برده ولا ايه ياريت تفيدونى
معلش تقلت عليكوا بس كل واحد وله زنقههههههههههههه

كاسندرا فرست يوز يعنى اول لبسة فستان فرح ناجرة اول لبسة يعنى
هاتى كمان مقاسين او 3 حلل تيفاااااااااااااااال
والتيفال فى الطاسات احلا حاجة متجبيش الومنيوم
انتى مش محتاجة اطباق تانى
لا مش هتحتاجى بلاااش تيجيبى الومنيوم خالص خالص
الا فى اللبانة بسسسس لانة مش صحى
هاتى كمان صينية وقوالب كيك تيفال
بس كدةةةةة ومبروك عليكى حاجتك ياقمر وتتهنى بيها يارب فى بيتك قريب

Princess_miro;7661963:
بنات نسيت ااقولكم انى رحت H&M سيتى ستارز و مش لقيت تخفيضات حلوة غير توبات بحمالات ب 12 جنيه و بسسسسسسسسسس

و جبت دريل بس من قسم الاطفال :o:o:o

ب 14 جنيه

جزاكى الله خيرا بجددددددددددددد رحمتينى من المشوار كنت ناوية اروح

dandona we bas;7662069:
صباح الورد يا قمرات وحشتوني جدا جدا جدا


بوكي يا قمراية انا بعت لطمطم رسالة على موبايلها عزيتها بس مش عارفة شافتها و لا لأ ياريت تبلغيها خالص تعازي بوفاة والدها ربنا يرحمه يارب و يدخله فسيح جناته اللهم آمين

صباح النور ياقمر حاضر من عنية وانتى حاولى معاهاتانى لما تيجى منك تبقى احلى
وانا ان شاء الله هاقولها
هبة 017 يارب يعينك ويعنى ونقدر ننسى ويعوضك يارب بالاحسن منة
برنيسيس ريمووووووووو يارب يخدلنا حقنا من اللى ظلمنا ومن كادنا بسوء يارب العالمين

سارة المزعورة;7662473:
ساره أخباركو ايه فى الدايت ممكن لينك الأنظمة
أنا تخنت جدااااااااااا من كتر المشاكل بطلع همى فى الأكل ولبسى الشيتوى كله ضاااق

http://www.3roos.com/forums/t397545.html
شوفى الرابط دة مع الرابط بتاع منال

ربنا يفرج همك امين

عايزة اجيب طقم الحمام الصبانة وما شابة منين واسعارة تتراوح بين كام لكام ؟[/quote]
من الرويعى والفجالة بيدا من 50 لحددددد وانتى طالعة حسب الكواليتى بتاعة

meroo012;7662501:
بنات انا هاسال سوال ومعرفش مخالف ولا لا وسالتو ف قسم تانى بس للسف محدش بيدخلو باستمرار انا لقيت كريم فاشكول للشعر ب 125 جنيه حد يعرف حلو ولا وحش واستخداماته ايه ؟؟؟

وكمان كريم البانثينول اللى محدش راضلا يرد فيه لايه بالظبط ؟؟؟؟

معالق المانى ب 1600 جنيخ يبقى غالى ولا دة العادى ؟؟؟؟؟

حساة كدة غالى شوية معرفش شوفى رويال كتشن وحمام التلات
فى ارخص


ثمــــرات قيـــــام الليـــل دعوة تُستجاب.. وذنب يُغفر.. ومسألة تُقضى.. وزيادة في الإيمان والتلذذ بالخشوع للرحمن.. وتحصيل للسكينة.. ونيل الطمأنينة.. واكتساب الحسنات.. ورفعة الدرجات.. والظفر بالنضارة والحلاوة والمهابة.. وطرد الأدواء من الجسد والـراحه النفسـيه .. طمأنينة القلب .. صفـاء الروح .. فمن منَّا مستغن عن مغفرة الله وفضله؟! ومن منَّا لا تضطره الحاجة

meroo012;7662501:
بنات انا هاسال سوال ومعرفش مخالف ولا لا وسالتو ف قسم تانى بس للسف محدش بيدخلو باستمرار انا لقيت كريم فاشكول للشعر ب 125 جنيه حد يعرف حلو ولا وحش واستخداماته ايه ؟؟؟

وكمان كريم البانثينول اللى محدش راضلا يرد فيه لايه بالظبط ؟؟؟؟

وكمان عجبنى طقم معالق المانى ب 1600 جنيخ يبقى غالى ولا دة العادى ؟؟؟؟؟

كريم فاشكول فى رويال هاوس ب 80 أو حاجة و تمانين

manyaa;7657001:
بصي يا ستي أنا مش عارفة بس البنات اللي حوالي و صحابي و كدا بقالهم سنة و سنتين متجوزين و لسة بيشتروا لانجري بس ما بيكتروش منها ...يعني ممكن واحد في السنة او اتنين و بيكتروا من القطنيات و اللبس الدلع القطنيات اللي بتعدي بيها في البيت ...و النصيحة اللي قالوهالي ما كترش في جهازي من الانجري عشان بس حتنزل حاجات جديدة بعد كدا حتحبي تشتريها بعد الجواز ...لكن الشموع و الحركات الرومانسية و كدا عااادي طالما خطيبك بيحب كدا اعمليها ليه لا ..في ناس متجوزة سنين و بيعملوا كدا ...براحتك ...و ماتعقديش نفسك يا جميلة المهم انت و هو عايزين ايه و ربنا يسعدكوا يا قمر :)

(y)(y)(y) انا متجوزه بقالى حوالى شهرين والحمد لله مكررتش قميص مرتين غير قليل اوى يعنى بحاول اجدد وانوع شويه قميص لانجيرى شويه حاجات دلع شويه قميص قطن كده يعنى وبعمل شمع وكل حاجه الحمد لله انا جوزى رومانسى اوى اكتر منى

Princess_miro;7658117:
بنات امبارح رحت فلوريدا مول و جبت شوية حاجات اشيلها للجواز ان شاء الله حلوة اوى و اسعارها وهمية و هى بواقى تصدير و الكواليتى بتاعتها تحفة

قولولى رأيكم و لو عجبتكم المشاركة قيمونى بلييز
دى أوى حاجة بيجامة ب 20 جنيه و الحمدلله :rolleyes:


و دى و الحمد لله توب بالبانتى بتاعه ب 10 جنيه بس و ما شاء الله قطن تحفة:Z_cool_c::smile:


و دى هوت سكيرت ب 10 جنيه و والحمدلله جميلة بردو و كان فيه الوان كمان :2_29::21_179::21_179::21_179::21_207:

حلوين اوى وتتهنى بيهم قريب ان شاء الله مع جوزك
وتم التقييم يافندم

berro85;7660288:
يابنات بليز ساعدونى
بصوا انا جبت طقم صينى وجبت طقم اركوبال من اللى هو طالع جديد ده اللى هو ملون الوان كلها كده على الموضه
قولولى بئه هاحتاج ايه تان بالنسبه للاطباق
وكمان انا جبت 3 طاسات تيفال احجام هاحتاج طاسات الومنيوم ولا ايه
وكمان الحلل جبت طقم استلس وطقم صاج برده هاحتاج الومنيوم ولا ايه
وصوانى الفرن جبتها استلس وعندى واحده تيفال ده غير طقم البيركس بتاع الفرن
فا ايه رأيكو هاحتاج صوان الومنيوم برده ولا ايه ياريت تفيدونى
معلش تقلت عليكوا بس كل واحد وله زنقههههههههههههه

الاطباق كده كفايه اوى انا كمان جايبه كده
والطاسات كمان كفايه
الحلل هاتى 2 او 3 تيفال منهم واحده صغيره تمشى لغلى اللبن ولعمل الارز انا عامله كده الحمد لله
والصوانى كفايه حاولى تجيبى حاجات تكون نقصاكى بدل ماتكترى من حاجه وفى الاخر يبقى ناقصك حاجات تانى ماجاتش خالص لان عن تجربه الفلوس بتزنق فى الاواخر وبيطلعلك حاجات مش عامله حسابها نهائى فخليكى ذكيه ودكنى شويه فلوس للاخر ده رايى ياريت تتقبليه :)

Princess_miro;7661559:
بصى انا ارفع واحدة ممكن تشوفيها فى حياتك :) بس الحاجة الوحيدة اللى طلعت واسعة هو البانتى الباقى فى منه مقاسات و الحمد لله











المول ده فى مساكن شيراتون هليوبوليس يا بنات مصر الجديدة و هو جنب شغلى و المحل اسمه MAD HOUSE

ادعولى بقى ربنا يفك ضيقتى و كربى و يبعد عنى شياطين الانس وولاد الحرام قولوا امين انا و انتوا و كل البنات يااااااااااارب

ههههههههههههه مش ارفع منى انا بلا فخر 45 كيلو
ربنا يفك كربك ويبعد عنكى اى مكروه وان ينصركم الله فلا غالب لكم (صح كده اصلى مش متاكده من النص)

Princess_miro;7661963:
بنات نسيت ااقولكم انى رحت H&M سيتى ستارز و مش لقيت تخفيضات حلوة غير توبات بحمالات ب 12 جنيه و بسسسسسسسسسس

و جبت دريل بس من قسم الاطفال :o:o:o

ب 14 جنيه

صالعالى يا بتاعت قسم الاطفال انا معظم لبس البيت بتاع جهازى من محلات الاطفال :o

سارة المزعورة;7662133:
[
بنات هوا يعني ايه فرست بوز ممكن أعرف

فرست بوز بيتقال على الفساتين
بمعنى فستان اول لبسة
بوز = طلة
فستان اول طلة


مين فى مصر بيعمل الفرست بوز دة يا حلوين ؟
وفين مكان منال القاضى وهيا بتعمل دة ولا لا
وعايزة تليفون عايدة نجيدة ؟
ومين غير عايدة نجيدة بيعملة
وامة رجعت يا عيال بس ماكد ماعدش عندها وقت لينا كفاية عليها سى عبدة الصغير ادعولها تعرف تتعامل معاة ويعنها على الضيف الجديد
[/quote]


فرست يوز يعنى اول لبسه
الف حمدا لله على سلامة امه وربنا يخليلها عبده وتفرح بيه وتخاويه قريب ههههههههه

nemonamanemo;7662518:
احسن مكان انزلي المناصره هتلاقي كل حاجه و خلي بالك الحاجات ديه رخيصه


من التوحيد و النور و المقال رائع يا ميرو وانا قيمته

هاتي المدخنه

شكرا يا قمر علي المعلومه


انا توصلت اني هحطه في التوليت و لما يبقي في ضيوف هحطه في البلكونه:ss:

شوفته الهنا




صوت انا رديت عليكي في قسم الديكور


ماهي دخلت من كام يوم وطمنتنا عليها

ربنا يصبرها هي و كل البنات و يرحم موتاهم



روزي انا اسفه اني اتدخلت بس العنوان كده يتوهه خالص و مش مظبوط

انا ان شاء الله هعمل حفله هناك بعد كتب الكتاب

الساعه ب 550 و الدي جي ب 300 و الفيديو ب 150 و الزفه ب 400

المكان قصاد شيراتون القاهره علي الصف بتاع نادي القاهره

و المسئول هناك اسمه وليد وعلي فكره يا بنات احنا عملنا هناك مناسبات قبل كده و بجد التعامل مع مستر وليد ده مريح و انسان محترم و ملتزم باتفاقه

وزي ما روزي قالت هو بيشيل 70 بس احنا بنوصلها لحد 80 هو اساسا الياخت يتحمل بس التصريح بتاعهم ب 70 بس

اي تفاصيل قولولي

بنات شوفوا الموضوع ده

http://www.3roos.com/forums/t393634.html

يابنتى ازنقى سبت الغسيل فى اوضة النوم انا عامله كده وده احسن حل انا اكتشفت كده لان عندى التواليت صغيييييييييييييييييييييييير

semsema2007;7648114:



اقتباس المشاركة الأصلية بواسطة semsema2007 بنات ايه رايكم في الفستان ده؟




ايه رايك فى التقفيله دى لو عجبتك قولي وانا اقولك هتتعمل ازاى

الاسمر اللى على الرقبه ده انا عملاه لونه اسمر بس علشان يبان فى الرسمه

منمن ميرسي اوي على فكرتك ياريت تقوليلي تتنفذ ازاي

هو الفستان فيه قماش مطرز وواحد ساده
الساده ده هتعملى منه توب بكم عادى خالص ولحد الرقبه
وتكملى بقية الكم بتاع الفستان بالقماش المطرز بس يبقى مفتوح من بعد الكوع يعنى نفس الحركة اللى فى الفستان
وعلى الرقبه بقى هتجيبى ستراس
فى فصوص كده بتبقى مع بعضها كانها سلسله
وهتحطى منها حوالين الرقبه صف واحد او صفين او 3 حسب ما انتى تحبى
والمفروض من الجنب تحطى بتاعة كبيره فيها فصوص
ممكن تجيبى اى شكل او تجيبى واحد زى اللى موجوده فى الفستان برده
وممكن تنزلى منها 2 سلسله من اللى فيها فصوص
هتبقى كانها مربوطه على الرقبه انا صورتلك شكل الفصوص بس الريدر مش معايا
هبقى انزلها ان شاء الله

Batta_Fares;7648685:
بنات........ على قناه مسايا فى برنامج اسمه النهارده فرحى بيجيب افراح مصريه للى عايز يشوف افكار...
البرنامج بيجى يوم الاحد و الخميس الساعه 22:00 ksa
و على فكرة انا جبت رقم التليفون بتاع التوكيل فى مصر عشان الى عايز يعرض فرحه على القناه دى :)
الى عايزه يبعتلى على الخاص :)

دلوقتى بقى عندى سؤال بس عبيط شويه.... فى فيلم كده مش عارفه اسمه بتاع نعيمه عاكف و محمد فوزى (الى كان فيه محمد فوزى و عمه بيبحبوا نعيمه عاكف و بيعملوا مقالب فى بعض) المهم كانت هى لابسه فى الاغنيه فى اخر الفيلم فستان فرح منفوش كده و كانت بترقص بيه كان خفيف اوى و بيتحرك معاها بحريه.... يعنى مكانتش لابسه و لا جيبونه سلك و لا تول... حد يعرف ازاى الفستان طلع منفوش كده؟؟؟؟

ماما بتقولى انهم كانوا زمان بيلبسوا جيبونه تل بس معموله بنشا علشان تبقى ناشفه ومش تتبطط من الفستان

ممكن أعرف يا بنات الخشامنيوم المتر بتاعه بكام