أرجوكم يا خبيرات ساعدوني ...... و الله اتجننت

ريم81 04-11-2008 34 رد 3,055 مشاهدة
ر
السلام عليكم أخواتي


انا عندي مشكله مع بنتي يمكن تكون بنظركم صغيره و ما لها أهميه بس و الله مسببة لي حرب مع بنتي و الدهى اني فعلا افقد صوابي


المشكله هي وقت تغيير او لبس الحفاظ ( البامبرز)

حرب حرب حرب بكل معنى الكلمه



انا الحمد لله اقدر اسيطر على كثير مشاكل مع الأطفال و اعرف انهم يعاندوا في كثير اشياء

و لكن بنتي و لا ترضى بأي شكل تنسدح او lay down و لا بأي شكل لا باللعب و لا بالمزاح

احاول اخليها تساعدني اعطيها ال wipes المناديل و اقولها عطيني عطيني بامبرز

بس ابدا

ما يصير التغيير إلا بعد ما اعصب و اصرخ فيها صوت و تبكي بعدين تظل تبكي لحد ما تلبس الحفاظ



احيانا اوقل جوعانه او نعسانه بس أبدا

في كل وقت الصبح و بالليل و العصر و بكل وقت !!!

و الفضيحه أكثر لو كنت عند اهلي او اهل زوجي او حتى في المول لازم فضايحنا قدام كل خلق الله
لأنه لو مسويه شي تريد تركض و توسخ الدنيا و طبعا فشله
تعبت

فعلا تعبت :confused:
يعني مو معقوله


ساعدوني ساعدكم الله و فرج همكم
ش
اعتقد انك لازم تشوفي حاجه تكون هيا بتحبها علشان تفضل مكانها وممكن تعمليلها اغراء بانها لو فضلت مكانها وهيا بتغير هتديها مكافاه وممكن كمان تعمليلها جدول وكل ما تساعدك حطيلها استيكر حلو ولما متساعدش متحطيش ولما تجمع عدد معين تعطيها المكافاه
ا
إستخدمي ليها الحفاضة اللي تنلبس من تحت (بامبرز) أريح و خصوصا اذا كنتين براا
ل
انا بنتي مثلك اصرخ بكل مافيني ولا في فايده بالذات لصرنا برا البيت تطلع المواهب بس بنتي صغيره كم عمر بنتك؟
ر
تقريبا سنه و 3 شهور ما شاء الله الله يحفظها
ا
وااااااااااااي مشكلتي بضببببط الا قاعده افقد اعصابي معاهاااااااا .. اليوم كنت اغير الحفاظ له ومو راضيييي يصبر الا يبي يتحرك!!!!!صرخت عصبت مافي فايده وضربته وقام يصييييييح .. وكسر خاطري ..صار تبديل الحفاظ شي متعببببببب معاه الله يحفظه ..عمره الحين 8 شهور وشوي .. الله يعين !
أ
حشا مو تبديل معركة عندكم ، بس فطميها إذا قدرتي عشان ترتاحين. وعطيها شي وقت التبديل كاكاو أو أي لعبة تحبها. والله يسهل لج أمورج
a
طبيعي جدا في هالسن وانا مريت فيه...ولين الحين احيانا يصير هالشي...بصراحه ما لقيت الا حلين..الاول اذا ما نفع خللللاص الثاني

يا اني ايلس اكلمه واشغله بسوالف وقصص و اسأله فيندمج معاي...( يعني بالحيله)
او اني اعصب عليه و اصارخ لين ما نخلص واقوله اذا صحت مره ثانيه هذا اللي بييك بصارخ عليك و بضربك


فتره و تعدي و استحملي :)
م
ماشاء الله عليها الله يعينج.. أختي أنا أذكر لما كان ولدي يجنني.. أبسط شي آخذ قصة مصورة او مجلة وأخليها بيده وآقعد أسولف عن الصور لحد مانخلص... وبعدين لما كبر شوي بدلت للحفاظة Push Up وايد أريح في اللبس... جربي أختي أحد هذه الحلول ويارب يهديها...
!
يــــــا الله !


ذكرتيني بمعاناتي مع ولدي وقت تلبيسه !!!


انا وصلت لحد ان ضربته ، و احيانا اذا اكون تعبانة و هو يناحس معاي اصيح و يشوفني و يركد مكانه !


المهم ،، كان الحل النهائي هو الجوال .. اعطيه بيده يشتغل فيه لين اخلص !


و ا لحين الحمدلله هو اللي يروح و يسدح روحه عالحفاض حتى البسه و نخلص !
م
انا كمان اعانى نفس المشكلة مع ابنىبس هو 9 شهور
ر
ما شاء الله عليكم يا أخواتي

و الله خيرة البنات ردوا علي و فرحتني ردودكم

بحاول احول للحفاظ ال push up
مع اني جرته و حسيت امتصاصه مو مثل العادي و يسرب في الليل

بس شو بسوي

و استفدت منكم كثير

كنت احسب اني الوحيده اللي تعاني بهالشكل
a
ريم

هال pull ups ما تنفع لليل ابدا..تسرب..اصلا ما تستحمل وايد...ممكن طوول اليوم بس في الليل استخدمي العادي
s
مثل ما قالو الامهات باذن الله فترة وتعدي حبيبتي
ع
angel eyes;7643994:
ريم

هال pull ups ما تنفع لليل ابدا..تسرب..اصلا ما تستحمل وايد...ممكن طوول اليوم بس في الليل استخدمي العادي



فعلا نفس الكلام

وانا مع بنتي نفس المشكلة

بس انا عنيفة شوي

يعني البسها غصبا عنها

واقول لها: فيه اشياء اتساهل فيها بس فيه اشياء كللللللللللللللش ما اتساهل فيها وهي الحفاظة

احسها صارت تهدا شوي
د
موضوع كثير استفدت منه والحمدلله مريت بهالاشياء
أ


استخدميه لها لبسيها وهي واقفه
وهي احسن لها بهالسن
ر
شكرا يا غاليات شكرا

الله يحفظلكم عيالكم

و الله ما قصرتوا فعلا انجل ايز تسرب و ما تسوى بس ممكن استخدمها في المول او عند اهلي او اهل زوجي
علشان ما اتفشل و بصبر دام هي فتره و بتعدي

و بحاول اسوي طريقتك ام شجاع بس ما ماعتقد بنتي بتتجاوب
ع
ريم81;7642084:
تقريبا سنه و 3 شهور ما شاء الله الله يحفظها



هلا ريم بنتج نفس مشكلة ولدي وتقريبا نفس العمر
يجننني لما اغيرلــه ... الحين صرت اعطيه لعبـة
أو افتحلـه تلفوني فيه اغنية الاطفال بابا تليفون يحبها موووت
ويجلس يشوووف لحد ما اخلص ... :D
ر
شكرا عروس جنان

انتي بعد ام جنان :)
X