حوامل بحريننا ، لنستفيد معا !!

*زوجي حبيبي*;7881500:
نه يوم الثنين الياي عند ي موعد عند د. فهيمة ان شاء الله تطمني عالياهل

الله يطمنج على البيبي ان شاء الله و الدكتورة فهيمة روعة بصراحة ، و اني قالت ليي بالوصف الدقيق عن كل شي بالبيبي و كنت اول مرة رحت لها مهتمة اعرف لحالة البيبي و سلامته اكثر من جنسه بس المرة الثانية ، كل همي ابغي اشوف وجهها كتكوتي بس ما صار

لا تنسين تطمنينا عليج بعدين :D


ميمو قيرل الله يتمم لج الحمل على خير ، و اني احس وايد استفدت من المنتدى اهني و كل وحدة تقول خبرتها مع ان اغلبنا بكريات بس كل وحدة و خبرتها من اللي حواليها وان شاء الله تستفيدين ولو احتجتي الى اي شي بس خبرينا وان شاء الله نقدر نساعدج

و صدقيني احلى شي تخبرين اللي حواليج ، بيفرحون لج واااااااااايد و خاصة الامهات ، امج و ام زوجج

ههههههههه عجبتيني على تعليقاتج على البيبي والدبة ، بس مرات الوحدة تتهيأ شوية ، اني جذي فيني كرشة قبل و قمت اتهيأ اشياء ، هو يتغير البطن شوية و بنهاية الثالث بتحسين عدددددددل الفرق واحلى شي لما يتحرك البيبي ، الله يتمم لج الحمل على خير


ههههههههه الخصر بيروح عاااااااادي بس حاسبي على الوزن علشان بعدين تفقدين اللي اكتسبتيه بالحمل ، اني ما يندرى ويش يصير فيني بعد الولادة بس اتمنى ارجع اضعف من قبل :ss::ss: حلم ممكن يتحقق خخخخخخخخخ

الوحام والنساة واااااااااحد ومو شرط يكون نفسج بشي ، اني قمت اكره اشياء و بالاخص البصل المطبوخ ، و الدجاج واللحم و امووووووووت على شي اسمه سلطة و فواكه ، يعني صرت نباتية ، واحلى شي بالنساة ان الزوج يركض يجيب لج كل شي تبغينه هههههههههه ، اني حتى الاماكن اللي نروح ناكل فيه بعد ما كملت ال 3 شهور ، لازم اني اللي اختارها ، تدلعي قد ما تقدرين الحين :o:o:o ، الى يومج هذااااااااا اذا نفسي بشي يركض و يجيبه ليي هههههههه ، عمباله الوحام يستمر الى نهاية الحمل ، خليته على ما هو عليه و قلت ما بقول له ، علشان لا يوجع ليي راسي لا تاكلين هذا و اكلي هذا ، لاني اموت على الفلفل الاخضر والصبار الحامض والحين اكلهم بناء على الوحام الكاذب اللي عندي خخخخخخخخ

اييييييييييييي نسيت اقول لج ، اكلي سفرجل ههههههه و علج البان جنه ، اني قالوا ليي بس ما اكلته الا مرة او مرتين يمكن ، و عمتي جابت ليي منه بعدين بس ما اكلت منه واخترب بالثلاجة لاني نسيته ، و مرة بعد رحت اشتريت السفرجل الاصلي من برادات جواد لان فيه نوعين و طعم الاصلي اووووووووف مو لذيك الدرجة بس بعد اكلته

الله يثبت لج يا رب و يتمم حملج على خير

bent el ba7rain;7887524:


حبيبتي غربة ماشاء الله بس 3 زيادة احسش مازدتي شي في السابع خخخ انا للحين زايدة 7 كيلو واليوم دشيت السابع خخخخخخخخ ونفس الشي الدكتورة تبيني احاسب

ههههههه هذي 3 بعد الضعف والمتن

يعني لو احسبها عدل
اول ما حملت نزلت 6 كيلو من الشهر الاول و برمضان نزلت تقريبا 2 الى 3 كيلو

و الى الان زدت ال 8 اللي نقصتهم بالبداية و فوقهم 3 خخخخخخخخ ، يعني الكلي بيكون 11 كيلو ههههههه و وزني من السابع بدا يزيد عدددددددددل ونفس الشي الدكتورة يوم حسبت اليي امس تقول صدق بس 3 كيلو بس حاسبي بعد

bent el ba7rain;7887524:

وعن المتن في بنتي الاولى زدت 18 كيلو تقريبا نزلت بس 10 كيلو في سنة ونص ورديت حملت مرة ثانية خخخ يعني الحين حامل على متنننن والكل يقول لي وين قبل ووووين اتفشل صراحة ربعي حاطين عليي قررت هالمرة بعد الولادة اشتغل على روحي ماعندي وقت لرياضة بس بجوف الرجيمات وهالاشياء اللي ياخدونها خخخ ابغي ارجع نفس عرسي

هو اللي سمعته الطبيعي من 10 الى 15 او 17 مو ذاكرة الحين ، وعلى الرجيمات ماادري اني افكر اسوي رياضة ، بس كله يجيني احساس اني برجع اضعف من قبل خخخخخخ وايد عندي امل بهذا ، لان اول ما تزوجت خلال سنة زدت 20 كيلو ولا رجعت نقصتهم والحين اقول عندي احساس اني بضعف مرة ثانية خخخخخخخخخ ، يبغي لنا نمشي عدل عقب الولادة و نسوي رياضة شاقة خخخخخخ والاكل اني قلت باكل صحيا ان شاء الله لان من قطعت الكاكاو و المشروبات الغازية و الخرابيط نقصت 6 كيلو بالبداية يعني فيه امل ان شاء الله

bent el ba7rain;7887524:

غروبة انا فكرت مثلي تتابعين عند فرح طلعتي عند فهيمة خخخخ؟؟ انا خاطري مرة اروح عند دكتورة ثانية لمرة وحدة بس بعد عشان اتطمن اكثر يعني مثلا زينب الجفيري او فهيمة بدل فرح .. مادري اسويها او لا زوجي يرتاح لفرح ومو حاب اغير

عن السفرجلللللللللل زوجي في الحملتين ياخد لي يايخترب في الثلاجة يابخت الشغالة تاكله خخ ماارغب له واجد

لا ما اتابع عند د.فهيمة

اروح لها للالتراساوند الثلاثي بسسسس ، وعن زينب الجفيري روعة بصراحة كنت رحت له قبل حملي

اني اتابع بالعسكري عند الدكتورة موزة ، و فرح اني رحت لها مرتين ولا عجبتني بصراحة و معاملتها ما كانت لذيج الدرجة قبل حملي طبعا و الدكتور سلام نفس الشي ما عجبني ، والحين قلت يمكن اولد بالدولي و رحت لهم مرة و شكلي بروح لهم مرة ثانية علشان الدكتورة سنجواني اشوفها خخخخخ ، ولو انتي مرتاحة مع دكتورة لا تغيرين لانج بتتخربطين و كل وحدة بتقول لج شي و ابقي على فرح احسن لو هذا بس لو بتروحين للالتراساوند الرباعي او الثلاثي انصحج بالدكتورة فهيمة رووووووووعة بصراحة

اما عن السفرجل ، اني الخدامة تخشه بالثلاجة و لما يخترب اتجي و تقول ليي مدام او على قولتها ماما تبغين تاكلين هذااااااااا :eek: و اكلته من البداية بسسسسس لما زوجي اخذه ليي من جواد و طعمه مرررررررررر حده و مرة اكلت ببيت عمي بعد عطتني وياه عمتي و كان طعمه اوكي بس كان سفرجل مركب مو الاصلي

هلا توتة ، احنا بخير وانتي شخبارج ، ما تدخلين وايد المنتدى الحين

خطيبة عماد ، الله يعينج على النسا و يقولون من نهاية الثالث يقل ومرات ناس يطول معاهم ما ابغي اقول لج الى متى :eek: علشان لا تخترعين

هههههههههه ضحكتيني على سالفة زوجج ، بس احس يمكن من فرحته و خليه على راحته بس حاولي تضربين له نغزات بس مو مباشرة لان زيادة الحجي بعد مو كلششششش فن

اما على سالفة الدبة فيختلف من وحدة لثانية ، اما على الثياب فاكيد من النسا لان الوحدة من الترجيع واللوعة تضعف عددددددددل ، مع ان ما اجا ليي الوحام العدل من ترجيع بس ضعفت من اللوعة على الاكل ، مو كل شي كنت احبه ، اهم شي تهتمين بنفسج و بالبيبي اكيد

ومثل ما قلتين مو مهم بنت ولا ولد ، اهم شي بصحة والله يخلي لاختج التوام

هههههههه اني كله اقول البيبي الى يومج هذا مع اني اعرف انها بنوتة ان شاء الله

اني تعجبني الدكتورة موزة وايد و فعلا شاطرة و احسها حبوبة مع ان مرات اسمع بالمنتديات انهم ما يحبونها بس اني ولا مرة صادفني انها كانت نزرة وياي

اي فعلا سنجواني اجازة الحين صار لها شهر تقريبا و قالوا ليي بترجع على بداية 12 واني ابغي اروح لها على الاقل مرة علشان الولادة ، لان رحت لوحدة اسمها مينا هناك وما عجبتني وايد و قلت بكمل متابعتي عند موزة بس متحيرة اولد بالعسكري او الدولي

خخخخخخخخخ اني التخصصي احس الاوفرات اللي عنده فن بس ماادري ليش متخوفة من المستشفى شوية من ناحية الخبرة و يمكن لان ما عجبني قسم الحمل هناك

اااااااااي اليوم اتصلت للتخصصي ابغي اسالهم عن تمارين الحمل لان الامس سالت الدكتورة موزة و قالت ليي عن العسكري وعلى كلامها لو ما حصلت اقدر اروح التخصصي ، استغربت من اللي ردت عليي بالتخصصي ان تمارين الحمل مجانية وبدون تسجيل ، فابغي اسال فيه احد راح لها من قبل خخخخخخخ احس في السالفة فيها شي ، قلت بجرب هالاسبوع اروح واشوف الوضع


وعلى السفرجل ، هو اصلا فيه نوعين ، الاصلي اللي يجي من جواد طعمه مررررررر و خشن حده و اللي يبيعونه في الخضار و فيه بعد من جواد يجي طعمه حلوووووو و يكون مركب و مو خشن

بسمة أطفالي;7889596:
لو أقول ليكم عن نفسي والله مابتصدقون خخخخخخ

اني في الحمل أزيد مايقارب ال 30 كيلووووو :rolleyes::rolleyes::rolleyes::rolleyes:

وارد ارجع ولله الحمد لله لجسمي الطبيعي بدون رجيم

ان شاء الله هالمرة بعد ارجع مايخوني هالجسم :ss:

نفس ثنتين من خواتي ، يحملون و يولدون و يرجعون رشيقات ، و وحدة منهم اسولف وياها على حملها الاولي زادت نفسج ما يقارب 30 كيلو و الحين عندها ما شاء الله اربع جهال ولا يبين عليها الى الان رشيقة

ان شاء الله نرجع كلنا لمثل قبل ، بس اني ابغي اضعف من قبل بصراحة خخخخخخ

! أنــثــى !;7890972:
كورشات ديرتي بسألكم ..

انا عطوني المركز موعد للألتراساوند في الاسبوع 20 و الحمدلله رحت و كل شي اوكي ..


من تجاربكم .. بيعطوني غيره لو خلاص ؟؟


لأن اذا مافي عقبه ، بعد شهر بروح عيادة .

والله اني ما راجعت المركز بصراحة وما ادري لان كل مرة اروح موعدي بالعسكري يسوون ليي التراساوند

ومع هذا رحت لعيادة البدر علشان الالتراساوند المفصل لانه يقولون لج بالتفصيل عن نمو البيبي و حتى لا سمح الله خلوه من التشوهات

ان شاء الله باقي البنات يفيدونج

وعلى الوزن ، اني امتن بسرعة بسسسس الضعف اوووووووه ما اضعف يعني بس طريق واحد للمتن خخخخخخ ، ان شاء الله اضعف بعد الولادة

جمال الزهره;7891130:
هلاااااا كروشات ,,
اوه سوالفكم عن الأوزان
بداية حملي ويه الوحام نزلت 10 كيلو واني من قبل كنت دبــه
صار شكلي يكسر الخاطر :tears: حتى الخدود اختفت
بس الحين قام يعتدل ويزيد , بس للحين ما وصلت لوزني الأولي قبل الحمل

الله يستر من الأشهر الجايـه وش أستوي
ان شــاء الله ما يزيد

جمال الزهرة ، الحال نفسه ، اني بصراحة دبة بعد وخواتي الى الان يقولون ليي ضعفتي وخاصة بمناطق معينة تبين بسسسسسس ماادري ليش شغلي الجديد معقديني من السالفة اني متنت وايد بحملي و طلعت دبتي عدل لدرجة يقولون اني حامل بتوم او البيبي كبير

واحس لو الوحدة تضعف من البداية وايد زين ، و اني من الشهر السادس نهايته رجعت لوزني القبلي ، ان شاءالله انتي يواصل وما يرتفع وايد لان بعدين الرجوع لنقطة البداية بعد الولادة احسه شوية صعب

اني اتمنى اني بضعف بعدين ، على الاقل ما برجع لوزني الحالي اللي كنت قبل عليه ، وان شاء الله ما ازيد وايد الى نهاية الحمل

ام يسوور;7892276:
هاااااااي بنوتات انا بنضم لكم انا حامل بكر وحبيت أعرف من اتقولي انا كم لي بالظبط خخخخخخخ انا اعرف بس ابي اشوف اجابتكم انا اخر دورة لي 1/10/2008 وكملت الدورة تاريخ 7/10/2008 والدكتورة حطت لي موعد للولادة تقريبا يعني 11/7/2009 يلا من تقووولي

هلا ام يسوور حياج الله بيننا

اعتقد انتي بالاسبوع الثامن الحين ، يعني بنهاية الشهر الثاني وموعد الولادة طلع ليي فرق 3 ايام عن اللي الدكتورة مخليته لج ، و بالنهاية كل شي بيد الله وقت ما انه يكتب بتولدين بالسلامة

الله يثبت لج حملج يا رب و يتممه على خير


نجي لباقي اسئلتج

ام يسوور;7892276:

1- شرايكم في مستشفى الهلال الخاص في المحرق؟؟
2-غسال الحمامات مايأثر او مايتعب خخخ
3- انا نزل علي دم واحين يعطوني كل اسبوع ابرة تثبيت وحبوب مرتين في اليوم يوميا لمدة شهر بعد للتثبيت من عطوها هلون هع هع هع

1. الهلال ما ادري عنه بصراحة وما سمعت فيه وايد بالمنتدى بس ان شاء الله باقي البنات يفيدونج اكثر

2. غسال الحمامات او اي نوع ثاني من اشغال البيت اكيد بياثر عليج لانج توش بالبداية و حاسبي على نفسج و يبغي لج راحة اكيدة وكل وحدة جسمها يختلف عن الثانية بس انتي يبغي لج راحة و خاصة تقولين نزل عليج دم

3. اني بعد نزل عليي دم بني و خيوط مثل البنية بالبداية و عطوني مثلج ابر تثبيت من البداية لمدة 3 اشهر على مااعتقد ما اتذكر زين لمدة جم الابر اخذتهم وحبوب دوفاستون للتثبيت بعد لمدة 3 اشهر و شوية وكانوا بالبداية حبتين و زيدوهم اليي الى 3 حبات بعدين ويبغي لج راحة قد ما تقدرين و ما تمشين وايد ولا تسوين شغل البيت لو تقدرين لان التعب ياثر بالبيت و الله يثبت لج حملج يا رب

ام يسوور;7892276:

4- انا باسوي امتحان سياقة جريب يأثر علي او لا ؟؟
5-الجلوس لفترة طويلة على الكومبيوتر يأثر علي او لا؟؟
6-لما أشرب سفن آب بين فترة وفتره عادي ولا لا خخخخ يازعم أخف من الببسي الاسود هع هع هع
7- ابي اعرف الاماكن الحلوه الي في السعودية مالت البيبيزز
8-خخخخ اقص عليكم بس حلاث مافي اثأله هالكثر اسأله ههههههههه
والله يسهل عليكم كلكم ويوفق الجميع ان شاءالله بلييييييز عاد ردو علي وريحوني فديتكم

4. عن امتحان السياقة ماادري بصراحة ، بس اعتقد لو ما كان وياج لوعة و ترجيع فاعتقد عادي لان لا سمح الله ياثر عليج بالامتحان وموفقة يا رب من اول مرة وتاخذين الليسن ، بس افضل شي ارجعي للدكتورة اللي تتابعين معاها و هي تنصحج افضل

5. اي الجلوس لفترة طويلة ايا كان على الكمبيوتر او اي شي ثاني حتى التلفزيون اكيد بياثر ، اني بالبداية كانت تقول ليي الدكتورة حاولي ترتاحين قدر الامكان و انبطحي افضل شي ، يعني قعدي بس مو لمدة طويلة ، اني حتى شغلي من البداية عطتني اجازة مطولة بس لاني كنت مغيرة شغلتي وما قدرت وبعدين عطتني شغل خفيف وبعد ما رضوا شغلي الجديد ، فكنت من ارجع البيت على طول اريح على السرير


6. من البداية ما افضل تشربين المشروبات الغازية ، لان تكون مرحلة تكون البيبي وانتي بعد بتتغربلين من الغازات ، اني قطعتها من البداية بصراحة و كنت احس بلوعة لما اشوفها او يمكن احسس روحي جذي علشان ما اشربها و بالشهر الخامس رجعت لها مرة ثانية و اكو الى يومج هذا ما اكثر منها وايد يعني قليل بس ما اقدر من الغازات وايد تذبحني واتاذى منها ، عودي نفسج على انج ما تشربينها افضل لج وللبيبي


7. الاماكن بالسعودية بخلي لج لستة بالاماكن بس لا تروحين قبل ما تكملين ال 3 شهور لانه تعب ، اني رحت بعد ال 3 شهور و تعبت هناك عدل بالبداية لان شوارعهم مو عدلة و تكسر الظهر ، هم وايد محلات و عندهم شغلات حلوة و رخيصة بس لو قدرتي تشترين من البحرين احسن وخاصة المفرش الطقم لاني حسيت اللي عندهم ما يجي من النوع المتين


8. خخخخخخخخخخخخخخخ ، حياج الله ، اسالي وان شاء الله نقدر نفيدج لاني بعد بكرية بس على حسب اكتسبت خبرة شوية من المنتدى و من اللي حواليي


ربي يوفق الجميع و يسهل علينا الحمل والولادة و حاضرين لج باي شي زيادة تسالينه