بنات والله ضايقه بي الدنيا بسبت عيالي
بياض الماء
04-11-2008
24 رد
3,661 مشاهدة
سلام بنات بدخل بلموضوع على طول
انا عندي ولد وبنت عمر الولد 3 ونص والبنت كملت 5 سنوات
والله ضايقه بي الدنيا خلاص احس طفتش منهم مابغيهم
والله مفشليني قامو الحريم مايجتمعو وياي ويبتعدوني علشان عيالي
لانهم يخافو يضربوهم ولا ياذوهم لعب اعيالي دفش اشوي وكل دقيقه جايه وحده منهم شوفي عيالك شوفي عيالك
خلاص احس ماني قادره عليهم اكتب لكم ودموعي على خدي
مساعه من كثر الغيض الي فييي قمت اضرب فيهم بلا شعور وادعي عليهم خلاص احس ماتهنيت بشبابي بسبتهم
حرمت على روحي الطلعات بسبتهم ماني قادره لهم ساعدوني بنات الله يخليكم لا اموتهم
اكيد بتقولو هذي ماهي ام بس والله حتى الرحمه يشلوها من القلب
الله يهديهم
مو كل مره تعامليهم بعصبيه
بالعكس جربي معهم اللين
ياعمري والله ربي يحفظهم ويخليهم ويهديهم
اولادك سنهم صغيرة وهلا تقدري عليهم صدقيني بس الشغلة بدها طوووولة بال لابعد الحدود
ودائما اختي ادعيلهم بالهداية بصلاتك بسجودك بعدهم صغار ..... انتبهي واياكي تدعي عليهم لاتعودي لسانك على دعوة عليهم مابتعرفي متى ربك يستجيب لك وتندمي اشد الندم لا قدر الله
_شوفي اختي انا انصحك انك تدخليهم مدرسة ومنقول يارب يتغيروا للافضل
_ لاتعامليهم بعصبية .. العصبية ماجابت مفعول عامليهم بتجاهل وطنااااااش على الاخر هما يحاولو لفت انتباهك وتعصيبك ... انتي حاولي تبردي اعصابك وعاقبيهم بعدم الكلام معهم وفهميهم غلطهم علشان هيك انتي مابدك تحاكيهم ...
_ احرميهم المصروف او لعبة يحبوها او حتى الخروج الى ان يعتذروا ويكونو افضل (( طبعا راح يعتذروا بداية وبعدين يرجعو ترى الامر عادي المهم فهميهم غلطهم ))
_ امدحيهم امام ضيوفك وحتى امام ابوهم والعيلة كلها حتى لو العمل صغييييييييييييير المهم انك تشجعيهم للافضل
_اشتريلهم ملصقات وخبيها واللي يعمل عمل كويس ومايشاغب اعطيه ملصق
وربي الهادي يهديهم ويحميهم ياااارب
مشكورين خواتي على نصحكم
بس حاولت معاهم بكل الطرق وغير كذا انا بغربه
احس طفشت منهم
الحين تعبانه منهم مااقدر ارد عدل
.
.. طيف الأمل ..
مشرفة سابقة
04-11-2008 | 08:48 AM
الدمشقية;7637995:
ياعمري والله ربي يحفظهم ويخليهم ويهديهم
اولادك سنهم صغيرة وهلا تقدري عليهم صدقيني بس الشغلة بدها طوووولة بال لابعد الحدود
ودائما اختي ادعيلهم بالهداية بصلاتك بسجودك بعدهم صغار ..... انتبهي واياكي تدعي عليهم لاتعودي لسانك على دعوة عليهم مابتعرفي متى ربك يستجيب لك وتندمي اشد الندم لا قدر الله
_شوفي اختي انا انصحك انك تدخليهم مدرسة ومنقول يارب يتغيروا للافضل
_ لاتعامليهم بعصبية .. العصبية ماجابت مفعول عامليهم بتجاهل وطنااااااش على الاخر هما يحاولو لفت انتباهك وتعصيبك ... انتي حاولي تبردي اعصابك وعاقبيهم بعدم الكلام معهم وفهميهم غلطهم علشان هيك انتي مابدك تحاكيهم ...
_ احرميهم المصروف او لعبة يحبوها او حتى الخروج الى ان يعتذروا ويكونو افضل (( طبعا راح يعتذروا بداية وبعدين يرجعو ترى الامر عادي المهم فهميهم غلطهم ))
_ امدحيهم امام ضيوفك وحتى امام ابوهم والعيلة كلها حتى لو العمل صغييييييييييييير المهم انك تشجعيهم للافضل
_اشتريلهم ملصقات وخبيها واللي يعمل عمل كويس ومايشاغب اعطيه ملصق
وربي الهادي يهديهم ويحميهم ياااارب
أتفق معك بكل كلمه أختي الدمشقيه
عندي ملاحظه ضغيره
بالرغم من صغر سنهم يسقدرون يفرقون بين السلوك الحسن والسلوك السيء
معاملة الطفل بعصبيه وصوت عالي تنتج طفل مشوش وتصرفاته فيها شيء من العدوانيه
الله يحفظهم من كل شر
حبيبتي عادي انا الكل يقول عن حمود نفس ما يقولون عن عيالج
بس حبيبتي تعرفين شو الي ياب نتيجه مع ولدي كثرة الحوار معاه يعني اسئله اكلمه وخاصتا فالسيارة واهم شي انج ما تطنشين اي سؤال يسالج ..
حاولي يالغاليه يكون لكم عالم خاص فيكم يعني خذي عيالج طلعوا وديهم الحديقه والعبي معاهم عالمريحانه والزحليقه وديهم الاسواق اساليهم اخذ هذا ولا هذا احلى عامليهم معاملت الكبار ..
امممممم اذا سوو شي غلط قوليلهم انا ما اكلمكم واذا كلموج لا تجاهلينهم قوليلهم انا قلتلكم ما اكلمكم لانكم جي جي سويتي
علميهم يعتذرون عالغلط سواءا اعتذارهم لج ولا لغيرج صغار وكبار ..
انا ولدي محمد يسوي الغلط وايي يعتذر واقبل اعتذارة وثواني ويرجع يعيد الحركه بس ما اسامحه مرة ثانيه احرمة من شي هو يحبه ..
حبيبتي والله انا جربت الضرب وندمت وقلبي يتقطع على محمد الي كل ضرب مني من يوم هو صغير .. لاني يبت مريومه وحسيت انه كبر وهو وا عليه كان سنه ونص كنت اضربه على كل شي يسويه غلط الحين تعود عالضرب وما قام يفيد معاه عاملته باللين الحمدلله احس انه كبر وقام يساعدني في كل شي لاني احب يشاركني في كل شي
حتى اخته صاير يعاملها مثل ما انا اعامله بحب وكلام مثل العسل (حبيبيتي تبين عصير .. حبيبتي تعالي نلعب مريحانه ) حتى الصغار يحضنهم ويبوسهم ... عكس قبل كان يعامل الناس وخاصتا اليهال بالضرب مثل ما انا كنت اعامله كان يفشلني ويسويلي مشاكل ويا اهل الطفل تنتهي بزعل ومقاطع ..
واذا وديتيهم مكان فالسيارة كلميهم قوليلهم احنا سايرين هالمكان اذا شفتكم تتصرفون تصرف مو زين ولا تضربون اليهال بنطلع
طبعا هالشي ما ترومين تغيرينه فيهم بين يوم وليله .. يبالج صبر كبير مع شويه حب وحنية وابعدي العصبيه عن قلبج وادعيلهم بدل لا تدعين عليهم لانه ابواب السماء تكون مفتوحه في اي وقت واذا الله قبل دعوتج تكون دعوه صالحه ان شاء الله ..
أ
أم القمر والعسل
عروس ماسية
04-11-2008 | 11:34 AM
الله يهديهم لك
الا فهمته منك انك في غربة يعني النفسية شوي تعبانه
وترى نفسية الام تنعكس على اطفالها بمعنى انك اذا كنتي معصبة وبتعاملينهم بصراخ وهوشة هم راح يقلدونك ويعتبرون ان هذا السلوك عادي لانك تسوينه وخصوصا انهم صغار ويحبون التقليد
كوني معاهم هادية جدا عارفة راح تقولي صعبة لكن حاولي بقد ماتقدري تمسكي اعصابك وان اظطر الامر انك تدخلي غرفة لوحدك شوي لين تهدأي وجربي معاهم اسلوب الثواب والعقاب
الله يهديهم ويصلحهم لك
مشكورين خواتي على ردودكم
لا والله انا هاديه معاهم انا راحمتنهم بس اذا عصبوني خلاص ما اعرفهم
واصل مشكلتي انهم دائما اذا طلعت مع حد ما ارتاح بسبتهم
عاقبتهم اني ما اطلعم بس ماكو فايده
مشكوره اختي bj3a على نصايحك وان شاء الله راح اطبق لاسلوب معاهم
ومشكورين خواتي بدعواتكم
طالبه منكم خواتي الي تدخل تدعيلي ان الله يهدي عيالي ويجعلهم من الصالحين
لازم تتعلمين اسلوب ثاني معاهم مو العصبيه والضرب انتي شفتي ان هالاسلوب ما ينفع خلاص لا تستخدمينه وهم توهم أطفال تقدرين تشكلينهم في هالمرحلة بالين ألعبي معاهم وانزلي لمستواهم
واذا على الناس ما عليج منهم اهم شي عيالج هالناس ما في شي يرضيهم احس ماله داعي ما يزورونج علشان أطفال
ش
شيماء الامارات
عروس مبدعة
04-11-2008 | 01:53 PM
الله يهديهم ويهدي عيالي بعد
قولو امين والله البنات ما قصروا في النصايح
ربي يهديهم وترى دايما البزران كذا ياكثرهم عندنا ..........الخوات ماقصروا
الله يهديهم ويصلحهم انا بنتي الكل يقول عنها هادئه وماتضرب ولاتتحرك من جنبي ادا طلعت معاها والحين قريب تكمل ثلاث سنين بدت تتحرك عني شوي والكل يقولي صارت شيطانه ومسكيها ومن هالكلام وقبل كانو يقولو متعقده وخوافه الناس مايرضيهم شيى وحرام هدولا اطفال لاتتعاملي معاهم بالضرب حاولي تكوني صديقه لهم والله يهدي الجميع ويصبرش يارب
تحياتي
الاخوات ماقصروا بس حاولي تقولي لهم انكم اذا ضربتوا الضرب يألم هل تحبوا احد يضربكم وانهم اذا عملوا كذا انتي راح تزعلي منهم وظلي تذكريهم اذا سووا خطأ وتعاملي معاهم بأسلوب القصص وان مصير المشاغب كذا ومن هالقبيل واتبعي جدول النجوم اللي يكون مؤدب حطي له نجمة ونهاية الاسبوع كافئيه بهدية يحبها واهم شي تكوني هادئة بس تكلميهم بشدة شوي وانتي معذورة احنا ما نتحمل ونضرب اطفالنا وندعي عليهم وقت الغضب لكن هذا كله من الضغوط والله يهديهم ويريحوا بالك
وحاولي اذا عندهم طاقة تاخذي لهم العاب تعليمية مثل تركيبات والرمل والوان ودفاتر رسم ولهيهم بالقصص
الله يهديهم إن شاء الله..
و الله يصبر قلبج عليهم..
صج أعصااااااااب..بس أشحلاتهم..
أستخدمي معاهم اللين أحسن لهم ولج..
الله يهديهم اختي
عندنا وعندك كل خير
انا بنتي عمرها بيكمل ثلاث سنوات
ومجننتني ما تهنيني لا بسوق ولا بروحة ولا جيه
اقطعتني عن الناس وبروحي ذابحني الطفش
في مدينة بعيد عن اهلي ولا لي معارف ولا اقارب ويوم بديت
وتعرفت على جاره حليوة بتطيرها مني بشطانتها
افقد اعصابي واضربها ولا اقرص فيها تبكي وترجع تعيد نفس الحركة
المشكلة اني حامل الحين والنفسية امطينة مالي خلق على كثر الهذرة والإزعاج
الله يهديهم انشاء الله
اليهال كلهم جدي
واحنا الله يهدينا بس وايد عصبيين وما لنا مزاج
يعني حالة عيالنا بسبتنا
الله يصلحنا ويهدينا وياهم
الله يهديهم ويصلحهم يارب...
أختي العصبية والشد معاهم ماينفع.. وأنت بغربة وأكيد ضايقة بج الوسيعة.. بس هدي شوي شوي معاهم وإن شاء الله توصلين لنتيجة.. ماشاء الله أفكار أختنا بجعة روعة وفادت مع حمودي ولدها جربيها ويارب أتييب نتيجة... أنا بعد من يوم كان عبودي صغير أعامله على اساس أنه كبير.. لما نروح مجمع أتناقش معاه بكل شي يمر أمامنا.. ندخل مطعم أقعد أشرح له شلون نستخدم الملعقة الشوكة شلون لازم نقعد ومانتحرك لحد مانخلص الأكل.. شوي شوي تعلم وصار هادئ .... جربي أختي معاهم ويارب ينفع.....
الامهات ما قصرو ماشاء الله !
و اضيف لك دعوة .. الله يهديهم و يركدهم ان شاء الله !