بسم الله الرحمن الرحيم
بنات عندي مشكلة و بليز شوروني
بنات امس الجو كان وايد حلو فقررت انا و رفيجتي اللي اعرفها من 3 سنين
انه نطلع
طلعنا و خلصنا .. جان يعجبها واحد بالطريج !! اوكي ما قلنا شي
بس تبتسمله و تعطيه نظرات و تخليه يلحقنا
و لما وصلنا للكلية و بيتنا بنفس المنطقة حنت علي انه نلف و نصفط عشان اهي تاخذ الرقم
حنت حنت حنت و بصراحة بنات انا توترت و هالصبي لاحقنا بطريقة جنونية خوفني
يعني يقرب من سيارتي و يحدني عشان اصفط المهم صفطت
واهي نزلت له الجام و خذت الرقم
و انا شويه و ادمع لانه الموقف هذا اول مرة يصير
لا وبسيارتي و بمنطقتنا
وقررت اني ما اطلع مع هالرفيجة مرة ثانية لانه انقرصت منها
شنو تشورون علي بنات اقاطعها مرة وحدة ولا شنو .. مع انها خوش بنت وخوش صديقة بس هالشغلة اللي ضايقتني و طاحت من عيني وبنات في بعد شغلة
عندنا صديقة ثالثة نوعها تصفط حق الصبي اللي يعجبها .. واهي رفيجتي اللي صار معاها الموقف كانت تحش فيها على حركاتها انها تصفط حق الصبيان
وبعدين طلع نفس العيب فيها ؟؟ يعني يعتبر هذا نفاق صح ؟؟
مشكلة مع صديقتي وابي الحل منكم ..
ح
03-11-2008 | 02:48 AM
s
03-11-2008 | 02:53 AM
طبعا خوفيها وقولي لها اذا استمريتي كذا انا راح اتركك لان صديقه مثلك ماتشرفني
اختي صديقات السؤ راح يجروك لسؤ انا بنظري البنت الي تعمل كذا بنت مو محترمه مع احترامي لك
يعني وين الحياء والخوف من ربنا هذي ماتستحي وبعدين كيف قبلتي لنفسك لو اخد رقم السياره الولد وعمل لك مشكله
مع اهلك هاالبنت ماراح تفيدك وصدقيني ااذا استمريتي مع بنات زي كذا راح تصيري بيوم مثلهم لاتقولي لا
والله شويه شويه بيرجعوك مثلهم وبيجروك لنفس طريقهم وربنا يستر عليك يااختي ويهدي كل البنات الي كذا
اختي صديقات السؤ راح يجروك لسؤ انا بنظري البنت الي تعمل كذا بنت مو محترمه مع احترامي لك
يعني وين الحياء والخوف من ربنا هذي ماتستحي وبعدين كيف قبلتي لنفسك لو اخد رقم السياره الولد وعمل لك مشكله
مع اهلك هاالبنت ماراح تفيدك وصدقيني ااذا استمريتي مع بنات زي كذا راح تصيري بيوم مثلهم لاتقولي لا
والله شويه شويه بيرجعوك مثلهم وبيجروك لنفس طريقهم وربنا يستر عليك يااختي ويهدي كل البنات الي كذا
ع
03-11-2008 | 03:37 AM
الله يهديها انشالله
N
03-11-2008 | 03:50 AM
sarah_uk;7624826:
طبعا خوفيها وقولي لها اذا استمريتي كذا انا راح اتركك لان صديقه مثلك ماتشرفني
اختي صديقات السؤ راح يجروك لسؤ انا بنظري البنت الي تعمل كذا بنت مو محترمه مع احترامي لك
يعني وين الحياء والخوف من ربنا هذي ماتستحي وبعدين كيف قبلتي لنفسك لو اخد رقم السياره الولد وعمل لك مشكله
مع اهلك هاالبنت ماراح تفيدك وصدقيني ااذا استمريتي مع بنات زي كذا راح تصيري بيوم مثلهم لاتقولي لا
والله شويه شويه بيرجعوك مثلهم وبيجروك لنفس طريقهم وربنا يستر عليك يااختي ويهدي كل البنات الي كذا
كفت ووفت الاخت سارة واضافه بعد انه حتى لو ما صرتى مثلهم رح تأثر عليكى بسمعتها واذا حكوا على بنت معينه باخلاقها هيحكوا على اصحابها بعد فانتبهى والبعد عنهم غنيمه واختاري الرفقه الصالحه الله يهديهم ويهدينا
ر
03-11-2008 | 04:05 AM
أنا من رأيي ماتقاطعينها على طول
انصحيها وعطيها رايك بالحركه الي سوتها
مانفع هدديها لعل وسعى تتنتبه للي جالسه تسويه
والله يهديها ان شاء الله
انصحيها وعطيها رايك بالحركه الي سوتها
مانفع هدديها لعل وسعى تتنتبه للي جالسه تسويه
والله يهديها ان شاء الله
m
03-11-2008 | 09:49 AM
اي صح نصحيها اذا تابت لاتقاطعينها واذاماقبلت النصيحه تركيها لاانا اي شي بيصيرلها او يحطون الناس عليها بينحط عليج يعني شرفها متعلق ابشرفج والخيريخص والشر يعم
w
03-11-2008 | 10:24 AM
[COLOR=red]اولا نصحيها ادا ما فاد فيها قاطعيها
[/COLOR]
ن
03-11-2008 | 10:33 AM
الله يهديها ويصلحها..
a
03-11-2008 | 10:39 AM
أنا برايي تاخذي براي اللي احسن مننا كلنا الرسول صلى الله عليه وسلم "مثل الجليس الصالح والجليس السوء كحامل المسك ونافخ الكير ..... الحديث "يعني أختي انتي شفتي عليها هذي الحركه وما عجبتك و الناس اكيد شافوا عليها اشياء ثانية انتي ما لاحظتيها بس بيقولوا صاحبتها اكيد اكيد زيها والبنت كنزها سمعتها وسمعت اهلها نصيحتي انصحيها واسحبي نفسك منها تدريجيا الى ان تقطعي ودوري على جليسه صالحه احسن منها امكن تقولي قاسية بس صدقيني هذا هو العقل الله يعوضك باحسن منها .
سامحيني طولت عليك:o
سامحيني طولت عليك:o
أ
03-11-2008 | 10:49 AM
السلام عليكم و رحمة الله تعالى و بركاته،
بشكل سريع أقول لج خلي علاقتج فيها سطحية .. يعني لا تطلعين معاها مشاوير و إذا قالت خل نطلع أو يابت سيرة قولي لها بطريق المزاح "لا عقب آخر مرة إللي صار لنا ما أقدر كنت بصيح من الخوف و ما أبي الموقف يتكرر لي" و عاد خليها بكيفها يا تتقبل الكلام يا تزعل على كيفها .. إنتي أهم شي بتكونين عاملتيها زين و إدعي الله لها أن يهديها .. و بس و لا تعورين قلبج
بشكل سريع أقول لج خلي علاقتج فيها سطحية .. يعني لا تطلعين معاها مشاوير و إذا قالت خل نطلع أو يابت سيرة قولي لها بطريق المزاح "لا عقب آخر مرة إللي صار لنا ما أقدر كنت بصيح من الخوف و ما أبي الموقف يتكرر لي" و عاد خليها بكيفها يا تتقبل الكلام يا تزعل على كيفها .. إنتي أهم شي بتكونين عاملتيها زين و إدعي الله لها أن يهديها .. و بس و لا تعورين قلبج
u
03-11-2008 | 10:53 AM
اختي اكيد تسقط من عينج ..
قبل ما تقعطعينها عطيها الاسباب وحذريها من عاقبه هالفعايل .. وترى هالشاب .. بيفضحها عن ربعه وهي بالنسبه له انتصار جديد في حياته .. ومفخره بين الشباب ..
طبعا هي ما بتصدق هالكلام .. وخبريها دام بتم على هالمنوال اعتذري لها عن صداقتها .. وهي بكيفها زعلت ولا رضت .. هالطريق نهايته وخيمه ..
تحياتي
ام جنى
قبل ما تقعطعينها عطيها الاسباب وحذريها من عاقبه هالفعايل .. وترى هالشاب .. بيفضحها عن ربعه وهي بالنسبه له انتصار جديد في حياته .. ومفخره بين الشباب ..
طبعا هي ما بتصدق هالكلام .. وخبريها دام بتم على هالمنوال اعتذري لها عن صداقتها .. وهي بكيفها زعلت ولا رضت .. هالطريق نهايته وخيمه ..
تحياتي
ام جنى
z
03-11-2008 | 11:16 AM
اختي نصيحة مني اليك ِ بانك ما تقاطعيها
كوني لها العون في انكِ تنصحيها وترشديها الي الطريق الصحيح
وحاولي تكسبي فيها ثواب من عند الله سبحانه وتعالي
فليس من المعقول عشره 3 سنن ..اتركها
لا يا اختي فالصداقة هي علي الحلو والمر ،،
والانسان يمر بالكثير من التجارب ويستفيد ويتعلم
وما صديقتك الا انسانه ولها اسبابها في انها تحدوا هذاالطريق .
وهنا جاء دورك انتِ
بان تقفي بجانبها ولا تتركيها في طريق كله شوك ودمار
حاول بالكلمة الطيبه والمعاملة الحسنة بتوضيح ما فعلته بان عمل سئ
يسئ لها بالدرجة الاولي وياأثر على حياتها في المستقبل
غير احترامها لنفسها والي اهلها
قفي معها ولكن حذاري من تجدبكي الى هذا الطريق كوني واعيه في هذه الامور
كوني لها العون في انكِ تنصحيها وترشديها الي الطريق الصحيح
وحاولي تكسبي فيها ثواب من عند الله سبحانه وتعالي
فليس من المعقول عشره 3 سنن ..اتركها
لا يا اختي فالصداقة هي علي الحلو والمر ،،
والانسان يمر بالكثير من التجارب ويستفيد ويتعلم
وما صديقتك الا انسانه ولها اسبابها في انها تحدوا هذاالطريق .
وهنا جاء دورك انتِ
بان تقفي بجانبها ولا تتركيها في طريق كله شوك ودمار
حاول بالكلمة الطيبه والمعاملة الحسنة بتوضيح ما فعلته بان عمل سئ
يسئ لها بالدرجة الاولي وياأثر على حياتها في المستقبل
غير احترامها لنفسها والي اهلها
قفي معها ولكن حذاري من تجدبكي الى هذا الطريق كوني واعيه في هذه الامور
ر
03-11-2008 | 11:20 AM
دامها صديقتج من 3 سنين اكيد تعز عليج نصحيها قوليلها الحركه اللي سويتيها ابد ما تناسبج وهذا انتي تكلمي عن فلانه اللي تصفط حق الصبيان اشوفج قمتي تسوين مثلها....قوليلها انتي صاحبة مبادئ وأخلاق وهالحركات أبد ما تليق فيج وبشخصيتج ...انصحيها مره ومرتين وثلاث....
ز
03-11-2008 | 03:17 PM
لاتتركيها لانها بحاجة لنصيحتك وقد يكتب لها الهداية على يدك وينكتب لك أجر
ا
03-11-2008 | 04:58 PM
اذا كنت تخافين على روحج منها تركيها والله جريئة باين انها مب هينة
s
03-11-2008 | 05:13 PM
رايي حبيبتي تقاطعيها قبل ماتخسري سمعتك مجرد انك صاحبتها ده هايسوء سمعتك جامد لانها مكشوفه اوي ومبيهمهاش وادي موقف بسيط امبارح ومجرد خروجه معاها شوفي ايه اللي حصل افرض كان حد شافكو كان يبقي ايه العمل كان هايظن فيكي ايه رايي تقاطعيها قبل ماتاثر علي سمعتك بسيرتها او تبقي زيها
ح
03-11-2008 | 08:25 PM
كلامكم كلكم على العين و الراس
بس صاحبتي من خذت السيارة وقامت تسوق صارت سوالفها جذي
ولا انا معاها صارلي 3 سنين ولا عمري شفت منها شي مخزي بس للاسف يعيبوا على الناس والعيب فيهم
المهم يا بنات انا قررت اني اخلي علاقتي معاها سطحية في الكلية بس سلام
و اذا يابت طاري طلعه اطلع لها اعذار
مشكورين على وقفتكم الحلوة يا بنات
بس صاحبتي من خذت السيارة وقامت تسوق صارت سوالفها جذي
ولا انا معاها صارلي 3 سنين ولا عمري شفت منها شي مخزي بس للاسف يعيبوا على الناس والعيب فيهم
المهم يا بنات انا قررت اني اخلي علاقتي معاها سطحية في الكلية بس سلام
و اذا يابت طاري طلعه اطلع لها اعذار
مشكورين على وقفتكم الحلوة يا بنات
ش
03-11-2008 | 09:32 PM
أنا رأيي إنك تنصحيها و تكلمينها عشان تبعد عن هذا شاب ماتقاطعينها حتى تسمع نصيحتك و إذا ماسمعتك إتركيها عشان لا تبتلي فيها والله يهديها إن شاء الله
#
03-11-2008 | 09:51 PM
لالا تقاطعينها بس سوي اللي قالوا لك البنات خوفيها وعلميها ان حركتها ماعجبتك ولا عد تطلعين معها بسيارتك لا تجيب لك شبهات
ترى انا زميلاتي اللي زي كذا من كثر ماخانقهم على مواضيع الشباب معد يعلموني الا اذا صارت لهم مشكله يحسبوني فوزيه الدريع
ترى انا زميلاتي اللي زي كذا من كثر ماخانقهم على مواضيع الشباب معد يعلموني الا اذا صارت لهم مشكله يحسبوني فوزيه الدريع
F
03-11-2008 | 11:19 PM
بشكل سريع أقول لج خلي علاقتج فيها سطحية .. يعني لا تطلعين معاها مشاوير و إذا قالت خل نطلع أو يابت سيرة قولي لها بطريق المزاح "لا عقب آخر مرة إللي صار لنا ما أقدر كنت بصيح من الخوف و ما أبي الموقف يتكرر لي" و عاد خليها بكيفها يا تتقبل الكلام يا تزعل على كيفها .. إنتي أهم شي بتكونين عاملتيها زين و إدعي الله لها أن يهديها .. و بس و لا تعورين قلبج
نفس كلامها
بس بقولك شي انتبهي تتشمتين بصديقتك قدام اي احد لان الشماته في يوم راح ترجع فيك وصديقتك
تشمتت في البنت اللي قلتي عليها وصارت مثلها
قال الرسول صلى الله عليه وسلم فيما معنى الحديث لاتشمت في اخيك فيشافيه الله ويبتليك