ابا اعرف كيف ينعرف جنس الجنين

حبيبتي ..

في الشهر الخامس يبان جنس الجنين و بسهولة لما تكون الاجهزة متطورة و الدكتورة شاطرة .


كثير حريم خطأ معهم السونار .. بس لما تأكد لك الدكتورة اعتقد ان بيكون صحيح !


و اذا مو متطمنة عيديه او جهزي ثياب بألوان محايدة !

الشهر الخامس من افضل الشهور ويبين فيها جنس البيبي .. واذا تبي زيادة التاكيد سوي اشعة الابعاد تكون اوضح من الاشعه العاديه ..

ولا تنسين بالنهايه هذي اجهزه والغيب لا يعلمه الا الله ..

الله يهون عليك وعلي وعلى حوامل المسلمين

مرحبا بج يالغالية
أنا أختي ولدت من شهر وطول أشهر حملها كانو يقولون لها ان اللي في بطبها بنت بس المفاجئة:21_95:يابت ولد وكنت مب امصدقة واقول تأكدو يمكن امخربطين قالولي محد مربي غيرها
سبحان الله ربج يرزق

شموخ .. فعلا واااجد اللي يقولون لهم شي و يطلع العكس .. و بالنهاية لا يعلم الغيب الا رب العالمين !


اختك كانت تتابع عند دكتورة خاصة و الا شو ؟

مشــكورين خواتي و ماقصرتوا..
صح كلامج اختي انثى الشهر الخامس احسن الاشهر لان الدكتوره قالت لي اذا ماعرفتي الحين مابتعرفين بعدين :eek: لول

مثل ماقالوا البنات .. سوي تصوير 4 دي ..

ودايم يغلطون في جنس البنت .. لانه تكون البوبو على داخل بعده مانزلت لبرع عشان جه دايم يغلطون

بس اذا قالوا ولد يكون صح ولد لانه يبين البي بي والبوبو ماله خخخخخخخ مصطلح غبي للشرح خخخخخ

انا قالوا لي ولد ويوم جيت بالثامن قالوا بنت وفعلا جت بنت واخت زوجي طول حملها قايلين بنت وجابت ولد

في الشهر الخامس يبين كل شي بشكل واضح ^_^

ياسمين ظحكتيني..اصلا انا يوم جفت السونار ماعرفت شو هذا :ss: و سألت الدكتوره عن ال 4 دي قالت ماينفع وضعية البيبي صعبه لانه قاعد.
راجيه الفردوس يعتمد على الدكتوره اذا شاطره ولا لا و بعد العلم عند رب العالمين.
اماراتيه كيوت انا ما جفت شي و ماعطتني الدكتوره صوره البيبي :(

تقدرين تعرفين نوع الجنين من بعد الاسبوع 18

بالنسبة لي كلما رحت اسوي تصوير ياما مسكر ريوله او الحبل السري بين ريوله ومغطي المنطقه

او انه في وضعيه ما تقدر الدكتور تشوف اعضائه

جنننننننننننننني

ولين الحين ما جهزت شي مع اني داخله على السابع

اليوم كانوا في الدوام يتكلمون عن وحده قالوا لها بنت,, ومن الخرعة قامت جهزت غرفة المستشفى من أول مادخلت حتى مانتظرت تولد... يحليلها يابت ولد.. وتخيلوا كل التجهيزات بالوردي.... بس الأكيد الولد مايغلط به.. بس لما يقولون بنت الواحد لازم يعيد الكشف كم مرة ويتأكد لأن أحيانا ما يبان...

رانيا ،، تصدقين انه واجد حريم يغلطون معهم بعد بالولد !


يقولو لها ولد و تبشر الريل و يا حليلها البنوتة خاشة حالها ،،

خخخخ

ولد ولا بنت حلوين..بس اخاف من الصدمه ايقولون شي ويطلع شي ثاني وانا مش مستعده نفسيا لوول

انا بعد شيكت بالشهر الرابع والدكتورة شاطرة واكدت لي بنت
بس انا ماعرفت شلون ما اشوف واضح واسألها واقول لها متأكدة؟؟ قالت ليي ايي اكيد

ولحد الحين يجيني احساس غريب انها غلطانة ويمكن يطلع ولد هههه

بس ان شاء الله تطلع بنت لأني هيئت نفسي لبنوتة وجهزت بع حاجيات بنات

اختيانا في بنتي الثانية احساسي انها بنت مع ان الدكتورة ماأكدت لي بس انا متيقنة
هلمرة قالي الدكتور 100%100بنت وهم السونار مايخطيئ يعني انشاء اللة بجيب نفس الي قالي السونار لان الدكتور جازم وهاذي اول مرة تصير لي لان دئما الدكتورة تعطيني نسبة بس هلمرة قالي واضحة جدا انها بنت مايحتاج حتي اشعة ثلاثية متيقن جدا وجهزة علي اساس انها بنوتة وربي اعلم بما في الارحام