لولا (زهرة النيل الخمرية);7732056:
بالمرة......... هذه هي بعض النصائح (المنقولة) لما بعد الزواج........
(رغاية أوي أنا..:tongue:....!!)
(y)(y)(y)(y)(y)(y)
جزاك الله خير يا لولا بجد نصائح غالية اوووووووووووووووووووووووووى
لولا (زهرة النيل الخمرية);7732022:
مرحبا ثانية......:wink:
بعض الأفكار لتعيني خطيبك على التقرب إلى الله...
1- قبل كل شئ... لازم يكون عندك أنت النية لتنفيذ ما تتفقا عليه... لكي تشجعيه أكتر على القيام به. فلما مثلا تتفقوا على طاعة ويلاقيكي مكسلة و دايما لا تفعلين شيئا مما اتفقتو عليه... هايطنش هو كمان.
2- أتفق تماما مع بوسي كوكو:
عشان تكسبيه.
3- أنا لما كنت مخطوبة (سابقا) كنت باعمل حاجات كانت بتنجح جدا... يعني مثلا لما يكون بيكلمني في التليفون و أذان العشاء يؤذن له... أقول له بكل رقة إني نفسي أنه ينزل يصلي في الجامع... لأني هاحبه أكتر واكتر لما يعمل كده... ولما يتعلل أنه راجع من الشغل تعبان وعايز يستريح... اسأله... "لو كنت تعبان و أنا ناديت عليك أو تمنيت رؤيتك... مش هاتجيلي جري...؟" فيرد عليا رده الروماسي: "طبعا..." فأقول له: "طيب... إيه رأيك في أن اللي بينادي عليك و عايزك في بيته دلوقتي هو اللي خلقني و خلقك و خلانا نقابل بعض و نحب بعض و نرتبط ببعض كمان...؟ ما تستحقش نعمه دي كلها أننا نشكره عليها...؟" فكان بيقفل معابا و ينزل يصلي مبسوط جدا، وكان بيقوللي أنه بيكون سعيد جدا لما أدفعه لهذه الأشياء. و لما بنكون في الشارع و نسمع الأذان أقول له: "أنا عاوزة أصلي" و لو تكاسل أو قال ما فيش جامع كنت باصر على موقفي (مش بعند.. بنعومة... يعني مثلا... أنا شايفة مأذنة هناك يا حبيبي، أو... ممكن يا حبيبي تسأل أي حد عن مسجد قريب بليييييييييييز..؟ عشان خاطري)
4- اتفقا على ورد قرآن تقرأوه و عدد من الآيات تحفظوه و سمعوا لبعض.
5- لما يذكرك بالله تذكري الله، و لا تصري على معصية. يعني مثلا لما كلمني خطيبي (السابق) و سألني "بتعملي إيه..؟" قلت له "باتفرج على فيلم أمريكي جديد" فقالي "أحنا مش اتفقنا أن احنا نبطل الحاجات اللي بتضيع وقتنا و نستغل الوقت في شئ أفضل أو برنامج مفيد...؟" بصراحة اكسفت من نفسي و قلت له عندك حق.
6- حاولوا ماتعملوش حاجة تغضب ربنا لأن المعصية ممكن تضيع منكم حاجات حلوة كتييييير... ممكن تضيعكم من بعض حتى. و هذا ما حدث معي... فبرغم أننا كنا بنحاول نرضي ربنا... إلا أن الشيطان ضحك علينا... فارتكبنا بعض المعاصي بعد أن كنا تعاهدنا على طاعة الله (زي عمل كتب كتاب مختلط في قاعة فيها أغاني و رقص،، تقلليلنا من الطاعات اللي كنا بنعملها مع بعض حتى اختفت و حل محلها الكلام الفارغ اللي بيجيب مشاكل أو الحديث عن الأغاني و المطربين...إلخ) فأنتهى بنا الأمر في النهاية إلى الأنفصال (بسبب تافه) بعد كتب الكتاب، وقد كان كل منا يحب الآخر لدرجة كبيرة و لا يتصور حياته بدون الآخر... لكنه الشيطان الذي زين لنا المعصية ثم فجر الخلافات التافهة التي أدت إلى أنفصالنا... لذا... بالله عليكم يا بنات... حاولوا تتقوا الله جدا في علاقتكم بخطابكم و اعلموا جيدا أن من علامة شكر النعمة (زيادة الطاعة)... حبي ربنا اللي أدالك خطيبك و أدالك صحة و جمال واسرة...و كل النعم دي... و حاولي تشكريه بكل الطرق... وتخيلي كده (و لله المثل الأعلى) أنك مثلا أديتي لخطيبك حاجات كتيييييييير كويسة جدا ليه و طلبت منه حاجات بسيطة... مش هاتفرحي جدا لما يعملها...؟ كذلك ربنا اللي نعمه علينا لا تعد ولا تحصى... بيفرح جداااااا لما تحاولي تتقربي منه وتجاهدي لكي لا تقعي في مكائد الشيطان... فيزيد نعمه عليك و يرزقك بسكينة و سعادة واستقرار.
ملحوظة يا بنات: أنا ما كنتش باخرج مع خطيبي لوحدنا و لا باكلمه بالدلع ده و لا حتى بخليه يلمسني أو أي حد فينا يعبر عن حبه للتاني أو يقوله (يا حبيبي) قبل كتب الكتاب...لأنه لا يجوز شرعا.
أسأل الله العظيم الكريم أن يوفقكن و يتم ستره عليكن و ييسر لكن زواجكن و يرزقكن بحياة سعيدة هانئة عامرة بحب الله. اللهم آمين.
أمييييييييين يا رب العالمين
بجد انا مش لاقية كلام أقوله
ربنا يجازيكى خير و يعوضك فى حياتك بالزوج الصالح ان شاء الله
و نساعد بعض على التقرب من الله سبحانه و تعالى
اللهم اعنا على ذكرك و شكرك و حسن عبادتك