كرهت زوجى

لا يدور في بالج هالكلام ابدا ...... ترى هذا زوجج وابو عيالج... فحاولي تصبرين لان الصبر مفتاح الفرج:(

استعيذي باللة يااختي كثير من الرجال طبعهم عصبي لكن حاولي مصارحتة في ضايقتك من هذه العصبية ربما يحمل في قلبة هم يدفعة اولوكان هذا طبعة ربما يحاول التقليل منة، وربما لايغير لان الرجال صعب انهم يغيرون بس يطلبون من النساء التغيير،قولي لة ان هذاالشئ يضايقك وانه يتصور لو انتي هيك اكيد راح يتضايق،واذا مااقتنع حاولي تتفهمين ان هذا طبعة ومعظم الرجال هيك وحاولي ماتعطينة فرصة انة يعصب،وارجوك ماتقولين كرهتية لانك لوحطيتي هذا الشئ في بالك ماراح تقدرين تعيشين لازم تكونين عايشة وسط ابنائك مرتاحة ومتحابين حتى تقدرين تعطين وتربين ولتستمر الحياة

عندي خلطة سحرية بس ما أعرف نفعت معاي مع أحد أخواتي لأن كن شوي عصبيات

كل يوم الصبح كانت ماماتي تفتح قرآن قبل ما نسير المدرسة سورة البقرة وعاد لازم بوجودنا في البيت نسمع بس عقبها صدقيني صرنا عنبوا ثلاجات متحركة.

الحمدلله ها طبعاً بفضل الله

ادعي اللة يهدية ولما تبين تتفاهمين معاه بالهدوء ولاتتنرفزين لانه راح ماينفذ رغبتك واختاري الوقت المناسب، طمنيني شو صار معك

هلا اختي بصراحة حاسة بشعورج بشكل كبييير

لانه الي اعانية مب عصبيته انما اسلوب زعله اللي يتمادى ايااااااااام واسابيع اذا حب وهو بصراحة اسلوب يحث على الكراهية لو ما تريدين هذا الشي

وانت ما تلامين كوز لكل شي حدود .. شوفي اذا ما فاد انا ما انصحج تكتمين هذا الامر عن نفسج ولا عن ريلج قوليله بصراحة وهددي لانه يعني لو قلتي بتصبرين هذي بتكون النتيجة الكره وهذا شي غير ارادي يعني صعب الواحد يتحكم فيه وبعدها عادي تطلع منج امور نتيجة هذا الشعور مما يتعس حياتكم الزوجية اكثر فبالتالي الافضل انج توقليله يحل المساله واذا رفض اتدخلين حد من اهله تثقين فيه

والله يهديه ....وكثري من الدعاء لكن السكوت عمره ما كان حل من الحلول

للاسف كثير الناس تلوم المراة على امور لانها اونه ما صبرت اذا للصبر حدود فكيف يلومون المراة وكثير الناس تظن انه ما دام هذا الشي صادر من الرجل على المراة تتحمل لكن صدقيني لو كان صادر منج لا زاد الامر نيله والله يعلم بحالج ...

رشوش
عزيزتي الله يعينك ...انتي اكيد تعرفين زوجك اكيد ...اذا كانت عصبيته جديده عليكم ولا من اول جذيه طبعه اذا كانت جديده تراها فتره وبتعدي اكيد متضايق من شئ بعمله ولا عنده مشاكل ويبي شويه وقت ويحلها ويرجع لطبيعته ...اما لو كان طبعه انتي متحملته من قبل وتحمليه شو بتسوين ...الحل حبيبتي لو شفته معصب وتضايق شيلي عنه العيال عنه وخليهم بغرفه ثانيه وخليه لحاله عشر دقايق وبعدها روحي له ومعاك كاسة عصير واساليه اذا كان وده تجلسين معه ولا لا ...اذا قال يبي يجلس لحاله اتركيه احسن وخليه يرتاح ...وحاولي انتي تتفهميه وتقدريه وحاولي تكوني دايم هاديه ادري انه الوحده لما زوجها يعصب ولا يتضايق يتكدر خاطرها بس تحملي وصدقيني بيتغير مع مرور الوقت نحن عايش مع ازواج نار بس بالكلمه الطيبه والمعامله الهاديه والمفاجات الحلوه تغيروا ...لاتنسي دعائك له بالهدايه والثبات ...ودايم كل يوم مغرب وصبح شغلي سورة البقره في البيت ترد عنكم العين ...
والله يهدي لج زوجك
تحياتي
اختك

انا مع الاخت العروس الدائما

هذا هو الحل ومهما صارخ وقال اسكتي وبعدي عنة وشوفي راح يرضي بسرعة اما اذا رديتي علية راح يزودها حبتين ويصير ما لايحمد عقباة

الله يهدية ويسعدك معاة:cool2::cool2::cool2::cool2:

السلام عليكم ورحمة الله وبركاته
انا ايضا متزوجة منذ 3 سنوات والمشاكل بيننا كثيرة هذه الايام لكننى لم اكرهه لاننى تزوجته عن حب ولأنه كل شى فى حياتى ولأنه والد ابنتى على فكرة هو الان يريد ان يسافر ويقول لى ان السفر هو الحل الوحيد لمشاكلنا انا ايضا اوافقه الراى ولكننى لا احب الغربة مع العلم انه سيبعث لى اوراقى لألحق به ومع العلم ايضا ان سبب المشاكل هى التدخلات العائلية

كلام الاخت دائماعروس كلام صحيح واضم صوتي لها، بس فينك يارشوش اختفيتي،دايماافكر فيك مولان المشكلة جديدة علي واللة كلالرجال عصبيين وعندنامعاك خير بس كلمتك انك كرهية مو سهلة،واللة لويذبحونا نحبهم شنسوي

مرحبا اختي من قلبي والله ادعيلك لان هذي مشكلتي انا كمان والمشكله اني انا عنيييييييييييييييييييييييييييده مره وعصبيه كمان والله ماتسير بيننا مشكله الا كل واحد مايكلم الثاني ونقعد فتره طويييييييييييييييييييييله انا ماودي يسير كذا بس كمان مو كل مشكله باكون انا اللي اضحي فيها ادعيلي وياك :confused: :confused:

اشكركم عزيزاتى على مشاركتى همى صدقونى والله انى حاولت بجميع الطرق والوسائل لكن لاجدوى بالنسبة عن عصبيته فهى من زمان بس مو كثر الحين وانا صبرت عليه على امل يتغير خصوصا لما الله يرزقنا بالعيال بس المشكله صارت بالعكس زادت المشاكل لما الله رزقنا فيهم ما ادرى متى يتغير صدقونى انى صبرت على اشياء مستحيل اى وحدة تصبر مثلى تخيلو انى تحملت الضرب منه والاهانات وكل شى على امل التغير بس للاسف ماكو فايدة صدقونى ان مشاكلى محد يدرى فيها غير الله وانتم لانى مااحب انقل مشاكلى لاهلى وتكبر بينا المشاكل

اذكري الله هذا زوجك وابو عيالك فكري لو افنرقتم الله لا يقولها وش راح يصير بالاطفال

عزيزتي الفاضله / رشوش
تقولين انه تغير هذا مربط الفرص اذن هو في الاصل كان تمام وتغير .......
ألم تعلمي انتِ جنته وناره وهو ايضاً لكن نحن في عصر القابضه على زوجها كالقابضه على سلك كهربائي ......:D2 امزح لاوالله الي تراعي زوجها وتمسك نفسها وتبرد نفسه عشان عيالها وزوجها كاالزوجه الاكل للشهد ........ نعم احتسبي الاجر وستجدين المتعه والسعاده في الحياه الزوجيه ...
ماذا تريدين الطلاق ؟؟؟؟؟؟ قد يكون اهبل ويطلق وقد تكونين شايفه حالك وتقولين فكه ‍‍‍‍ ‍! لكن المسئله مسئلة المجتمع والاطفال والحال بعد الطلاق سيتحرش بكِ الصالح والطالح ويشار الى أبنائك بالسبابه ويقال امهم فيها وعليها ويخطيها ماراح يقولون مساكين ابوهم عصبي .....
لذلك الحل بين يديك وستجدينه في ادراجك ودولاب ملابسك وعلى تسريحتك وفي كتبك وبين سطور منتدانا يوجد من النصائح مايكفي جميع النساء والكل هنا ولله الحمد يدلك على الحب والتفاهم والصبر لذلك خذي بالتي هي أحسن لاتظني ان الرجال اطيب من زوجك وأهدء من ابو عيالك فيه اخس وألعن على ماقولون لكن راعيه وشوفي اش الي غيريه من ناحيتك فكي اللغز ابحثي وين العيب وصلحيه هندسيه وابدعي في التصليح عشان تشوفين الفرق ...........
لاتجعلي الاوهام والهموم تغير ملامح وجهك واستعين بسورة البقره احفظيها وذلك بسماعها يوماً لكي يبثق من وجهك نور لايعلمه الا الله وطبعاً سينعكس هذا النور على زوجكِ وابنائك ...
طبعاً اولاً استمعي اليها يومياً واقرئيها يومياً مدة سبع اشهر ثم ابدئي بحفظ صفحه صفحه ومراجعة كل خمس صفحات وهكذا الي أن تتمي الجزء وراجعيه كامل ثم ابدئي بحفظ الجزء الثاني من سورة البقره بنفس الطريق ثم المتبقي منها وان شاء الله مدة الحفظ لاتجاوز ثلاثة اشهر بمشيئة الله تعالى ثم بعدها ستتغير حياتك بشكل مذهل ورائع وانا مجربتها والنتيجه 100% مضمونه ..........

الله يصبرج ويصبرنا على ما ابتلينا به ان شالله...والله يخليج لنا ياأمنا الحنونة .. والله محتاجة لحنانج بشكل ماتتصورينه..





:confused: :confused:

اختي رشوش
والله انا مقدره وضعك جدا واصابني ما اصابك وكان الحل برجوع الى الله سبحانه وتعالى وقراءة سورة البقره كل ثلاث ايام مره وشرب منها0000
وكنت ادعي بصلاتي اللهم حببني بزوجي وحببه فيني 000 يارب جملني في عينه وجمله في عيني 000 يارب وفق بيننا وبعد عن شر الانس والجن
وممكن انت تدعي بما في داخلك وكمان قرأت مره انه اذا كان زوجك معصب وانت مالك قادره على كلامه قولي استغفر الله استغفر الله
وبعدين قولي اللهم اجعل كلامه بردا وسلاما على قلبي كما جعلت النار بردا وسلاما على سيدنا ابراهيم وردديه وان شاء الله بترتاحي والله يرجع المحبه والالفه بينكم 0000
على فكره لازم بكل زواج يكون في فتره ركود بس انت وشطارتك تغلبي عليها 000ممكن بالتغير 00000وممكن بالسفر 0000 والله يوفقك 000
وردي عليه وقليلي شو بيصير معك 000
:up: :up: :up:

الله يعينج اختي رشوش

بس ماشالله عليج شلون استحملتيه انا اشوف كل شئ عادي يكون عصبي يزف ويهاوش كل شئ عادي بس انه يمد ايده عليج ويطقج لا هني ستوووب انتي مو حيله بنت انتي بنت ناس وعندج اهل يدافعون عنج المفرووووض انج موقفته عند حده


اما عن عصبيته

اوكي يكون عصبي ومتنرفز من شئ لا توقفين جدامه خليه طلعي من الغرفه اللي اهو فيها وخليه لين ينطحن الحب الللي براسه

والله صدقيني وحاولي انج تتحاشينه ولا تسألينه شفيك خلي نفسج خايسه عليه جهزي شغله حطي اغراضه ولاتقصرين بس لاتكلمينه لااااااااااا تكلمينه

لانه اكيد عند زوجج نقطة ضغف وانتي عارفتها فسيطري عليه من هالنقطه

وصج في شغله

اكشخي له وتسنعي وحطي الميك اب والبخور وكل شئ بس لاتخلينه يقرب صوبج عشان يحس انه مقصر وياج بشئ واذا تنرفز قولي شلون اخليك تاخذ حقك مع وحده تعبت منك تبيني مجرد ألــه لك

واتمنى اني قدرت اساعدج
اي صج نسيت اهم شئ عيالج حاولي انكم ماتتناجرون جدامهم لانه بأثر على شخصيتهم مهما كانو صغار


تحياتي

اشكركم اخواتى على تفاعلكم معى والله انكم خففتو عنى مصيبتى اختى رهينة الاقدار صدقينى اذا تهاوشنا مع بعض اسكت عنه واروح بعيد يلحقنى ويقول ليش رحتى وليش ماتردين على وما يخلينى الا ليما ابكى حتى لو بكيت يقعد ويصارخ ويزف والله تعبت الله يخليكم ادعو ان الله يهديه على الاقل علشان خاطر الاطفال اللى مالهم ذنب

الله يصبرك يا اخت رشروش ويهديلك زوجك
وان شاء الله بتغير مع ايام وبيعرف غلطه معك
وبتعيشي ايام حلوه وسعيده انت واطفالك
تحياتي لك وتمنياتي لك بحياة سعيده وهنيه
يــــــــــــــــا رب آميـــــــــــن

السلام عليكم **اخباركم ياصباياااااااا***** حبيبتي رشوش استعيذي بالله من الشيطان الرجيم **وترى هذا ابو عيالك وبعدين وش ناويه عليه اذا انتي تقولين كرهته ماتبين تعيشين معاه لااااااااااااااياقلبي المره تتحمل كل شي عشااااان عيالها:051: ** بماانك جبتي عيال تحملي*** وحاولي انك تذكرين نفسك بالاشياء الايجابيه اللي بينكم وتجاهلي كل شي سلبي وقولي بنفسك بس عشان هالعصبيه ماعليه بتحمله *** ولاتنسين ترى الشيطااااااااااااان شاطر *** وانتي حاولي تتجنبين اي شي يضايقه ويخليه يعصب** عاد مايحتااااااااااااج اقولك انتي وشطارتك واسلووووووبك تقدرين تخلين هالعصبه ترووووووح نهاااااااااااااااااائي**:03::014: