مشورتكم مع خطيبي

malak_alwa6an 02-11-2008 8 رد 589 مشاهدة
m
السلام عليكم اعزائي كيف الحال انشاء الله ابخير؟

القصه و ما فيها انو خطيبي البارحه لاول مره و بعد الحاح اقر لي بانو كان امصادق وحده و اسمها نفس اسمي و كان شكلها قريب من شكلي بحد كبير بس ما ارتبط فيها مع انو كان لهم علاقه اربع سنين لان هما مو من نفس البلد و المذهب و كثير شغلات تختلف بس قال لي انو هو ما كان ايحبها مجرد كلام و كانو اهل البنت يعرفون بان هناك علاقه و كان ايروح عندهم للبيت على غدا او عشاء و كانو يطلعون لحالهم في المطاعم و الحدائق بس ايقولي ما كان في علاقه جنسيه بس المشكله مو هنا و بس المشكله ان البنت الحين اتزوجت و انجبت طفل و سمته على اسم زوجي و كتبتله رساله اتقله وفاء لك سميت ابني على اسمك و اتكلمه عادي و لا كانو انها متزوجه و خلت زوجها يتعرف على خطيبي


المشكله احس ان خطيبي لحد الان ايحبها او ان له ميل الها و انا ابصراحه مثل المتضايقه من الداخل لان ما قال لي هل شي من البدايه و مع انو كنت كل ما اقول له عندك شي تعرف بنت ايقلي لا و المشكله الثانيه بعد ما خلصنه الحديث قال انا اسف قتلك هل شي و كان المفروض ما اقلك هل كلام مع اني لم ابين له باني متضايقه بل عكس بحكم هو ببلد و انا في بلد فاتحتله الكامره و حلقي كان بينشق من الابتسامه بس من الداخل غير احسه من نبرته و من كلامه بان يحبها و مع انو انا متاكده ما في شاب ما عنده علاقه مع بنت في هذه الايام و هذا الشي متقتلته انا بس الحين سوالي من الي عندهم خبره كيف اعرف بان هو لسه ايحبها او لا و كيف اقدر اقنعه بان لا يكلمها ارجوكم ساعدوني لاني من كثر ما متضايقه بحس نفسي مخنوقه شويه و الله كريم و الحمد لله على كل شي

صحيح و قال لي الحين هو في بنت سوريه اخذت رقم تليفونه و قاعد اتكلمه في اليلل و هو كلمها مره وحده و بعدين قام ايسكر الجهاز لانها ناويه اتقيم معه علاقه من كلامها و كانت تتكلم عن لبسها و مفاتنها و هو ايقول انا اخاف ربي و انا خاطب ما يصير اعمل كذا و مع العلم هذه السوريه للحين تبعثله مسجات و تتركله رساله صوتيه بس هو على قولته امطنش بس من قال امطنش حسيت العكس صراحه و هذا الشي الي امضايقني و تارك بالي ايروح يمين و يسار و انا اسفه على الاطاله بس ما عندي غيركم اهلي ما اقدر احكيلهم خوفا من المشاكل و كذالك الصديقات.


خواتي ادعولي في ظهر الغيب بان يفرج همي و يهدي و يسخر لي خطيبي و ييسر لنا كل عسير و يجعل لنا حسن العاقبه و دوام الافراح و السعاده
ن
الله يفرج همك ويسخر خطيبك لك وييسر زواجكم امين يارب العالمين
ح
الله يفرج لك ياحي ياقيوم
حبيبتي صارحيه مادام انك في فترة خطوبه يعني في البر وشوفي وجهة نظره
وممكن تخيريه تقولي له ياانا ياهادي البنت وشوفي النتيجه
ا
الاحسن الصراحة انك تصارحينه لان انتوا للحين على البر وبعد يعني شنو بنت تاخذ رقمه وتتعرف عليه

وتكلمه وين احنا قاعدين كلميه بس بهدوء وحسسيه انه جذي بيخسرج اذا سوى هالحركة والله يفؤج همج

ويسر امورج
س
والله هذي حاجه صعبه اذاكان صاحب علاقات من اولها .المشكله لوصارحتيه وقلتي انا اوهي فيمكن يقول انتي وتظل علاقته مستمره ومن جه ثانيه كونه انه صريح معاك من البدايه فهي وحده من اثنتين اما انه طيب وعلى نيته يعني هذي الاشياء ماتهمه او انه لئيم وبيستغله بعد الزواج وبيقول انا كنت اقولك على كل شيء وتعرفين انه عندي علاقات فلازم تعرفين نوعيته .هل عيونه طويله يعني اذا طلعتم مكان عام يجلس يناظر البنات بتحديق واجعلي له امتحان بسيط واعديه في مكان عام وتاخري عنه شوي وشوفي نظراته يطالع بنات كثير او يتبسم اذاكان كذلك فهذاابتعدي عنه افضل لك ومن اولها ولااخرها .
د
قال تعالى : ( يأيها الذين آمنوا لا تسألوا عن اشياء ان تبدو لكم تسؤكم )

الفمروض يااختي ماتسألين في هالمواضيع

لان الي فات مات

وبشطارتج تكسبين زوجج

الله يوفقج

ادري ان الغيرة اصعب من الكلام الي انا قلته بس نصيحتي لج صبري واحتسبي الاجر

الله يوفقج
^
خطيبها صارحها .. صراحته تخليه انه صاحب علاقات

لا بنات الرجال عادة لو يبون يخونون يخبون ويسكتون


ولو ما يحبج يا اختي ما خطبك انتي بالذات كان خطبها من زمان ممكن كان في حب بينهم

بس الحين هي متزوجة وزوجها يعرفه وهي تعرفج ففما اظن في بينهم الا كل ود لا اكثر


ما ادري وايد منفتحين لهدرجة من وين هالبنت عشان عادي اهلها يخلوها تطلع معاه وهم ما بينهم شي

كانت زميله يعني؟ اوكي علاقتها معاه بالجامعه وحولها بس تطلع كيف قوية والله

دامه يصارحك باقل الاشياء فتمسكي بخطيبج ونسيه هالسوالف

قوليله انا احترم صراحتك وبالعكس انت فرحني لانك ما خبيت عني وصدقيني يقولك هو ولا يقولوا لك الناس او تسمعي م وراه

بتحسين انه مخبي اشياء وايد يقولك عن كل شي بلسانه احسن من يقولوا لج الناس خطيبك كذا وكذا


واحسني النيه فيه توكم بالبداية واا تحسيه راعي سوالف وما يبي يتزوجج خليه بحاله
&
الله يسخر لج خطيبج يارب العالمين..


N
ايه هالعلاقه الغريبه ؟؟؟ الى متعود يعمل علاقات من هالنوع قبل الزواج وماخذها على اساس انها عادي ما رح يبطلها بعد الزواج معلش على هالكلام بس هذه الحقيقه الا اذا ربنا تاب عليه وانتى لسه بعدك على البر اختى مو قصدى اننك تخربي بيتك بس كونى واضحه وصريحه معاه انه هالشيء مرفوض ويلغي كل هالعلاقات يا كل واحد بحال سبيله يعنى والله غريبه بقبلها انتى يكون عندك هالعلاقات وتحكيله عادى بقوم الدنيا وبقعدها
X