~'*¤!||!¤`تجهيزات عرايس البحرين { الــواحــد والثــــلاثــــون}*¤!||!¤*'~`

أنا الشوق;7646924:
ذيج المره مادري من اللي قالت انها عادي تحني :think:

:21_218:انه
بس مادري من الي قال لا ماصارت تحني عادي
وانه نسيت اسألها

صاحبة الظل الخفي;7647211:
:21_218:انه
بس مادري من الي قال لا ماصارت تحني عادي
وانه نسيت اسألها

ماترضه
انا كنت ابيها حق امي واختي مارضت
لانه عندها ولدها الصغير
حاولت وياها مارضت للأسف :wink:
فراحو ريناز تحنوو

بناااااااااااااااااات
بليز بلبيز
ابي صالون حق حشاش شعر مو قص
لانه شعري قاعد يحت بشكل مو طبيعي
مو من الجذور لا ينقص من نص الشعره:(
قلبي معوررررررني عليه:(
ابي صالون حلو قصهم ويضبطونه لي
وابي سعر عدل:\

قلبك الأخر;7648420:
بناااااااااااااااااات
بليز بلبيز
ابي صالون حق حشاش شعر مو قص
لانه شعري قاعد يحت بشكل مو طبيعي
مو من الجذور لا ينقص من نص الشعره:(
قلبي معوررررررني عليه:(
ابي صالون حلو قصهم ويضبطونه لي
وابي سعر عدل:\

كنوز
آن
زمرده
ايلاف

بس ماجربت ولا واحد منهم، سمعت فقط من هنا:o

الترجيه;7643979:
صحوبه فديتج بساعدج شويونه باللي لقيته
كون عرسج بيكون تاريخ 14
عندما يكمل القمر ليلته الرابعة عشر من هذا الشهر ( 10) يسرنا تشريفكم لنا في منزل(فلان الفلاني ) لنوقد الشموع وننثر الزهور وتدق الدفوف
احتفالا بزفاف واستقبال ابنتنا/ فلانه بنت فلان
فنأمل حضوركم ومشاركتكم فرحتنا شاكرين لكم تلبية دعوتنا
الداعيه/..........

في يوم الموافق / / 200عندما يضرب الليل اطنابه على خيمة الارض ..ويفتح السهر ابوابه...
نحتفل معا في منزل .......بمناسبة زفاف واستقبال ابنتنا .........
وبتشريفكم تكتمل فرحتنا
الداعيه/.........


ليله من أحلى الليالي القمرفيها يرسل السلام
والنجوم حولها تنسق الكلام عن قلبين
محبين جمعهم الهيام وصوب نحوهم الشوق السهام
في هذه الليله كان القدر محسوما والقدرمكتوبا
بزفاف واستقبال كريمتنا _____
وذلك في يوم_____وفي منزل والدها ____
ونحن بانتظار احبتنا حتى تكتمل فرحتنا
وعلى شذى الأزهار نبث تحيتنا
لكل حبيب لبى دعوتنا


ان شاءلله يفيدونج ولو شويونه وبالتوفيق يالغلا

وااااااااااااااااااااااو،،، سرقت الحجي للمستقبل :)

فتوح الصغيره;7644649:
بنات تعقدت >>>>>> :cry: مسوية فستان طبقات

لا حبيبتي لا تتعقدين،، ان شاء الله يطلع حلو،،، وترى مو الفستان اللي يحليج،، انتي اللي تحلين الفستان :)

sugar123;7645072:
بناااااااااااااااااااااااااااااااااااااااااااااااااااات !!

ترى ما احب الالوان الوايد واللمعه !! (( علشان اوضح ذوقي لكم.. يعجبني مكياج فاطمة اللبنانية ويعجبني مكياج معصومة ماك )) ..

واني ادور شفت صورة لمكياج ابتسام السويدي :


هذه البنت عينها واسعه .. عيني صغيرة !!!

اييييييييي كل أجوفها تحط هالمكياج

sugar123;7645205:
انتظر الصور ..

وين laleeta هي الوحيدة إلي شايفه مكياج فاطمة البحريينه ..
ابيها تقرر عني ,,

اذا قريتين الرد ابي رايج ..

من احلى مكياجها ابتسام السويدي او فاطمة البحرينية في الرونق !؟!

ابتسام السويدي تحط وااااااااااااااااااااااااااايد لمعه وأبيض تحت العين،، أنا بالنسبه لي ما يعجبني مكياجها،، ومن كلامج حسيت ذوقج نفسي يعني ما تحبين اللمعه ويعجبج مكياج معصومه واللبنانيه،، يعني نفس ذوقي،، فأنا لو مكانج بجازف عند فاطمه البحرينيه ولا إني أروح عند ابتسام،،، بس مثل ما قلت لج هي مستواها أقل من معصومه واللبنانيه ونهاد... يالله ان شاء الله يعجبج :)

ياخوفي تروحين وما يعجبج وعقب تلوميني :( ترى أنا أقولج رايي وانتي بكيفج...

جوفي انا عندي لج حل.. انتي حجزي عند الثنتين اوكي؟ ولين رحتي تسوين شعرج في الرونق أكيد بتشوفين بنات متمكيجين عند فاطمه البحرينيه،، اذا عجباج سوي عندها واذا لا روحي عند ابتسام :)
واذا عن العربون فدفعي 5 دينار عند الثنتين واللي ما بتتمكيجين عندها خلي يسوون لج رصيد واحتفظي فيه عشان مره ثانيه تروحين تسوين منيكير وبديكير :) جفتي؟ حليت لج السالفه :)

قلبك الأخر;7648420:
بناااااااااااااااااات
بليز بلبيز
ابي صالون حق حشاش شعر مو قص
لانه شعري قاعد يحت بشكل مو طبيعي
مو من الجذور لا ينقص من نص الشعره:(
قلبي معوررررررني عليه:(
ابي صالون حلو قصهم ويضبطونه لي
وابي سعر عدل:\

أنا جربت آن في كنوز

وماو في صالون لينا

والصالونين في عالي واثنينهم حلوين في قص الشعر :) وحتى في العيد مالج محط ريل من الزحمه

صاحبة الظل الخفي;7633703:
الي كانت تسأل عن قميص اول ليله
في BHS
خذيتلي واحد

في احد يعرف وين احصل شبشب له يا عادي او في ريش ويكون اوف وايت

السلام عليكم و رحمة الله تعالى و بركاته،

يوم السبت كنت رايحة بيت التنزيلات و شفت عندهم أشياء حلوة .. بس نوع إللي موديلاتهم عادية تعرفين النوع إللي قاعته إسفنج و مغلف بقماش و من قدام مصكك بالكامل و يكون قماش محشى بقطن على ما أعتقد .. بس ألوانهم حلوة و ناعمة و قماشهم مطرز بنفس لون القماش و فيه شوية فولك .. أني عجبوني بس ما أعرف إذا إللي في بالش جذي أو شي غير؟

sugar

زين انتي هني.. سمعي يقولون في وحده اسمها نجاة في الرونق وستايلها نفس معصومه.. جوفي اذا عندها مجال.

laleeta;7650134:
sugar

زين انتي هني.. سمعي يقولون في وحده اسمها نجاة في الرونق وستايلها نفس معصومه.. جوفي اذا عندها مجال.

هلا اختي ..

ايي شكلي من شفت ان في وااايد لمعه في مكياج ابتسام .. حسيته مب ذوقي .. في ناس يعجبهم .. واحس ان هل النوع في الصج مب وايد حلو ... بس في الصور يطلع شي مرتب ..

بتصل فيهم الظهر بعد الساعة 3 .. وبسألهم ..

ابي محل يحطون مكياج بس اهم شيء مو غالي لانة حق حفلة بسيطة جداً وقريب من عالي او مدينة حمد

يتوم;7650477:
ابي محل يحطون مكياج بس اهم شيء مو غالي لانة حق حفلة بسيطة جداً وقريب من عالي او مدينة حمد

مالج إلا صالون سلوى عند مروه،،، يعني مكياجها زين اذا حق حفله بسيطه،،وخصوصا انج تبين شي مو غالي،، بس اذا ماتحبين الكحل ينمد صوب الخشم قولي لها.. لأن هي تمده وانا محب جذي :)

فتوح الصغيره;7641649:
بنات من يومين كنت بالسعودية ومرينا على مجمع الخبر مول
كان عندهم قطع للأعراس روعــة عاد أنا قبل فترة شريت قطعتي بس هالمرة كنا رايحين
عشان اختي تبي تشتري قطعة
شفت انا هالقطعة و صورتها عجبتني خصوصا للعروس
ترى قطع السعودية صج كشخه و على مستوى

اي فعلا الخلق اللي في السعودية احلى من اللي في البحرين وارخص بعد
اني رحت اشتري لي خلق من هناك,, وفصلت مرة وحدة في السعودية
خذيت الخلق من الخبر موول
الصراحة فساتينهم حلوة,, أحلى من اللي في باقي المحلات وشارع الحب

هذي الصورة اللي حاطينها لمكياج ابتسام السويدي قديييييييييمه

واني تمكيجت عندها ماشوف حطو لي ابيض ولمعه ومادري شنو بالعكس كان المكياج رووووعة وحطت لي ناعم

بس الناس اذواق ويختلف من وحده لثانيه

دموع الكوثر;7650905:
هذي الصورة اللي حاطينها لمكياج ابتسام السويدي قديييييييييمه

واني تمكيجت عندها ماشوف حطو لي ابيض ولمعه ومادري شنو بالعكس كان المكياج رووووعة وحطت لي ناعم

بس الناس اذواق ويختلف من وحده لثانيه

أنا آخر مره جفت مكياجها قبل سنه تقريبا،،، ويمكن فعلا تغير مكياجها للأحسن :) وأكيد الناس أذواق :)

مرحبا بناااات.. يعطيكم العافيه حبايبي والله يوفقكم ان شالله ويتمم لكم على خير ان شالله
انا عروسه من قطر وعندي استفسارات لاني ابي أجهز من البحرين<<بصراحه مادل ومحتاجه مساعدتكم

1- شرايكم بمعرض البحرين للمجوهرات اللي بيصير اخر الشهر اعتقد من 25-29/11/2008 ؟؟؟
2- وين الاقي العبايات الكشخه اللي تصلح حق عرايس؟؟
3- شتنصحوووني اجهز من البحرين<< قصدي اشياء مميزه وحلوه

ومشكووووورين
فيونكهـ

أنا الشوق;7646398:




فتووح

ليش تصيحين على الطبقات :tongue:
ترى الطبقات حلو ومافيه شي
وهو يعتمد على جسم الوحده، وعلى القطعه
وطبقات عن طبقات يفرق :wink:

أنا الشوق
لما رحت اشتري القطعة ماادري لفتت نظري الطبقات خصوصا حسيتها شوي غريبة كل شوارفسكي والتوب بعد شوارفسكي بس حجمة كبير مع كرستال
ان شاءالله بعد مايجهز بعد الحفلة راح اصورة لكم
عاد أهم شي الخياط يسوية زين

فيونكهـ;7651389:
مرحبا بناااات.. يعطيكم العافيه حبايبي والله يوفقكم ان شالله ويتمم لكم على خير ان شالله
انا عروسه من قطر وعندي استفسارات لاني ابي أجهز من البحرين<<بصراحه مادل ومحتاجه مساعدتكم

هلا و الله اختي فيونكهـ .. حياج الله بديرتج البحرين .. و مبروك مقدما و ان شالله تلاقين اللي يسرج و يعجبج عندنا في البحرين ..

1- شرايكم بمعرض البحرين للمجوهرات اللي بيصير اخر الشهر اعتقد من 25-29/11/2008 ؟؟؟

ما جفت اعلانات له لحد الحين .. و عندج مجوهرات ديلو في الرفاع كلش حلو تصاميمه و عنده الماس ..

2- وين الاقي العبايات الكشخه اللي تصلح حق عرايس؟؟

روحي الرفاع البوكواره في وايد محلات عبايات حلوه و راقيه و المحرق بعد بس المحرق احلى شي أعتقد شيلاتي .. وحتى شارع جدعلي تلاقين كذا محل حلو و كشخه ..

3- شتنصحوووني اجهز من البحرين<< قصدي اشياء مميزه وحلوه

هالايام تخفيضات عندنا في معظم المجمعات فرصه يعني جوفي لج شي مميز و حلو من ثياب و شنط و الله يعزج نعل .. اذا تبين ادوات مطبخ توني راجعه من سناء جفت عندهم صحون اشكال و انواع و صحون تقديم و كاسات و كوب عجيبين و لا يبينون انهم من سناء بس يبيعونهم بالقطعه و انتي تسوين الطقم على كيفج مو غاليين وايد و لا ارخاص كلش و الالوان تجي ساده جفت ابيض و اخضر ليموني ..

الاجهزه الكهربائيه روحي جيان وايد يسوون عروض .. المفارش عندج عبدالرحيم كمال قبال برادات الجزيره عند النادي الاهلي _ما اعرف شيسمون هالمنطقه يمكن ام الحصم :o_ المفارش كلش حلوين اللي عنده ..

و هذا اللي ببالي حاليا .. ان الله باقي البنات يساعدونج اكثر ..

ومشكووووورين

العفو اختي عزيزه و غاليه
فيونكهـ

هلا خيتوو فيونكه

الله يتمم لج على خيررررررر

بالنسبه لمعرض المجوهرات حلوووو واسعاره احسن من اسعار السوووق بوااايد وطبعا يكوون فيه اشياء مميزه انصحج فيه وكل شي بتلاقين

بالنسبه للعبايات فيه واااااااااااااااااااااااااايد محلات

واذا تبين شي حلووو مب اى كلام

عندج عبايات الفيروزه وعبايات الخدر وعبايات زمزم وعبايات شيلاتى و وحلاتى بعباتى و السديم وعبايات ليال والمتحجبه وكرستال والزمرده وووايد محلات غيرها لين تبين ادلج عن محلاتها واييب لج اسامى محلات اكثرر طرشي لي رساله ومن عيوني

اشياء مميزه امممممم اذا تبين جلابيات عندنا وايد محلات فى شارع بوكواره ومحل كبري القصير ومحلات بالمحرق


واي استفسار حاضرين لج

فيونكهـ;7651389:

1- شرايكم بمعرض البحرين للمجوهرات اللي بيصير اخر الشهر اعتقد من 25-29/11/2008 ؟؟؟

هلا أختي ..
شريت طقمي (ألماس) من هناك .. وشرت لي امي لي ساعة ولخطيبي ساعة ..

ترى الاشياء إلي عندهم غير عن السوق .. وفي المحلات المعروفة داماس ديفجي الزين .. يكون عندهم عروض واشكال مميزة وغير ودسكاونت ..

وفي محلات يكون عندهم الماس اسعارهم اقل ( بس له اسم راح عن بالي يكون لمعته اقل) ما انصح تشترين منهم ..

اما اذا تبين تشترين ذهب أصفر.. فما انصحج تروحين .. لأن يمكن من المعرض كله محلين او ثلاث (بدون مبالغة) يبيعون ذهب اصفر بدون الاماس.. وانتين تبين اكيد تختارين شي حلو ..

الذهب الاصفر في سوق المنامة والرفاع افضل .. لأن في اكثر من محل ..
بس اذا تبين ألماس لا تشترين إلا من المعرض

laleeta;7650134:
sugar

زين انتي هني.. سمعي يقولون في وحده اسمها نجاة في الرونق وستايلها نفس معصومه.. جوفي اذا عندها مجال.

اتصلت فيها .. هي بعد تبع ماك كانت .. قالت ما عندها مجال بي ..
وعطتني رقم وحده اسمها حنان..

بنات في احد يعرف صالون بروفايل بجم يسون الفيشل
انه كنت اعرف قبل 3 سنوات ب20 و25 هل نفس الشي او رفعوا السعر
لان عندي موعد الساعه 5 فردواعلي قبل