هلا بنات اخباركم
بدخل لكم في مشكلتي
مشكلتي ياطويلات العمر ان ريلي زهق وتعب وقال خلاص مافي الا نسوي انابيب
قلت شنو انابيب :eek:
قلت له حبيبي استغفر ربك وقوم اليل واقرا القرأن
قال اوكيه بس ماراح تخسرين شي اشفيها لو نسوي انابيب ؟ انشالله يكون حمل
وانا خايفه ومتردده مرررره فقال خلاص انشالله بكره بنسوي موعد يوم رحنا امس قالت السكرتيره الدكتور مسافر وبيرجع تاريخ 24 -11 وبعطيج موعد نفس التاريخ اول مايرجع عشان تبتدين علاجك انا استانست شوي لان بيتاخر لان والله مابي اسوي انابيب ابي احمل طبيعي وراح اصبر عادي بس زوجي يبي بسرعه نسوي العمليه وثانيا انا خايفه من العمليه وايد وايد وااااايد:confused: لان سمعت الي سوت صار فيها ورم بس الحمدالله طلع ورم حميد ويقولون تعور العمليه شوي وبعضهم يصير فيهم نزيف
يمه يمه شاسوي
زوجي يقولي استخيري
اشلون يابنات استخير وانا فيني الدوره ؟
بنات بليز طمنوني الي سوت عمليه تقولي هل صار لها شي بعد العمليه ؟
وابي منكم دعوه طيبه لي ان الله يرزقني طبيعي وما اسوي انابيب
زوجي قالي ؟؟؟؟
م
31-10-2008 | 08:19 PM
ا
31-10-2008 | 08:29 PM
الله يعطيك ياكريم يارزاق امين
س
31-10-2008 | 08:32 PM
الله يرزقك بالذرية الصالحة... انا عن نفسي اذا كملت خمس سنوات وما حملت بسوي انابيب .. بس صحيح هي تأثر على الظهر اكثر بس ما تخوف وخصوصا انك للحين صغيره ..
ر
31-10-2008 | 08:36 PM
توكلي على الله اختي .. وما تقلقي .. اذا وضعك بحاجه لأطفال انابيب ما تخافي اعمليها ووكلي امرك لربنا .
العمليه ما بتخوف وما الها اي اثار جانبيه ...
بس متعبه نفسيا من كتر الابر اللي بتضطري تاخديها عشان تنشيط المبايض ..
استخيري بعد ما تخلصي من الدوره واسألي الدكتور عنها اذا في داعي تعمليها او ممكن تاخدي علاج تاني ..
والله يوفقك ويكتب لك الخير ..
العمليه ما بتخوف وما الها اي اثار جانبيه ...
بس متعبه نفسيا من كتر الابر اللي بتضطري تاخديها عشان تنشيط المبايض ..
استخيري بعد ما تخلصي من الدوره واسألي الدكتور عنها اذا في داعي تعمليها او ممكن تاخدي علاج تاني ..
والله يوفقك ويكتب لك الخير ..
م
31-10-2008 | 08:37 PM
........................
م
31-10-2008 | 08:38 PM
الله كريم بستخير انشالله
تسلمون يالغاليات
تسلمون يالغاليات
ن
31-10-2008 | 08:52 PM
اذا كان العيب من زوجج والحل الوحيد اهو انابيب توكلي وسويه اما اذا كان بسيط والعيب منج لاتفكرين انتظري انا لماتأخر الحمل عندي 3سنين والعيب كان مني عندي تكيس بسيط فكرت اسوي تلقيح بس اختي انصحتني اني ماسويها الا اذا كملت 10 سنين ومانفع معاي العلاج وسمعت كلامها وانتظرت ووكلت امري لله واستغفرت وتصدقت ودعيت اخر الليل وخذيت عسل واعشاب والله ماضيعني ومارد دعائي والحمدلله انا الحين حامل والله يارب يتممه علي بخير وثبته ان الله ويرزقني ويرزقكم جميعا الذريه الصالحه السليمه المعافاه يارب ياكريم
G
31-10-2008 | 08:55 PM
ما في داعي للخوف حبيبتي ... بنات القسم كلهم تقريبا مجربين العمليه .... و انا وحده منهم و الحمد الله محد فينا صارله شئ ..... و اذا فحوصاتج و فحوصات ريلج سليمه لا تستعيلون على العمليه ..... و ان شاء الله تحملين طبيعي
ا
31-10-2008 | 09:37 PM
مافيها شي لاتخافين
الله يكتب لك الي في الخير يارب
الله يكتب لك الي في الخير يارب
ب
31-10-2008 | 10:20 PM
اختي اذا انتي توج ماصار لج 3 سنين نصييحه لا تسوين انابيب بامكانج اتسوين تلقيح صناعي لان انتو مافيكم شي عشان تتجهون للانابيب
بامكانج اتسوين تلقيج وان شاء الله تحملين وماتحتاجين لاي شي
بامكانج اتسوين تلقيج وان شاء الله تحملين وماتحتاجين لاي شي
ق
31-10-2008 | 10:26 PM
الله يرزقك يارب ويكتب لك الخير
ا
31-10-2008 | 10:39 PM
الله يرزقج بالذريه الصالحه
ن
31-10-2008 | 11:09 PM
حبيبتي لاتستعجلين على الانابيب توك 3 اسنين اصبري اشوي ويمكن ربج يرزقج في القريب العاجل وانا سمعت عنها وناس من عيلتنا مسوينها مافيهم الا العافيه وربي رزقهم اطفال سليمين بس بعد صبر 6او7سنين الحمد لله على كل حال سوي التلقيح اول واذا مافاد الانابيب الله يرزقك ولايحرمك منهم يارب العالمين
o
01-11-2008 | 12:44 AM
الله يرزقج بالذريه الصالحه
ج
01-11-2008 | 01:11 AM
لا تخافين حبيبتي وان شاء الله ما تحتاجين لها وتحملين طبيعي
وثانياً الدكتور لما يتابع حالتكم وفحوصاتكم هو بقرر شنو الحل الأمثل لكم
يمكن السالفه ما تستدعي الأنابيب ,, يمكن حقن وخلاص
الله يعوض صبركم خير ويرزقكم الذرية الطيبة
وثانياً الدكتور لما يتابع حالتكم وفحوصاتكم هو بقرر شنو الحل الأمثل لكم
يمكن السالفه ما تستدعي الأنابيب ,, يمكن حقن وخلاص
الله يعوض صبركم خير ويرزقكم الذرية الطيبة
م
01-11-2008 | 02:11 AM
الحمدالله احنا مافينا شي سليمين
انا عادي بس زوجي مصر الا نسوي وانا توني دخلت في السنه الثالثه
والدكتوره قالت المجهري والانابيب نفس الشي تقريبا بس في تغير بسيط جدا والدكتوره الخاصه هي حولتنا عند دكتور متخصص وهي تعرف ان مافيني شي ولا زوجي بعد بس هي يوم شافت ريلي مستعجل يبي عيال وهو عمره كبير موصغير اكبر مني بوايد فقالت براحتكم مافي الا انابيب
عشان كذا ريلي مستعجل قال انتي عادي بس انا ابي اشوف عيالي بسرعه وانا في هالعمر
الله كريم انشالله احمل طبيعي وماسوي العمليه مشكورين يالغاليات على نصايحكم والله يرزق كل وحده الي تتمناه
امين يارب
انا عادي بس زوجي مصر الا نسوي وانا توني دخلت في السنه الثالثه
والدكتوره قالت المجهري والانابيب نفس الشي تقريبا بس في تغير بسيط جدا والدكتوره الخاصه هي حولتنا عند دكتور متخصص وهي تعرف ان مافيني شي ولا زوجي بعد بس هي يوم شافت ريلي مستعجل يبي عيال وهو عمره كبير موصغير اكبر مني بوايد فقالت براحتكم مافي الا انابيب
عشان كذا ريلي مستعجل قال انتي عادي بس انا ابي اشوف عيالي بسرعه وانا في هالعمر
الله كريم انشالله احمل طبيعي وماسوي العمليه مشكورين يالغاليات على نصايحكم والله يرزق كل وحده الي تتمناه
امين يارب
ا
01-11-2008 | 02:30 AM
الله يكتب لج اللي فيه الخير
ان شاء الله
ويرزقج بالذريه الصالحه
ويفرح قلبج و قلب ريلج
قولي آمين
ان شاء الله
ويرزقج بالذريه الصالحه
ويفرح قلبج و قلب ريلج
قولي آمين
ح
01-11-2008 | 02:35 AM
الله يعوض عليكى
ر
01-11-2008 | 02:42 AM
الله يرزقك بالذرية الصالحة من غير عمليات
م
01-11-2008 | 02:52 AM
امين امين الله يسمع منكم يارب