اكتشفت بعد 7 سنين حب انه متزوج؟!!! قصة صارت لبنت عمي وابغي شوركم.!!!!!!!!!
أ
31-10-2008 | 10:50 AM
السلام عليكم ورحمة الله وبركاته
صار الموضوع لبنت عمي عندما كان عمرها 17 سنة وهو كان عمره23 سنة كانت في نهاية المرحلة الثانية وتعرفت عليه عن طريق الصدفة عندما اتصل بالغلط اول مرة ومن ثم تم الاعجاب
وهي كانت تخبرني بما يحدث بعد مرور سنة اتفقوا على الزواج وفعلا تقدم لها واحضر اهله لخطبتها ولكن والدها اصر على عدم زواجها الا بعد انتهائها من فترة الجامعة اي بعد 7 سنين تقريبا وكانت فترة صعبة للنسبة للريال ... اللي صار انهم تموا متواصلين مع بعض وحاول الريال تقديم الموعد دون جدوى ووعدها انه بيتقدم لها بع انتهائها لمرحلتها الجامعية فحست انه هو فعلا صادق...
مرت الاعوام تلو الاعوام و هو معها وحسب كلامها انه لم يطلب منها الخروج او المقابلة اي ان علاقتهما كانت بحدود التلفون فقط... وهاي بنت عمي تصل لمرحلتها النهائية واصبح عمرها 23 سنة والريال 30 سنة ... صارحها بشيء فقال لها انا ما زلت عند وعدي ولكن يجب مصارحتك فقال لها انه تزوج منذ 4 سنين وله ابنان وقال لها انه انجبر على الزواج فهو لا يريد الا الحلال وفي نفس الوقت قال الله انه يريدها ومتمسك بها واقسم بالله انه يتمنى الوفاء بوعده ويطلب منها ان تسامحه انه تزوج وتقدر ظرفه...
بنت عمي تعلقت به بطريقة جنونية ... أحيانا تقول فعلا هو من حقه الزواج وفي نفس الوقت تقول لماذا لم يصارحني واحيانا اخرى تقول حتى لو صارحني انه يريد الزواج حالا فلن يوافق ابوها وهو فعلا حاول مرارا وتكرار... على لسان بنت عمي تقول لكم:
انها حاسة بانهيار ... وتعتقد ان ابيها سيرفضه اذا تقدم لها وهو متزوج وهي تريد منكم نصيحتها يا جماعة ... وتتمنى ان تضعوا بالاعتبار فترة الحب التي جمعتهما طيلة السبع سنين
وانا ايضا اتمنى ان تجد الحل عندكم وتعليقاتكم على كل اللي صار فهل انت مع تصرف الرجل ام ماذا ولو كنت مكان بنت عمي ماذا ستكون ردة فعلك؟
وجزاكم الله خيرا
د
31-10-2008 | 11:12 AM
خليها تستخير الله وتدعي كثير وتحسن الظن بالله واذا كان في بينهم نصيب راح تتسير امورهم.... الله يوفقهم ويكتب اللي فيه الخير
ظ
31-10-2008 | 12:08 PM
والله انا براي انه خانها من قبل وتزوج وكان حاط براسه انه راح يرتاح مع زوجته ويترك العلاقات والكلام الفاضي لقه العكس فستمر معها والحين يفكر يتزوجها بعد 7 سنوات اللي يخون زوجته والله ماله امان وهذا راي اختي ..
ب
31-10-2008 | 01:21 PM
من وجهت نظري انه الرياال صااادق ويبااها بس هوه انجبر يعرس يمكن عشان اهله او عشاان ما يكبر فالسن وما يكون عنده عياال الواحد لازم يكون اسره .. بس انا حاسه انه لو هوه ما يباها ما بيرمسهاا او ما بيكون شارنها بعد سبع اسنين يعني لو هوه لعااب جان قالها خلاص كلن فدريه فماشي يجبره انه ياخذهاا
اتمنى الله ييسر امورج اذا كان من نصيبج..
اتمنى الله ييسر امورج اذا كان من نصيبج..
ن
31-10-2008 | 01:29 PM
انا فى رأيى ان بحب ادا ماكان ما بخب ماراح يستنى عليك المدة كاملة
اتزوجيه ادا حسيتك ان عاوزه ومش لازم تقول لابوك الحين والله يجيب الى فيه الخير
اتزوجيه ادا حسيتك ان عاوزه ومش لازم تقول لابوك الحين والله يجيب الى فيه الخير
د
31-10-2008 | 01:36 PM
انا اقول انها تتركه فورا والا ستندم لانه اساسا مايبيها للزواج انما للتسليه والترفيه ولسد الفراغات الموجودة في حياته العاطفية قبل وبعد الزواج
وانا اعرف وحدة صارت لها نفس القصة وندمت اشد الندم وفي الاخير تركته وحمدت ربها انها خرجت من العلاقة سليمة والله يستر على الجميع
وانا اعرف وحدة صارت لها نفس القصة وندمت اشد الندم وفي الاخير تركته وحمدت ربها انها خرجت من العلاقة سليمة والله يستر على الجميع
ل
31-10-2008 | 01:54 PM
طيب وزوجته الثانية مو حرام مش لازم تفكر فيها هي إيش ذنبها وبعدين هذا انسان غشاش غشها طول هذه الفترة وبصراحة هادي الأيام البنت مو قادرين يجبروها إنه تتزوج اللي ما تريده فلا يحاول يقنعها إنه أهله غصبوا عليه
P
31-10-2008 | 03:01 PM
الله يعينها صعب الموقف 7 سنين حب وآخر شي يفترقون .. خليها تستخير وتقوم قيام الليل وتدعي .. صعب انها تبتعد عنه بعد كل هالسنين ... الله يهون عليها
N
31-10-2008 | 03:10 PM
بصراحه هو من حقه انه يتزوج 7 سنوات كثيير على الرجل انه ينتظر عف نفسه بالحلال ..والغلط من الاول على ابو البنت وقف نصيبها 7 سنوات ايش الفايده كان ممكن تتزوج وتكمل !! بس الى حصل حصل هى الان القرار قرارها لسه بتحبه و قادره تستحمل فكرة الزوجه الثانيه او لأوتفكر كثيير وتستخير وربنا يوفقها
s
31-10-2008 | 03:13 PM
الله يعينها حب 7 سنوات مو سهل ينتهي بيوم
بس هو لو كان فعلا يحبها كان ماتزوج قبل 4 سنوات يعني كيف مغصوب؟
هو امكن بعد ماتزوج حبها اكثر امكن زوجته ماتسمعه كلام حلو مثل حبيبته
امكن هو غشها وماخبرها لان مايريدها تبعد عنه او مايريد يجرحهاا
والله قصتها صعبه صعبه كثيرر بس لو انا منها راح ابعد عنه لان حرام هو مزوج
بس لو هي قادره تكون زوجه ثانيه تستمر معاه وربنا يوفقها بلي خير لها
بس هو لو كان فعلا يحبها كان ماتزوج قبل 4 سنوات يعني كيف مغصوب؟
هو امكن بعد ماتزوج حبها اكثر امكن زوجته ماتسمعه كلام حلو مثل حبيبته
امكن هو غشها وماخبرها لان مايريدها تبعد عنه او مايريد يجرحهاا
والله قصتها صعبه صعبه كثيرر بس لو انا منها راح ابعد عنه لان حرام هو مزوج
بس لو هي قادره تكون زوجه ثانيه تستمر معاه وربنا يوفقها بلي خير لها
ا
31-10-2008 | 03:16 PM
الله يسر لها امورها ويكتب لها اللي فيه الصالح
أ
31-10-2008 | 03:18 PM
بصراحة ردودكم متنوعة
في نقاط لازم تركزون عليها
الريال تقدم لها وخطبها رسمي واحضر اهله ( كيف تقولون الريال يلعب عليها) ولكن ابوها اصر انه الزواج بعد 7 سنين يعني كانت تترياه او ما تترياه ما كانت بتعرس قبل 7 سنين وشيء ثاني الريال كان بين فترة وفترة يتصل حقها وحق ابوها . واهم شيء الريال يبغي يكون اسرة فتزوج وفي نفس الوقت فاجأها هي زعلانة انه ما صارحها من قبل .
شو تعليقكم؟؟؟؟؟؟؟؟؟؟؟؟
في نقاط لازم تركزون عليها
الريال تقدم لها وخطبها رسمي واحضر اهله ( كيف تقولون الريال يلعب عليها) ولكن ابوها اصر انه الزواج بعد 7 سنين يعني كانت تترياه او ما تترياه ما كانت بتعرس قبل 7 سنين وشيء ثاني الريال كان بين فترة وفترة يتصل حقها وحق ابوها . واهم شيء الريال يبغي يكون اسرة فتزوج وفي نفس الوقت فاجأها هي زعلانة انه ما صارحها من قبل .
شو تعليقكم؟؟؟؟؟؟؟؟؟؟؟؟
s
31-10-2008 | 03:21 PM
طالما هالكلام الي حصل امكن ياااختي هو ماصارحها لان مايريد يجرحها ومايريده تبعد عنه
خلاص خليها تسامحه ولا تزعل صح بعض الرجال مايقدرون يصبرون 7 سنوات من غير زواج
وخليه يتقدم وهي تتفاهم معه اهلها واذا رفضو تحاول معاهم واذا شافت مافي امل خلاص تبعد عنه
خلاص خليها تسامحه ولا تزعل صح بعض الرجال مايقدرون يصبرون 7 سنوات من غير زواج
وخليه يتقدم وهي تتفاهم معه اهلها واذا رفضو تحاول معاهم واذا شافت مافي امل خلاص تبعد عنه
j
31-10-2008 | 03:22 PM
بصراحة الغلط غلط ابوها وهي تقدر تتحمل زوجة ثانية وبعدين وش ذنب الزوجة الاولى بصراحة يمكن والله اعلم مالها نصيب معاه
r
08-11-2008 | 10:55 AM
اما انه اجبر ليش مو رجال يتخذ قراره - خلها عنه وتطلب من رب العالمين يعوضها خير لو يبغيها ماتزوج
*
08-11-2008 | 12:21 PM
هذا ماله امان ولايخاف الله وانصحيها تبتعد عنة قبل لايطيح الفاس بالراس
س
15-11-2008 | 06:06 PM
انا من رايى انها تنساه انا ادري انه وايد صعب ومب سهله بس خلها اتحط نفسها مكان زوجته شو ذنبها وبعدين هم من حقه يتزوج الريال وصل الثلاثين اساس لاتبنين ساعتج على تعاست غيرك انت صغيره والله بيرزقك باللي احسن منه ولج انتي بروحج من غير شريكه اتبعي عقلج قبل قلبج ولاتنسين مشاكل عقب الزواج الغيره وغيرها من امور والله يصبر قلبك واسمحيلي
h
15-11-2008 | 06:28 PM
معقولة 4 سنوات وما حست بأي تغيير ولا حست انه تزوج وصار عنده ولدين بعد؟؟
رأيي انها تتركه ... وتشوف نصيبها وين .. الريال صار عنده عايلة وعيال ... واعتقد انه مرتاحه ويا زوجته وروجوعه لها كان مجرد تأنيب ضمير ( يصفي الحساب بينه وبين ضميره) ....
تقبلي تحياتي
رأيي انها تتركه ... وتشوف نصيبها وين .. الريال صار عنده عايلة وعيال ... واعتقد انه مرتاحه ويا زوجته وروجوعه لها كان مجرد تأنيب ضمير ( يصفي الحساب بينه وبين ضميره) ....
تقبلي تحياتي
.
15-11-2008 | 06:54 PM
هو من حقه يتزوج .. انتظار 7 سنوات فترة طويلة جدا
لكن لازم تستفسر منه ليش ما علمها؟؟؟
ولازم تتأكد من موافقة زوجته الأولى أو على الأقل انها تدري بالموضوع .. عشان لا تهدم أسرة
وبعدين تفكر تواصل معاه أو تكمل طريقها بدونه
لكن لازم تستفسر منه ليش ما علمها؟؟؟
ولازم تتأكد من موافقة زوجته الأولى أو على الأقل انها تدري بالموضوع .. عشان لا تهدم أسرة
وبعدين تفكر تواصل معاه أو تكمل طريقها بدونه
ب
15-11-2008 | 08:04 PM
الغلط غلطه ابوها لكن خلاص هذا الشي فات
الان تتناسه والله يعوضها احسن منه
الا اذا حابه تكون زوجه تانيه هذا شي راجع لها بس ليش وهي لسه صغيره
الله يرزقها الزوج االصالح اللى يخاف الله فيها
الان تتناسه والله يعوضها احسن منه
الا اذا حابه تكون زوجه تانيه هذا شي راجع لها بس ليش وهي لسه صغيره
الله يرزقها الزوج االصالح اللى يخاف الله فيها