وعدتج اني راح ارجع وهذا انا رجعت
جــرحني;7595880:
انا ماعرف متى تخرجتي من الجامعه و كنتي اي قسم .. قبل نظاام كاان في كلية الآداب الكتف المواد و الواحد يختار الماده اللي تعجبه و يببيها الحين تخصص فرعي لستت تخصصات بالنسبه لي كل واحد اردى من الثاني .. كنت ابي اعلام .. 10 مواد هو تخصص الفرعي .. لكن صكووه ..قلت باخذ فرنسي خلوني ادرس مااده و بعدين لما قلت بكمل قالوا لي انتي اصلا تخصصج مو فرعي فرنسي و مرمرووني و قالوا لي خلاص راحت عليج الماده جوفي شي غير فاضطريت اخذ عربي وانا اكرهه العربي 10 مواد مو شي سهل بالنسبه لي ومع ذلك انا احاااول و احااول والحمدلله على كل حاال ..
بالنسبه لصديقات .. اناا بطبعي جذي .. قبل كان عندي صديقات .. وسووا لي مشااااكل ومشااكل .. و اذوووني وااايد .. و من بعدها انا ماصرت اثق في احد .. ودي يكون عندي صديقات بس اخاف يصير فيني مثل اول .. صحيح اصابع اليد مو سوا .. بس بعد الانسان لازم يكون حذر .. و انا ماعرف الناس شنو نيتهم و لا اعرف اذا هم يتقبلوني او لا .. و انا بطبعي كتومه ماحب اتكلم و لا احب اسووولف وااايد .. اذا احد طلب مني راييي .. قلته .. او حسيت اني بوضع اقدر اتكلم و اقول اللي بخاطري قلت و هذا قليل ..
وتدرين ليش اقولج ماحب احد يقول عني اني رازه الفيس ؟؟!!
لاني انا سويت اللي قلتي عليه حااولت اكون صداقات .. مع ان هذلين البنات اعرفهم ويعرفوني من ايام المدرسه و ايوون يسلمون علي .. بس لما تقربت منهم اكثر .. صاروا يقولون لي انتي ماتيين تقعدين معانا الا عشان محد معااج و ان انتي برووحج لو احد معاج ماقعدتي معانا انزين انا اسلم عليكم و عادي وصديقتي اللي معاي مو من النوع الاجتماعي لها صديقاتها وتقريبا معتمده علي والله قبل حتى سكشن مااا كانت تدله انا ادليها اياااه و اذا اغيب تتصل فيني تقولي قولي لي السكشن ووين يصير .. يعني انا ارضي من و اخلي من و هذي البنت امي و امها صديقات لو تركتها ورحت قعدت مع الباااقي بتوصل السالفه لامها و امي والخ ..
وما ضاايقني كلاامج و مااحس ان اهليي يكرهوني .. بس ودي لو احد يفهمني و سبق و قلت والله الكلمه طيبه احيانا تكفي و ترضيني بس مو لاقيتهااا و احس بظلم ..
مشكورة حبيبتي
عزيزتي انت مو متقبلة تخصص اللغة العربية
تبين اعلام او فرنسي
طيب انت قاعدة تخططين حق شنو؟؟؟
شتبين تصيرين بعد الجامعة؟؟؟
جوابج هو اللي راح يحسم الموضوع
انا خريجة لغة عربية
واعمل صحفية من 8 سنوات
ما درست اعلام
بس صرت صحفية
الصحافة يبي لها انسان متمكن من اللغة العربية
ودرست فرنسي في الجامعة
بالعكس كانت المادة الوحيدة اللي آخذ فيها امتياز مع مرتبة الشرف
بس دراستها من عدمه واحد
ما استفدت منها ابدا
لا في مجال شغلي
ولا حتى في حياتي اليومية
ارجع واقول:
شتبين تصيرين بعد الجامعة؟؟؟
جوابج هو اللي راح يحسم الموضوع
وردة قطر;7597779:
:eek::eek::eek:
يؤيؤيؤ
سبحان الله كلامج .. كلامج يذكرني .. فيني .. سبحان الله كأن انا وانتي واحد .. نفس المشكله عندي بالضبط وانا اقول نفس كلامج ونفس تفكيرج بعد :eek: والله ماقص عليج ..
وانا كله بروحي وماعندي صديقات بعد واذا عندي بريكات اقعد بروحي :) تعودت وتقبلت الفكره .. وماقدر اروح اكلم اي وحده وارز الفيس لان يمكن مايتقبلون ولا يقولون اشفيها هذي الخ :(
انا حاسه فيج .. بس شنسوي بعد الدنيا جذي .. ومالنا حظ في الصداقات .. الله يرزقنا بصداقات طيبه .. ويسخرلنا البنات :(
وردة قطر;7597788:
بصراحه .. كلام الاخت ام شجاع منطقي .. وصحيح الى حد ما .. وانا عندي مشكله بصراحه مع البنات وصعوبه فالتعامل معاهم وووو الخ .. يمكن اطرح مشكلتي في يوم من الايام في هالقسم .. ويمكن القى حلول .. والله يفرج عني وعنج هالهم :(
جــرحني;7597973:
سبحان الله انا و انتي نفس المشكله انتي في قطر و انا بالبحرين .. و الحال واحد !!
وآمين الله يرزقنااااا :(
ليش قاعدين تواسون بعض
الصداقة يا خوات مو مثل ما انتوا فاهمين
رزة ويه
معقولة؟؟؟
الصداقة رزة ويه؟؟؟
الصداقة اذا حبيتوا تكونونها لازم تكونون عفويين جدا
العفوية
البشاشة
تبادل السلام مع الناس
كلها مواصفات تييب لكم الصداقات
اما انكم بتقعدون بمكان معزول وتقولون ما صار عدنا صديقات
اكيد ما راح يصير
محد راح يقتحم عالمج
ولا اطلب منكم انكم تقتحمون عالم احد
انتوا ما عندكم محاضرات؟؟
ما تقعدون بجنب بنات في السكشن؟؟
طيب تبادلوا الكلام
السلام
مرة مرتين عشر راح تلاقون نفسكم عندكم صديقات
ترى كلنا عدنا صديقات
بس ما رزينا ويهنا حتى نصير صديقات
عيون الفهد s;7598321:
انا دوامي يبدأ 11 بس اكون في الجامعه الساعه 9 واخرج من البيت 8
كل هذا عشان اخوي مايتأخر
وادخل البيت اذان العصرمع انو دوامي ينتهي 2
وغير كدا انا الحر على طووول يجيب لي صداع واي ازعاج يجيب لي صداع
تعب وهم ونكد وقرف بس في حل تااني مافي خلاص ليش اطفش نفسي
وفوق هذا كلو مااعرف ولا ااحد في الجامعه مررررررررررررررررررره
بس انا جالسه اتعرفت على اثنين
وعاااادي في كم بنت اتكلمت معاهم بس مو في نفس دفعتي
محد حيقول رازه الفيس ولا ااااي شي
بالعكس حلو انك تكوني صداقات
انا شااايفه انك مكبره الموضوع
انتي مو حساسه انتي تاخذي الامور بحساسيه
لو جلستي تفكري بدي الطريقه ماحتقدري تعيشي اي احد يزعلك تاخذي في خاطرك وتبكي وماتكلمي احد وكل الناس مو حاسين فيكي وهذي قالت لك روحي عن وجهي وهذي ماردت السلام
حبيبتي امكن اهلك يتحملو شوي هذي التصرفات بس صدقيني لما تتزوجي زوجك حيسميكي النكديه
وانتي الي حتتعبي تشوفي انو الكل الي بيزعلك ومحد يسمع كلامك ومدري ايش طيب افتكري مواقف حلوه سارت لك مع اهلك ولاتقولي مااافي
وانتي الي حاطه نفسك هنا شوفي ايش النك نيم حقك وكلامك كأنك انتي الي تعبانه وحد حاسس ومدري ايش حطه نفسك في موقف ضعف وبكدا حتزيدي زعل وملل
فكري كويس قبل ماتزعلي وقبل ماتعملي اي شي
وبالنسبه للمواصلات انا من رأي خلاص استنيها هيا ساعتين وخلاص ذاكري فيها اشغلي نفسك بأي شي
انتي انانيه لانك تبغي تخلي اختك تعيش الوضع والتعب الي انتي عشتيه واختك كمان انانيه لانها ماتبغا تتعب نفسها على حساب راحتك
كلكم انانين وبكدا انتو متعادلين
عيون الفهد
اختي جرحني
ترى الكلام اللي كتبته اخت عيون الفهد جميل
فعلا شوفي النك نيم مالج
ليش سوداوي؟؟؟
احنا في المنتدى هني حابين نشوفج سعيدة
السعادة هي اللي تجلب الراحة للشخص وللي حوالينه
لا تزعلين من احد
خلي قلبج كبيييييييييييييييييييييييييير
وساعتها بس راح تشوفين الدنيا احلى بوايد من ما تتصورين