تجهيزات عرايس مصر الجزء 105 ( يارب تمملنا بخير يارب )

يعني الفساتين اللي بتبقى منفوشة من فوق العادية مبقتش موضة خلاص و لا ايه

mony2005;7591879:
ازيكم يابنات لو انى زعلانة منكم امبارح سالت سؤال ومحدش رد عليا ونزلت صور اخد رايكم فيها برضة محدش عبرنى عموما قولت اكرر سوالى واخد رايك برضة لاخر مرة

http://www.3roos.com/uploder/uploded20080901/259156/01225368884.jpg

دة شمعدان اشتريتة وكنت عاوزة اخد رايك فى نوع الشمع الى احطة فية طويل ولا الصغير المدور
وكمان عاوزة مكان اجيب منة الستاير بس كدة

ما شاء الله حلو الشمعدان

الشمع اللي يبقي فيه اما علي شكل صغير مدور
او في كمان شمع عامل زي اسطوانة صغيرة بردو

هيبقي كويس

يا جماعه انا شفت التعليق ده في صفحة الديكور فايه رايكم فيه عشان انا هشتريها و اشيلها عشان اعمل عليها المطبخ
((المدخنه اللى بشفاط مش المنظر انا كنت شفتها فى المعرض بتاع الاجهزه اللى بيفتح فى شهر 3 فى ارض المعارض وسعرها كان اكتر من 1000
وبعدين عوزه تعمليه ليه فى ناس قالو عليه مش عملى والدهون بتقف عليه وبيعذب فالتنضيف ))
يا ريت تردوا عليا عشان ارسي علي بر

بالنسبة للبكيني انا كنت عايزة اللي زي المايوهات مش بتاع فيجا و كارينا لا و ياريت المكان اللي اشتري منه البراه و البانتي الطقم اللي شبه بعض عشان كل محل لانجيري عادي ادخله يقولي البرا اكبر حاجه فيه 90 و انا عايزه 95 او 100 اللي هو 44 بالصيني يا ريت تفيدوني

roro8484;7591351:
نزلت امبارح دمياط غيرت السفره الى ورتهالكوا قبل كده لانها
معجبش خطيبى واختارنا واحده تانيه وخلاص اشترناها ياريت اعرف رايكوا مع العلم ان البلوره عمليه لانها بتبقى تقيه ومبتتحركش الكلام ده عن تجربه لان سفره ماما بلوره برده












وهى كده مش كامله لان لسالها اعمده رخام بتتركب فى النيش والبوفيه على المريا وتحت كمان وكمان انا طلبتانى اغير البلورة ومش عايزه عليها اى رسومات

رورو حبيبتى الف مليوووووووون مبروووك يا قمر ماشاء الله
الاوضة فى منتهى الجمال والشياكة وفعلا احسن من الاولانية بكثيييييير
ربنا يسعدك يا حبيبتى ويتمم لكى بالف خير

manafola;7592526:
يا جماعه انا شفت التعليق ده في صفحة الديكور فايه رايكم فيه عشان انا هشتريها و اشيلها عشان اعمل عليها المطبخ
((المدخنه اللى بشفاط مش المنظر انا كنت شفتها فى المعرض بتاع الاجهزه اللى بيفتح فى شهر 3 فى ارض المعارض وسعرها كان اكتر من 1000
وبعدين عوزه تعمليه ليه فى ناس قالو عليه مش عملى والدهون بتقف عليه وبيعذب فالتنضيف ))
يا ريت تردوا عليا عشان ارسي علي بر

فعلا النجار اللي عملي خشب الشقة بتاعتى
كنت سألتة علي موضوع المدخنة
قالي انها هتتكلف كمدخنة بس من غير الشفاط كمان 1100
وبعدين سألته قولتله طيب هى عمليه
قالي انها بتغلب في التنضيف
بس هى كشكل شيك

ماله الشفاط زي الفل(y)(y)

dandona we bas;7592441:
يعني الفساتين اللي بتبقى منفوشة من فوق العادية مبقتش موضة خلاص و لا ايه

لا طبعا الفاستين ديه مش مقيده بموضه ... بس انا كنت بجوابها و بقولها علي الجديد بتاع السنه ديه







الشفاط اللي فيه مدخنه ده حاجه و الشفاط الفلتر ده حاجه تانيه

الشفاط اللي فيه مدخنه بيبقي استنلس و ده تنضيفه هيبقي مريح

الشفاط الفلتر بيتركب في المدخنه الخشب اللي الراجل بتاع المطبخ بيعملهالك مع المطبخ و ده اللي البنات قالوا عليه مش عملي


انا الحمد لله جبت شفاط بمدخنه (هود) ماركه اسمها تربو اير ايطالي ب 1250 من عبد العزيز و بيجي التوكيل يركبها و هو اللي بيجبلك الماسوره بتاعه المدخنه و انتي بتحاسبي علي سعر الماسوره

بصوا يا بنات انا جبت اطقم ال هي بتبقى هوت شورت ومعاه بادي هاف او بادي طويل جبت منهم اشكال كتير بس هي تدي على لانجيري اكتر واسعارها خياليه 12 و 15 و 20 و22 كده من محل اسمه احمد كامل في العتبه هو محل كبير اويييي هناك كذا دور وعنده دور كامل هناك للحاجات دي ال عايز منها يبقى يروح ويشوف هبقى انزلكوا الصور ان شاء الله

kasanova;7586406:
محدش ليه ادانى رايه وقالى الكرانيش ايلى بتتعمل تحت النجفه المدوره دى بلدى ولا ايه نظامها عاوزه اعرف انتو عاملينها فى بيتكم كلكم ولا ايه بيسموها صرة جبس كده

انا بصراحة بشوفها بلدي اوي ولو النجفة حلوة الشكل ده بيوحشها - وفي حاجات دلوقتي سمبل وشيك بتكون زي برواز حوالين الحيطة بس مفيهوش الشغل المنقوش ده انا بصراحة بشوف ده اشيك بكتييييييييير -ممكن تعملي بحث في جوجل صور

يابنات عمر افندى اللى فى مصر الجديدة فين با الضبط

يا بنات انا عاوزة اعرف هوة المفروض لازم نلبس قميص نوم بروبه اول يوم ايا كان اللون وللا مش شرط نجيبه بروبه والمفروض اجيب كام قميص بروبه والبس عليه ايه شبشب فرو وللا شبشب جلد بكعب زى الخروج كدة وكمان قمصان النوم التانية سواء ساتان او شيفون البس بردو عليهم ايه فى رجلى
معلش سؤال كمان انا هدوخكو معايا معلش اصلى مترددة اوى. عاوزة اعرف البس ايه للناس اللى هييجوا يزورونى فى الفترة الاولى من الجواز انا هتجوز ان شاء الله فى شهر 2

ممكن تليفون وعنوان الحنانة ستونة

pascotta;7592609:
بصوا يا بنات انا جبت اطقم ال هي بتبقى هوت شورت ومعاه بادي هاف او بادي طويل جبت منهم اشكال كتير بس هي تدي على لانجيري اكتر واسعارها خياليه 12 و 15 و 20 و22 كده من محل اسمه احمد كامل في العتبه هو محل كبير اويييي هناك كذا دور وعنده دور كامل هناك للحاجات دي ال عايز منها يبقى يروح ويشوف هبقى انزلكوا الصور ان شاء الله

عايزة عنوانه بليز

pascotta;7592609:
بصوا يا بنات انا جبت اطقم ال هي بتبقى هوت شورت ومعاه بادي هاف او بادي طويل جبت منهم اشكال كتير بس هي تدي على لانجيري اكتر واسعارها خياليه 12 و 15 و 20 و22 كده من محل اسمه احمد كامل في العتبه هو محل كبير اويييي هناك كذا دور وعنده دور كامل هناك للحاجات دي ال عايز منها يبقى يروح ويشوف هبقى انزلكوا الصور ان شاء الله

مبروك عليكى حاجاتك ربنا يتمملك بخير ان شاء الله

فين بالظبط فى العتبه يا جميله

moony409;7592806:
ممكن تليفون وعنوان الحنانة ستونة

نفس السؤال يا حلوين ان شاء الله

زهراء مكة;7590570:
لوسمحت يا بنات هى شركة العبد لييها معرض دائم فى ارض المعارض

علشان عايزة اجيب الغسالة من هناك واسعارهم بتكون اقل من بره ولا لا

وايه رايك فى غسالة وايت بوينت

وايت بوينت عند حماتى وشغاله معاها حلو وبتشكر فيها قوى

pascotta;7592609:
بصوا يا بنات انا جبت اطقم ال هي بتبقى هوت شورت ومعاه بادي هاف او بادي طويل جبت منهم اشكال كتير بس هي تدي على لانجيري اكتر واسعارها خياليه 12 و 15 و 20 و22 كده من محل اسمه احمد كامل في العتبه هو محل كبير اويييي هناك كذا دور وعنده دور كامل هناك للحاجات دي ال عايز منها يبقى يروح ويشوف هبقى انزلكوا الصور ان شاء الله

العتبه كبيره يا قمر فين بالضبط ياريت العنوان بالتفصيييييييييييييييييل



بنات طلب خاص تفتكروا لسه فى لبس بيت صيفى دلوقت ولو فى الاقيه فين ياريت اللى يقولى يقولى على الاماكن والعناوين يالتفصيل

بسبس الله يمسيها بالخير كانت بتقول ان فى اماكن بتبيع صيفى عادى وقت الشتا ياريت اللى يعرف يقولى فورا

فرحى فى شهر 3 وناقصنى لبس للبيت صيفى كتير

اسيل امبارح رحت التوحيد والنور ولقيت فى تصفيات على لبس البيت الصيفى الى فى المرغنى الحمد لله

مرمر23;7590473:
السلام عليكم ورحمة الله وبركاته انا رايحه النهارده الشقه يا بنات انا وماما وبتاع الستاير ربنا يستر انا اصلك بقالى كتير قوى ماشفتش الشقه ودلوقتى هى فى مرحلة النقاشة المهـــــــــــــــــم بتاع الستاير هايجيبلى سيديهات بموديلات الستاير هابقى انزلهالكوا ان شاء الله لما ارجع هابقى اقولكوا ايه الاخبار ........ اه جبت امبارح طقم معالق استعمال فى شنطة بينك كده استانلس بس حلو قوى ب 120 جنيه وكمان الماكينة بتاعة البسكويت ب60 جنيه والماكينة بتاعة البيتيفور ايطالى ب 45 جتيه وشفت طقم شمعدان سيلفر بالجاردنيرة بتاعته ب 330 ايه رأيكوا فى الاسعار كويسه ولا ايه وبالنسبه لطقم الشمعدان كويس ؟؟؟؟؟؟؟ ولو جبت اجيب السيلفر ولا الكريستال ولا النحاسى الأوكسديه ردوا عليا ربنا يكرمكم ويفرج كروبكم ويعجل بالخير لكم ان شاء الله ............. آآآآآآه صح بالله عليكم قولولى اى المراتب احسن الا انا محتارة حيرة مايعلم بيها غير ربى المراتب القطن احسن ولا الجاهزة واحسن نوع فى الجاهز ايـــــــــــــــــه ؟؟؟؟؟؟؟؟؟

مبروووووووووووووووك ياقمر عقبال ماتدخليها يوم فرحك بس مش هاتخرجي تاني منها بئي -بس ممكن لو سمحتي تنزلي صور الستاير دي ضروري جدا عشان انا لسة ماستقرتش ع شكل ليهم انا هاعمل الشقة مودرن ومحتاجة موديلات معينة لو عندك حاجة تنفعلي يااااااااااااريت
بالنسبة للشمعدان ممكن الكريستال او السيلفر والمراتب في نوع عند اخويا اسمه ماستربيد حلو جدا ونضيف كان من 3 سنين ب 1500 في فرع ليهم تقريبا جمب طيبة مول

pussy22;7586641:
يا بنات انا كده اتلخبطت:sm215:طب هاسال سؤال اكتر تحديدا بالنسبة لقميص اول يوم يتلبس تخته برا وللا لا معلش اصلى فهمى بطىء شوية:) ...و عايزة اسال لو حماتى و اخوات جوزى البنات جم فى بيتى خصوصا انها ساكنة قريب منى البس ايه و محدش يقوللى جلبيات ولا ترينجات ولا عبايات اصل مش معقولة الست كل ماتيجى تزور مرات ابنها تلاقيها لابسة عباية وللا ترنج زى اخواتة الصبيان:21_8:وللا رايكم ايه انا خايفة تقول على انى معقده وللا حاجه ...معلش الاسئلة عبيطة بس بجد مش عارفة اجابتها.....kasandra شارع القصر العينى جنب القصر العينى.... يا ريت البنوتة اللى مصورة التابلوه الهندى تقوللى جايباه منين و بكام.

ياجميلة ممكن تلبسي بانتاكور شيك وعليه بادي حلو كده او الفساتين الي نازلة دي الي هيا كت وع الركبة او الطويلة بيكون شكلها بناتي وحلو اوي
وبالنسبة للبرا الي تحت الانجيري انا بصراحة هالبسه لأني صغيرة اوي من فوق ولو شافني من غير حاجة كده هايتسرع

manafola;7590443:

اول موضوع ليا عشان الانظمة الغذائيه كان مطلوب نقلها الي التغذيه

http://www.3roos.com/forums/t395279.html

سؤالي عشان المخالفه ايه اللي اقدر اعمله عشان اتجنب موصوع السويت و الالم حد ليه تجارب مضمونه يا جماعه

ازيك يامر انا بصراحة حاولت في الموضوع ده واحدة واحدة لأني سمعت ان موضوع البينج مش بيعمل حاجة شوفي ياجميلة كلامي في الموضوع ده
اقري موضوعي الي في الصفحة دي
http://www.3roos.com/forums/t391467_post7498519.html#post7498519

اسيل وصوت وبرنسيس ميرو هو بالضبط في الميدان جمبه محل بيريوس بتاع الاجهزه المنزليه وهو محل كبير وضخم يعني من على بعد هتشوفيه والدور كله من بره فترينه كبيره عاليه كلها لانجيري يارب اكون عرفت اوصف

pascotta;7593013:
اسيل وصوت وبرنسيس ميرو هو بالضبط في الميدان جمبه محل بيريوس بتاع الاجهزه المنزليه وهو محل كبير وضخم يعني من على بعد هتشوفيه والدور كله من بره فترينه كبيره عاليه كلها لانجيري يارب اكون عرفت اوصف

جزاك الله خير يا جميله

هى باقى الادوار بتبيع ايه يا جميله




بنات هى انستاسيا مش بتدخل ليه يارب تكون بخير ديما ان شاء الله

dandona we bas;7591184:
يا بنات ايه الحاجة اللي بتخلي المكان عند البنات اللي لسه متجوزتش يبقى ريحته حلوة بعد للبريود او في اي وقت تبقى ريحة المكان ده حلوة كده و جميلة

في المسك الأصلي هاتلاقيه عند عبد الصمد القرشي في سيتي ستارز بس هو غالي انا جبته من السعودية بس نفس السعر - عنده نوع معين ريحته بتعجبتي الزجاجة الصغيرة اوي ب 150 ج - وفيه غسول تشطيف كده في ايفون ممكن استخدانه عادي الي جربوه بيقولو حلو بس انا جايباه ولسة ماجربتهوش

DodyCat;7591583:

دى قوضة النوم بتاعتى بتتعمل عمولة هتتكلف 17000 كده كويس
بس اللون هيبقى مط قشرة

بسم الله ماشاء الله الغرفة ذوقها رقيق اوى

مرمر23;7590473:
السلام عليكم ورحمة الله وبركاته انا رايحه النهارده الشقه يا بنات انا وماما وبتاع الستاير ربنا يستر انا اصلك بقالى كتير قوى ماشفتش الشقه ودلوقتى هى فى مرحلة النقاشة المهـــــــــــــــــم بتاع الستاير هايجيبلى سيديهات بموديلات الستاير هابقى انزلهالكوا ان شاء الله لما ارجع هابقى اقولكوا ايه الاخبار ........ اه جبت امبارح طقم معالق استعمال فى شنطة بينك كده استانلس بس حلو قوى ب 120 جنيه وكمان الماكينة بتاعة البسكويت ب60 جنيه والماكينة بتاعة البيتيفور ايطالى ب 45 جتيه وشفت طقم شمعدان سيلفر بالجاردنيرة بتاعته ب 330 ايه رأيكوا فى الاسعار كويسه ولا ايه وبالنسبه لطقم الشمعدان كويس ؟؟؟؟؟؟؟ ولو جبت اجيب السيلفر ولا الكريستال ولا النحاسى الأوكسديه ردوا عليا ربنا يكرمكم ويفرج كروبكم ويعجل بالخير لكم ان شاء الله ............. آآآآآآه صح بالله عليكم قولولى اى المراتب احسن الا انا محتارة حيرة مايعلم بيها غير ربى المراتب القطن احسن ولا الجاهزة واحسن نوع فى الجاهز ايـــــــــــــــــه ؟؟؟؟؟؟؟؟؟

مرمر ممكن اعرف شنطة المعالق دية جيباها منين

بالنسبة للمراتب انا عندى نفس الحيرة يا مرمر بس حتوكل على اللع و اشترى الجاهز و فى ناس كتير بتشكر فى يانسن بس عايزة اقول حاجة انا روحت سالت فى هابيبتات برضو و لقيت ان فى نوع لة وش قطن بس القطن مش بيبقى وى القطن بتاعنا لا قطن زى الفيبر كدة لان الراجل كان عندة عينات مراتب و مفتوحة و انتى بتوفى بنفسك الحشو بتاعها