سؤاال ضروري عن حبوب روكتان للحب شباب

اول شي اشكر صاحبــة الموضوع

والله كنت داشه احط موضوع عن حبوب روكتان ..


انا اول شي عطوني 20 .. بعدين 20 + 1

وبعدين 20 + 20 بس ما قدرت اتحمل .. سبب لي جفااف فـ العين وعوار .. رجعت ع 20 + 10

يوم كنت آخذ 20 + 20 .. وياني الدوره الشهريه .. بس مو مثل دووم كنت في الدووره 7 ايام .. بس هالمره الدوره 3 جي 4 ايام ..

سبب لي حساسيه في ايدي حبوب صغار بس عطوني كريمات صار اوكي . بس صاير جي عندي بقع بيضه .. راويت الدكتور وعطوني كريم ,,

ويصير خير ان شالله
وانتو كي عيوونكم .. والدووره ,, شو ويااكم


ونتمنى كل الي يشاارك

انا بعدني يادوب صارلي اسبوع من لما خذيت الحبوب. اخذ 20 و10 وطلع لي حبوب صغيره في ايدي مثل الحساسيه

انتي كم صار لك تاخذي الحبوب؟؟؟

حزينة زمانها <<<< اشكر مرورج

انا بعده ما احس دواء اثر فيني زاد الحب في ويه اليوم و ما صارلي جفاف في عيني بس في شفايفي

ودوره انا اصلا تقعد وياي 4 ايام بس من كلت الحبوب تقدمت دوره

وانتي احين كم صار لج تأخذين الحبوب ؟؟؟

انزين بنات عندي سؤاااال

احين انا دكتورة قالتلي ما اشيل بالحلاوة يعني طوووووول فترة العلاج 6 اشهر ما اشيل ؟؟؟؟؟:sm229:

السلام عليكم
انا كمان بديت اخذ هذي الحبوب من اسبوع
20 حبتين في اليوم...
سببت لي جفااااف شدييييييييد في شعري:ss:..

بنات طلب منكم الدكتور تحاليل شهريا؟؟؟؟
وبعد فترة العلاج يصير نستخدم الليزر في الوجه؟؟؟
ومتى الوحده تحمل بعد ماتترك الحبوب؟؟؟

sho0oge

احسن لك انك ماتسوين بالحلاوه. سالي الدكتوره شو احسن لك. انا اسوي الليزر ومنعاتني واستخدم شفره الحلاقه

ashjaan

انا الدكتوره قالتلي اجيها كل شهر عشان تتابع حالتي

ashjaan<<<< اشكرج على مرورج

بنسبة لتحاليل انا سويت تحليل قبل لا اخذ دواء بس ما ادري بعدين اذا بسوي تحليل مر ثانية هو انا موعدي بيكون بعد شهرين

انا يوم خذت الدواء خلوني اوقع عشان ما يكون حمل في هالفترة وقلت حق دكتوره اني مخطوبة قالتلي لا تعرسين قبل 6 شهور وشهر زيادة بعد العلاج

الله يعين اذا بتم طول هالفتره ما اقدر اشيل وخاصه اني مخطوبة:cry:

بنات كيف بشرتكم احين انا زاد الحبوب في ويه بصيح والله
:cry:

انا الحمدلله الحبوب خفن

لحين فيني 3 حبوب بس

بس بشرتي بدت تتقشر

sho0oge;7655727:
حزينة زمانها <<<< اشكر مرورج

انا بعده ما احس دواء اثر فيني زاد الحب في ويه اليوم و ما صارلي جفاف في عيني بس في شفايفي

ودوره انا اصلا تقعد وياي 4 ايام بس من كلت الحبوب تقدمت دوره

وانتي احين كم صار لج تأخذين الحبوب ؟؟؟

انا اتعالج من شهر 8 .. الحين اخذ 20 + 10

سبب جفاااف فعيني .. شغايفي بعد .. رحت دكتوور عيوون .. قالو اني عندي جفاف من قبل ما اخذ ادوويه .. عطتني مرطب للعين " قطرره "

انا بداية العلاج طلع لي ع ايدي حبووب صغيرره .. جي حسااسيه .. عطتني كريم صار زين , بس مكانه صاير مثل بقع بيضه .. والحين احط كريم عليه .. وان شالله يرجع لونه الطبيعي


صراحه انا خايفه من هالادويه .. اول مره يخترب الدوره عندي .. يلا ان شالله هالمره نشووف كيف .. ان شالله خيرر

وشعرررررررررري صااااااااااير جاااف .. احط فاسبوع مرتين زيت خخخخ


كيف الدوا ويااكم بنااات

انا حبوبى متوسطة والدكتور كتبلى 10 ميللى فى اليوم

بقالى اسبوعين وحاسة بجفاف شديد فى بشرتى ووجع فى العضم
الكورس بتاعى اربع شهور
ربنا ييسرهم ان شاء الله

راجعي الدكتورة ....

وخاصة في الروكتان لانه دوا قوي

وربي يشفيك ويعافيك

حزينة زمانها

انت احين يعني صارلج 3 شهور تقريبا كيف تحسين الحبوب لي في ويهج خفت؟ وكيف كان اول شهر يوم كلتي دواء الحبوب زادت عندج والا لا ؟؟؟؟

انا ويهي احين قام يتقشر شوي بس طبعا زاد الحب في ويهي

وشعري صار جااااااااااااااااااااف

يعطيج العافية أميرة على مرورج

.* اميرة *.;7743790:
انا حبوبى متوسطة والدكتور كتبلى 10 ميللى فى اليوم

بقالى اسبوعين وحاسة بجفاف شديد فى بشرتى ووجع فى العضم
الكورس بتاعى اربع شهور
ربنا ييسرهم ان شاء الله

انا بعد احس عوار فـ العظم

قلت حق الدكتوره قالت .. ياثر ع العظم ..

وانا خليت امي تدهن جسمي .. صار شوي احس .. بس شوي في عوار

ادهنو جسمكم ..

:)

sho0oge;7765489:
حزينة زمانها

انت احين يعني صارلج 3 شهور تقريبا كيف تحسين الحبوب لي في ويهج خفت؟ وكيف كان اول شهر يوم كلتي دواء الحبوب زادت عندج والا لا ؟؟؟؟

انا ويهي احين قام يتقشر شوي بس طبعا زاد الحب في ويهي

وشعري صار جااااااااااااااااااااف

انا اول ما رحت عطووني مضاد حيويه .. عشان ما يزيد الحبوب .. كان اووكي ما زاد

الحين لا ما في حبووب .. بس مرات تطلع لي حبوب جي بسيطه ..

هههه انا بعد شعري صااار جااف .. حطي زيت .. شو نسوي


:)

مرحبااا بناااااااااااات

اقووول انا احين بكمل شهر من خذت الدواء وبعد يطلع في ويهي حبوب :cry:

سؤالي بعد كم شهر يتوقف الحب ويصفى الوجه ؟؟ هو انا احين ويهي بدا يتقشر وما يدهن نفس قبل

انزين انا الدكتورة قالتلي يوم بخلص العلاج بتعطين خلطه عشان اثار الحب انزين كم المدة تقريبا باخذ عشان اعالج الاثار بعد ما اخلص العلاج ؟؟؟

والله نفسيتي تعبت من هالحبوب وريلي يباني نسوي العرس في الصيف بس انا بعدني ما رديت عليه وافكر اكنسل بسبت هالحبوب بس اذا بيصفى ويهي في 6 اشهر مب مشكله بعرس يعني بكون مخلصه العلاج في شهر 4 وقالتلي دكتوره اذا بتعرسين لازم شهر بعد زياده يعني ع شهر 5 والله محتارة احين اقوله موافقه واخر شي ما يصفى ويهي
:sad::cry:

بنات اسالكم تسمرت بشرتكم؟؟؟

لاني سمرت وااااااااااااااااجد. خاصه حوالين الفم

انا استخدمها لي 5 شهور من 2 اسبوع خفت الحبوب لاني اخذ قوة 30 في اليوم ووزني 60 المهم الحبوب الين الحين تطلع هيا ماوقفت بس مو زي اول والبشره ناشفه بس النشفان فضيييييييييع بالذات الفم والشفايف صارت تفشل الله يرحم ايام اول وعظامي بس انا الحمدلله الايام الي اشرب فيها مويه كتير يخف الالم لان المويه مهمه يابنات كتير والترطيب لازم يصير الفازلين صديقك الصدوق الي ماتنسيه وين ماتروحين والكريم رطبي يدك وركبك وكل مكان

اختي emaالاسمرار انا حسيت ببشرتي في البدايه في اجزاء كتيره من جسمي بس عرفت من النشفان لازم ترطبي حولين فمك دايم

والاخت الي تسال عن الكريمات انا استخدم بالليل اكرتين +الدوكين فور

اهم شيء اننا مانطلع بالشمس لان بشراتنا حساسه يابنات والبشره تتقشر بعد كل فتره لحالها لازم الواقي من الشمس يوميا لاحد ينسى ولاتنفجعين اذا ماكنتي تستخدمين مقشر واتقشرت عادي

ثاني شي واهمممممم شي المتزوجات لايفكرو يخلفو في فتره العلاج اله بعد العلاج بفتره كافيه


ثالث شيء التحليل الشهري للكبد والكلسترول والكليه والاكل الصحي عشان الكلسترول وانزيمات الكبد لاتزيد لان اذا زاردت لاسمح الله دكتورك الوحيد الي يقدر يفيدك في كميه جرعتك بعد كذا واذا دكتورك ماركز على اهميه التحليل اعرفي انه دكتور خربوطي اهم شي عنده الفلوس

رابع شيء عدم نزع شعر الجسم بالحلاوة والخيط والشمع لان البشره تكون حساسه مره ولاليزر اله اذا كنتي بنت شاطره ومهتمه بالترطيب اليومي وشرب الماء

خامس شي بتلاحظين شعرك بيصير ناشف وممكن يقلب من دهني لناشف هنا مع الروكتان مافي صبغااااات مافي اهمال هنا يبدى شغل الهنود زيت دايم والافضل غسلي شعرك بدوف واذا شفتي شعررك يتساقط لاتنفجعين عادي

لازم ماتنسي مافي شي يجي كدا لازم نتعب ونصبر عشان ربي يخلي بشراتنا حلوة ومافي مثلنا



ياليت نتواصل دايم هنا وكل وحده تكتب تطوراتها اول باول ونفيد بعض وياليت محد يزعل من فلسفتي لاني حبيت افيدكم من معلوماتي لاني انا مااخذت الروكتان اله بعد سنه من بحثي وقراتي ونتايج صديقاتي انا ماابي افجعكم وتقولو اش فيها ذي ماخلت شي ماكتبتو بس الروكتان حبوب مهي هينه والي تبغا تاخذها تصير قدها وتهتم بنفسها وصحتها



ومانسى اقولكم دعائي لمن اجي اخذ الحبه اللهم اعطيني خيرها واكفيني شرها ياليت كلنا نقوله

ريم الرجه

مشكوره ع المعلومات. والله استفدت واااجد

انا المرطب معاي في كل مكان. وبحاول ازيد ترطيب للوجه