ماحد يحبني........

مشاعر مجهولة;7577162:
هلا اختي
بصراحة ما اعرف شنو اقول لش
بس دايما الشخص اللي يغار او اللي يحقد على شخص
لو شنو يلبس وحلو وكشخة ما يمدح
يعني اختي خلي فيش ثقة

وان شاء الله باقي البنات يساعدونش
بس لا تضايقين روحش عشان ما تتعبين
وان شاء الله تلقين حل

تحياتي

صح كلامها،، اللي يغار مايمدح بالعكس تشوفينهم يذمون ومن داخلهم غيرانين،، وكلي أمرج لله وماعليج من كلامهم،، لا تحطينه في بالج،، الله يفرج كربتج ياااااااااااااااااااارب

حبيبتي هناك مستحظر من زين الاتات للحروق القديمه يشيلهامن البشره وقيمته مش غالي استخدميه وشوفي اسمه المرمم.

وانا بعد مع مشاعر مجنونه ولا ليتا
الغيره والحقد والحسد هي اللي تخليهم يتكلمون بالطريقه هذه
عزيزتي الجمال جمال الروح مو جمال الوجه اللي هو زايل
زيدي ثقتك بنفسك ولا تردين عليهم
[GRADE="0000FF FF6347 008000 4B0082"]القافله تسير والكلاب تنبح[/GRADE]......عذرا ولكن يعجبني هذا المثل

اقولج كوني واثقه انج حلوة ما دام الله خالقج وزوجك لوقال اي شي عنج قول هذي خلقة ربي وليش اخذتني ما دام انا مو عاجبتك وحاولي قدر المستطاع تكسبين امه ابوة حتى خواته ما يهمج احد اهتمي بنفسج حبيبتي ما راح احد ينفعج وزوجك قولي له اذا عندك كلام تقولة حق امك قولة جدامي مش من وراي والله يعينج حبيبتي

اريد اعرف ؟؟ الحرق اللي في وجهك من زمان ولا جا الان ... يعني زوجك شاف هذا الشي من زمان والان صار عليه جديد

اعذريني يا اختي بس انا احس انك انسانة ضعيفة وجالسة تدمري في نفسك ...
والله ما اسمع الا الاطفال يقولو هذي الكلمة !!!!!!!!!!!!! (ما احد يحبني) .

يعني انت من البداية فاقدة الثقة في نفسك .. يعني انت من البداية ظالمة نفسك .. فكيف لك تطالبي الناس انها ما تظلمك ...
هل يعني شكل الانسان الخارجي هو الي يهمك ويهم اللي حولك .. يعني لو شوفتي احد معاق بس متزوج وعنده عيال وشغال .. هل هذا يدعوك انت واللي حولك للضحك؟؟؟
انتي اللي تسمحي للآخرين بالضحك عليك ... وانا اعلم لو انتي عمتي لنفسك شخصية وتغاضيتي عن النواقص الي شالها منك الله والتفتي لعدد النعم اللي انعمك بها عن غيرك لكنت اقوي ايمانا وشخصيتا ..
انتي للاسف لا تري من الكوب اللي نصفه الفارغ ..
لا تقولي الناس لان الناس لو صرتي ملكة جمال لن تستطيعي ارضائهم ..
انا اعرف ان فيك اشياء كثير رائعة ... ولكن لا تريدي اخراجها ليراها الناس .. انت تريدي ان تكون في نظرك تلك القبيحة الي ما عندها اي شي غير الحرقة الي وجهها والقباحة ..
وللاسف هذا ما يراه الناس فيك ..
واخيرا اقول لك ..
بتهوفن كان اعمى واصم ... ولكننا لا نعرف الا انه اعظم موسيقار في عصره ..

sarah love;7577339:
حبيبتي مااقدر اقول لج شي غير انك تهتمين في نفسك اكثر واكثر لحد ماتغطين عليهم بإهتمامج بنفسج...
١- جمعي لك مبغ تقريبا ٢٠٠٠ ريال وروحي لدكتور جلد، شيلي الاثر بالليزر، وسوي تقشير ، وشوفي الدكتور شنو يقترح عليج عشان تتحسن بشرتج ويفتح لونها...
٢- شوفي لموضه تابعي برامج مثل مع جويل احلى او قسم الاناقه في المنتد ى و وحاولي تغيرين طريقة لبسك وتكوني متميزه عنهم، مو شرط غالي، تعلمي فن تنسيق الملابس وشنهم اللي دارج.
٣- اشتركي في نادي رياضه اهتمي بجسمج، واذا ماتقدين سوي ساعه للرياضه بالبيت، بس بدون ماحد يدري عشان تبيعدين عن كلامهم الماصخ،
٤- دخلي قسم المكياج وتعلمي ترى المواضيع كلها بالتفصيل الممل تعلمي ميك اب جديد، ولاتنسين قسم العنايه بالبشره.

الحين انتي تغيرتي كليا بلبسك، بجسمك، بلبسك، بمكياجك، ببشرتك...... النتيجه بتكون = نفسيتك احسن ، ماعندك وقت تسمعين لامهم، ثقتك بنفسك بتزيد = علاتقتك بزوجك احسن.

اهم شي لاتحسسينه انه انتي مو واثقه بجمالك، لا خليكي شوي مغروره، وترى اللون الاسمراني احلى شي، انا بيضه ودايما مسطحه بالشمس ابي اسمر، انتبهي لما تحطين ميك اب لاتحاولين تبيضين وجهك، بالعكس حطي الميك الاب البرونزي وايد روعه....

اهتمي بزوجك، ودلعيه عشان يعرف انه الشكل مو كل شي.....

واهم شي تتغير نفسيتك ولاتطلبين منه فلوس عشان تهتمين بنفسك ولا تقولين له عن مخططاك لتغيير نفسك، جمعي الفلوس لحالك، اعتمدي علي نفسك وغيري هالنفسيه النكده ياحبيبتي.....

يلا وبشريني بالتطورات ياحلوه

انا نفس كلام اختي

واذا ع زوجك ادعي وصلي قيام وادعي ان الله يحنن قلب زوجك

الله يفرج عليك

والله قلبي معك حبيبتي لكن لازم تكوني انتي مع نفسك انتي الوحيده

اللي ممكن تغير حياتها .............. انتي عندك ثلاث عيال اشغلي نفسك معاهم

خليك واثقه من نفسك انا والله يعجبوني التشاديات فيهم غرور وشوفة نفس الله المستعان

الواحده تقول مافي اجمل مني ................. ههههههه اضحكي اختي والله انك جميله من اللي

خلقك مو الله وبعدين حبيبتي سوي زي ماقالو البنات البسي واكشخي ولما يعلقو عليك ابتسمي

وماعليك منهم .......... قولي كفايه اني في نظر نفسي حلوه ووزوجي ميت عليه ..................

وحاولي ماتجتمعي معاهم دائم ........... علشان مايغثوك بالكلام ...............................

وزوجك تقربي له بالكلام الحلو غيري في البيت شوي ............. وصدقيني الجمال جمال الروح

اللي يغار مايمدح بالعكس تشوفينهم يذمون ومن داخلهم غيرانين
اختي دايم تقولي كذا بس انا من نقص الثقه اقول صح عليهم انا شينه......
الغيره والحقد والحسد هي اللي تخليهم يتكلمون بالطريقه هذه
والله كلامكم يبرد القلب.......الله يعطيكم العافيه....

القافله تسير والكلاب تنبح
هههههههه
وحاولي قدر المستطاع تكسبين امه ابوة حتى خواته
ابوه ميت من زمان وامه مره ممعي ومره ضدي وخواته من النوع الي ماينعطون وجه اذا اكرمت الايم تمردا......
الحرق اللي في وجهك من زمان ولا جا الان ... يعني زوجك شاف هذا الشي من زمان والان صار عليه جديد
لا من زمان

انت من البداية فاقدة الثقة في نفسك .. يعني انت من البداية ظالمة نفسك .. فكيف لك تطالبي الناس انها ما تظلمك
هم يخلوني افقدها والله ماجربتو التجريح عالم مثلهم ماعمري شفت في التجريح يعني عشان ربي عطاهم الجمال ليش يعيبوني يسكتون طيب لازم يزيدون الي فيني ويذكروني دايم يحسسوني بعيوبي ......

هل يعني شكل الانسان الخارجي هو الي يهمك ويهم اللي حولك
هالنوع يحبون الشكل الخارجي ..انا ماتعودت افكر بالطريقه هذي....

نت تريدي ان تكون في نظرك تلك القبيحة الي ما عندها اي شي غير الحرقة الي وجهها والقباحة ..
......................
انتي عندك ثلاث عيال اشغلي نفسك معاهم
دايم هوشه وياهم احط ا حرتي فيهم......

ههههههه اضحكي اختي والله انك جميله من اللي

خلقك مو الله وبعدين حبيبتي سوي زي ماقالو البنات البسي واكشخي ولما يعلقو عليك ابتسمي

وماعليك منهم .......... قولي كفايه اني في نظر نفسي حلوه ووزوجي ميت عليه .

ههههههههه لو اقولها يمكن يرحون يقولون له وبيقول مصدقه عمرك.....

اااااااااه والله راح نص الضغط الي فيني من سمعت كلامكم الي يشرح النفس ....

الله لايحرمكم الاجر ان شالله ....

ابي اعرف كيف ارجع ثقتي بنفسي؟؟؟

اختي انتي لا تاخذين كلامهم بجديه هذولا زي ماقالو البنات غايرين منك يمكن عندك مميزات يتمنون انها فيهم عشان كذا يقولون الكلام ......

لاتصيرين حساسه بزياده و خليك با ((اذن من طين واذن من عجين ))

.....الله يوفقك ويهدي زوجك ويجملك في نظره...ومايشوف غيرك...........

الله يفرجها عليج اختي

ما اقدلا اقولج غير

الله يعوضج عن كل الهم اللي تشوفينه

ويفتج لج ابواب الرزق ويجملج في عين زوجج

وتكونين احلى ملاك شافه في حياته

ولا تنسين اختي

وعسى ان تكرهوا شيئا وهو خير لكم

واحيانا الجمال يكون نعمة على الانسان

احمدي ربج دوم واستغفريه

صدقيني حالج احسن عن حال وايد ناس غيرج

وربي يعطيج العافية ويفرج همج

اختي لو زوجج ما يبى يخسر انتي حاولي تجمعين فلوس وروحي تعالجي واتجملي اكثر واكثر وردي عليهم اذا حاولوا يستفزونج بكل هدوء وذكاء عشان لا تجسسينهم انج مضايقة او زعلتي
رربي يوفقج

والله مشكلتك مثل مشكلتي تقريبا انا عندي حماتي دايم تقولي يسودا ودايم تحطمني بهاذي الكلمه مش مره ولامرتين ولاثلاث كل ماجيها اسمع منها هاذي الكلمه الي اثرت فيني كثير علمن اني اعاملها مثل اختي واكثر بس كل مره انصدم منها بشي يعني كلنا بلهوا سوا ياليت احد يعطينا حل شافي لك ولي00
مشكوره اختي على طرح مثل هذا الموضوع ونشالله نلقى الجواب الكاااااافي 000

تحياتي لك وللجميع 00

انا ابي اعرف ليش يحبون يحطمون الوحده ومايخلونها في حالها .......

انا لو اني شر معهم يتكلمون لين يشبعون

بس اني اعاملهم مثل اهلي

لين كرهوني فيهم والله صرت اكرهم

بس عشان زوجي مايزعل اروح لهم ......

والموت صح اذا توك جايه متحمسه فشلوس قالو خواته عندهم وش مسويه في وجهس

يناضرون بقرف كنهم شايفين (....)

والحرق مب قوي بس بجهه وحده عشان يشككوني في نفسي ........

والله شي يقهر قهر ................

حبيبتي انا احس انج معطيه الموضوع أكبر من حجمه خلينا نكون واقعين لو انج مومحبوبه مثل ماتقولين وزوجج يشتكي منج عند امه جان طلقج ماخلاج عنده وجايبه من عيال وثانيا لاتحطين هالشي بنفسج بهالوقت مافيه أحد شين بالمكياج وهاالبس الحديث واسمحيلي فيه بنات ملكات جمال وحلوت تطلقوا وبنات ماتزوجوا وهم ملكات جمال ...

الله يعينك حبيبتي

انا من رأي انك ماتسمعي لكلامهم ايش دراكي انو زوجك يشتكي لأمو اذا هذي تصرفاتهم ممكن يكون كلام من راسهم

كلمي زوجك وقوليلو انا تعبانه من هذا الحرق مسببلي اكتأب احس اني مو حلوه نفسي اعمل العمليه وارتاح قوليلو انت شايفني حلو وانا مبسوطه من دا الشي بس انا نفسي اعمل العمليه عشان انا مو متقبله شكلي واذا على الفلوس حاولي تشتغلي بأي شي الين تجمعي مبلغ

اتكلمي مع زوجك بصرااااحه ابكي وقولي كل الي في نفسك وطلعي الي في قلبك امكن يحن عليكي بس لاتضغطي نفسك وتحرقي قلبك والسماار حلو البياض مو كل شي والجمال مو كل شي

واعرفي انو اي وحده تعااايب عليكي او تتريق راح يجي اليوم الي تندم فيه وتجي تتسامح منك قولي بس حسبي الله ونعم الوكيل

ولما يتريقو قوليلهم هذا ابتلاء من ربي لااتتريقو عشان لايبتليكم ويشفيني تقدري حتى تجيبيها بمزحه

حبيبتي لاتزعلي نفسك واهدي شوي وصدقيني طيبة قلبك اهم من جماالك الله يحفضك ويحفظ اولادك

ولاتقولي محد يحبني انا احبببببببببببك *_^

عيون الفهد

اذا قالولج شي طنشييييييهم ولا تردين عليهم بس اطالعيهم بنظرة استهزاء صدقيييني بتحرقهم هالنظرة بينقهرون ولو حتى طلبوا منج رد او تعليق لا تردين عليهم يمكن يبون يستفزونج وتبدين مشاكل ..

والشي الثاني غيري استايلج كليااا والسمار مب عيب بالعكس احيانا يحلي زياده اهم شي تون بشرتج نظيفه وصافيه حتى لو فيها اثر حرق يمكن يكون ميزة لج .. غيري ستايل الميكاب واللبس حتى العطور خليها مركزة .. وبعد اسلوب كلامج غيريه معاهم وكوني جاده ورسميه اكثر .. سولفي معاهم بس بعد احيانا خلج رسمية وبيني ثقتج بنفسج .. صدقيني اولهم زوجج بيحبج اكثر وبيتمسك فيج



والله يهديهم

انتي لأنج ماعطتهم وجه وتسمعين منهم،، سمحتيلهم انهم يتدخلون فيج ويقولون عنج شي ماتحبينه،، خلي حدود بينج وبينهم،، أدي الواجب وامشي،، وقوي علاقتج بالناس اللي تحبج وترفع من معنوياتج،، لاتسمحين لأحد انه يقول لج كلمه مو حلوه،، أنا ماقولج صرخي عليهم،، بس تقدرين تحقرينهم ولا تحطين أي زون لكلامهم،، بجذي بشوفون ان مافي فايده من كلامهم وإنه كلش مو مأثر فيج،، فبتركونج،، انتي مسهله عليهم عميلة انتقادهم لج لأنج تسمعينهم وتتأثرين بكلامهم،، لكن لين حسوا إنه مو مأثر فيج وانج مطنشه ومخليه رسميات وحدود في علاقاتكم،، بسكتون عنج


الله يوفقج يارب :)

الله يجملج يااارب في عيوون زوجج ويراويهم يا رب يوووم علشان ما يعيبون على احد

تراااه عيب >>>> منقهره منهم
وما ادعي عليهم بس قصدي يصيدهم شي خفيف علشان يحسون ويووعون لنفسهم

والله مااعرف شنو اقول