للامهات... و الحوامل الكروشات ...... هل صدق احساسك ؟

أنا بحملي الأول كنت أنا وزوجي حاااسين انوا ولـــــــــــــد وطلع ولد بس اجهضته الحمدلله على كل حال ..

وبحملي هذا انا كنت احس اني بتجينااابنوته بس أبو الشباب أحساسه كااان ولد .. وصدق إحساسه بالسونار .. طبعاً سويت سونار مرتين وكلهم ولد مررررة بالخامس ومرررة بالثامن ..

والله أعلم ..

! أنــثــى !;7577014:
انا بولدي صدق احساسي !
و الحين ان شاء الله يصدق ! خخخ
و بالنهاية الله العليم ،، واااجد حريم يعملون السونار عند اخصائيات بالسونار و يطلع غلط !

ترا هذا هو أحيانا السونار يغلط و أحس أن احساس الأم يكون بمحله
قلبها دليلها سبحان الله ..
وترى قلتيها وبالنهاية الله العليم
أسعدتني مشاركتك غاليتي
مع كل الحب
(f)

انتظـــــااااار;7577053:
حلو موضووعك

انا بكري بنيه وكنت احس انها بنت

وعقب البنت جبت 3 اولاد والحمدلله

وحسيتهم كلهم عياال ماادري ليه يمكن شعوري

بعد الاول منهم كنت احس انه بنت مثل اخته ولمن جا ولد

حسيت بللي بعده ولد

واللي بعده نفس الشي

مادري فقدت الامل بالبنت ولا لااا <<<<هههههههههههههههههههه

هلا وغلا غاليتي ....
الأحلى تواجدك وحضورك
لا تفقدين الأمل ولا شي
الله ان شاءالله يرزقج بعد ب3 بنوتااااااات أمامير ^_^
بس انا ااحس احيانا ان شعور الم صادق ....
وأسعدني تواجدك في موضوعي ...

(g)

أم علااااوي;7577135:
بالاول حسيت بأنه صحيح ولد بس هالمره غير شكله بنووووووووووووته يمكن احساسي تغير او من كثر مايقولون لي شكله بنت والله كريم ..

الله ينولج كل اللي في بالج
ويمكن لأن احساسج صح
اسعدني تواجدك(f)

نسيـــــم;7577248:
موضعك حلو بالنسبه لي لسى ما جربت بس ودي ببنت ولكن
إحساسي يقول ولد والله أعلم

الأحلى تواصلج غاليتي
الله يرزقج بالبنت ان شاءالله
وتقر عينج ابها ياربي
سررت لمشاركتك
(f)

دلوعة بودي;7577352:
أنا أحساسي ولد والكل يقولي ولد بس للحين ما أعرف
وأنا خاطري ببنت

الله يتمم لج ع خير ياربي
ويرزقج باللي فخاطرج حبيبتي
أسعدتني مشاركتك(g)

دنيتي بنيتي;7577417:
انا ببنتي حسيت انها بنت قبل اسوي سونار وفعلا صدق احساسي

^_^ تقريبا اغلب الأمهات يغلب عليهن احساسهن
الله يخليها لج ياربي
(f)

جمال الزهره;7577673:
بحملي الأول مامداني أحس لاني أجهضت
بس الحين , أحس انه ولد ,, وأبو الشباب خاطره في بنوتــه
وللحين ما سويت سونـــا

كل شي على الله

والنعم بلله غاليتي
وكل شي من الله حلو
بس اهم الشي السلامه والعافيه
الله يثبتلج حملج ياربي
وتقر عينج بشوفة ضناج يارب
ويلله سوي سونار وبنجوف منو اللي بيغلب بالاحساس
انتي ولا ابو الشباب ^_^
طمنينا عنج
(f)

أم عزوز001;7578038:
بعزوز قالت الدكتوره ولد واحساسي بعد قالي ولد
ببندور الدكتوره اكدت لي بنت بالشهر الثامن وقالت لي جهزي بناااااتي
وانا اجهز ترددت اخذ ورردي؟؟؟
لكن احساسي يقول ولد مو بنت ولما ولدت اقول للدكتوره شنو ولد؟؟ قالت ايوه واصلا انا حاااسه

يا سبحان الله ....
الله يخليهم لج ياربي
وتجوفينهم أحلى معاريس ياربي
أسعدني تواجدك
(f)

رنو أم غلو;7578245:
وانا بعد ببنتي حسيت انها بنت
وطلعت بنت مع ناس كثييييييير فركوا الثوم في فمي يقولون لا مو بنت ولد واحساسي طلع بمحله
والله اعلم

الله اعلم ...
بس وش سالفة الثوم ...؟؟
:)
أول مره أسمع عنها
أسعدني تواجدك ...

شوووووش;7578084:
ههههههه
موضووووع حلو
ايم مش عارفه كنت حاسه انو في ولد وبنت لكن طلعو ولدين حسب التراساوند
يعني ما زبطت
مع انو لحد هسا عندي هل الاحساس بس عارفه انو غلط
يسلمو حبابه

الأحلى تواجدج غاليتي
ويمكن يطلع صح احساسج
كل شي جايز ^_^
أسعدني مرورك حبيبتي
(f)

في حملي الاول بحمودي ما كان فيه اي احساس خخخخ...ابدا ابدا...امي تسألني شو تحسين اقولها ما احس بولا شي :)

في حملي هذا من اول ما عرفت اني حامل حسيت بجنسه مع ان ريلي يقولي لااحساسج غلط...وكنت متأكده 1000% من احساسي و بالسونار طلع مثل ما حسيت و 3 مرات سويت سونار و اكدولي احساسي ..خخخ

ان شالله بعد اقل من شهرين بتعرفون شو هو...:)

أنا كان عندي إحساس قوي إن بنت ولما سويت سونار كذا مرة أكدوا لي إن بنت

وراح يتأكد الموضوع أكثر بعد الولادة إن شاااء الله :)

الإيثار;7578770:
[glow="000000"]
عزيزتي انا جربت على بنتي
بحكم خبرة الوالدة لانها كانت تتعلم عند دايتها فتعرف الكثير عن الحمل الحمدلله لما شفتني وشافت شكل بطني قالت لي ولد واختي الكبيرة قالت نفس الشي قلت خلاص هم عندهم خبرة ويعرفوا ولكن احساسي يقول انه بنت ليش ما أعرف لحد ما وصلت الشهر السادس وعمل سونار وقالت الطبيبة كثييير واضح وراوتني انها بنت كثييير فرحت لانه احساس كان صحيح وبعد شهر عملت سونار مرة ثاينة وقلت لي ما وضح ولكن احتمال بنت فرحت أكثر ولكن حتى الشهر الأخير كنت شاكة تعرفوا الاجهزة بعض الأوقات ما تكون صحيحة كنت اشتري بعض الاغراض البيبي محاد اللون والبعض وردي
ولحد وضوعي كنت كثييير تعبانه في الوضع لمدة 23 ساعة تقريبا كنت في المستشفى ، في أخر لحظات الطلق كنت أقول لطبيبة حبيتها كثييير بسبب صبرها معي وكلامها الهادي وكانت تذكرني بربي بالحين والحين مع انها كانت غير مسلمة كنت أقولها تعرفي انا قالوا لي مرتين انها بنت وانا أحس انها بنت فابتسمت ولما نزلت بنت سمعت صوتها مع وجود أربع طبيبات وخمس ممرضات معي تقول لي بنت بنت مبروك احساسك صحيح وجات وباستني قالتي لك انت امراءة شجاعة لانك أبدا ما صرختي :) وهكذا صدق احساسي
في حمل الثاني هذا أنا من البداية حاسة انه ولد ولكن قبل اسبوعين تضارب مع الاحساس بين الولد والبنت ورجعت من يومين احس انه ولد وباقي لي تقريبا 3 أشهر وراح أفيدكم إذا كان ولد ولا بنت لاني حتى هذه اللحظة ما عملت سونار :( عندوني موعد بعيد جدا

واتمنى اني اسمع من البنات بعد تجربتهن

شكرا على الموضوع
[/glow]

الله يخليلج اياها يارب ويحفظها لج يااااارب
ومشكورة على تفاعلج حبيبتي وعلى تجربتج
ويلله بشرينا انتظر نتيجة الألترا ساوند مع عليه تمي مشتاقه ^_^
أسعدني ردج ومشاركتج
(f)

بالحمل 1 زوجي يحن يبي ولد يبي ولد فاحساسي متقلب
بالحمل 2 حسيت باني بجيب بنت وطلع صح
بالحمل 3ما بعد يجيني الاحساس خخخخخخ(في اجازه )

غاليه الاثمان،، في حملي الاولي ما ادري ليش كنت اقنع نفسي انه ولد لاني كنت ابا ولد يكون بكري خبله ما كنت ادري بحلاوة البنت البكر بس في قراره نفسي كنت اقول بنت،، ويتني بنت ملت عليه دنياي بحركاتها ومشاغبتها وباجر ان شاء الله تكبر وتساعدني قولي امين،، اما في هالحمل كنت اقول ما ابا اقنع نفسي بشئ وما اكرر الفلم الهندي ^_^ بس يوم سويت السونار اول مره قلت لامي هذا ولد وبتشوفين كان شكله غير

انا كان احساسي من قبل ما اتزوج ان بكري بايكون ولد ... ولما حملت واصل معي هذا الاحساس ..
والحمد لله صدق احساسي ..

الان عندي احساس لو بحمل مرة تانية باجيب بنت .. فاباخبركم ان شاء الله اذا صدق احساسي او لا

أم جود القمر;7579151:
كان احساسي ببنتي ان ولد ماادري ليه

يمكن لان كان نفسي في ولد فطلع احساسي غلط

واللحين بهالحمل ماادري شعوري متضارب

وماني حاسه بشي معين

اذا ولدت بالسلامه ان شاء الله اقول لك

دعواتكم

الله يسهل عليج غناتي ويقومج بالسلامه وينولج كل اللي فبالج
(f)(f)(f)

YASMEEN33;7579209:
هلا الغالية ..

انا كان احساسي صادق ..

زوجي يقولي احساسي بنت وانا اقوله ولد ...

وطلعت ولد .. ياحليله زوجي كان وده في بنت

وعندي احساس اني بكون ام الاولاد ما اعرف ليش:cry:

االله يخليه لج ياربي
لا ان شاءالله الله بيرزقج بالنات والأأولاد ان شاءالله
وبتذكرين كلامي بيوم
الله يرزقج ياربي
(f)(f)(f)

هامة العز;7579342:
هذا اول حمل لي

ولا ادري
ودي بولد وودي ببنت
بس مادري والله
مشكوره عزيزتي ع الموضوع

حبيبتي هامه
الله يرزقج بالاثنين ان شاءالله
والله يتمم لج ع خير ياربي
وتفرحين فيهم ياربي
ومشكورة على مشاركتج حبيبتي (g)

سمويه الحلوه;7580624:
والله المـــوضوووووووووع جه في وقــــــت مشكوره حبيبتي انا والله أحـس أنه ولـد وخواتي يقولن لي أن شـكـلج ولـد وانا بـعد أحـس أ، ولد وسعات أحـسه بنيه بس اكـثر شي ولد وريلي يـقول انا أحـــــــسنه أن بـنيه

ولم سـويت سونار قال لي الدكـتور بنوته مـاصدقت رحت حق دكتوره وقـلت لي جـنها بنيه بعد مـاصدقت بس انا بنت ولد مو مهم أهم شي يـطلع بـسلامه وشوفها أو أشـوفه بين أحـضاني ماادري لين أحين انا أحس ولد وريلي بنت وخااطري عقب مادش السابع أشتري أغراض البيبي بس اخاف أشتري حق بنيه يـطلع ولـد :sولي من الله حيالله ^.^

بس شـكلهم بـخلوني أشـتري حق بنيه وصدق انها بـنيه

هلا غناتي ...تسلمين غاليتي ....وترا قلتيها اهم شي السلامه
وتجهزيي بألوان محايده للولد والبنت ....
الله يقومج بالسلامه حبيبتي .... وتجوفينه/ا باحضانج يارب
وتقر عينج فيه ياربي....
ولي ايي من الله حياه الله قلتيها
(f)(f)(f)(f)

خطيبة عماد;7580700:
انا بكر
احساسي يقولي ولد

بس لي الحين توه الناس توني في الثالث

مع انه خواتي بكرهم كان بنت

ماعليه اكسري القاعده ويبي ولد :D
وتوج ببداية الثالث
وماراح يبن بالسونار الا بالخامس او السادس
الله يتمم لج ع خير حبيبتي

joojoo.sweet;7580745:
أنا بحملي الأول كنت أنا وزوجي حاااسين انوا ولـــــــــــــد وطلع ولد بس اجهضته الحمدلله على كل حال ..

وبحملي هذا انا كنت احس اني بتجينااابنوته بس أبو الشباب أحساسه كااان ولد .. وصدق إحساسه بالسونار .. طبعاً سويت سونار مرتين وكلهم ولد مررررة بالخامس ومرررة بالثامن ..

والله أعلم ..

مرحبا عزيزتي ....
بيشفعلج ان شاءالله يوم القيامة يارب
الله يتمم لكم ع خير ياربي
وتفرحون فيه ياربي
وتقر عينك به ياربي
واهم شي سلامتج وسلامته
ومشكوره ع المشاركة
(f)(f)(f)(f)