وصلت حدي منه )":

حاولي اختي وهو هادي ورايق تحلين مشاكلكم وسوي له اشيا تجذبه تخليه يشتاق للبيت ووشو شو ناقصه واهتمي بنفسج

شيلي الشك عنج وانسى موبايله
وربي يسعدج ويصلحه لج ويسخر قلبه لج

هدئي روحك اختي وخليكي ببيتك حرام امكن ظالمتيه

خليه الين مايهدى ويجي البيت اعملي جو حلو واقعدي

معاه وتفاهمي بهدواء واذا قال ماراح افتح اللوك قولي له

خلاص انا مسلمتك ثقه وانت يارب تكون قدهاا

واكيد هو قلك هالكلام من عصبيته حاولي بوقت الاعصاب ماتنرفزيه يعني مو عشان اللوك تتركي البيت

وان شاءالله ربنا يصلح بيناتكم

أنا ألحين مب مضايجني اللوك ألحين أحس أنه يعاندني ومب راضي يفتح
أي باب للنقاش معاه وهاي مب عيشه معاه أنا أبغي الاستقرار والأمان وهو اللي ف باله انه يطنشني ويدوسني

يا حبيبتي لازم تعرفي انه الراجل لو كان بيمووووووووووووت في زوجته و مش بيقدر علي بعادها برضه بيفضل راجل ... بمعني انه مش بيحب زوجته تتشرط عليه و مش بيحب زوجته تهدده و مش بيحب زوجته تتحداه مهما كانت درجة حبه ليها ........ فا انتي لما اشترطي عليه يشيل اللوك كده هو اتنرفز ازاي تتشرطي عشان لو وافق من أول شرط فهو فاكر انه سهل يتنازل بعد كده عن حاجات كتيير فا انتي كنتي كلمتيه بهدوء و سمعتي منه اللي عنده و برضه بهدوء و تناقشتي معاه و لما تصفوا كل حاجة بعدين انتي بقه تيجي كده في وقت هادئ و لحظه رومانسيه و تتدلعي عليه شويه و تفهمييه االلي انتي عايزاه... المهم اللي حصل حصل ... انتي دلوقتي ابعتيلوا رسالة و قوليلوا أنا غلطت و حقك عليا يا ريتك تيجي نتصافي و شوية كلام حب من اللي انتي عارفاهم و ان شاء الله خير :)

دخيلكم لا تحرموني من نصايحكم لاني البكر بين خواتي وأمي كاره ريلي مااقدر اشتكيلها

عزيزتي الله يهدي زوجك

يا الغااليه زوجك ما يصلح معااه الاوامر
يعني لما قلتي له شيل اللوك الي في التلفوون هو بيفكر فيهاا ان هذا امر منج ولازم ينفذه والرجاال ما يحب جدي
صدق طبع مو حلوو في الرجاال بس هذا الشي احسه في كل رجاال وخصوصا زوووجي :(

فانتي خدييه بالسيااسه والنسواان اذا بغوا شي ما يقدر احد يمنعهم

انتي عاارفه زووجك وعاايشه معااه لازم الحين تعرفين من اي بااب تدخل ليييه ,,

كلميناا شوي عن زووجك شلوون شخصيته ؟؟ عصبي ؟؟ يتقبل نصاايحك؟؟متى تقدرين تكلمينه؟؟

وعاايشه مع اهل زوجك ولا بروحكم

ويا قلبي انصحج لا تقولي مشااكلج لاهلج لان انتي وزوجك رااح تتصالحوون اما اهلج ما راح ينسوون

يا بعد قلبي انت شكلك بعدك ما فهمتي لعناد الرجال
الرجال كلش يهون عنده الا انج تحسسينه ان امرج يمشي عليه
يعني بالدلع يسوي لج كلشي
وبالعناد يخرب بيتج
حاولي تهدين الامور وتكسبينه باللين
والله يصلح بينكم

أدري ان المشكلة لازم تكون من بيننا وماتطلع برع بس هو سار خبر أهله وخبر أهلي بعد على اساس انهم ينصحوني
عندنا شقة بس حاليا انا ف بيت أهله عندي ملحق اهني بس المشكلة ان اغراضي كلها ف الشقة وما خليتلي شي اهني انا يوم ييت عند اهله على أساس اني بتم يوم و بيرد بس طولت ماباليد حيله
اهو عصبي ووايد عنادي لازم يسوي اللي ف راسه قبل كان مرات يسمعني بس ألحين مول يقول ان الكلام معاي ضايع مااكذب عليكم لو قلتلكم ماقمت اعرفه أو أعرف كيف ارضيه واتفاهم معاه مب هو الشخص اللي اتزوجته عن حب مشكلتي اني دلوعة و أي شي ابغيه لازم يصير احب يشاورني ف كل صغيرة و كبيرة ومرات احاول اتحكم ف دخلاته و طلعاته و اختياره لربعه وحتى لو يعطي اي شي يخصه حق اي حد لازم يشاورني
ادري اني انا بيدي استوى قاسي علي بس مثل ماقلتلكم ماكان عندي احد ألجأله و اشتكيله وينصحني

انتي كل اللي قلتيه يبين ان اغلب المشكله فيج
حبيبتي الرجال رجال كيف تتحكمين فيه
اذا تبين شي يتغير لازم تغيرين نفسك
تلومينه اذا تغير عليج
اسفه اختي لو كلامي قاسي
اذا تبينه يصفا لح لازم تتغيرين ولا خليه يروح فحاله

زين يا غااليه اكو انتي اعترفتي بنفسج وهذا بداايه الطريق للحل
زوووجك مثل كل الازواااج ما يحب احد يخنقه
وانتي للاسف يا غااليه خنقتييه ليما مل

انا ما الوومج يا غااليه لا والله
انا كنت مثلج في بداايه زواااجي وخصوصاا لاني دلووعه في بيت ابووي وكل شي يصير على مزااجي
لكن معااملتش في بيت اهلج مو مثل معااملتش في بيت زووجك
لازم تتنازلي شووي
الحين انتي قعدي قعده صفا مع زووجك وترااضواا
قوولي له انك وحشتني وما اقدر على زعلك
وبالتدريج سحبيييه وتقدرين اي شي تبغينه رااح يستووي
مثلا طلعااته وسهرااته مع اصحاابه
كاانت مثل مشكلتي مع زووجي
وانا اقوول لج شنو سوويت
ضغطت على نفسي وسكت عنه وقلت لييه حبيبي لك الحق اكيد انت متضاايق وتبغي ترفه على رووحك مع ربعك.. هذا حقك (( لاحضي اذا انتي فكرتي في المووضوع ان الوحده بعد لما تتضايق تحب تقعد مع صديقااتهاا وتنسى رووحها في القعده))

فخليه على رااحته وطرشي له مسجاات حلووه من الي خبري خبرج... ولما يرجع ساليه ما تبغي عشاا..
خططي لاشيااء تخليه يقعد في البيت
مثلا انا اعرف ان زوجي يحب المسلسلات السوريه مثل ليالي الصالحيه ,, فادور اي مسلسل ينعرض واشده علشاان يقعد ويطاالع معااي وابرز القعده
يعني انتي شووي شووي بحركاات حلووه منج بتعيشوون سمن على عسل

لا تخلين علااقتج بينج وبين زووجك تمشي بالاوامر والصرااخ ترا والله ما يفيد ولا انتي بعد راح تستاانسين حتى لو سوى الي تبغينه ما دام غصبن عنه

اممم هذا الي في بالي الحين
اتمنى اني افدتك
والله يووفقج يا الغلاا

السلام عليكم

سمعيني اختي فكرة انك تتركين بيتك استبعديها مره اصلا هذا ابد مو حل

انا اشور عليك انك تغيرين علاقتك بزوجك هذي الفتره بحيث انك ماتحاولي تضايقينه باسالتك مثل وين رايح ليه مقفل جوالك من ذا الاساله الي مايحبونها الازواج بس لين تحسين ان علاقتكم رجعت مثل اول حاولي انك تسوين حفلات واجواء رومنسيه انا عارفه انها صعبه عليك وخصوصا انك مضايقك بس صدقيني الرجال اذا لقى الزوجه مشيتله بعض الشغلات بيحن عليها اكثر
انا مابي اطول عليك بس بعد عليك بالصلاه والدعاااااااااااااااااااااااااااااااااااااااااء ان الله يسخر لك زوجك
وان شاء الله تكون سحابه صيف وتعدي ويرجعلك زوجك مثل اول واكثر يارررررررررررررررررررررب

والله صدقوني الفترة الأخيرة ضغطت على عمري وقد ماأقدر ماكنت أجادله فأي شي لكن لو صدف وقلتله كلمة ماقام يتحمل بسرعة يتنرفز ياما قلتله أنا أحاول اتغير واتحسن لكن انت ساعدني مابقدر روحي
أناااااااااا أحبه ياناس والله هو مب طايع يفهم هو يشوفني وايد دلوعة ومتكبرة عليه وأنا مو جذه
والله ياما صليت ف آخر الليل ودعيت وحتى ف حزة افطور عل وعسى الله يوفقنا ويهدينا ويبعد عنا المشاكل

ليكون صابتج عين...اقري المعوذات..واستعيني بالقرآن والأدعية

أبد أبد لاتفكرين تطلعين من بيتج

وأتفق مع كلام اللؤلؤة السوداء .. خوش حجي والله يوفقكم

:(
حتى أنا أحس أن عين صابتنا

ادعولي والله محتاجة لدعواتكم

أم صفصوف;7592437:
:(
حتى أنا أحس أن عين صابتنا

ادعولي والله محتاجة لدعواتكم

فديتج لا عين صابتكم ولا شي...انتي الغلطانه 100% ...طبعا غلطج مب مقصود لانه كلنا طحنا في هالغلطه في البدايه..نتحرا الريال يحبنا و بندلع عليه و بنمشيه مثل ما نبا..لكن مع مرور الايام اكتشفنا ان الريال مخلوق ثاني...انتي تسألينه وين رايح مب عشان شاكه فيه ..عشان مهتمه و تبين تشاركينه كل شي في حياته بس للاسف رياييلنا ياخذونها كانها سيطره على حريتهم وهذا يذبحهم..
مشاكلج حلها بسيط و في ايدج انتي بس

قللي من الحنه و الزنه ترا اكره شي عند الريال الحرمه النكديه..وبيدور الوناسه برع البيت...
لا تسألينه وين رايح ووين ياي..اتجاهلي تماما هالشي..وبالعكس بيفتقده بعد فتره
مشاكلج عمرج لا تدخلين احد من اهلج فيها لانه اكره ما عند الرياييل هالشي..غير انج بتكرهين اهلج فيه..وبيتمون يحاتونج طول الوقت
كوني لج حياه خاصه..اطلعي ويا صديقاتج او خواتج...خلي لج هوايات واهتمامات عشان تلتهين شويه وما يكون ريلج شغلج الشاغل 24 ساعه

واهم شي..ثقي ان معظم الزواجات تكون فيها مشاكل خصوصا في بدايه الحياه الزوجيه لين ما ياخذون الزوجين على بعض..وان شالله اموركم كلها بتنحل :)

المشكلة انه لو بس يعطيني فرصة اكون حياة خاصة فيني
مايخليني ابد اختلط بربيعاتي او خواتي واطلع وياهم

اممممممم

الله معااج