ابي مساااااااااااااااعدتكم..

أم مريم 28-10-2008 16 رد 1,531 مشاهدة
أ
السلام عليكم و رحمة الله و بركاته...


شخباركم؟؟


يا خواتي بنتي تعبها الالتهاب.. ابي احسن كريم لالتهاب الحفاظات و العنايه بهالمنطقه ككريم؟؟؟
علما في أني أستخدم لها بامبرز..


و ابي اسألكم بشي..


بنتي بهالمنطقه لون جلدها مو موحد..!!


يعني في المنطقه غامقه و في منطقه اللي هي لونها العادي..
ليش هالسواد عند بنتي؟؟؟ من شنو ؟؟


سااااااااااااااااااااااااااااااااعدوني الله يجزاكم خير...
~
هلا ام مريم

السواد يتهيأ لي عادي
لان بنتي نفس الشي

وبالنسبة للالتهاب هالموضوع راح يساعدج
http://www.3roos.com/forums/t394605.html
ا
كريم "مومينتا"

رهيب للالتهابات مجرب
ن
افضل كريم كيناكومب لونه اصفر ممتاز انا مااستخدم لولدي اي شي بس اذا جاله حساسيه اعطيه ماشاء الله
ر
حاولي تغير الحفاظات اطفال واجد البامبرز مسببه لهم التهاب واذا الفتره طويله دوم معاها التهاب غيريه افضل


واذا الالتهاب من فتره بسيطه مو من البامبرز خليها بين كل كم ساعه من غير حفاظ لماتكون في البيت علشان المنطقه تتهوى وتصير احسن
b
انا كنت استخدم بامبرز وجونسون الجيلي الازرق وصاد بنتي شهر وشوي االاتهاب طبعا كنت ابدل الطريمات بس مافكرت ابدل الحفاظ واخر شي استقريت على سودو كريم نفع وياها الحين استخدمه على طول
ا
غيري الحفاض كل ماوسخة لا تخليه بلوسخ اهو الي يسبب الاتهاب

والله ماقد استخدمة لعيالي اي كرم من الي تقولو يمكن استخدم بودره بس اهم شي مع التهاب لما توسخ نضفيها مع الشغل توسخ بنتك وانتي لاهيافي المطبخ ويوتخلصي يمديها التهب فعشان كذى انتبهيلها من فتره الى فتره على القل يخف الالتهاب وماتصرلها حفر وصديد وخطوط الفزلين كمان حلو لا تعودي جسمها على الكريمات ..
تحياتي
ا
والله افضل حل وطريقة ان شاء الله لالتهاب الحفاظات هو انك تحطي ملعقة كبيرة من النشاء وملعقة صغيرة زيت زيتون وتخلطيهم زي المرهم وتدهنيلها عند كل تغيير وان شالله بتلاقي تحسن
وكمان الكيناكومب رااااائع ومجرب وربي يعافيها
ع
حبيبتي بدلي نوعية الحفاظ ..

وبالنسبه للسواد عادي هذا يتقشر بعدين ويرجع لون الجلد الطبيعي

وما عليها شر ان شاء الله

وتحياتي
ن
احسن شى للالتهابات النشا انا مااستخدم غيره ياسلام عليه رشيه على المنطقة وخليه راح تشوفى الفرق وتدعيلى حطيه في علبه بودرة فارغة تسهل الرش وخذيه معاك اى مكان
م
ماعليها شر وماقصروا الخوات.. عن تجربة مافي أحسن من سودو كريم.. وإذا زاد حطيت فوقه بنديرام كريم (نفس الكيناكومب) وبعدها تشوفي الإلتهاب كله راح...
ا
سودو كريم زين
أ
الله يجزاكم خير..

ما قصرتوا.. أرحم الله والدينا و والديكم..أمين..

أشكركم من كل قلبي..الله يعطيكم العافيه..
ع
سودو كريم زين والبامبرز زين انا استخدمة
ا
السلام عليكم استخدمي فقط النشاجدا رائع وعندما يخف الاتهاب ضعي كريم سودو ولاتخلي الحفاض يطول عليها ابتعدي عن كريم الكينا كومب لان به كرتزون وسمعت انه بسبب البهاق الله يحمينا منه ويحمي الجميع وابتعدي عن اغلبية الكريمات فهي مضره على الاطفال ودمتي
ا
سودو كريم امن ومفعوله رهيييب ..واني بعد استخدم بامبرز ومرتاحه عليه..
د
لازم السواد يطلع لان مكان الحفاظ فيه رطوبة ..على العموم احسن كريم استخدمه حتى لوماكان فيه احمرار او طفح اهوا سودو كريم...لانه مفيد للاحمرار والطفح والجروح والخدوش وعلى مااعتقد الحروق بس مو متأكدة من الحروق..
بس اللي اقصده مفيد لكل الحالات الي ذكرتها وبالنسبة للايام العادية استخدمي فازلين صوب حدود الحفاظة وانتي بكرامة عشان البول مايأثر على الجلد ويكون طبقة عازلة

ادري طولت عليج بس ابيج تستفيدين من خبرتي المتواضعة...
تحياتي لج ياقلبي
X