ابي افكاركم واقتراحاتكم يا بنات البحرين

ماكنتوش بالعسل 28-10-2008 9 رد 189 مشاهدة
م
زواجي قريب وايد وجهزت كل شي حق الحفلة بس ناقصني برنامج العرس


يعني اذا دخلت القاعه شاوي عقب ما نقعد على الكرسي وبعدين.........

اشكثر يقعد المعرس في القاعة ؟

متى نقص الكيك ونبدل مكان الدبل؟

اتمنى تفيدوني يابنات
م
محد رد علي:sm229:
ب
المفروض انج تسألين بنات البحرين خصوصا لان كل دوله تختلف عاداتها ...


ينقل للاستفسارات مع تعديل العنوان


ربي يوفقج ان شاءالله
م
هلا بالحلوه

ما ندري في بلدكم كيف يمون الوضع بس بالنسبه لنا

في زواجي دخلت القاعه وجلست على الكوشه الكل جا يبارك لي من اهلي وبعدين صورتني المصوره الى ما الناس تعشت وخلصت اكل دخل المعرس وانا طول هذاك الوقت كنت اوزع ابتسامات للكل

بعد ما دخل هو شال الغطاء عن وجهي وجلسنا نصور انا وهو والكل بارك لنا بعدها غيرنا الدبل وفي الاخير قصينا الكيكه

وفي الاخير جلسنا نشوف الرقص واستانسنا
ه
لاتتقيدين بوقت
مجرد ماتدخلين ويسلمون ويباركون عليش
صوري وقصي الكيكة واذا حسيتي بالتعب او وصلت الساعة 12 اطلعي من الصالة
م
انا بادش القاعة مع المعرس وابيه يطلع وانا اقعد وبعدين يجي ياخذني ونطلع
ك
هلا حبووبة

انا بخطوبتي دخلت القاعه مع خطيبي مشينا للمسرح لما وصلنا رفع الطرحة ومن بعدها جلسنا وابتدى مشواار التصووير ..

وبهالوقت فتحوا البوفيه وااخذت راحتي بالتصووير لانه بالملجة وايد انحرجت العالم كلها تراقب التصووير تأخروا بالبووفيه ففخطووبة رحمووني ههه

وولبسنا الدبل والطقم وكملنا تصووير ووبعدين يووا يسلمون علي الاهل والربع وبعدين طلع خطيبي وقاموا البنات يرقصون ورقصوني معاهم وبعد نص ساعه رجع دخل قصينا الكيكة واخذنا باقي الصوور وانتهت الحفلة ع الساعه 2 واخييرا .
ا
هلا حبوبة

تقدرين اتسوين مثل الاخت كبرياء جرح جذي اريح واحسن لج وبتاخذين راحتج واتفقي انتي وخطيبج انه يطلع مثلا بس اشوي عشان يعني البنات ياخذون راحتهم وبعدين مثلا عقب نص ساعة او ساعة يرد يدخل ، والف مبروك مقدما ويا رب التمام للخير
م
هلا اختي مبروك مقدما عالزواج
تقريبا كل حفلات البحرين خطوبة او زواج نفس البرنامج

يدخلون العروس والمعرس مع بعض
يبدي التصوير بروحهم ومع الاهل
يلبسها الشبكة والدبل اذا خطوبة
او تبديل الدبل اذا زواج

وبعدين يطلع نص ساعه ساعه
عشان خوات العروس وربعها ياخذون راحتهم في التصوير والرقص
يرجع المعرس ويكملون الصور
ويقطعون الكيك
واحيانا يرقصون مع بعض

وبعدين يدخلون اهل المعرس والعروس الرجااال
وخلاص خلصت الحفلة

وبالتوفيق
l
أنا اللي أكثر شي أشوفه إن العروس والمعرس يدخلون مع بعض ويقعدون شوي وييون الأهل يصورون معاهم وممكن يدخلون الرجال من أهل العروس والمعرس ويصورون ويطلعون وعقب المعاريس يبدلون الدبل ويشربون العصير ويقصون الكيك ويفتتحون البوفيه وعلى ما الناس تاكل يتصورون بروحم جم صوره وعقب المعرس يطلع ساعه أو ساعتين حسب الوقت وعقب يدخل وياخذ عروسته ويطلعون :)
X