" ســــــآعدوني" - منتديات عروس

ص

صدى آلآحزآن

عروس جديدة

27-10-2008 | 12:35 PM

السلام عليكم
كيفكم يابنات ان شاء الله كلكم بصحه وعافيه
بدخل بالموضوع على طول وان شاء الله تقدرون تفيدوني
انا احب ولد خالتي من 7 سنوات انخطبت كثير بس
ماوافقت علشان اعرف ان هو يبيني وانا ابيه
والشاهد الله اني احبه حب شريف لااكلمه ولا يكلمني
واعرف اخباره بالصدفه من العيله
عندي خاله ثانيه خطبتني لولدها ورفضت سببت لي مشاكل واجد
بسبب رفضي لولدها وبنات خالتي الله يسامحهم معها
يوم قرر ولد خالتي الي احبه يخطبني وعرفت خالتي الثانيه
راحت لهم وقالت لاتاخذوها وسوت مشكله كبيره
الولد متمسك فيني اخوانه الي اصغر منه تزوجوا وهو لسه
يحاول يقنع امه بالزواج مني
الحين انا انخطبت وهو سمع كلم اخوي وقال بجيها قريب
بصراحه مو عارفه شنو اسوي انتظرته سنين اقول بخاطري انتظر كم شهر
واهلي يحنون علي يقولون موقفه حياتك علشانه تزوجي خلاص
الي بمكاني شنو تسوي
وربي كل يوم اتجرع المر وساكته
ومحتاره شنو اسوي
ساعدوني:confused:
الله يجزيكم خير

G

GLB-3LI

عروس جديدة

27-10-2008 | 12:51 PM

اهلج يبون يفرحون فيج .. ومايبون توقفين حياتج ع شخص واحد

انا رايي انج تستخيرين ..

ا

الدانـــــه

مشرفة سابقة

27-10-2008 | 01:19 PM

أختي صدى الأحزان

سبع سنين واايد لو كان جاد ويبيج تقدم لخطبتج

لان مو معقوله في هالسبع سنين ماقدر يقنع أمه

واذا هاي أولها مشاكل وأمه مب موافقه عليج الله يعين تاليها

انا من رايي صلي استخاره وأسألو عن الريال اذا طلع خوش ريال

توكلي على الله لا توقفين نصييبج أكثر

والله يسر لج اللي فيه الخير والصلاح لج ان شاء الله

أختـــــج الـدانـــــــه

s

sarah_uk

عروس ماسية

27-10-2008 | 01:44 PM

احسن حل اختي تصلين استخاره مو بس مره عده مرات

وبصراحه موقفك صعب لان مو سهل عليكي توافقين على غيره وانتي تحبيه

بس طالما هو انتظرك طول هالمده حرام تتركيه ماتقدري تنتظريه شويه وجربي

امكن هالمره يقدر يقنع اهله لان اذا تزوجتي وقلبك معلق بغير زوجك راح تعيشي بين نارين

وربنا يوفقك بلي خير لك ياااارب

i

israe

عروس ماسية

27-10-2008 | 01:51 PM

انتضري شوي يمكن ربي يفرجها من عنده عليك بالدعاء اختي

ر

رنيـم

عروس نشيطة

27-10-2008 | 02:31 PM

انا اشوف انك تتزوجينه حرام حب سنين يضيع بعدين خلاص اهلك عرفوا انك تبينه ليه تكبرون المسألة كل شئ قسمه ونصيب

انا اعرف بنت خطبها ولد عمها ورفضته قالت لا انا احب اخوه ولما عرف اخوه تقدم لها وتزوجوا وهي طايرة من الفرحة.. خليك جريئة وقولي لهم انك تبينه هو يكفي ان اللي بينكم حب شريف وهو طالبك على سنة الله ورسوله
يمكن امه مااقتنعت لان زواجه منك بيسبب مشاكل بينها وبين اختها اللي هي خالتك ام الولد اللي رفضتيه بس ان شاء الله ازمة وتعدي
واستخيري وربي يوفقك معه او مع غيره

ا

اندلسيه

عروس نشيطة

27-10-2008 | 07:08 PM

اذا جاك ذو الدين والخلق وافقي ....
لا تحترينه
انتي يروح عمرك وتمشي الايام والسنين ..وتذبل زهرة شبابك
اما الرجال لو ما يتزوج الا وعمرة35 او40 ولاراح يضره
يبي يلقى وحده عمره20

لاكن انتي ارحمي نفسك ...
وتزوجي وعيشي حياتك بلا ولد خاله بلا بطيــــــــــــــــخ

ح

حنــــــــــــاني يسبق حروفي

عروس مشرقة

27-10-2008 | 07:28 PM

اهم شيء الاستخااااااره والاستغفار الله يكتب لك التوفيق
واذا عمرك مو كبير استنيه الله يكتب لك اللي فيه الخير

م

مريـم نور

عروس رائعة

27-10-2008 | 08:55 PM

شوفي نفسك أختي .. اذا أنتي رجاعة للماضي و تحني اليه دوما

انتظريه .. لأنك لو تزوجتي غيره بتظل الحسرة في قلبك لحد ما تموتي

عن نفسي أوافق من قال لك .. لو كان بيتزوج كان تقدم لك مهما صار و مهما حصل ..

بس الأهل صاروا شماعة يعلق عليها الحبيب تخاذله و بشكل مقرف اسمحي لي

و إن كنت أشعر أنك لم تعودي تحبينه .. لأنك أصبحت تفكرين في الزواج بجدية صحيح مغلف بموقف أهلك .. بس في الماضي كنت ترفضين و لا تلتفتين الى كلام أحد .. الآن تبحثين عن عذر

مثل ما قلت لك ..

شوفي نفسك أختي و احتمالك .. احنا مو أنت و لا نعرف تفكيرك و لا مشاعرك و لا اللي داخل قلبك .. الخوف من كلمة لو

لو كنت انتظرت لو أني بقيت معاه ..

ض

ضحاوي قطر

عروس نشيطة

28-10-2008 | 12:05 AM

حبيبتي استخيري ربج وانشاالله خير

بس انا اقول لو تحبينه نطريه الحب نادر بهالدنيا

بس استخيري افظل لج

w

weeb

عروس رائعة

28-10-2008 | 12:36 AM

عليج بالدعاء والله يوفقكج

ص

صدى آلآحزآن

عروس جديدة

28-10-2008 | 10:37 AM

انا صليت استخاره
وماارتحت للي متقدم لي
وعلشان كذا احترت وطلبت مشورتكم
انا احبه من 7 سنوات بس ماتكلم عن الزواج الا من 3 سنوات والشاهد الله انه كلم امي الي هي خالته
واخوي وهم قالوا لي وقال انه قال الى امه مارح يتزوج
الين توافق علي او اني اتزوج
واخوانه الي اصغر منه كلهم تزوجوا الا هو
وانا بعد كلامكم قررت انتظره والله يكتب الي فيه الخير والصالح
والف شكر لكم ريحتوا بالي الله يريح بالكم دنيا واخره
والله يوفقكم ويسهل دربكم
آختكم/صدى

ر

رنيـم

عروس نشيطة

28-10-2008 | 02:47 PM

الله يوفقك معاه او مع غيره وان شاء الله قرارك يكون بمحله ويوفقك معاه والله الحب هالايام نادر
يالله على الأقل انتي وهو بتعيدون علينا ايام قيس وليلى<تكفين ياللي عايشة معاهم خخخ
الله يوفقك يااااااارب متحمسة انا لسالفتك مررره اماانة قولي لنا وش الجديد اللي راح يصير بموضوعك أوكي لاتنسين

ص

صدى آلآحزآن

عروس جديدة

29-10-2008 | 03:00 AM

ZeEeNaH
ويوفقك ويسعدك غلاتي
ابشري اي شي جديد بعلمكم فيه
تامرين امر يالغاليه
والف شكر لهتمامك بموضوعي
والله يكتب لي ولكم الخير

N

NaaaN

عروس رائعة

29-10-2008 | 03:06 AM

ربنا يصبرك ويجمع شملكم على خير وسلامه ويكون من نصيبك ربي يسعدك