سؤال عن الحقن المجهري

ايه تزيد نسبة النجاح بأذن الله
وعالدرج بعد ماترتاحي كم ساعه في المستشفى عادي تصعدين
انا كانت شقتي في الدور الثالث وعادي الوضع بس شوي شوي وانت ترقين
والله يثبت حلك ويرزقك الذريه الصالحه
وبشرينا عنك

ماعندي فكرى

بس ان شاء الله تنجح

بنات الحقن المجهري ينفع للي عندها انسداد وتلاصاقات؟؟؟؟؟؟


ضرور ردو علي

الله يرزقك الذرية الصالحة يارب..

أختي أنت ماجربتي الدواء اللي خبرتك عنه؟؟؟

الحقن المجهري مفيد لمن يعاني زوجها من ضعف او لزوجة وفي أحيان ماتنجح إذا اللزوجة عالية وبالتالي تحتاج لأطفال الأنابيب.. إن شاء الله ماتحتاجين ولا لأي عمليه وتحملين طبيعي....

رنو مشكوره حبوبه على الرد

هلا رانيا البحرينيه

زوجي استعمل ابر عند عيسى امين

بس ما نفعو معاه وقال لنا عندكم حلين اما الابر او الحقن المجهري

اذا ما نفعو الابر مالكم الا خيار الحقن المجهري

ما جربنا الدوا اللي قلتي عنه لان الضعف وايد

وخايفه ياثر على زوجي لان فيه السكري

مادري حددو لي شهر واحد عمليه

الله يرزقك أختي بالذرية الصالحة.. خلاص دام هذي قرار الأطباء توكلوا على لله وربي يرزقكم وتنجح العملية..

اختي توكلي على الله وان شاء الله بتنجح العمليه لأنه المهم وجود الحيوانات المنويه بغض النظر عن عددها المهم تكون طبيعيه وغير مشوهه ..
بالمختبر بيحسنوها وبيحقنوها داخل البويضه اذا كان العدد قليل جدا (بعملية الاكسي icsi )
او بيحطوا الحيوانات المنويه بصحن مختبري مع البويضات وبيتركوهم يتلقحوا لحالهم ( اطفال الانابيب )
اذا انت ما عندك مشكله ان شاء الله بيصير حمل اهم شي الراحه التامه اول ست ساعات نامي على ضهرك ..
بعد هيك ممكن تتحركي بس حركه بسيطه بدون اي مجهود يعني ما تشيلي شي ولا تتعبي حالك
..
موفقه ..

هلا اختي اني عملت العملية في المستشفى العسكري عند الدكتوره موزه وترقدت عندهم 3 ايام في المستشفى لان شقتي بدور الثالث بس انا ما ركبت الدرج رحت عند اهلي تميت عندهم لحد ما تطلع النتيجه والنتيجه كان انه ما صار حمل والحمد الله على كل حال وعما قريب بعد بعملها وان شاء الله يرزقنا ويرزقش يارب العالمين وعملية الحقن المجهري يتراولي افضل من الانابيب لان المجهري يحقنون البويضة بالحيوان المنوي وهي افضل شي للي يعانون من قله عدد الحيوانات المنويه وان شاء الله تسوينها وتنجح عمليتش وتبشرينا يااااااااارب

والله انا ماعندي فكره بس الحين لما قريت ردووود البنات قاعده افكر اسويها لان زوجي عنده ضعف وانا الحمد لله سليمه بس وزني يبيله وانشاء الله بقضيه عليه هاالشهر
الله يرزقنا جميعا ولايحرمنا منهم يارب العالمين

حبيبتي اتكلي على الله و ما دام الضعف عند زوجك شديد معناها لازم تكسبي وقت و الحقن المجهري يكفي لنجاحه حيوان منوي واحد لانو عكس طفل الانبوب طفل الانبوب توضع الحيونات المنوية بجانب البويضة و تترك حتى تتلقح لوحدها بس في التلقيح المجهري يتم حقن الحيوان المنوي بداخل البويضة و بالتالي المهم يكون في حيوان منوي واحد على الاقل و يا رب يكتب لك النجاح و اذا تم تلقيح أكثر من بويضة خليهم يجمدو لك أجنة و بكل الاحوال يا رب يكتب لك النجاح و ريحي حالك و يا رب تبشرينا بنجاح العملية و يعوض صبرك انت وزوجك خير و يفرحكم بأولادكم