فينكم يا بنات يا مصريات يا حلوات ... الجزء الثامن

roro cat;7789516:
بقولكم يا بنات انا عايزه برفيوم لما احطه احس بريحه الصابون او النضافه ويبقى جامد كده عايزه احطه بعد الشور كده او احط منه في الدولاب في الهدوم ياريت تساعدوني ولو بيتركب يبقى ميه ميه(y)

roro cat;7792220:
انا كنت قريت ان زيت العنب ليه فوايد وفيه فيتامينز اكتر من جنين القمح وكمان عشان خفيف مناسب اوي لبشرة تحت العين ده اللي قريته وروحت اشتريته وفعلا الحمدلله ارتحت معاه اوي ده غير ريحته الحلوه ده بيقلب ريحه الروم عندي
وانا بجيب كل زيوتي من حراز الحرامي هههههههه للاءسف بس بتبقى اصلي بس بفكر اجرب
رجب او خضر كده
عشان جربت الكابتن و ممممممم معجبتنيش خالث هناك فرق

جزاك الله خير

طيب هو عنب احمر ولا اخضر ولو عندك صورته يا جميله وسعره

صوت العيون;7792859:
جزاك الله خير

طيب هو عنب احمر ولا اخضر ولو عندك صورته يا جميله وسعره

احمر ايه واخضر ايه؟ لونه زي اي زيت عادي

totano;7792685:
ايه احسن محل مكياج في مصر بتيجبوة منوة المكياج
انا سمعت انو في محل اسموة لا بوتيه في المهندسين

لابونيه موجود ورا نادي الصيد في شارع سليمان أباظة

وماركاته أصلية ... وهو فاتح من قبل فيسز ومزايا بكتير

وعندك فيسز في تقاطع وادي النيل مع شارع لبنان

وعند مزايا في تقاطع لبنان مع شهاب

السلام عليكم

يابنات كتالوج اوريفليم بتاع اخر السنه

نازل فيه عروض حلوه علشان الكريسماس

علبه كرات اللؤلؤ هتكون بعد خصم العضويه بحوالى 67 واعاده الملىء مش نازل فيه

للاسف انا مش معايا الكتالوج بس صحبه اختى شافته وقالتلى نازل فيه عروض حلوه

ياريت الى تجيبه تقول العروض الى فيه

وهو ممكن انا اروح اجيب الكتالوج من غير ما اجيب اى حاجه من كتالوج الشهر الى احنا فيه عادى ولا لاء

لو سمحتوا يا جماعة اللى يعرف اى حاجة عن كتالوج اخر السنة يكتبها
عشان انا عايزة اجيب اللوس باودر بس هى مش نازل عليها خصم دلوقتى ياترى موجودة فى كتالوج 13 ولا لأ
بلييييييييييييييييييييز اللى يعرف يرد عليا عشان لو مش هينزل عليها خصم اجيبها دلوقتى وخلاص

تجمع رائع يا بنات ممكن اعرف البنوته الى حاطه بودرة ياردلى فاول صفحة دي تقولى جابتها منين وبكام

انا جربتها وكانت تحفة بس زمان وعاوزاها :)

roro cat;7789205:
على فكره يا بنات اللي بيساءلوا عن حاجات افون انا بشتري منها حاجات كتير
المهم عندهم مزيلات العرق بتبقى حلوه وسعرها كويس بالنسبه لاوريفلام وجودتها جميله جدا
بس انا بستعمل منهم النوع اللي فري اوف كوهل ده جميل جدا وممتاز وماش معايا حلو جدا ومش بيسمر خالص
البرفانات طبعا بتعتها توب احسن وارخص من اوريفلام
التوب عندي رير جولد_سليبر_رير بيرلز_ برسيف_ ومن اوف ايرث_ليتل بلاك درس
الماسكرات بتاعتها جربت كام نوع حلوه س ده بردو يا بنات بيبقى على حسب شكل العين وشكل الرموش كل عين ورموش يناسبها نوع غير التاني
حمامات الكريم بتاعته حلوه
الشامبو يعني فيه وفيه وده بردو على حسب الشعر كل حد شعرها بيستجيب غير التانيه
بس بصراحه البرفانات والمزيلات توب توب توب
بس بنصحكم تستعملوا النوع اللي مش فيه كحول
في اسكرب المشمش بتاع الوش رهيب جدا

طيب فيه بلاشر حلو في ايفون ؟؟؟

أمةالله;7792926:
لابونيه موجود ورا نادي الصيد في شارع سليمان أباظة

وماركاته أصلية ... وهو فاتح من قبل فيسز ومزايا بكتير

وعندك فيسز في تقاطع وادي النيل مع شارع لبنان

وعند مزايا في تقاطع لبنان مع شهاب

حمد لله علي سلامتك يا قمرايا و سلامة البيبي الجميل يا عسل (f)

totano;7792060:
رورو كات انا بشرتي دهنيه جدا والا يام دي طلعالي حبو ب في وشي كتير مش عارفه اعمل ايه
المهم انا يتفع احط زيت العنب ده وزيت شجر الشاي اصل قبل كده جربت احط زيت الوز ما حستش بنعومه في وشي وكان من حراز واجيب الزيوت دي من فين

بصي ياقمر نصيحه اخويه من قطتكم لولي بالنسبه للحبوب اهم حاجه تقللي ملح الاكل علي الاقل لمده اسبوع ثانبا استخدمي ماسك الخميره عباره عن خميره + ميه ودقيق علي بشرتك ربع ساعه وبليل ادهني بزيت شجره الشاي بتاع اوريفليم عادي كويس للحبوب

coffeerose;7794313:
[quote=roro cat;7789110]
ميرسي ياجميل على ردك واهتمامك
طب ياجميلة الزيوت بتاعة العنب وشجرة الشاي
دي للبشرة طب عندك فكرة حاجة للشعر كويسة
وللاسف حراز مش عندي حشوف ابو ماضي
حراز انا مش لاقياه في اسكندرية

طب سؤال كمان هو زيت شجرة الشاي فعلا اثر على الحبوب وجاب معاكي نتيجة
اصل بتاع اوريفلام مكتوب عليه انه بينشف الحبوب مع الوقت وبيعالجها
فلو انا مالقيتش عند ابو ماضي ممكن اجيب من اوريفلام مؤقتا
:15::15::15::15::15:

هي اسكادا اللي انت بتقولي عليها تركيب والا اصلي والا ايه
وممكن سعرها ياعسل

هاي ياحماتي سلميلي كتير علي حبيب قلبي ياسر:8875: وقولي له انه واحشني موت بالنسبه للشعر ياحماتي علشان بس حمايا العزيز ماينصدمش لما يشوف حماتي قرعه :21_30: بصي عندي وصفتين وصفه لتنبيت الشعر وده لسه تحت التجربه اما بالنسبه للزيوت الي تنعم وتغذي الشعر ويكون ريحتها حلوه عندك زيت الصبار هايل للشعر ريحه حلوه اعمليه حمام زيت واخلطيه بزيت خروع علي كريم شعر يكون حمام كريم لمده نصف ساعه وبعدين شطفي شعرك وحطي عليه بلسم ايفون الذي لا يشطف وادعيلي :21_11:

coffeerose;7794889:
حمدالله على سلامتك ياحبيبتي
ازيك وازي البيبي يارب
تكونوا كويسين:15:

قوليلي ياجميل ماجربتيش كريم اساس ريفلون قبل كدة؟؟؟؟

لا والله يا جميل

أصلي مش بستعمله خالص لأني نادراً ما بحط ميكب

ده بعد الجواز كده بس لزوم إن الباشمهندس مش يطفش

تفاريح يعني

coffeerose;7794889:

:15:

قوليلي ياجميل ماجربتيش كريم اساس ريفلون قبل كدة؟؟؟؟

عمرك اطول من عمري انا كنت هسال دلوقتي علي الماركه دي هي ايه احسن حاجه فيها واسعارها ازاي
غشان في محل ميك فاتح جديد شفت اعلان عليها وبصراحه مش عارفه ازاي اعرف لو كانت اصيله ولا لا محدش يعرف ازاي اعرفها اصليه ولا لا؟

شكل مكياجها ايه الماركه دى ان شاء الله

لو حد عنده صورة

roro cat;7792904:
احمر ايه واخضر ايه؟ لونه زي اي زيت عادي

يا بنتى اقصد العنب الاحمر ولا الاخضر

مش لون الزيت

صوت العيون;7551787:
وعليكم السلام ورحمه الله وبركاته

بياخدوا منك صورة البطاقه والاشتراك ب 30 جنيه يا جميله







عن تجربه ناعم جدا وبيغكى الوش كله الحمد لله

وبيخلى الوش شكله طبيعى وطرى

بصى الماسكرا مش عارفه نوع معين بس لو عاوزة زارقه تبان يبقا تجيبى الزهرى بقا الى هى لون الزهره باعه الغسيل دى بتبان ومفيش ازرق غير دى والكحلى

السلام عليكم يا بناات

انا مشتركة جديده معاكم مخطووبة وعايزاا اعتني ببشرتى قبل الجواز

انا على فكرة بستعمل اولاي لتفتيح البشره بورق التوت وجميل جدا معايا مش بخرج من غيرة

هو شكله كده حسب كل بشره انا بشرتى حساسه وجميل بستخدمو لاكن بعاني بردو من عدم توفر النوع الاصلي انا من الزقازيق فمصر الاصلي بجيبو من الامارات

بس هنا انا دايخه علية ماحدش يعرف الاقيه فين؟

بشرة ساااره يا جماعه طلع كل اقلام الروج الى عندي فيها رصاص :(

الواحد عشان يجيب كل حاجه ماركه لازملو فلوس تنزلو مالسما :(

رووونا;7797464:
السلام عليكم يا بناات

انا مشتركة جديده معاكم مخطووبة وعايزاا اعتني ببشرتى قبل الجواز

انا على فكرة بستعمل اولاي لتفتيح البشره بورق التوت وجميل جدا معايا مش بخرج من غيرة

هو شكله كده حسب كل بشره انا بشرتى حساسه وجميل بستخدمو لاكن بعاني بردو من عدم توفر النوع الاصلي انا من الزقازيق فمصر الاصلي بجيبو من الامارات

بس هنا انا دايخه علية ماحدش يعرف الاقيه فين؟

وعليكم السلام ورحمه الله وبركاته

ربنا يتمملك بخير ان شاء الله

هو بيتباع فى الفا ماركت يا جميله فى مصر
لو عاوزة العنوان اقولهولك ان شاء الله

تووووكي;7798995:
بشرة ساااره يا جماعه طلع كل اقلام الروج الى عندي فيها رصاص :(

الواحد عشان يجيب كل حاجه ماركه لازملو فلوس تنزلو مالسما :(

ما شاء الله

ايه ماركاتهم بقا

طيب بما انو كده اولا جيوردانى كريم الاساس الى البنات شكرو فيه ده بكام

ثانيا بودرة تكون حلوة ومبتتجمعش عالبشره وناعمه وتثبت بالاجماع

ثالثا بلاشر من اوريفلام نوعو وبكام

مش عارفه اعمل ايه فالروج ده القلم ده اقل واحد ب 27 جنيه ماركه :(

والكحل بتاع اوريفلام الى البنات شكرو فيه ده بكام

انا ناويه اجيب الحجات دي كلها بس لما الاقي الشنطه الى فيها 150 الف جنيه تحت حيطة ان شاء الله :D

roca;7761298:
معلش انا أسفة على التأخير وده لينيك أورفليم
***A note for an translator:*** META NAME eq Keywords: Associated CONTENT attribute consists of comma-delimited words describing the document. Some search engines use this to allow the user to perform a keyword search. Example: Oriflame, cosmetics, n
والكتالوج ده هو اللى سارة بتتكلم على عروضه

هههههههههه


عسل يا توكى

ما تحملى الكتالوج وتشوفى الاسعار فيه يا جميله

اهو اللنك فوق

بصي ياتوكي مش شرط تجيبي كل حاجه مره واحده انا فضلت اجيب الحاجاه على مراحل لحد الحمد لله على ما كونت مجموعه حلوه وقيمه واحده واحده وان شاء الله تجيبي ال نفسك فيه وابقى استنى العروض في اوريفلام وهتلاقي فيها حاجات كويسه واسعارها حلوه

بصوا بقا يا بنات انا سمعت خبيره تجميل بتتكلم عن الميكب والبشره الدهنيه وقالت ان افضل حاجه تثبتي بيها كريم الاساس تخيلوا ايه؟؟؟؟ بودره التلك قالت بتشرب العرق وتحافظ على البشره من اللمعان بتاع الدهون ال بتفرزها وقالت لو البنت خمريه تحط مع البودر شويه كاكاو صغيرين
المهم انا جربتها النهارده طول النهار في الكليه والنتيجه

بجد رووووعه وشي مش بيلمع زي الاول وحافظت عليه فتره طويله وكان وشي رايق اوي يلا بقا جربوا وقولولي وال يعجبها تدعيلي

فى اى بنوتة هنا جربت حاجة من منتجات حراز ياريت اللى جرب يكتب هو جرب ايه والنتيجة كانت ايه
انا عايزة وصفة تطول الشعر بس تكون مضمونة ومتجربة لان الوصفات كتير اوى فى منها لو اتوقف الشعر بيقع
وايه زيت الحية وزيت الحشيش ده حد جربهم؟؟؟؟؟؟؟؟؟؟؟؟؟؟؟

بنات الى جرب زيت العنب يقولى حلو ولا وايه اسعاره وكمان اجيبه من حراز افضل مكان

على فكره يا pascotta جزاك الله خير على المعلومه وكمان كلامك كنت هقوله فعلا الحمد لله بتاع تجميع الميك اب