ابي رايكم

**ام عبادي القمر** 26-10-2008 18 رد 1,761 مشاهدة
*
بسم الله الرحمن الرحيم
الحمد الله رب العالمين


شخباركم امهات

اليوم جاية ابي اخذ رايكم في شي
وخصوصا الي عندهم اكثر من طفل

اليوم دار نقاش بيني وبين زوجي
على سالفة انة يباني احمل على عبادي
يعني يبي اخو او اخت لة

واني بعد مشتاقة للحمل
بس ماابي الحين
طبعا كلشي بيد رب العالمين

بس اني ابي اعلم عبادي على الحمام
ماابي اتغربل معاه
ابي اكون مرتاحة من هالشي
علشان مااتعب روحي واني حامل

وبعد شي ثاني
الحين اني قاعدة اخفف من وزني
وماابي احمل مرة ثانية واني وزني زايد لانة خايفة من سكر الحمل يجيني مرة ثانية
وابي احمل واني وزني مناسب
يعني على مايصير عمر عبود سنتين يحلها الف حلال
هو مصمم يبي الحين
والحين هو مو مقتنع
وساكت عني علشان يباني يازعم ارضخ لة واسوي لة الي يبي
بس اني مستحيل اسوي هالشي
من بعد الله طبعا
الا لمكن اكون مقتنعة منه
علشان حالتي النفسية ماتتعب في الحمل

وتعرفون الرجال مايفكرون الا في مصلحتهم
يبي جهال وبس
واني اكون مرتاحة او لا مايفكر في هالشي
وخصوصا اني طارحة مرتين
ولله الحمد
حملي بعبادي كان معظم الشهور فيني نزيف:confused:
الحمد الله رب العالمين

شسوي اشلون اقنعة
اني وياي حق
ولا اني صايرة انانية ماافكر الا في نفسي
ابي اراكم
في انتظاركم
ت
الله يكتي لك اللي فيه الخير

ما دري اختي فهميه كل اللي قلتيه انك تبغين ولدك يكبر
وتكوني مستعده للحمل نفسيا
وصدقيني كل شي بامر الله ويمكن خير لك
وطاعة الزوج واجبه
والشكوى لله:)
حاولي تتكلمين معاه بعد فتره شوي يمكن يغير رايه خخخ

والله يعينك ويكتب لك اللي فيه الخير000
ح
ام عبادي حبيبتي لااازم تحاولين تفهيمن زوجش

يعني هو ما يشوفش اشللون تعبتي وية عبادي والتربية كلش مو هينة تعب قولي اليه اني مو رافضة الفكررة وابي بس لانة صحتي ما تسمح الحين خلني اعلم عبودي على الحمام ترى تعليم الحمام امر صعب نوعا ما
وقولي له ما شفتني بحملي بعبود شنو صارر فيني وانا طارحة مرتين والحين وزني زايد وخايفة من السكرر والحين الدنيا متحججة وجددي وحاولي تكلمينه عقب جم يوم يعني يكون هدأ اشووي

وقولي اليه لو حملت الحين وتعبت عبودي هو الي بيضيع يعني بحملي بعبودي مهما اتعب ما كان عندي جاهل حاملة همه الحين لو احمل واتعب وتصيديني مشاكل في الحمل بيصير الهم همين هم التعب الي انا فيه وهم عبودي لانة لحين صغيرر ومو شايل روحه

والله يهدي زوجش ويغير رايه لانة التربية متعبة جددددددددددا
والله يسوي لكم الي فيه الخيرر والصلاح
B
أنا مع كلام الأخت حبيبة جيمي ..

انتظري ولدج يكبر شوي لأن اذا حملتي عليه انتي بتعبين و ولدج بيقل الاهتمام به و رعايتج له بتقل من تعب الحمل و النسى و الترجيع و اللوعة

انا صادني السكري بحملي وأقدر اللي صادج .. الرياييل معتقدين ان الموضوع سهل
ا
حبيبة جيمي;7551336:
ام عبادي حبيبتي لااازم تحاولين تفهيمن زوجش

يعني هو ما يشوفش اشللون تعبتي وية عبادي والتربية كلش مو هينة تعب قولي اليه اني مو رافضة الفكررة وابي بس لانة صحتي ما تسمح الحين خلني اعلم عبودي على الحمام ترى تعليم الحمام امر صعب نوعا ما
وقولي له ما شفتني بحملي بعبود شنو صارر فيني وانا طارحة مرتين والحين وزني زايد وخايفة من السكرر والحين الدنيا متحججة وجددي وحاولي تكلمينه عقب جم يوم يعني يكون هدأ اشووي

وقولي اليه لو حملت الحين وتعبت عبودي هو الي بيضيع يعني بحملي بعبودي مهما اتعب ما كان عندي جاهل حاملة همه الحين لو احمل واتعب وتصيديني مشاكل في الحمل بيصير الهم همين هم التعب الي انا فيه وهم عبودي لانة لحين صغيرر ومو شايل روحه

والله يهدي زوجش ويغير رايه لانة التربية متعبة جددددددددددا
والله يسوي لكم الي فيه الخيرر والصلاح

انا مع حبيبة جيمي في الرأي حاولي تتفاهمي معاه بهدوء وانه اذا يحبك ويخاف عليك بيأجل الموضوع شوي على الاقل لما يكمل الولد السنتين او اذا حسيتي نفسك مستعدة نفسيا وجسديا والله يسوي الا فيه الخير وخصوصا ان مرحلة الحمل بتخليي اهتمامك يقل بالبيبي وتعليمه
*
تسبيحات
حبيبة جيمي
بحرينية
ايسمار
يسلمووو خواتي على المرور
وان شاء الله لازم بتفاهم معاه في هالموضوع
حبيبة جيمي بحاول اقول لة الي كتبتينة وان شاء الله يقتنع
اي والله بحرينية يفكرون الموضوع سهل
مايعروفن التعب والنساة
الله يعينا
الحمد الله على كل حال
.
تفكيرك صحيح لانك فكرتي في الناحيه الصحيه اولا

لان اذا صحتج زينه باذن الله الحمل ها يكون تمام

نزلي وزنتج لين مايصير مناسب لطولتج

واستعدي نفسيا وعقليا ايضا

وان شاءالله ربي يتمملك على خير
أ
اقنعيه بأجل الموضوع لحد عبادي يكمل سنتين ع الأقل
ر
اول شيء اختي علمي ولدك الحمام لانه اذا صار الحمل وتعب مابتعلميه وبتاجليها وبعدين اثنين تغير

من جد متعب ومن رائي تاجليها لين يكمل سنتين وثلاثه اشهر علشان ماتخلفي الا صار عمره ثلاث سنوات

ويكون اعتمد على نفسه في بعض الامور
.
أم عبادس أنتي معك حق وكلامك في محله
أسلوبك في النقاش له دور لاتتناقشين وأنتي معصبه وكلامك جاف
أجلي المناقشه لما تروقون وكلميه بهدوء ودلع ووضحي كل الأمور بلطف وقولي له أنك أنتي بعد متشوقه للحمل لولا الظروف وكلها فتره وتنحل ولا تنسين كلماتألي تدخل القلب وقولي له أنت ما تخاف علي وعلى البيبي الجديد نتعب وخلي عبادي يآخذ حقه من الحنان قبل لايجي له شريك وأنتي أدرى بزوجك
جربي وأدعي لي
أ
شااانيل;7556151:
تفكيرك صحيح لانك فكرتي في الناحيه الصحيه اولا

لان اذا صحتج زينه باذن الله الحمل ها يكون تمام

نزلي وزنتج لين مايصير مناسب لطولتج

واستعدي نفسيا وعقليا ايضا

وان شاءالله ربي يتمملك على خير



(y)(y)(y)

اول شيء اختي علمي ولدك الحمام لانه اذا صار الحمل وتعب مابتعلميه وبتاجليها وبعدين اثنين تغير

اسالي مجرب حملت بدون تخطيط واللحين مو قادره اعلم بنتي من التعب

والنفسيه اهم شيء لازم تكوني مرتاحه مو مثلي مرت 4 شهور واني مو متقبله الحمل ونفسيتي سيئه جدا

حاولي تتفاهمي معاه بهدوء يأجل الموضوع شوي على الاقل لما يكمل الولد السنتين و النصف
او اذا حسيتي نفسك مستعدة نفسيا وجسديا
وخصوصا ان مرحلة الحمل بتخليي اهتمامك يقل بالبيبي وتعليمه


والله يسوي الا فيه الخير
ع
دام ولدج صغير وانتي ما مفكـرة في الحمل الحين
حاولي تفهمي زوجك واشرحيله الظروف..
وان شاء الله يوافق..
م
الله يحفظ لج عبادي ويبلغج فيه ويكتب لج الحمل ..

شوفي عن تجربتي السنة اللي فاتت كان عبودي له سنتين وست شهور لما حملت عليه وكان توه من كم شهر بس متعلم على الحمام يعني كنت آشيل وآحط فيه .. وبوقتها كان بعد خدامتي مخلصة وسافرت.. يعني كان الشغل كله على راسي غير الدوام والشيل والحط... وبالأخير أجهضت من التعب.. يعني الوقت اللي حملت فيه ماكان بصالحي وربج بعد ماكان كاتب للحمل يستمر.. كنت آقول المفروض أحمل قبل لا أعلم عبودي الحمام او بعد مايتعلم زين وظروفي تسمح.......

أنت شوفي كل الظروف المحيطة يكون ترتاحين بحملك وبعدها قرري وربي يرزقك ويرزقنا معاج...
ا
انا بنتي عمرها ثلاث سنوات وولدي سنتين ومتغربله وياهم حياتي كلها صريخ وزعيج وحمام وركيض وراهم عالاكل بس ما اقص عليج يعيبني احمل بس لما افكر بالموضوع عدل اقووول لا والف لا بتريا لين ولدي يسير الحمام بروحه وعقب يعني بخلي الفرق بينهم 4 سنوات انشالله عشان يكونون فالمدرسه واتفيج للبيبي الصبح ....وبقولج شي اختي كل وحده تختلف عن الثانيه يعني انا من نوع الي ما حب البشكاره وايد تشل عيالي بس لما ربيت انجبرت اعق ولدي عندها تاكله وتغسله بين فتره وفتره عسب اتفيج لاخته وما تغار لان بنتي ما تداني حد يغسلها غيري لين احين ... بس عقب قلبي عورني وايد ما حب يبتعد عني فقررنا ناجل موضوع الحمل عشان ولدي ياخذ حقه وبنتي بعد ... والله يسهلج امورج
*
يسلموووو خواتي
والله اني استفت من خبرتكم واجد
والحين صرت مصرة
من بعد كتبة الله مااحمل
الا بعد مااخلي عبادي يتعلم على الحمام
وان شاء الله بحاول اقنعة
وان شاء الله يقتنع
مشكورين خواتي
والله يبلغكم في عيالكم ان شاء الله:)
أ
الله يوفقك أم عبادي وربي يكتب لك اللي فيه الخير

وان شاء الله تتفقون انتي وزوجك على اللي يرضيكم انتوا الاثنين بدون ما حد فيكم يزعل الثاني وربي يبعد المشاكل والزعل عنكم
*
أحلى شوق;7564696:
الله يوفقك أم عبادي وربي يكتب لك اللي فيه الخير

وان شاء الله تتفقون انتي وزوجك على اللي يرضيكم انتوا الاثنين بدون ما حد فيكم يزعل الثاني وربي يبعد المشاكل والزعل عنكم


هلا احلى شوق
تسلمين حبيبتي على الدعوة الحلوة
والله يسمع منك ويقتنع زوجي
ويبعد عنا الجمعين المشاكل ان شاء الله

للحين ماكلمتة اشوف مافتح معي الموضوع
اذا جة فرصة بكلمة على راحة
ويمكن اخلية يقراء هالموضوع
يمكن يقتنع بالي قالوا العرايس
*
لازم حبيبتي تتفاهمي معاه وتحاولي تقنعيه بان صحتك اهم .. يعني لو صحتك مش تمام الجنين ممكن يحصل له شي ... او حتى قولي له ان سألتي الدكتورة وهي قالت ان الحمل علشاني الان مش كويس لا للجنين ولا لي

وبصراحة انا ما انصحك بانك تحملي الان انتظري كما سنة...
ع
فعلا ام عبادي السالفه يبي لها تفكير عدل اهم الرجال يفكرون السالفه سهله

الوحام واللوعه شي عادي لكن السكر شي يخوف وانا بصراحة تعقدت منه احس صادتني حاله نفسيه منه مع العلم انه وزني ماكان زايد اصلا

انتي قولي لزوجج عن المخاطر الي بتصير اذا حملتي وان شاءالله يقتنع
X