تجهيزاتي لولدي "يوسف" الله يجيبه بالسلامة - الجزء الثاني

ما شاء الله عليج

روووووعه تجهيزاتج ومنوعه في الالوان طالعين حلووووين

ربي يفرحج بشوفته ان شاء الله ..

وايد حلوين ما شاء الله
ملبوس العافيه يا رب
يا الغلا كرسي السيارة لازم يكون الطفل كم عمره عشان اقدر استخدمه؟

ما شاء الله وايد حلووو
ربي يباارك له و يكوون من ملبوسات العافية

واااااااااااااااايد عيبني ذوقج ماشاءالله :)
حسيتج نفس تجهيزاتي :) اقصد لاختي ،، مادري اذا يحتاي اشتري لاختي شتوي ولا لاء ؟؟

روووووعه ماشاء الله ذوووق

يتهنى فيهم الكتكوت الله يجيبه بالسلامه

ملبوس العافية ان شا ءالله ويوصل بالسلامة

الاغراض حلوة
والله بعد حلوة اغراض الاولاد وشكلهم احلى من اغراض البنوتات خخخ

بسألج هالمفرشين كيوت حدهم من وين خذيتيهم؟
لأني ابغي اخذ جذي بسيط وناعم وثاني مخمل وفخم

ماشالله علييج....~ تجهيزاتج وااايد حلوووه ....~
الله يتمم لج على خير..........~

روووووووووووعه الاغراض .تتهنين فيها يارب بقومتج بالسلامه

ما شاء الله رووووعه

تصدقين اكتشف ان فيه اشياء واجد ماشريتهم هههههه شكل البنت بتخسرني ههههه
الله يقومج بالسلامه

عسى الله يباركلج فيه ويجعله ذريه صالحه ويقر عينج بشوفته في حضنج بصحه وعافيه عسى الله يسهل عليج وعلى كل مسلمه الطلق والولاده والنفاس ... إسم يوسف من الأسامي الجميله والفضله عندي وكنت ناويه لو حملت بولد بسميه يوسف...وكنت بدلعه يويسف تصغير يوسف

وايد حلووين

لبس العافية ان شاء مبروكين له والله يقومج بالسلامة

تولدين بالسلامه يارب

الله يفرحج بيوسف يارب..وملبوس العافية على يوسف

تقومي بالسلامه والف مبررررررررررررررررررررررررررررررررروك مقدما


كل التجهيزات خيال وعقبالي يارب

"ملاذ الطير"
تسلمين عمري .. الا اختج متى موعدها؟؟
اذا بالاشهر يعني 11 و12 و 1 و2 او 3
تاخذين لها شتوي لان بيكون برد
بس من 4 ورايح صيفي احسن

"فاطمة 86"
مشكــــــــــــــروة حياتي تسلمين

"sweety girl"
المفرشين ما اعرف اسم المحل بس بعطيج الوصف
انتي جاية من اشارة فخر البحرين بعد الجسر
فخر البحرين على يدج اليسار داخلة مدينة عيسى
الاشارة تاخذ يمين مدينة عيسى او سيدة على سوق توبلي
تاخذين اشارة سوق توبلي وتدخلين السوق
الحين يجي شارع على اليسار كله محلات واليمين كله بيوت
طوفيهم لحد ما توصلين الى بداية السوق قبل الدوار بخطوتين
اول محل في المحلات على يدج اليمين من بعد زرنوق ويصير
كله اغراض اطفال ... خذيت واحد ب3 دينار والثاني 3 ونص
اما المخمل فتلاقينهم في محل الرياحين الصغار ودشي تجهيزات الحوامل
بالبحرين بعد بيفيدج بإسماء اماكن
اتمنى اكون افتدج ..

"اماراتية كيوت"
مشكورة حبيبتي تسلمين وعقبالج

"روووفي"
تسلمين يارب ويهنيج بحياتج كلها

"مويا"
يختج الاغراض ما تخلص وكل ما تحسين قربتي
تلاقين بعد فيه بلاوي تحتاجينها
الله يكون بالعون

"Bent bu6i"
تسلمين يالغالية على هالدعاء ..
والله يبلغج في كل اللي تحبينهم
وعقبالج يارب يعطيج مرادج

"ام علي ويارا" و "انجلينا جولي"
عساكم سالمين يارب وعقبالكم

"نيهال" و "ياسمين" و "عيوني حزينة"
تسلمون يارب وعيونكم الحلوة والله يبلغنا فيكم

ماشاء الله حلوه تجهيزاتك واسم يوسف احبه كثير انشالله بسمي ولدي يوسف بس احس انك كثرتي اغراض ولا
الله يتمم لك ولي وللجميع آمين يارب

هلا عمري .. كلمة حق ..
تسلمين ياغالية وان شاء الله يعطيج
وتسمينهم ويتربون بعزج
وعلى الاغرض .. انا شريك حاجتي لثلاث اشهر
يعني الاشياء اللي تتغير على الياهل شريت اكثر من قطعة
وحاسبت الحجم عشان ما اكثر وبعدين اقطط