خبيرات التجميل لبنات البحرين للمشاركة والاستفستاء

أنا بقيمهم حسب الي شفته أو الي اسمعه عنهم ..

وأنا من النوع الي أحب المكياج الناعم موب الاوفر ..

انا ارشح لج ثاجبه الشروقي
واذا تبين رقمها اعطيج اياه

ثاجبه شغلها ثقيل مرررررررره وانا ماحب الرسم والدمج وكذااا

انا احب ناعم مميز يعني مايكون دهره ولايكون باهت حلو مميز وناعم اقرب مالها شغل عاشه البلوشي

ابي احد بمستواها


والشعر من ترشحون؟؟

بدريه او وحيده وهل فيه احد بنفس مستواهم

مرحبا خواتي بنات البحرين

احنا من زمان كله عند عايشة بوحمود.. عارفة حق ويوهنا.. انا ارتاح لها ولمعاملتها أكثر من بنت اختها اللي وياها.. بس والله من فترة اختي جربت وحدة اسمها امينة جناحي.. وياتها البيت ومكيجتها ومكياجها واااااااايد حلو.. اللي حابة تاخذ رقمها تراسلني عالخاص

وبالنسبة للشعر الرونق طبعا لحد الآن بلا منازع.. واشوف بعد صالون لولو يمدحونه

لاهنتي حبيبتي وانا اول مره اسمع فيها امينه جناحي

ياليت اللي عنده خلفيه عنها خل نتناقش حولهااا وكيف ادواتها ومواعيدهااا

ولازال السؤؤال قايم من اللي يبيض الوجه ويشرح الصدر شغله وتعامله والتزامه بمواعيد

السلام عليكم و رحمة الله تعالى و بركاته،

برد باللي أعرفه..

أول شي فاطمة اللبنانية لأني مجربتها و أحب شغلها و عندي هي التوب
من إسمها ستايلها لبناني .. تدمج حلو و الألوان إللي تستخدمها راقية و حلوة و تنسق ألوان حلوة مع بعض.. و من ناحية المعاملة فحبوبة و تحاول ترضي الزبونة و تاخذ و تعطي و تسوي لج نفس ما تحبين .. الصراحة رسمتها للعين بالكحل بالطريقة اللبنانية يعني إللي ما تجي العين محددة عدل إللي هو الإسلوب الخليجي .. ما أدري إذا تعرف أو لا .. و تاخذ 35 دينار للعادي مع الرموش و ما أعرف كم للعروس .. من كلامها و الله أعلم تقول أنا ما أحب أوهق الزبونة و تقول إنها ملتزمة بمواعيدها و الصراحة ما شفت منها إلا كل خير .. ما أقدر أنشر صور لمكياجها لأن إللي عندي صوري الشخصية بس بحط لج صور مشابهة لشغلها و نفس الستايل







معصومة ماك .. بعد ستايلها مشابه بس تستخدم ألوان مختلفة شوي .. أشوفها تحب اللون الأزرق أو التركواز .. بس بشكل عام تحط حلو

صفاء .. تحط ستايل خليجي .. بعد ما عندي صور مكياجها بس عندي شي مشابه له





عندي بعض الصور لبعض الماكيرات الباقيين لكن ألحين مستعجلة و ما أقدر أعرضهم سامحيني بس ممكن تطلعين على موضوع التجهيرات لعرايس البحرين يمكن تستفيدين

اشكر مجهودك حبيبتي واشكر روح التعاون اللي فيك’’’

ماندري وش نرسي عليه بس انا وووضحت الاشياء الناعمه هي اللي احبها وافضلهاا بحيث

ماتكون باهته زواج بنت خالي كان مو بعيد وجابت شرف فولاذ العروس عجبتني بس خواتها يعني 88% عجبوني


بس انا الحين ابي اشوووف اكبر واكثر شي العالم تفضله


ياليت اللي عنده اي معلومه عن الشعر والتسريحات يقول لنا بعد,,,

سلام .. الشعر التوب هو الرونق .. تقريباً كلهم زينين و بالذات البحرينيات بس الفلبينيات في كم وحدة مو ذاك الزود .. حق عروس وحيدة أحسن وحدة عندهم و خواتها بعد يشتغلون معاها بنفس الصالون و كلهم ما شاء الله فنانات في الشعر .. و إذا حق عادي مو عروس حسنا (و هي من خوات وحيدة و تسوي الإثنين عرايس و عادي) و " في" (وهي فلبينية)

هذا حق التسريحات و المشكلة الوحيدة إن الصالون دايماً زحمة و لازم تحجزين من قبل بفترة و تدفعين عربون و يوم الموعد من الصبح الساعة 9 قبل ما يفتح الصالون أبوابه تكونين واقفة عند الباب عشان تاخذين رقم عند إللي حجزتي عندها .. و بعدين حتى إذا تبين تروحين البيت و ترجعين عادي بس تحاسبين إن ترجعين على وقت مناسب للرقم إللي عطوج إياه

أما حق الصباغة و القص فأحسن شي صالون فندق الرجينسي .. و تقريباً كلهم زينين إللي هناك

هذا مكياج شيماء بوجيري

و هذا مكياج إبتسام كمال

و هذا فاطمة البهبهاني

و هذا صابرين كمال

و هذا عايشة البلوشي

و هذا صفية شويطر

بما أن ستايل عايشه البلوشي يعجبع فأنا متأكده إن إيمان تبع ماك بتعجبج بعد :)

بالنسبه لي يعجبني مكياج:

عايشه البلوشي

إيمان ماك

فاطمه اللبنانية

معصومه ماك

انا بالنسبه حق تجربتي كانت في عرسي .. حطيت عند فردوس .. مكياجها وااااااايد حلووو والكل كان يسأل عن المكياج .. وفعلاً انا قبل لا اروح كنت وايد متخووفه بس الحمدلله اني توفقت ورحت لها ..

مكياجها من النوع الكلاسيك .. يعني ماتحط لج اللي مفتوح وابيض ومادري شنوو .. مافي هالحركات ..

بالنسبه حق كريم الاساس .. كان ممتاز .. ورسمها للعيون ممتاز .. توزيع الالوان بعد ممتاز ..

اما بالنسبه حق المواعيد .. انا الحمدلله من حضي ماكان عندها عرايس غيري .. فأول مايات ابتدت معاي .. وماتأخرت كلش عندها ..

بعد شعري كان في نفس الصالون (( ايلاف)) وبعد كان حلو والكل سألني عنه .. بس انا احب شغل وحيده وخواتها يعني بالنسبه لي افضل من اللي سوتلي شعري ..

ولو تسألوني اذا مره ثانيه ابي احط ميك اب ... اقولكم بارجع اروح حق فردوس لانها ماشاءالله فنانه ..

ان شاء الله قدرت افيدكم وحق اي استفسار انا حاضره :)

و هذا نهاد

هذا الموضوع فيه بعض الصور لأزهار حبيل و غيرها
http://www.3roos.com/forums/t434243.html?highlight=%DA%C7%ED%D4%C9+%C7%E1%D1%ED%D3

و هذا موضوع فيه صور مكياج عايشة الريس
http://www.3roos.com/forums/t429541.html?highlight=%DA%C7%ED%D4%C9+%C7%E1%C8%E1%E6%D4%ED

و هذا كل إللي عندي و إن شاء الله إستفدتي ..

أني حبيت أكثر شي فاطمة اللبنانية و بعد يعجبني مكياج فايزة فنانة في خلط الألوان و الدمج بس مكياجها أشوفه غالباً غامق من ناحية ألوان الشدو و عايشة الريس حسيته فرايحي و حلو و صابرين بعد حلو

و بصراحة بعض الصور إللي حطيتها لج أنا ما تعجبني بس حطيتها عشان إذا أحد نصحج تروحين لوحدة منهم تكونين عارفة ستايلها

و بالتوفيق و أي أسئلة نقدر نجاوب عليها بحاول باللي أقدر عليه