لما قال لي زوجي احبك

اخباركم ياعرايس انشالله تمام انا اليوم بكتب لكم عن قصه زواجي اشلون صارت واللي كانت عن كره وتحولت لعشق >>>يقولون اقوى انواع الحب بعد كره فلا تتزوجين الا اللي تكرهينه(امزح لاتصدقون):21_104:
المهم بعد العيد اللي طاف حوالي قبل سنه تقدم لي زوجي وخطبني ووافقت عليه وبصراحه ماكنت اميل له لاني مااعرفه كثير بس كنت احب شخصيته اسلوبه وكلم الناس يوم يمدحون اخلاقه
تمت الخطوبه وبعدها بفتره تمت الملكه بعد الملكه حسيت بكره فضييييع لزوجي ماتتصورون قد ايش بس خلاص صرت ادور اي سبب عشان اتطلق منه
مرت الايام وانا كل مال نفسيتي تتعب والكل لاحظ بس مو عارفين ليه حتى مكالمات لزوجي ماكنت اكلمه واذا جا لبيتنا مااطلعله ( مسكين صبر كثير):UP202:خلاص مو طايقه اشوف وجهه مع انه فيه كل المواصفات اللي تتمناها اي بنت بزوجها عدت فتره الملكه وجى يوم الزواج اللي كان بها الصيف اللي راح كان فيني بروووود مو طبيعي صايره كتلة ثلج امشي مو هامني شي انتهت حفلة زواجنا ورحنا للفندق وانا مااكلمه بس ارد على كلامه ومااكثر احس كاني متوحمه عليه اكررهه
مرت ثلاث ايام من زواجنا وانا حالي مثل ماهو ويمكن اردى مااكل ولا اشرب ولا انم وماابالغ يوم اقولكم ثلاث ايام مادخل بطني شي والنوم ماشافته عيني زوجي هنا خلاص بينجن وش هالحاله
اليوم الرابع خلاص ماقدرت طحت بطولي وعلى طول شالني زوجي وللمستشفى تخيلو عروس شهر عسلها بالمستشفى:ss:
رحنا المستشفى وطوارئ وازعاج كشفت على الدكتوره مالقت فيني شي سحبو مني دم برضو النتايج سليمه وبعدين يعين وش صاير رجعنا للفندق وانا خلاص مو قادره اشوف شي بس ابي النسدح على السرير بدلت ملابسي ورميت جسمي على سرير الفندق جاني زوجي وقعد عندي صار يقرا علي ويوم خلص باس يدي وقاللي احبك تتوقعين اثرت فيني هالكلمه خاصه اني اول مره اسمعها منه لا مااثرت فيني ولا كأني سمعتها زوجي واهلي كانو شاكين بشي وطلع شكههم بمحله تدرون وش طلع فيني؟؟
؟
؟
؟








عيين جاتني عين قويه بعد فتره الملكه ومن وحده من معارفنا سبحان الله طول الفتره اللي راحت ماكنت متوقعه اني اكون معيونه كنت دايم احصن نفسي على طول واللي زاد الطين بله بيوم عرسي نسيت احصن نفسي وماتذكرت الا وانا بالكوشه تعرفون العروس شوي بهذيك الليل تكون مشوشه وماتتذكر وش حطت او وش جابت
والحمد لله داومت على القراء والماي المقري وزوجي يوميا صار يقرا علي قبل ماانام وصرت احسن بكثير الكره اللي بقلبي على زوجي تحول بداله حب وميول وبدا يتطور وصار عشق له صرت مااقدر استغني عنه ولا هو مايستغني عني والحمد للهوالحين يوم اسمع كلمه احبك منه كاني اول مره اسمعها احس بتاثيرها على قلبي الله يتمم علي السعاده ويتممها على كل وحده متزوجه
بس احب قبل ماانهي قصتي عليكم بالتحصين والقرائه على انفسكم قبل ماتروحون لاحد لان العين حق
واسفه على الاطاله ودمتم بود