ساعدوني يابنااات - منتديات عروس

c

cute*cat0

عروس جديدة

25-10-2008 | 02:57 AM

مرحبا بنات انا اول مره اكتب بهالمنتدى بس كثير اسمع واشوف انكم تفيدون الي يطلبكم ^_^
انا والله عندي عزيمه وفراسي مره ابي افصل توب من فوق جاي قصته مدري وش يسمونها بس تشبه الي بالصوره اتوقع اسمها قصه سنتيانه او وكوكتيل مدري
بس انا هالصوره الي عندي مو نفس الي براسي انا ابي من فوق من عند الصدر يكون زم يعني شي خفيف ومن تحت ماادري وش اسوي عشان ابي شي بالوسط اقترحو علي وابها تكون وسيعه من تحت بس مني عارفه يعني اخليفه مزمومه من فوق ومن تحت الصدر تصير ماسكه وبعدين تصير وسيعه بيطلع حلو الي عندها شي يشبه موديلي او قصه الصدر الله يوفقها تحط لي انا مره قربت عزيمتي اقل من شهر الله يوفقكم انتظر ردوكم :o:o:o

ت

تيته7

عروس مشرقة

26-10-2008 | 03:18 PM

ماحبيت اقرا موضوعك وما ارد واتجاهلك
حاااسه فيك => اعيش نفس المشكله حايسه بالموديلاة
بس اول شئ اعطينا معلومات عن طولك وزنك لونك عشان اقدر افيدك لان اذا قلت الي يعجبني انا يمكن ما يضبط مع تكاسيم جسمك او طولك او لونك ان شا الله اقدر افيدك واحل مشكلتك...
استناك ....:sm229:

c

cute*cat0

عروس جديدة

27-10-2008 | 11:32 PM

مرررررررررره شوووكرن ياقلبي انا مو مره قصيره ولا طويله وسط وبرضو عادي يعني وزني مره مناسب مع طولي تقريبا جسمي مايعوق الوسط اقرب للنحيف اما الاوزان هذي انا مااحب اجيب لها طاري
ههههههههههههه<<< مهووسه نحافه والله يعافيك مرره ساعديني بالي تقدرين^_^

ت

تيته7

عروس مشرقة

02-11-2008 | 02:39 PM

انا انصحك بنفس قصة الموديل من تحت اللي يسمونها (سمكه مدري صح ولا لا) بس مو من عندالاوراك
لا خليها من عند الركبه تعطيك طول وتكسيم اكثر
بالنسبه لقصة الصدر على شكل قصة سنتيانه مررره حلو و الشريطه الحرير اللي تحت حلوه بعد اذا تبغين حركه تعطي نعوومه اكثر جيبي كلفه دانتيل وخليها مزمومه من تحت قصة السنتيانه بحيث تكون طالعه مقدار 2 او 3 سم من السنتيان يعني كانها طالعه من البطانه (ان شا الله فهمتيني)
بالنسبه للضهر (انا اشوف ان الحركه او الموديل تصير ورى )
الشئ هذا يحدده شعرك اذا طويل ومو مسويه تسريحه او شئ زي كذا
مثلاً لو تجيبي قماش وتسوين عليه طباعه الشكل اللي تبينه او الرسمه اللي تعجبك
وتودينها محل كلف او مشغل يكحلونها بالكرستالات وتحطينها بالضهر وفيه قطع تكون جاهزه مطرزه ومفرغه ودي اقولك مكان بس مدري وين ساكنه :)
ــــــــــــــــــــــــــــــــ
او انك تحطين الموديل بالكم مثلاً تسوين كم بف (منفوخ) ويكون تل او دانتيل
واللحين طايحين بالازارير و المرايا مثلا تحطين بالكبك حق الكم ازارير تصفينها (كنه بيخلص من السوق خخخخ )
وحركة المرايا شفتي القطعه اللي تحت الصدر تحطين فيها كرستال قليل وتوزعين المرايا (تلقينها عند محلات الكلف ) تجيك نص سم × نص سم وتجيك يامربعه او معينه او دائريه انا افضل المعينه وتقولين للخياطه تصفها بشكل حلووو
خوذي اللي يعجبك من الهرج الواجد اللي فوق:) واذا ما عجبك شئ هم بعد قوليلي