شلوونكم بنات عروس ؟ :)
اخواتي ، انا لاحظت بالفترة الاخيرة كثرة الاستفسارات حول الفطريات و كثييير منا يعاني منها !
و انا الفطريات كرهتني بحياتي و استمرت معاي فترة شهرين :eek: ..
اعراضها كانت :
1 . افرازات كثييرة ( صفراء ) .
2 . حكة شديدة .
3 . رائحة منفرة .
طيب انا بعد العيد سافرت و هالاعراض كثرت معاي و خفت عالبيبي ، لانه الفطريات خطيرة بالحمل و اكيد كلكم تعرفوون هالشي !
و من رديت و انا احاول آخذ موعد مع دكتورتي بس للأسف دايما تكون مليانة مواعيد و بعدها سافرت .. و انا طول هالفترة خافية و متورتة !
المهــم ،،
قبل اسبوع كلمت صاحبتي عن اللي اعانيه ، قلت يمكن عندها خبرة ! و الحمدلله سؤالي لها كان اول خطوة للعلاج ! لانها كلمتني عن تجربتها و قالت لي على اسم كريم كانت تاخذه و نفعها ( جزاها الله خير ) .. ادعولها الله يقومها بالسلامة !
.....................
الحين نبدأ بالادوات ال 3 اللي طردت عني الفطريات و الحمدلله !
ملابس داخلية قطنية
( قطن 100 % ) .. وواسعه ! انا اخذت لي كمية ( 12 قطعه ) حتى ماينقصني .
و هاي الملابس الداخلية تبدلينها 3 مرات باليوم ، و تغسليها بيدك مباشرة بعد ما تبدليها ، و حبذا لو تغسليها بصابون أطفال .. !
و تحاولين تظلين بدونها لفترة من اليوم حتى يمر الهواء على المنطقة الخاصة !
و الثــاني ،،
كريم كانستن !
و هذا هو الكريم اللي قالت عنه صاحبتي .. !
انا قلت لها آمن ؟ يعني اقدر آخذه بدون وصفة طبيب ؟ قالت لي ايه . لأنها لما حست بحكة متواصلة بس دزت مسج لدكتورتها و ردت لها الدكتورة مسج فيه اسم هذا الكريم .
و يوم ثاني بحثت عنه بالنت و بمواقع اجنية متنوعه و لقيت انه فعال و مامنه اي خطورة و بعدها اخذته و الحين صار لي اسبوع استخدمه بإنتظام و اتبع المكتوب بالنشرة الطبية اللي معاه .
ملاحظة : ما أنصح بإستخدامه الا لما تتأكدي انها فطريات فعــلا !
و الثـــالت ،،
مناديل الحمام ... !
حافظت على بقاء المنطقة الخاصة جافة بإستخدام هالمناديل ، لان البيئة الرطبة مكان آمن لانتشار الفطريات !
و لاحظت الفرق فعـــلا بعد استخدامها .. !
استخدمها بعد كل استخدام للحمام و انتو بكرامة !
.......................
النتـــــــيجة !
من اول يوم استخدمت فيه الكريم انتهت الحكة بشكل كامل !
بعد 5 ايام بالضبط الافرازات الصفراء ما عدت اشوفها !
و الحمدلله الرائحة الكريهة اللي كنت اتضايق منها نسيتها و ان شاء الله للأبد !
و بالنهاية ..
انصح كل وحدة فيكم لو تعاني من الفطريات ، تلقى لها الحل السريع حتى ما تتطور لمرحلة خطيرة لا سمح الله و خصوصا الحوامل .
و اشكر لكم متابعتكم للموضوع ، و اتمنى فعلا عموم الفائدة ع الجميع !
و ادعوو لي اكمل شهور حملي بصحة و عافية و اقوم بالسلامة (f) .
ملاحظة :
جميع النصائح الصحية اللي ذكرتها من مواقع طبية و من كتب قرأتها .. بالاضافة للأمور اللي عرفتها من تجربتي !
هذا الموضوع من جهدي الشخصي لا أحلل نقله إلا بذكر المصدر .. !