بعد ماشافوني اهله

رنيـم 24-10-2008 98 رد 5,863 مشاهدة
ر
شكررررررررررررا يأخوااااااات على النصاااايح وماراح ازعل من احد لأني انا حطيت موضوعي استشيركم فيه وابي احد يوجهني ويبين لي الطريق الصح

عموما عشان ماتقولون اني شايفة نفسي او انو مايعجبني العجب او او او ... احب اقولكم ان هالتفكير مو تفكيري بس امي واختي وابوي واخواني يفكرون نفس تفكيري<عادي قولوا عائلة مضروبة ماراح ازعل
بس اتحدى ووووحدة منكم ماتتمنى انها تتزوج واحد وسيم او راتبه فوق العشر الاف ماابي احد ينكر ويقول اهم شئ الاخلاق لو قالوا لك اختاري شريك حياتك وحطي مواصفات بتقولين ابيه حلو وراتبه عالي واخلاقه زينه ومحد ينكر ان الجمال مرغوب
بعدين انتم فهمتوني غلط انا اقول اني اخاف يرفضوني لاني سمينة مو اني ابي الزواج او ماابيه.. مو اني بعد ماشفتهم عاديين شفت نفسي انا قلت لكم من اول اني الحمدلله زينه من جميع النواحي بس عيبي الوزن وهالعيب اقدر اني ابعده عني واخفف.

عموما انا تفكيري منطقي مافيه اي شئ غلط بالعكس انا احكي بواقعية ليه اكذب واقول اهم شئ الاخلاق بس لاوالله انا ابي جمال الجسم والاخلاق كلهم بس انا كل خوفي اقدم تنازلات بالنهاية مايستاهل وينطبق عليه المثل شين وقوة عين
وعشان تغيرون النظرة فيني وتدرون انكم انتم الغلطانين وظلمتوني وقلتوا اني شايفة نفسي وانو ماهمني الا المظاهر كان ماجلست افكر فيه كل هالوقت كان ارفضه وخلاص وش ابي فيه دام اني اهتم للمظاهر؟؟؟

وللمرة الثانية اقولكم الله يعطيكم عافية ومازعلت من احد بالعكس ردودكم قريتها وانا مبسوطة ان فيه ناس تحمست وكتبت لي وردت علي يعطيكم العافية
(
اسفين مب قصدنا نتهمج في شي .. بس حبينا نلفت نظرج ونقولج اللي في خاطرنا واللي لاحظنا ..
وانا ادري انج حبوبه وانج ماتقصدين لاني متابعه اسلوبج من البدايه وملاحظه عفويتج وطيبتج ..

اختي بقولج نصيحه ..

انا قبل والعياذ بالله من كلمة انا .. كان تفكيري سيء نوعا ما .. كنت اقول ابي واحد وسيم وغني ومركز وووو الخ .. تميت سنين على هذا الراي ومستحيل اغيره واقنع كل اللي حولي بكلامي .. فجأه انتبهت .. صحيت من السبات العميق .. الحين اقول شهالتفكير الوصخ ؟!؟ اركض ورا شهوات الدنيا .. ابي وابي وابي .. انزين وبعدين ؟!! يعني هذي هي السعاده ؟؟ وين الله يباركلي وانا تفكيري جي ؟ تعرفين كنت افكر ان مهري يكون 250 الف ريال :( نعم انا كنت ظالمه .. وسيئه وكل شي على هذا التفكير .. شايفه نفسي ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عمرها الفلوس ماكانت السعاده ..
والحمدلله الحين غيرت رايي وتفكيري كله .. اهم شي انه يكون ايمانه قوي بالله .. يصلي .. واخلاق .. وطيب .. واهله طيبين .. قسم بالله هذا اهم شي .. اذا الايمان موجود والدين موجود .. والقلب نظيف .. هذي هي السعاده ..
وبعدين الرزق يجي من رب العالمين .. وانا راضيه بكتبت رب العالمين .. والصراحه ماصرت افضل واحد غني مع ان الحياه صعبه في هالزمن .. لكن اخاف الفلوس وشهوات الدنيا تغير النفوس وتلعب فينا .. وبعدين نخسر الدارين والعياذ بالله ..

اختي ادعي ان ربج يرزقج بالزوج الصالح .. وان يجمعكم على الايمان والطاعه .. ويرزقكم من فضله ويباركلكم فيما رزقكم ..

اما المنصب .. والراتب العالي .. والشكل .. (اللهم لا اعتراض لما تكتب وتقدر لنا)
ع
حبيبتي أنتي يحق لك تختاري وتتشرطي
يعني الرجال معليش يقول بدي ياها بيضا وطويلة ونحيفة وحلوة وما بعرف شو ونحنا لاء

طيب احكي لك قصة أنا عمري 23 وجالي ناس الأسبوع اللي مضى والله ما قدرت أتحمله للشخص والله ما قدرت حتى أنظر له سبحان الله ماانشرح صدري وامي وابي قالو لي مالك مجبرة ترضي بشي غصب وتقدمي تنازلات هذا زواج واللي حوالليي يقولولي مجنونة هذا فرصة هذا معاه فلوس كتير وانا شو اعمل بفلوسه وهو ما عجبني

وشو الفايدة لو تزوجتي وقدمتي تنازلات وبعد فترة نلاقي مشاكل ما لها حل غير الطلاق

الأخلاق مهمة لكن ليست الوحيدة فقط

أنتي مو غلطانة ولا شايفة نفسك
كل ما في الموضوع انه لك حق تختااااااري
لان هذه مو فستان نشتريه ولو ما عجبنا نرميه هذا زواج وعشرة عمر و أسرة جديدة
سامحيني سولفت كتير لكن كلمتين وكان لازم أقولهم
ر

اهم شي انه يكون ايمانه قوي بالله .. يصلي .. واخلاق .. وطيب .. واهله طيبين


وانا ابي هالشئ بس كيف اعرف اذا فعلا هو طيب واخلاق يمكن معاملته مع الناس غير مع الزوجة.. وحتى لو سألوا عنه اهلي مستحيل يعرفون اذا هو بيكون طيب معاي او لا.. هذا اللي محيرني
الله يوفقني ويوفق الجميع


وشو الفايدة لو تزوجتي وقدمتي تنازلات وبعد فترة نلاقي مشاكل ما لها حل غير الطلاق


هذا اللي كنت اقصده

مشكورة وردة وفتافيت الله يعطيكم العافية
و
استخيري ياقلبي

وسالفة حلق العوارض والدقن انتبهي يالغلا انتي جالسه ترضين الشيطان

والله حلاة الرجال بهالعارض والدقن

بعدين انتي تبغينه شكليا ولا داخليا ؟!!!

يعني فكري يالغلا بنفسه هو مو باشكله ولا بلونه ولا وش عنده وماعنده

ياما ناااس لقوا السعاده با ام الالف والالفين

وياما ناااس لقوا التعاسه في ام العشره والعشرين الف

انتبهي لنفسك ياقلبي من هالتفكير الدنيوي واللي مارح يطووول

وقولي انا بعيش لاااخرتي واللي بقدمه كله للاخره والله لاسكسوكه بتكون معك

ولا راتبه بعد

والله يكتب لك اللي فيه الخير ,,,
(
ZeEeNaH;7545155:
وانا ابي هالشئ بس كيف اعرف اذا فعلا هو طيب واخلاق يمكن معاملته مع الناس غير مع الزوجة.. وحتى لو سألوا عنه اهلي مستحيل يعرفون اذا هو بيكون طيب معاي او لا.. هذا اللي محيرني
الله يوفقني ويوفق الجميع



هذا اللي كنت اقصده

مشكورة وردة وفتافيت الله يعطيكم العافية


استغفر الله .. بنات اشفيكم نسيتوا :(

طبعاً الوحده لازم ترتاح حق اللي بتعيش معاه طول عمرها .. واشلون يتحقق هالشي ؟؟ :rolleyes: واشلون نعرف اذا لنا خير فيه ولا لا..

بسيطه جداً .. انا جربتها حتى :)

صلاة الاستخاره + الدعاء ..

لو مالج خير فيه ومش من نصيبج .. الله بيصرفه عنج ..
انا جربتها قبل مرتين .. مع ان اول واحد كنت مرتاحتله .. بس سألت ربي ودعيت .. ان ماكان لي خير فيه يصرفه عني ويصرفني عنه .. وفعلاً صرفه :) والثاني ماكنت مرتاحتله كلللش وامي كانت مصره عليه :ss: ونفس الشي صليت ودعيت .. وصرفه عني :)
وهكذا ..
الله يعلم باللي فيه الخير لنا .. واحنا نرضى باللي يكتبه لنا سبحانه .. هو وحده اللطيف الرحيم بعباده .. والله مايظلم عباده اذا اتجهوا اليه وسألوا من فضله وكرمه (f)

عرفتي الحل (a)
م
أختي المواصفات اللي كل وحده منا تمناها يبيلنا خياط يفصلها لأن مافي إنسان كامل وبالنسبه لي كانت خطبه لمدة سنه اهو كان من الكويت كان اكبر عني 12 سنه اي شي ابيه اوكي اتوقع إنه مايقول لا
إلا في صلاته بس وتخيلي صارله
ضرف خسر كل شي يعني رجع للصفر ومع ذلك قلت هذا اختبار لي
وصبرت وصرت ادعي واستخير تخيلي جلست استخير اسبوع كامل واهلي مايدرون عسب ماحد يأثر علي وكنت بيني وبينج ماكنت اشوف هالإنسان إنه بيكون ابو عيالي ابدا واخر يوم استخرت فيه امي من نفسها انهت الموضوع تخيلي كنت مخطوبه له سنه كامله وفي البدايه
كل ماستخرت ماتضح لي شي كنت
احسه عادي بس عقب ماداومت
اسبوع استخير حسيت اني مابيه ابدا
بالنسبه للعوارض امووووت فيها
شرات هل الإمارات وقطر روعه
الله يوفقج داومي ع الاستخاره
لين تحدث الامور من نفسها
م
نسيت اخبرج عندنا مثل يقول
من شاف بيت السلطان
لايخرب بيته!
فهمتي قصدي يعني كل إنسان يختلف عن الثاني
م
هههههههههههههه

حلوه ماتبين عارض ههههههههههه

المهم خليني اقولج سالفتي وانتي اخذي المغزى من بين السطور ههههههه لغز بس امانه تردين علي وتقولين وش حسيتي فيه بعد ماتقرين قصتي اوكيه نبدا

انا جاني واحد وخطبني كان قبل شهر خطب بنت عمتي وهو ولد جيرانهم وعيت ليه بقوه لان عذرها انه عسكري ومعاشه مب واجد وانه ساكن بيت عجزه
جاني وخطبني حتى امه ماجات ولا ابوه بس هو واخوه الي اصغر منه انعجب ابوي منه وقال لي كيفج اذا تبين توافقين ولا لا انا قلت له برد عليك بس بشوف رد عيال عمها << هاذا سلم عندنا هههه مادري وش دخل عيال عمي
المهم انا استخرت وكان جايني ولد عمتي بنفس الوقت كان له بيت اربع طوابق وفلوسه واجد
بعد ماستخرت يمكن حول 7 مرات لا خالتي تكلمني تقول وافقى عليه رجالي يمدحه من الا وقول مويا خبله لو رفضته بعدين كلمني ولد عم ابوي يقرب لبنت عمتي عمها قال ترا بنت اخوي خبله الي رفضته خل بنتك تقبله المهم جاتني اكثر من مكالمه << ملاحظه بعد الاستخاره المكالمات جاتني
تزوجته بعد 6 شهور من زواجي هالعسكري الكحيان ارسل لبعثه علشان يصير ضابط والحمدالله صار الي هو يتمناه انه يعلق نجمه ارسل مره ثانيه علشان صير مهندس يعني راح يكون اسمه المهندس الضابط .....

والحمدالله صار الكل يحسدني عليه وعلى فكره الى الحين انا ساكنه في شقه صغيره مكونه من صاله وغرفه نوم وحمام عزك الله ولا عندنا سياره بس عندنا سيكل ههههههههههه تدرين ليه لاني ببريطانيا الى الحين حنا في البعثه هههههه
وان شاء الله اذا رجعنا راح نشتري اخر موديل سياره وراح نشتري فله الحين افكر اقول ياترا لوني خليته وصار تفكيري مثل تفكير بنت عمتي هل كان تزوحت الى الحين ولا الىالحين انا عانس مثل بنت عمتي الحين

وعلى فكره ترا امه يوم جاتنا يوم الملكه كانت مثل ام خطيبك تقول لنا وبالفعل طلع لطيف ولي لطيف عند امه تاكدي مليون في الميه راح يكون لطيف عندك خاصه اذا انتي صرتي لطيفه عنده وعند امه

وانتهت قصتي

بس فيه حاجه مب شين طيار معاشه 9 الاف هههههههههه
لا امزح انتي استخيري والي الله بيكتبه فيه الخير والبركه
وتاكدي ان زوجك ماراح ينسى جميلك انك اخذتيه وهو ماعنده شي وان شاء الله بعدين بصير عنده شي
أ
اختي انتي بنفسك تقرري تاخذيه لو لا

اولا : انتي تحسي انك ارتحتي من كلامه وحديثه؟

ثانيا: انتي ارتحتي من شكله وطوله وعرضه؟

ثالثا: ارتحتي نفسيا لما جفتيه؟ وارتحتي من امه وكلامها؟

هذه في المقابله

انزين بعد الاسئله عنه

قيموو اخلاقه

قيمو دينه وصلاته وصيامه

قيميي انتين جماله ووسامته وشكله

قيمي شهادته بالنسبه الى شهادتك

طبعا اختيي لازم تتمعنون في السؤال عن الشخص خصوصا اذا كان بعيد عن العايله


ولا تحلمين بشخص راتب ووظيفه وشهاده لا يعلى عليهم ومال وعايله ونسب وواخلاق وجمال وسامه!!

طبعا مافيه انسان كامل لازم في كل شخص نواقص


الكامل الله سبحانه وتعالى

قال الرسول صلوات الله عليه / اذا جائكم من ترضون خلقه ودينه فزوجوه

ولا تحطين امال على الطيار وعلى ذي وذاك يلي يجيي كلهم رزق ومحد ياخذ الا رزقه


تقبلي مرروري اختي

موفقه
F
والله انا رائيي من رائي عيون الفهد

صلي الاستخاره وترى الفلوس مو كل شي يمكن اللي فلوسه قليله تكون اخلاقه عاليه ويحترمك ويقدرك
واللي فلوسه كثيره يبهذلك وبعدين الدراسه تقدري تقنعيه يكمل انا اختي اللي اكبر مني تزوجت وزوجها ماعنده الا المتوسط وكان راتبه 4 الاف واقنعته يكمل دراسته ماشاء الله تبارك الله وهو حاليا يدرس الجامعه باقي سنه ويخلص وعلى فكره ناوي يكمل الماستر ماشاء الله وراتبه كل مره يزيد ماشاء الله
م
هلا بك أختي

أختي ما ينفع تقعدي معاه...حتى لو بوجود أهلك ؟

يعني راتبه قليل و ما يكفي...تخافي تدخلي في مشاكل بعد الزواج...من وين تعيشوا و كيف تصرفوا...

لكن لو قعدتي معاه ممكن تشوفي هالرجل طموح...يعني عنده إستعداد و يفكر بجديه إنه يطور نفسه و يلاحق على الناس ؟

مثلا علاقته بوالدته...هل راح تقدري تتحملي تعلقه الشديد بها...؟ في زوجات ما تتحمل...

علاقته في الناس و أصحابه و العمل...لازم تسألي عن هالأشياء

و الله يوفقك للي فيه الخير يا رب
m
والله انا رايي من راي مرموم واعملي استخارة واتوكلي على ربنا وان شاء الله خير
ص
حبيبتى إذغ الطيار زين وأخلاقة عاليه
حاولى اتوصلين لأهلة بطريقة غير مباشره أو حد ايعرفكم وايعرف أهلة أنه انتى في شخص متقدم لج وخليهم ايعرفون وإذا هم يبونج لين ألحين صدقينى بيتقدمون ويكون رسمى وإذا هم خلاص صرفوا النظر عنج مابيردون ولا بيهمهم
a
عزيزتي باختصار شديد اذا كان في تردد بالموضوع ومقارنه الحاله الماديه والاجتماعي بحالتك وحاسه انه لايوجدد تكافؤ افضل عدم الموافقه لانه راح يجي اليوم وتندمين انك ماخترتي صح . افضل التريث حتي لو كانت صفاته جميله المهم ان تاخذي القرا بتعقل وتفكير ودراسه لانه اذا فات الفوت ماينفع الصوت تقبلي مروري .
أ
الله يسهل أمرك و رأي أنك ما تستعجلي و توافقي لأنك خايفة من العنوسة
و أذا أنت مش مقتنعة بالشاب فلا داعي تطوليها و هي قصيرة
ا
اانتي جم عمرج يعتمد على عمرج ؟

عن الراتب مب مشكلة خذوهم فقراء يغنهم الله !! وايد ناس خذوا رياييل رواتبهم زادت و ترقوا ... ممكن تسألون الطيار اذا لحين يبيج و تقررين و مب شرط الطيار يطلع أحسن
ر
بعدين انتي تبغينه شكليا ولا داخليا ؟!!!

المهم عندي داخليا والشكل بعد مااهمله
مشكورة اختي وان شاء الله يكتب الله اللي فيه خير


طبعاً الوحده لازم ترتاح حق اللي بتعيش معاه طول عمرها .. واشلون يتحقق هالشي ؟؟ :rolleyes: واشلون نعرف اذا لنا خير فيه ولا لا..

بسيطه جداً .. انا جربتها حتى :)

صلاة الاستخاره + الدعاء ..

اكيد اختي الاستخارة والدعاء يعني هذي حياة مو يوم او يومين

مشكوراات اخواتي عالنصاح جزاكم الله الف خير
ر

بالنسبه للعوارض امووووت فيها
شرات هل الإمارات وقطر روعه
الله يوفقج داومي ع الاستخاره
لين تحدث الامور من نفسها


اختي ليتني مثلي اموت في العوارض ههههههههه

الله يخليك يارب ان شاء الله انا افكر وجاري التفكير بموضوع الزواج والله يقدم اللي فيه خير
ر
تزوجته بعد 6 شهور من زواجي هالعسكري الكحيان ارسل لبعثه علشان يصير ضابط والحمدالله صار الي هو يتمناه انه يعلق نجمه ارسل مره ثانيه علشان صير مهندس يعني راح يكون اسمه المهندس الضابط .....


انا والله اني افكر مثلك اقول ان شاء الله لو كتب الله نصيب ووافقت عليه مستعدة اساعده واشجعه انه يكمل دراسته او يروح برى المملكة في بعثة ووالله اهم شئ الاخلاق صادقين بس بعد ماننسى ان الحالة المادية لها دور كبير في الحياة وانا والله همي اني اعيش مع رجال يقدرني ويقدر الحياة الزوجية ولو اضمن هالشئ فيه وربي وربي وربي اني موافقه عليه ولو ان راتبه 1500 ريال والله اعلم اني صادقة بكلامي


وعلى فكره ترا امه يوم جاتنا يوم الملكه كانت مثل ام خطيبك تقول لنا وبالفعل طلع لطيف ولي لطيف عند امه تاكدي مليون في الميه راح يكون لطيف عندك خاصه اذا انتي صرتي لطيفه عنده وعند امه

الحمد لله انه صار مثل ماتقول امه وانا بعد ان شاء الله مااكذب امه بس بعد فيه مثل يقول القرد في امه غزال اكيد بتمدح ولدها بتجي تقول ان فيه وفيه وفيه طبعا لا ماتبي تطير رزق ولدها
لكن وربي انا لو تزوجته هو او غيره ان شاء الله اني بحط امه بعيوني والله على مااقول شهيد

بس فيه حاجه مب شين طيار معاشه 9 الاف هههههههههه

ههههههههههههههههههههههههه الطيار الله يخليه لأهله يارب ويرجعه لديرته سالم غانم والله يعوضني بواحد احسن منه والا والله مهنة الطيار مو شينة ههههههه
X