وفسخت الخطوبه يا بنات ..................

heba 017 23-10-2008 123 رد 5,624 مشاهدة
m
yomizo;7600436:
اه وياريت تغيري توقيعك كمان بقى
ماتبقيش باقيه على واحده مالوش لازمه كده عشن ضميرك مش يوجعك بعدين


ايوه غيرى توقيعك شيليه من حياتك خالص علشان تعرفى تنسى
h
مسلمة موحدة;7600437:
حسبنا الله ونعم الوكيل
افعل كما شئت كما تدين تدان
ان شاء الله كل اللي اللي عمله فيكِ وهو وأهله هيشوفوه وربنا يقعدهولهم
بكرة ربنا يرزقه بواحده تطلع عينه وتوريلوه النجوم في عز الضهر هو وأهله
اصله خلاص ضمن يعني ان ربنا هيوفقه !!!
الحمد لله ان ربنا خلصك واجمدي كده
وابتدي بقا شوفي حياتك وشوفي هتعملي ايه
ده ميستاهلش ثانية ندم عليه
ولا تزعلي على نفسك اهو الواحد مش بيتعلم ببلاش
والحمد لله انك خلصتي منهم، الظاهر انه كان تابع لأهله ومعندوش شخصية وبيحطوه في المكان اللي هما عايزينه
وانسيه تماماً انتي مكنتيش عارفة قيمة نفسك وادي الحمد لله ربنا بينلك هو ايه
وعايزه اقولك يا هبة متتعامليش بطيبة اوي كده
واعمليلك شخصية مع اللي هتتخطبيله بإذن الله وعامليه بما يرضى الله
بس اوعي يا هبه تكوني تابع
يقولك يمين يبقا يمين ويقولك شمال يبقا شمال
لازم تتناقشوا في كل حاجه تخصكوا ومتعمليش أي حاجه إلا عن رضا
ومتتساهليش في حقك الظاهر كنتي طيبة زيادة عن اللزوم
اصل في رجاله لما بتلاقي الواحده طيبة بيسوقوا فيها
إلا من رحم ربي
ربنا يوفقك ويصلح حالك ويقر عينك بالزوج الصالح والذرية الصالحة
ويبدل همك وكربك فرح وسعادة في الدنيا والآخرة


والله والله والله كنت بعمل كل حاجه تكبره ادام اهلى ايام شرا الشبكه اتفقو على شبكه ب 25 وبعدها بساعتين اول مروح البيت كلمنى قالى يا هبه انا مش هعرف اجيب ال ب 18 قلتله براحتك بس عمتا اهلى مطلبوش ب 25 ده انت قلتها اهلى قالولك اللى تجبيه دى هديتك
والموضوع عادى وتقبلناه فى البيت عندى وزدى حريته دى هديه مش هنحدد تمنها
جينا يوم مكان يزعلنى وماما تلاحظ انه مش بيكلم اقول لها اصله عنده شغل اصله تعبان وكنت افكره بمناسبات الاسرة عنده قبل عندى
a
اولا الف حمد الله على سلامه مامتك وربنا ياربكلها ف عمرها وصحتها يارب ويفركو عاجلا غير اجلا يارب وثانيا بالنسبه للى كان خطيبك انسيه خالص دة انسان مالوش امان واكتر حاجه بجد تدمر حياتك انك تاخدى انسان ملوش امان انسيه ياهبه انا عارفه انو صعب تنسيه بس ادعى ربنا كتير فى صلاتك انك تنسيه وان ربنا يبعتلك الى يستهلك واستخيرى ربنا فى اخو صاحبتك ولو محروقه اوى من تامر ابعتيلو رساله قوليلو اذا دعتك قدرتك على ظلم الناس تذكر قدرة الله عليك وافعل ماشئت يابن ادم كما تدين تدان ولو بعد حين وشيليه خاللللللللللللللللللللللللص من حساباتك حتى لو جه واتاسف لان عمر ماحياتكو مع بعض هتنجح لانك مجروحه منو اوى وقلبك مكسور منو وربنا يارب يبعتلك الى يستاهلك ويهدى الى كان خطيبك وابقى طمنينا عليكى وعلى مامتك وربنا يتم شفاها على خير يارب
ل
الله يوفقك اختى وانشاء الله ربي يعوضك باحس منه وانشاء الله تكون خيره لك
والعيب مش فيك لا العيب في تفكير بعض الناس والطلاق مش عيب المحبه من الله والناس ضروفها محد يعرفها وكمان البيوت اسرار بس في ناس يجي تفكيرها ناقص
وصدقيني الكلام الى جرحتك فيه راح تشوفه ببيتها لانها تشمت بالناس
(
الله يحبج واختارلج الخير وخلص من هذا الـ ....
حسبي الله ونعم الوكيل .. بعد اللي سوى له ويه بعد يطرش مسج ؟؟ خلاص كل واحد راح في حاله هو ليش محتر ؟؟ شكله محتر وعرف قيمتج متأخر .. الله يمهل ومايهمل .. احتسبي الاجر اختي وخليها على الله .. الله بيجازيه .. والله يوفقج مع خطيبج الحالي .. ويتمملج على خير :)
s
هبة انا مع كل موقف بتحكية بيتثبتلى اد اية الواد دة كان واطى ومترباش ولا عرف ريحة التربية وعمره ماكان يستاهلك...انتى زعلانة من اية يا عبيطة دة هو هيموت بغيظه انك هتتخطبى لواحد غيره يعرف قيمتك ... اصله معلش كان فاكرك قاعدة تعيطى علية وتتحسرى على النعمة اللى راحت منك...دة مفروس فرسة يا هبة...خلية كدة يتحرق بناره...وانتى خليكى مع اخو صاحبتك دة بجد باين علية متربى وهيعرف يصونك..مش التانى ابو لسان طويل دة..وسفر اية اللى هيسافره..دة ربنا مش هيكسبه بذنبك وهيرزقه باللى تطلعه علية وعلى مامته ان شاء الله...فرفشى يا بنتى دانتى منتصرة عليهم وحارقلهم دمهم وسيبك من الكلام الاهبل دة كله عشان محروق من جواة
h
sweet_toota;7601622:
هبة انا مع كل موقف بتحكية بيتثبتلى اد اية الواد دة كان واطى ومترباش ولا عرف ريحة التربية وعمره ماكان يستاهلك...انتى زعلانة من اية يا عبيطة دة هو هيموت بغيظه انك هتتخطبى لواحد غيره يعرف قيمتك ... اصله معلش كان فاكرك قاعدة تعيطى علية وتتحسرى على النعمة اللى راحت منك...دة مفروس فرسة يا هبة...خلية كدة يتحرق بناره...وانتى خليكى مع اخو صاحبتك دة بجد باين علية متربى وهيعرف يصونك..مش التانى ابو لسان طويل دة..وسفر اية اللى هيسافره..دة ربنا مش هيكسبه بذنبك وهيرزقه باللى تطلعه علية وعلى مامته ان شاء الله...فرفشى يا بنتى دانتى منتصرة عليهم وحارقلهم دمهم وسيبك من الكلام الاهبل دة كله عشان محروق من جواة

والله العظيم ضحكتينى من غير نفس
عسل يا توتا والله
انا لسه متخذتش قرار فى موضوع اخو صحبتى بس يارب يهدينى للى فيه الخير
ت
heba 017;7600697:
والله والله والله كنت بعمل كل حاجه تكبره ادام اهلى ايام شرا الشبكه اتفقو على شبكه ب 25 وبعدها بساعتين اول مروح البيت كلمنى قالى يا هبه انا مش هعرف اجيب ال ب 18 قلتله براحتك بس عمتا اهلى مطلبوش ب 25 ده انت قلتها اهلى قالولك اللى تجبيه دى هديتك
والموضوع عادى وتقبلناه فى البيت عندى وزدى حريته دى هديه مش هنحدد تمنها
جينا يوم مكان يزعلنى وماما تلاحظ انه مش بيكلم اقول لها اصله عنده شغل اصله تعبان وكنت افكره بمناسبات الاسرة عنده قبل عندى


معلشي يا حبيبتي
مهو علشان كل ده وأصلكم الطيب ربنا هيكرمك بواحد زيك وناس طيبة بإذن الله
الطيبون للطيبات
M
فعلا ربنا رايدلك الاحسن منو

واهو بيظهرلك كل شئ

قولى الحمدلله وانسيه خلاص هو بيعمل كده عشان ينكد عليكي ويحرق دمك

بدال انتى راعيتي ربنا فيه وهو مصانكيش ولا صان العشره الى بينكم يبقي هو الى خسران وفوضي أمرك لله وعيشي حياتك وشوفي حياتك

هو فعلا كان فاكرك عماله تعيطي عالفرصه الى ضاعت من ايدك

فجأة لقاكى ماشيه فموضوع خطوبة

وما ادراكي ساعتها الواحد بيفكر انو الطرف التانى تلاقيه دلوأتى مش قادر ينسي بيعيط كل يوم بيفكر فيا وعمال يفتكر نقط ضعفك الى كانت معاه وقد ايه انتى كنتى بتتساهلى معاه وانك ضعيفه من ناحيتو

فجأة لقاكى بتتعاملى علي غير العادة

احسن انك غيرتى رقمو

دى البدايه الحقيقية لحياتك الجديده امسحي القديم ده خالص :)
P
heba 017;7522486:
اولا السلام عليكم
وحشتونى طبعا كلكم عارفين الازمه اللى كنت فيها والحمد لله مامتى قامت بالسلامه وبخير يارب
قبل عمليه مامتى بحوالى اسبوعين لقيت اللى كانت حماتى وبتتصل وبتقول ان ميشرفهاش ان ابنها يتجوز واحده والدتها ووالدها منفصلين بالمناسبه بابا وماما منفصلين من
17 سنه وماما متجوزتش وهيا اللى بتربينا والحمد لله كله بيحلف بتربيتنا وعايشين الحمد لله فى خير
ف يومها انقهرت وزعلت وادمرت وقلت انا مش عايزاه دول هانونى فى تربيتى وكده وماما زعلت وفضلت مش مبينالى وتعبت وفى العيد مامته جت زارتنا واعتزرت بس انا مش صافيه من نحيتهم
المهم جت عمليه ماما اناا قلت فعلا لو عايزنى هيبقو جنبى والعكس حصل محدش كان جنبى انا كنت لوحدى محدش من قرايبى معايا مع العلم ان كل اخوات خطيبى عايشين فى القاهرة واتنين منهم فى رمسيس و واحده فى يوسف عباس
ولا حته تلفون وبكلمه مبيردش فخت قرارى بالبعد وان الموضوع ينتهى
جه بقى من شهر من يوم مسبنا بعض
صحبتى ومامتها عايزنى لاخوها وجايين يزرونا يوم السبت وطول مكنت فى القاهرة كانو بيسئلو عنى وعن جدتى لانها كانت قاعده فى المنصورة مع اخويا وولاد خالتى الصغنين
كانت يوميا تعمل اكل وتروح لتيته تساعدها وتفضل معاها وانا مش عارفه اعمل ايه انا بقالى شهر بقلهم نأجل الموضوع لما ماما تقوم بالسلامه وماما بالسلامه الحمد والشكر لله
ساعدونى ماليش غيركو



بوب حبيبى ربنا الحمد لله طمنك على مامتك ربنا يحفظهالك يارب فكرى بقى كده فى الموضوع اللى مجاوب نفسه ده بهدوء هتلاقى ان الاجابة واضحة الناس ذوق و محترمين و شارينك روحى يا جميلة صلى استخارة و توكلى علىى الله و ربنا ييسرلك الخير يارب
m
heba 017;7602720:
والله العظيم ضحكتينى من غير نفس
عسل يا توتا والله
انا لسه متخذتش قرار فى موضوع اخو صحبتى بس يارب يهدينى للى فيه الخير



يابنتى ده واد عديم التربيه ده لو حتى الجيران هما اللى ربوا كان هيبقى مؤدب عن كده.المهم سيبك منه بس عشان تعرفى ان انتى عبيطه قال كنتى بتقولى عندى امل انه يرجعلى وكويس انك غيرتى رقمك وشيلى التوقيع وراى اعملى واحد تانى تعدى فيه انتى بقالك اد ايه واخده افراج من سجن الواد قليل الادب ده وربنا يوفقك يارب وايه اخبار ماما دلوقتى يارب تكون بخير؟.

ودى بقى منى ليكى
اذا شعرت فى يوم بضيق فلا تقل يا رب
عندى هم كبير ولكن
قل يا هم عندى رب كبير
h
يا بنات اخر الاخبار تامر كان اون لين وانا كمان كنت اون لين واتكلم معايا وبيقلى ازيك عامله ايه يترى خلاص اتخطبتى قلتله لا وكده قالى انا مسافر يوم 25\11 قلتله ربنا معاك قالى مش هتسئلى عليا قلتله واسال ليه
قالى طب هتعزيمنى قلتله انش اء الله هعزمك
وبعدها قالى انت معندكيش قلب وحسيت انه اتقلب 180 درجه وانتى دورتى على مصلحتك وانا اصلا موافقتش على اخو صحبتى وفضلت يتكلم باسلوب وحش كانى عملت حاجه وبعدها بعتلى بوكيه ورد على البيت المهم كله ورد اصفر واحمر غامق ف ماما اتصلت بيه وقالتله ليهى بعته وكده قالها كان نفسى اصالح هبه فقالته وهبه قالتلك انها خلاص مش عايزة مصالحه من حد وكمان هيا يبن الناس قالتك ان كله قسمه ونصيب فقل ف وش ماما
ومعبرش من ساعتها قمت واخده البوكيه ورمياه
ز
بدعيلك منقلبي بتسديد الخطى
س
heba 017;7646591:
يا بنات اخر الاخبار تامر كان اون لين وانا كمان كنت اون لين واتكلم معايا وبيقلى ازيك عامله ايه يترى خلاص اتخطبتى قلتله لا وكده قالى انا مسافر يوم 25\11 قلتله ربنا معاك قالى مش هتسئلى عليا قلتله واسال ليه
قالى طب هتعزيمنى قلتله انش اء الله هعزمك
وبعدها قالى انت معندكيش قلب وحسيت انه اتقلب 180 درجه وانتى دورتى على مصلحتك وانا اصلا موافقتش على اخو صحبتى وفضلت يتكلم باسلوب وحش كانى عملت حاجه وبعدها بعتلى بوكيه ورد على البيت المهم كله ورد اصفر واحمر غامق ف ماما اتصلت بيه وقالتله ليهى بعته وكده قالها كان نفسى اصالح هبه فقالته وهبه قالتلك انها خلاص مش عايزة مصالحه من حد وكمان هيا يبن الناس قالتك ان كله قسمه ونصيب فقل ف وش ماما
ومعبرش من ساعتها قمت واخده البوكيه ورمياه



انتى اصلا لسة حطاة على الميل لية
لنتى مش قفلتى الموضوع خلاص
طيب لية معملتيش اجنور ودليت من على الميل وخلاص
ولية تتكلمى معاة على النت يطلعلك اية دة علشان تتكلمى معاة بتاع اية تتكلمى معاة
انتى كدة معملتيش حساب تربية امك فيكى
امك ممكن توافق تتكلمى مع ولد على النت اى كان الولد دة فهو غريب عنك وندل وعيل وزى ما مارى قالت ابن امة
وانا كمان بقولك انة انانى جدا يا بنتى هوة حس انك هاتبعدى عنة فرمالك الطعم وانتى زى الشاطرة بلعتية
اية الخيبة الى انتى فيها دة
انتى عين فى الجنة وعين فى النار
ولا عاجبك نفسك ان فى اثنين بيجروا وراكى
هبة انتى لو كنتى ختى قرار ان الموضوع انتهى فانتى غلطانة انك اعطيتى سكة للكلام
هبة انتى لازم تكررى وتقولى انتى عايزة اية فى الاول وعلية تاخدى موقفك مش اى حد هايخدة بدلاك ابدا لا امك ولا اصحابك لازم انتى الى تاخدية بنفسك مش حد ثانى

هبة احب اقولك ان الواد دة بيلعب بيكى شايفك طفلة وهوة اعيل منك وانانى جدااااااااااااااا
هبة انتى ل رجعتى للولد دة ابشرك انك مش هاتكملى شهر على اقصى تقدير وهايرميكى زى ما رماكى فى الاول زى سبق ما عملها ورماكى وانتى فى اسواء الظروف تعب امك

هبة ان قاسية عليكى لكن بجد هية دة الحقيقة
واسمعى اراء البنات يمكن
m
هبه اسمحيلى اقولك انك غلطتى انك اتكلمتى معاه
واعمليله بلوك وديليت وكل حاجه فى الدنيا
وبعدين هو انتى لعبه فى ايده شويه عايزك وشويه لا هو لعب عيال وبعدين هو حس ان اللعبه بتاعته هتضيع منه فقال يلحقك ويطير العريس منك واول مايضمن ان العريس بح هيرجع تانى يتقل ويعمل عبيط فصدقينى بلاش تكلميه تانى وشيليه من حياتك عشان نفسك.


ليا طلب لو ممكن تقبيليه:
ياريت تشيلى التوقيع بتاعك
t
هبة حبيبتى ازاى يا عيونى تكلميه تانى بعد اللى عمله على المسنجر يا بنتى الشخصية اللى زى دى بجد بتبيع بسرعة و مش باقى عليكى و شوفى عامل اية لمامتك قفل السكة:BANNED2: متزعليش منى دة قليل الادب انه يقفل السكة فى وجه والدتك:down: دى لو وحدة غريبة ميعملش كدة بجد هتكونى غلطانه جداااااااااااااااا لو اختيه اوعى اوعى اوعى تاخديه لانك دلوقتى هتصغر مامتك جدا ادامه لو اختيه بجد يا هبة متغفرلهوش حته انه :88774:يقفل السكة وجه والدتك و الله انا خجلانة:sad::21_184: انى اكتب الجملة دى بس لازم اواجهك بحقيقة تربيته الفاسدة:handdown: انتى بجد لازم تمسحيه من المسنجر و كمان تعمليله بلوككككككككككككككككككككككككك:sa36:
و لو حاول يكلمك تانى بجد اوعى تكلميه:mad_argue: و لا حتى بجة انك عايزة تعاتبيه
ي
أنا متابعة موضوعك من الأول بس أول مرة أدخل بس ما قدرتش أعديها و بجد لا تعليق بعد الكلام اللي البنات قالوه و مش حعاتبك على اللي عملتيه ولا اقوللك ايه الصح و الغلط لانك عارفاه كويس ..المهم دلوقتي اللي جاي ......يا بنت الناس انا شايفة ان العريس الجديد ده محترم و ابن ناس و ممكن ينسيكي اللي فات ..بس لو خايفة او مترددة طالما هو عارف كل حاجة يبقى استني على نفسك شوية و تكوني قويتي نفسك و استعديتي للحياة الجديدة..و استخيري و توكلي على الله ..
k
هبه..ليه تكلميه تاني ياحبيبتي
الحمد لله ان الموضوع اتقفل
هو جه يجر ناعم ولما مالقاش استجابة بدال مايحاول تاني قام قالب ع الوش االتاني
عارفه ولو رجع تاني...مع اول خلاف هتشوفي منه البدع
وعلى ايه؟؟؟ سيبك وخلاص وامسحي الميل وماتكلميهوش تاني بجد
واعتذري لمامتك انك حطيتيها ف موقف زي ده ان عيل يقفل السكة ف وشها
وربنا يقدم لك الخير
L
يا بنتى الرجولة مواقف كفاية انه مكنش جنبك فى أزمتك أرميه
وبعدين هو لو بيحبك بس سلبى يبقى بردو مايلزمش
L
heba 017;7531765:
بطه فارس عايزة اللينك بتاع مشكلتك
بنات انهارده صحبتى اتصلت وخدت معاد عشان هيا ومامتها يجو يطمنوا على ماما
وجايين بكرة باذن الله
واخو صحبتى شغال فى القاهرة وطول مكنا فى المستشفى كان بيتصل على موبيل ماما يطمن منى عليها وفى يوم كنت عايزة اشترى حجات لماما ومكنش ينفع اسيبها وانزل كلمته بعتهالى مع السيكورتى بتاع المسشفى
وكنت محتاجه فلوس من المنصورة فكلمت تيته وبعتتهالى معاه ومتأخرش
انا ناويه اقعد اتكلم معاه واشوف لو فيه قبول يبقى خلاص
وهو على فكرة يا بنات كان قارى فتحه قبل كده وسابها برده ومن ساعتها وهو عايز يخطبنى وماما صحبتى لمحتلى كتير وكنت بعمل نفسى عبيطه

دى الرجولة يا بنتى
X