المتأخرات في الحمل-السبب-تكيس المبايض-

فوفو

اوووووووووووووووووووووووووووووووووووني :15: :15: :15:


حتوحشينا يالغلا :15: :15: بس اهم شي انك راح تنبسطي يارب (f)(f)(f) تروحي وترجعي

بالسلامه(a) ومتنسيش التقرير المفصل عن سفرتك (y) انيسطي على اد ماتئدري يااوني

مرحبا عرايس
شخباركم انشاء الله طيبين
مثل ما وعدتكم بقصة العملية
و الله..... الله يسلمكم قالت لي الدكتورة بعد ما فحصتني ما بينفع ويالك الا عملية تثقيب المبيض.......... طبعا انصدمت ووووو كلكم تعرفون هالشعور
طلعت من العيادة وانا ابكي من الحزن والخوف
طبعا من عرضت علي العملية وافقت بيني وبين نفسي بس قلت خل اشوف ردة فعل زوجي
طلعنا وقال لي توكلي على الله ...... وبنت خالي سوتها عند نفس الدكتور" زوج الدكتورة صباح" وحملت خلال 3 شهور بتوم ما شاء الله
طبعا الزيارة اللي بعدها رحت وقلت لها ابي اسوي العملية ويوم شافتني منهارة قالت لي في عندي وحدة من البنات اللي سووها واللحين حامل ... بخليها تكلمش علشان تتطمنين ...... كلمتني البنت و قالت العملية وااااااااايد سلهة وبتحسين الا بألم في البطن و الاكتاف بس اول يوم والبنت بعد العملية ما شافت الا دورتين وحملت في توم بعد قولو ما شاء الله والله يعطيكم بعد
وقالت لي الشعر اللي بوجهي قام يطيح بروحة ووزني قاعد ينقص مع اني حامل " طبعا تستخدم المتفورمين"
ووقعت على العملية , واخذت موعد مع طبيب التخدير قبل العملية بيوم
والزيارة الاخيرة للدكتورة كانت قبل العملية ب 3 ايام لانها عطتني حبوب تنزل الدورة واول يوم بعد الدورة العملية, وبعد كانت عندها حرمة مسوية العملية بس للحين الله ما رزقها ادعوا لها " امانة "
والحين بيسوون لها اطفال انابيب طبعا بعد ما استخدمت كورس كلوميد ومنشطات و ما جاب نتيجة يا الله الله كريم وهي كبيرة في السن يمكن عمرها 35 سنة بس بعد تقول كان في صدرها شعر قام يطيح
وقبل العملية بيوم رحت المستشفى الامريكي لحجز غرفة و للموعد مع طبيب التخدير وبعد شافني منهارة وقام يقول لي لا تخافين العملية سهلة وما بتحسيين يشئ. كنت احس يا بنات اني امشي للموت بنفسي , يمكن لاني اول مرة ارقد في مستشفى او يمكن لان اول عملية في حياتي, وانا اللي ماشاء الله حتى سيلان " مغذي" عمري ما خذيت ولا عمري نمت في مستشفى و الحمد لله, قال لي دكتور التخدير لازم تصومين من 10 الليل ورجعت البيت بعد ما خلصنا كل الاجراءات طبعا ما احد يدري غير زوجي ولا اهلي ولا اهله وما توقعت روحي بنام ليلة العملية بس الحمد لله من 10 و نص نمت و كنت مجهزة كل اغراصي من العصر......
رحت المستشفى وانا امشي وابكي لين دخلت الغرفة و بدلت ملابسي وبعدين كلمت امي وقلت لها ومسكينة خلت اختي توصلها .... ووصلت وهي تبكي خايفة عليي و جابو سرير العملية وهني القلب يرقع و العين تخرخر دموع من غير حساب وكنت قد ما اقدر احاول امسك اعصابي وخصوصا ان زوجي باين علية التوتر وامي تصيح المسكينة
وركبوني لغرفة العمليات وامي وزوجي معانا وبعدين قالوا لهم خلاص طلعوا "ويش تتوقعوون الشعور؟؟ "
وطبيب البنج كان مطمنني من قبل وفعلا ما قصر .....
وفي لحظة من اللحظات ما حسيت بروحي خلاص نوم عميق
وما اتذكر الا وهم يقولون لي ..... املية كلاس ( العملية خلاص)
" هنود وفلبينيين طبعا " يصحوني من النوم واول ما صحيت على الصياح و اقول لهم ابي أمي... ابي أمي ومسكين زوجي ما ذكرته فقير
ورجعوني الغرفة وامي وزوجي معي وقولون لي لازم تنامين 5 ساعات وانا موجاييني نوم لين صخوني ذيك الابرة اللي خلتني مثل الة ونمت طبعا ما في اكل الا بعد 6 ساعات وبس عصير
بعدين صحيت ورحت الحمام والممرضات معي وانا موقادرة ابول تكرمون وهم معي بس ما رضوا يخلوني لوحدي .....وطلعت وساعدني زوجي وبدلت ثيابي وجوني خواتي واهل زوجي
و الحمد لله طلعت من المستشفى الساعة 8 الليل ورحت عند اهلي
والله يابنات الم فظيييييييييع ولا اقدر انام وكوابيس في الليل والحمد لله و يوم ثالث رحت اشيل الخياط طبعا ثلاث غرزات بس ثنتين شالتهم الممرضة وانا ذابحة روحي من الصياح وايييييييييد يألم
والثالثة الدكتورة شالتها لانها كانت صعبة شوي, وحتى الدكتورة استعجبت تقول لي شلون بتولدين عيل ؟؟
و يوم ثاني نفس الشيئ احس كأنني معوقة علشان اروح الحمام لازم ثنتين يساعدوني علشان اقوم واصلي على كرسي وا ستمر الحال 4-5 ايام بس ما قمت اصلي عدل الا بعد 12 يوم تقريبا و الحمد لله
طبعا اول ايام العملية كنت اقول مستحيل ارجع مثل قبل اتنطط واتشقح بس الحمد اللحيين وايد احسن ورجعت مثل قبل واحس بس شوية حكة في بطني

طبعا فوائد العملية
00تقلل من التكيس
00تنظم الدورة
وطبعا تتعدل الهرمونات اذا انتظمت الدورة
وقالت لي الدكتورة بعد العملية بأسبوعيين بتشرف الدورة ويوم خامس تعالي نشوف النتايج
بس والله للحين اكثر من 3 اسابيع وما شرفت مع اني كنت احس باغراضها fصدري وخواصري الم فظييع وللحين ما شرفت مع ان الالم قل وايييييد عن ذاك الاسبوع
والله ما ادري اروح للدكتورة والا شو

سوت تحليل في المنزل بس بطريقة خطأ يعني بس خليت الجهاز 40 ثانية
اتصلت العيادة قالوا لي انتظري شوي يمكن تتأخر وما ني عارفة شسوي وسألتها في أمل يكون حمل؟؟؟ قالت لي اي
وما ادري ويش اسوي ؟؟؟