المتأخرات في الحمل-السبب-تكيس المبايض-

ديمه يا قلبي عساك دوم مرتاحه ,, وانا عارفه ان تصرف ام زوجك يضايق بس هذا الكبار بالسن

وحطي نفسك مكانها اي ام تبي تشوف عيال ولدها حتى لو تصرفات تغيض وماحسبت حساب مشاعرك

بس هذي ام الولد وش نسوي وإلا أيش نقول :(

انا خايفه من خوااااااااته والله كثرت هالأيام لا قعدنا نسولف وزوجي قاعد يجيبون قصص عن حريم ما يجيبون عيال وان ازواجهم صبرو وصبرو وعقب تزوجو وجابو عيال وان هم معذورين لازم الحرمه تقدر انه صبر عليها ووووووووو

وكل هذا وزوجي قاعد يسمع ,,, آآآآه بس وش اسوي الله يعيننا

أدري يافوفو كل أم تتمنى لولدها بس المفروض تقدر مشاعري

لو بنتها بتجرحها مستحييل ..

أهم شي أتفقي أنتي وزوجك وماعليك منهم ..

صح كلااامك ياديمه

بس على قولتهم كثر الدق يفك اللحاااااااااااام

انا خايفه بالمستقبل يحس ان فعلا العمر مشى وهو ماعنده احد يقول له بابا

والله اني افكر بهالشئ كثير ومبين علي ومؤثر تأثير سلبي:(

الله يشرح صدرنا وييسر امرنا ويبعد عننا الهموم والغموم ويعوض صبرنا خير ..اللهم آمين

والله أني حاسة فيك تخيلي بنت خالي جلست 7 سنوات

ماحملت وراحت لوحدة دكتورة في الرياض اسمها أنور جيهان

تخيلي الناس تجيها من الكويت وعالجت عندها شهرين وكانت سبب

بعد الله سبحانة وتعالى وحملت والحين ماشاء الله عندها ولدين وبنت

أنا أفكر الشهر الجاي إذا ربي ماكتب حمل بروح لها .. حاولي تروحين لها

الرياض قريبة وحياك عندي البيت بيتك ..

فوفو أعذريني مضطرة أطلع أشوفك على خير

وبإذن الله بعد أسبوع بروح عمرة وبإذن الله

ماراح أنساك من دعواتي ..

ياقلبي ياديمه

يعطيك العافيه والله ماقصرتي والله يجزاك كل خير .. وانا ابدا ماراح انساك من دعائي .. تروحين وترجعين بالسلامه يارب

وانا مفكره اني اغير المستشفى بس مو حاليا بهذا الوقت يعني يمكن بعد رمضان

ومن الحين لين هذاك الوقت بشوف وش صار معااك :) .. والرياض صحيح قريبه انا بين وقت ووقت

أجي عندكم .. أشوفك على خير ان شاء الله:15:

سلام اخواتي العزيزات ،،،فوفو وديما هذا قدرنا ان تكون قلوبنا وسيعة ونسمع الكلام من اذن ونطلعه من غيير نحمله في قلوبنا ،،ترى بنعجز بسرعة :D

حتى انا عمتي ام زوجي تبي اتشوف اولادي وساعات تقول كلام ابكي منه بس مااقول لزوجي او احد لاني ادري ان نيتها طيبة واني لازم اصبر واكون قوية ولكن اكون ضعيفة ذليلة في سجادتي واشكو لربي فقط لاكتب من الصابرين.

واحاول ان اركز على الايجابيات في حياتي وعملي وانجز اشياء جديدة دوما لكي لايتمكن منا الروتين ،،

اخر اخباري امس رحت السونار وطلعت عندي بويضات الحمدلله صالحة للاخصاب والله كريم

تدرون انا تأثر فيي عاطفة الامومة اكثر من كلام الناس .

انتون بعد اخواتي؟؟

السلام عليكم ورحمة الله وبركاته كيفكم حبايبي ان شاء الله بخير

Demah_999;9275383:
كيفك VIP Lady ؟

الله يعوضك خير يارب

fofo2;9275446:
في آي بي

هلا وغلا .... شلونك غناتي

فوفو-ديمه -في اي بي

الله يصبرني ويصبركم وجميع البنات المتاخرات بالحمل

حبيباتي كثرو من الاستغفااااار والصدقه بنية الانجاب

واذا على كلام الناس سمعنا وانجرحنا وبكينا والحين اذن من طين واذن من عجين

الله يرزقنا اجمعين

ربي لا تذرني فردا وانت خير الوارثين

يا ديمه يا حبيبتي ربنا معاكي معلش عشان الكلام الي بتسمعيه الناس مش بتسكت معلش لازم تتطنشي انا بقالي خمس سنين متجوزه و لسه مخلفتش بس دلوقتي بعمل حقن مجهري و صحيح يا اخواتي عايزه اقولكم اني بدأت في مرحله تانيه من العلاج ابر تانيه غير الابر الي باخدها تحت الجلد المفروض ان شاء الله العمليه قريب و عايزه اقولكم ان المنشطات الي باخدها نظمت ليا الدوره بعد ما كانت مش بتيجي غير بعلاج بس موضوع التكيس و الله عادي انا اختي كان عندها اخدت علاج و خلفت بعديه طبعا خست عشان التكيس يروح و مع العلاج و دلوقتي معاها بنت محدش يقلل و بلاش يا اختي ديمه تسمعي لحد عشان النفسيه بتأثر جدا و لما حد يتكلم معاكي قولي لهم ده قدر الله حد يقدر يتعدى على قدر الله

دفء الياسمين

الله يجزاك كل خير حبيبتي .. والله كلامك مثل البلسم :)
انا مشكلتي اني صايره اتقطع بقلبي و أبي أبكي بس عشان اطلع وانفس عن اللي بقلبي
بس مو قادره وهذا متعبني زياااااده (w)... ربك يعييين

وانا مثلك اتاثر بعاطفة الامووووووووومه كثير حتى اذا شفت وحد حدها حامل وتتوجع تبي تولد
احس ان قلبي يرف من غير شعور وتغرغردموعي (w)


والحمدلله والله فرحت لك على البويضات .. الله الله مانوصيك عاد توصي فيهم
والله يكتب لك اللي فيه الخير يااااارب واكثري من الدعاء في الثلث الأخير وبإذن الله ماراح انسااك من دعائي

:)

توم2008

وعليكم السلام ورحمة الله وبركاته

انا بخير ولله الحمد .. وانتي طمننينا عنك :)

في آي بي

انا بخير حبيبتي :) وان شاء الله بحاول اطبق كلامك حرف بحرف:)

منابع الحب

آمييييييييين الله يسمع منك .. وانا المناعه تزيد يوم عن يوم هههههههه:D

دعاااء

ماشاءالله تبارك الله..الله يسهل عليك ويكتب لك اللي فيه الخير ..(f) اللهم آمين

" دفء الياسمين "

والله أنك صادقة بس تعرفين الوحدة بالوحدة تكون حساسة

بقوة والبعض يتعمد يجرحك ماأقول إلا حسبي الله ونعم الوكيل ..

ويارب حبيبتي تبشرينا بحملك قريب وبإذن الله تؤام يارب أرزق أختي

عاجلا غير آجل ..

" VIP Lady "

أنا الحمدلله تمام لاتتعبين نفسيتك كثير يمكن الي حصل لك خيرة

وأرضي بماكتبة الله لكي وأسأل الله أن يعوضك خير ..

وماراح أنسأك من دعواتي أنتي وجميع الأخوات إذا ربي كتب

لي روحة لمكة ..

" منابع الحب "

مشكورة حبيبتي على النصيحة بإذن الله بطبق ..

بنات انا اليوم جتني خبريه من بنت خالي

تقول ادخلي على القوقل واكتبي عشبة المدينه

ولما دخلت يابنات لقيت في كل منتدى يمدح فيها

يقولون انها مفيده جدا للحمل وكثير حملوا منها بعد الله

يقولون تنظف الرحم وايضا مفيده للي عندهم تكيس

وش رايكم

دعاء الغول;9279621:
يا ديمه يا حبيبتي ربنا معاكي معلش عشان الكلام الي بتسمعيه الناس مش بتسكت معلش لازم تتطنشي انا بقالي خمس سنين متجوزه و لسه مخلفتش بس دلوقتي بعمل حقن مجهري و صحيح يا اخواتي عايزه اقولكم اني بدأت في مرحله تانيه من العلاج ابر تانيه غير الابر الي باخدها تحت الجلد المفروض ان شاء الله العمليه قريب و عايزه اقولكم ان المنشطات الي باخدها نظمت ليا الدوره بعد ما كانت مش بتيجي غير بعلاج بس موضوع التكيس و الله عادي انا اختي كان عندها اخدت علاج و خلفت بعديه طبعا خست عشان التكيس يروح و مع العلاج و دلوقتي معاها بنت محدش يقلل و بلاش يا اختي ديمه تسمعي لحد عشان النفسيه بتأثر جدا و لما حد يتكلم معاكي قولي لهم ده قدر الله حد يقدر يتعدى على قدر الله

منابع الحب

انا وحده اخاف من الأعشاب :( مدري ليش .. واللي يخوفني اكثر ان من وين اشتري هالأعشاب
ياختي والله ما اضمن هالعطارين ... ودآيما في تحذير عليهم ....

عالعموم مشكوره يالغالية ما قصرتي :) ىوياليت اللي بيجربها يخبرنا