ادخلي وقولي لنا كم كان مهرك ^_^

عضوة 21-10-2008 188 رد 21,741 مشاهدة
ع
نسيت اقولكم

انا مفكره انو مااكثر في اشيأي كلها يعني اشتري بالمعقول

وبعد فرحي بفتره انزل واشتري اخاف جسمي يتغير ولا احمل ومااستفيد شي

وحتى هذي الفكره عجبت زوجي

واستغرب من الي يشترو بمبااااااااالغه وهوا من نفسو قال ترى الرجال يحب بين فتره وفتره تغير

مع العلم انو انا من طبعي احببببببببببببب الشوبنق مررررره كتير

حتى اهلي استغربو لما قلت لهم ماراح اشتري بمبالغه

وانا اصلا من دحين عندي اشياء مالبستها الين دحين

وحتى لو كان مره بالعمر طيب نسيتو انو احنا حنعيش مره وحده ولما نموت حننسأل عن مالنا وين راااح وايش عملنا فيه

عيون الفهد
ا
انا شاءلله يوم الله يكتب بحدد المهر ههههههههههههههههههههههههههه
ه
السلام عليكم و رحمة اللـه و بركاته





هلا أختي



أنا مش متزوجة بس بخبرك عن البنات اللي من الأهل و ترا أنا من صلالة، عندنا يعطون مهر و جهاز بس الجهاز يقال له مجازاً مهر



المهر يكون عشر ريالات عمانية (100 ريال سعودي أو 100 درهم) و الجهاز يختلف إذا العريس من نفس العائلة 3 آلاف ريال عماني (في عوائل يعطون ألفين) و إذا غريب يكون 4 آلاف ريال عماني (40000 ألف ريال سعودي) و مرات أكثر


و أهل الريف و البدو و المهرة تختلف مهورهم عن مهورنا أهل المدينة



و على فكرة ترا سبق و وحدة من الأخوات نزلت نفس الموضوع في ركن العروس و على جزئين و هذول روابطهم


http://www.3roos.com/forums/t130443.html


http://www.3roos.com/forums/t279600.html
ا
انا كان مهري 25 الاف ريال
ع
يعطيكم العافية على التفاعل
يلا وين الباقي
ع
والله انا ماني راضيه بمهري بس مغلوبه على امري وقتها لانه سلم العائله بس بعد ماإقترنت بابو العيال لو يخيروني بينه وبين كنوز الدنيا اخترته هو طيب وحنون الله يخليه لنا امين00000000مهري 40000ريال
ا
هلا انا كان مهري
80 الف..
والحمدلله كان عادي عندي لان الفلوس هب كل شي ^__^

اصلن عمري مافكرت في سالفة المهر :) احس كل واحد وعلى حسب امكانياته
والا شو رايكم؟؟؟


H

سؤااالي هو ... [ للمتزوجــــات ]


كم كان مهركـِ ؟ وهل كنتـِ راضيه عنه ؟ ..



والله انا مهري لما عطوني ياه 4000 دينار كويتي مهر الحكومة 2000 عطية و 2000 سلف
وكفاني كل احتياجاتي وشريت فيهم سيارة بعد :)


وشكرا لج على الموضوع
ع
يسلموووووووووو على المرور

اختي اماراتية صح كلامج المهر مب كل شي اهم شي الريال وامكانياته
أ
اتخطبت و مازلت أستى المهر
لكن كل جهازي من راتبي أما المهر أحب أعطيه لماما لمصاريف العرس لاني مش محتاجة له
و الحمد لله
د
والله انا يابنات الحلال
مهري 40 الف ريال مرميين بالدولاب حايره وش اسوي فيهم
لأن ابوي جهزني من والى ويمكن صرفت للحين من عطايا ابوي تقريبا 60 الف ريال
لأن جهازي اغلبه ذهب ومابقى شي الا شوية خرابيط بعد هو ناوي يدفعهم لي
لان انا اخر بنوته في بيتنا وحالتنا ولله الحمد ممتازه.
طبعا حنا بالمهور مانتشرط ابداا الي يجي اوكي
بس اهم شي شروطنا تتنفذ
سكني جنب بيت اهلي ومستقل
لي الحريه بأكمال الدراسه والعمل بعدالزواج
اذا فكرالزوج الزواج بأخرى يطلقني فورا بلا شروط.
وبالنسبه للمؤخر حريه شخصيه على حسب البنت وانا ماحطيت مؤخر حفاظا على تنفيذالشرط
السابق .
تحياتي
أ
مهري 25 الف والمتعارف عليه بعد في العائله الكريمه
ع
دلوعة حناني الله يزيدكم انشالله اكثر
ام علاوي تسلمين على المرور
d
انا مهري متشرطش فيه ...لانه عندنا عيب....المهم كتبو في العقد بانه 10000درهم....لانه يجب تسميته وتحديده ....لكن مخدتوش....وكل ماحتجته خرجت مع راجلي واشتريته من الفه الى يائه....والباقي اشتراه لي والدي
ر
مهري 25000 ريال وهاي المتعارف في مجتمعنا والاب يجهز بنته والزوج بعد ما يقصر
ع
تسلمووون على الردود
ب
مهري كان 1500 دينار
ا
انا مهري 1500 دينار بحريني


الحمدلله غطى اغلب الاحتياجات

اهم شئ اني عايشة مع زوجي بحب وسعادة

لان الفلوس عمرها ماكانت ثمن للسعادة
ج
انا مهري كان 50000 والحمد لله ابوي ماقصر زاد عليهم الدبل لانه احنا بالعاده مهورنا مرتفعه شوي بس اذا كان الابو عنده قدره ماياخذ الا بحدود الخمسين الف وهو يكمل لها من عنده
ف
انا مهري 70 الف وشرطي كان بعد ماخلص الجامعه اني اشتغل والحمدالله انا مرتاحه وااايد مع زوجي ولو رجع بي الزمن شوي وراء كان ماطلبت ولا ريال بس اهم شي حفلة العرس لانه يوم ماينسي
X