دلوعة محمداني;7507612:
الله لا يبلي حد بأهل مثل اهل ريلي
و ما قول غير ياربي ازرع ف قلوبهم الخوف و الخشية منك لانهم ما بيقدرون على عذابك و سخطك
اللهم امين
لا غلطانة فيه وكل من جمرته منه وفيه اني اللي ما احد راحمني لا انا ولا زوجي واولادي مع ان الشهادة لله ان ماقصرنا معاهم وهم من نوع فريد جدا لدرجة ان زوجة حماي اللي هو اخو زوجي تقول اني مو مستوعبة هالعائلة الغريبة اللي حياتهم مشاكل مع قرايبهم ومن ناحيتي اعامل ام زوجي بالاحسان بينما هم يقابلوني بالسوء لكن حظ ونصيب اتحسف عليه الحمد لله على زوجي بس اهله حدث ولا حرج دعواتكم لي بالخلاص من هذه الشدة
د
دلوعة محمداني
عروس برونزية
22-10-2008 | 05:03 AM
ايسمار ...
يا بعد عمري و الله
الله يفك كربتج ان شاء الله
الحال من بعضه ياختي
لكن ما نقول غير حسبنا الله و نعم الوكيل عليه توكلنا و هو رب العرش العظيم
لا تضايقين ف عمرج عشانهم
اتركي المخلوق على الخالق
و الله سميع بصير
و الله على الظالم كبير ان شاء الله
&
ღஜ دلوعةٌ زوجهـا ٌஜღ
عروس مشرقة
22-10-2008 | 06:00 AM
انا احب ام زوجي الله يحفضها طيوبه مره
أعتبرها مثل أمي لو شنوووو يصير بعد بحبهااا لانهااا أم زوجي أكيد بتحملهااا بس ساعات أنقهر من داخل قلبي عليها لكن تمر ساعه و ارضى بسهوله حتى لو هي غلطانه بتظل ام خطيبي و لها الاحترام و التقدير مهما يكون
جزاك الله كل خير
موضوع ممتاز
هو الصراحة ام الزوج طيبة لكن مرات عليها حركات من غير بلكات خخخخ تخليك تنقهري لكن احسن شي تسكتي عنها و تخلي الاجر على الله لانها ام زوجك وش تسوي بعد :wink:
عيشي حياتك وخليك سعيدة ومفرفشة واذا كانت ما طيبة راح تنقهر :tongue:
نصيحة : عيشي بعيد عن اهل زوجك بس زوريهم وانتي الكسبانة
باي باي
ه
هايدي فتاة الألب
عروس برونزية
16-02-2009 | 11:26 AM
[quote=كنز وغلا;8842312]هو الصراحة ام الزوج طيبة لكن مرات عليها حركات من غير بلكات خخخخ تخليك تنقهري لكن احسن شي تسكتي عنها و تخلي الاجر على الله لانها ام زوجك وش تسوي بعد :wink:
عيشي حياتك وخليك سعيدة ومفرفشة واذا كانت ما طيبة راح تنقهر :tongue:
نصيحة : عيشي بعيد عن اهل زوجك بس زوريهم وانتي الكسبانة
كلامك جميل بس الي عايش معهم:(والله تحملنا لما فاض الكيل الحمد لله على كل حال
أنا باعمل حماتي كويس باهديها في المناسباة ازورها مرة في الأسبوع هي كمان طيبة بس عندها بنات إخوات زوجي يارب يبعد بلاهم عني وعنكم كانو يحبون تيدخلون في كل شئ في لبسي حتى إذاسافرزوجي كان لازم يجيب لنا هداية زي بعض وباليل يسهروه معاهم عشان ميقعدش معاي وإذا ضحك معاي قدامهم كانو بيغاروكثير دائما كان عندي مشاكل معاهم لما كنت معاهم في بيت واحد حتى لما عزلت من عندهم لحد ماتزوجت واحدة فيهم كل الي عملت في اتعمل فيها وزيادة لأن الحكمة تقول كما تدين تدان والثانية كانت عوزاه يطلقني لما اخدنا بيت وسكنت لوحدي إطلقت مرتين ربنا كبير والصبر مفتاح الفرج انا عايشة مع زوجي مرتاحة الحمد لله بحيبني و أنابموت فيه لأن شاف كم صبرت عشانو
السلام عليكم.....
أنا لا أحب أم خطيبي و لا أكرهها:21_179:
لا أستطيع أبدا أن أضعها في مقام أمي, لكل أحد مقام , و لكن أمي عندي لا تقارن
ربما لأنني لم احتك بهم بعد إلا في المناسبات الرسمية......... إلا أنني أحترمها و أعضم شأنها و لا أسمح للمشاكل الصغيرة أن تؤتر على علاقتنا
أنا عن نفسي أحب ام زوجي طيبة وحبوبة وأموت فيها وبتعاملني نف معاملتها لبنتها واحسن الحمد لله
السلام عليكم ورحمة الله وبركاته
اشكرك اختي على الموضوع ودي اشارك معكم في الموضوع انا ام زوجي ساكنه معي من تزوجت يعني لي 17سنه ، عندها بدل الولد أربعه ولكن ماتجلس عندهم ولو راحت عند واحد فيهم تجلس اسبوع ويمكن اقل وترجع عندي ،ولا اقدر اطلع او ازور احد الا وهي معي حتى لما اروح عند اهلي تروح معي يعني اشوفها اكثر من امي واجلس معها اكثر من امي وزوجي يمنعني ازور امي في اي وقت ونحن في نفس المدينه بالله عليكم هذا ماهو ظلم ردوا عليه بالله وقولوا وش اسوي والله ما اقدر اطلع مشوار انا وزوجي لوحدنا اذا صرنا بنطلع تقول معكم ، اذا وضعت شي في المطبخ تغير مكانه بالله قولوا وش اسوي ، اولادها يزورونها عندنا في المناسبات ويكلمونها بالتليفون ويعتبرون بارين بها بالله وش اسوي
السلام عليكم
بنسبه لي انا تبت اعامل احد مثل امي الله يرحمها ابد ابد
بصراحه اعطيت ام زوجي حجم اكبر من حجمها واحترام اكثر مما تستحق عزيتها وحبيتها واغليتها وماقصرت معاها بشي ابد اجبلها الهدايه واذا طبخت اكله حلوه اعرفها تحبها ارسلها مع السائق اتصل عليها كل يوم بضحي اسولف معاها واتطمن عليها اروح معها كل مراجعاتها للمستشفي واجلس معها مهما طوال موعدنا للانتظار اذا جت عندنا زياره امسك فيها تجلس عندنا كم يوم ( اقول كبار السن وجودهم بلبيت بركه)
وحسافه والله حسافه اثرها تسلط زوجي علي هي وبنتها الكبيره وعلي طول ينتقدوني برغم اني نظيفه ومرتبه في نفسي وبيتي وطباخه(y) اسلوبي بلكلام حلو وبتعامل احلا واحلا واراعي الله فيها
تسلطت علي هي وبنتها الكبيره وخربو بيتي يحرضون زوجي علي وهو يسمع لهم بصغيره والكبيره الين تطلقت ايه تطلقت
ما راعو العشره والحب برغم اني ربيت وراعيت وحبيت عيال زوجي الي من زواجه السابق 5 ابناء عايشين معاي بلبيت وانا شايلتهم بعيوني شيل مثل عيالي برغم اني ماجبت عيال مالحقت اجيب عيال زواجي كله دام 7 اشهر وتطلقت
ماخافو الله فيني وانا يتيمه لا امي ولا ابوي قهروني وحرقو قلبي يقولون لزوجي لاتخليها تحمل وتجيب عيال يكفيك الي عندك
والله اني ادعي عليهم بكل صلاة فرض وسنه ونوافل ربي ياخذ حقي منهم
ومن فتره بسيطه سمعت ان ام زوجي انشلت صار فيها شلل برجولها ماعاد تقدر تقوم ولا تتحرك بس ممدده بسريرها وما تقدر تسوي ولا عمليه عندها كذا جلطه بدماغ وهي كبيرت سن ب 80 برغم انها كانت بصحه جيده جدآ بس ربي انتصر لي بحق ظلمي الي ظلمتني اياه
لا تقولون شماته مو طبعي بس وربي من قهري كنت ارفع ايدي لربي وادعي من قلب محروق قسم بلله
عشان كذا ماراح اعامل احد مثل امي الله يرحمها ويرحم ابوي وجميع موتا المسلمين
ولكم تحياتي
عروس جنان;7488961:
انزين اذا انتي عاملتي أم زوجك بالزين والطيب
وهي تعاملك بالغيبة والنميمة والكراهية
كيف بيكون موقفكم؟؟؟؟
فعلا ردوااا علي النقطه هذة