في حل انه يتغير!!

أأيد عيون الفهد في كلامها

يابنت الناس انتي الي معقده نفسك

ياماما اتزوجتي يعني لازم تعرفي طبع زوجك كيف

انتي طلعتي من بيئه لبيئه تانيه

وزوجك لو قالك ماتطلعي من غرفتك خلاص لاتطلعي

طيب ايش رأيك اعرف وحده 3 سنين ماخرجت من البيت

زوجها مايبغاها تخرج

وبالنسبه لأم زوجك

مو انتي تخافي على ولدك من المرض

طيب حتى هيا

وصح كلامها كدا يبرد ويتعب صح ولا لأ؟

ولا بس بالمكسرات والغنم يمرض

صدقيني كبري عقلك عشان لاتخسري

الله يهديكي ويعينك

حبيبتي مثل ما قالو اغلب الاخوات..

غاليتي اعتقد تدرين ان ريليج يغير عليج .. اكثر من اي شي ثاني .. طيب ابي اسأل .. هل اريلج عندها خدامه ..

لو عندها اختي لمه تطلعون .. توددي لام ريلج وقولي لها انج ودج تطلعين مع ولدج وريلج .. بس تبين احد يشيل معاج الياهل ..

بالنسبه للرضاعه غاليتي اخذي وشاح خفيف وغطيه انا زوجي للحين ما يرضى ارضع بنتي جدام الناس .. والصراحه مهما كان اعتقادج الحسد وارد اختي لو مب قصد ..

عزيزتي .. يمكن في اشياء ما كنتي تدرين عنها قبل الزواج وهي الطاعه العمياء للزوج مهما كانت افكاره .. الا في معصيه .
يعني لو يغير من اخوانج معلش تحملي .... ولا تتضايقين ... بس اختي لكل مشكله حله .. بالعكس كل واحد يحب يفضفض وقت الشده .

واي وقت تحسين ان الموضوع اخذ حقه انا بغلقه . او بحذفه . ..

اختي وهج .. الحياه مب سهله وتحتاج وقت وتعود .. بعدين بتشوفين ان شوي شوي انتي بتغيرين .. تقدرين تقنعين زوجك بالوقت الحالي ان هو عنده مشروع وشغل وحياه ووجود طفل اخر .. يصعب المسأله ويزيد المصاريف.. اقنعيه بإي طريقه .

اهم شي ان يحبج .. لمه يحبج كلشي يهون .. احترمي والدته مهما يكون ما بيترك والدته .. تزعل منه لان رضى الوالدين شي مهم .. حاولي حتى المشكله تقولينها بطريقه ان يعدل بحقج وما ينحاز لاي طرف.

الله يهون عليج اختي

ام جنى

هــلا أم سليمان ... الله يفرجهـا عليج ياااارب
وكلنا في الهــوا ســوا أختــي بس علينا الصبر

مشكورين على ردودكم اللى تثللج الصدر بس يعني اللى فهمته من كلامكم انه ريلي ماشي امل يتغير يعني بيتم جي ؟؟ ماتعرفون احد شراتي يعني انا ممنوعه حتى اكلم اي ريال حتى لو اتصل لراعي البقاله بينما امه تتصل كل يوم وانا ممنوعه انى افسخ النقاب حتى لو سارفت اي مكمكان حتى لو خنقني النقاب مصثل ايام ماكنت حامل كنت اتعب واادوخ منه وهو عادي عنده بس عقبها حبسني بالبيت بسبب هالشي