متى يتحدث الطفل بطلاقة؟

حب وحزن 17-10-2008 16 رد 8,678 مشاهدة
ح
السلام...

ابني عمره سنتان وشهر والحمد لله الاحظ ان نطقه سليم واحيانا يشد على بعض الحروف ولكن بعض الناس يعلقون بأنه المفروض يكون طلق في الكلام اكثر انا اشعر بأنه ذكي ويعرف الكثير من الكلمات ويكون بعض الجمل ...

حبيت اسأل متى العمر الطبيعي الا المفروض الطفل يتكلم فيه؟
واريد سماع تجاربكم مع اطفالكم؟؟
ح
أفااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

ولارد ............ معقولة مافي ولاأم

ياأمهات وينكم
ن
حبيبتي انا ماعندي خبره في هالموضوع ..


بس اتوقع انه عااااااادي ...


بس اذا تحسيه انه مررره ملفت الى الانتباه انه مايتكلم زين وديه الى اخصائي...
س
السلام عليكم أجل أنا ايش أقول ولدي باقي له شهر ويصير عمره ثلاث سنوات وباقي مايفصح في الكلام مع العلم انه يسمع زين ويفهم ويتكلم كثير لكن مانعرف ايش يقول
B
تصدقي أنا نست بودي كان بيتكلم كويس امتي بس أظن انه طفلك كده تمام و سيبيك من كلام الناس


أختي سكر ذايب اعرضي طفلك علي دكتور تخاطب ضروري
ح
انا اشعر ان كلامه مناسب لسنه بس احيانا التعليقات تشككش في ولدش...

الا تقول ولدي من سنة وكم شهر تكلم والا تقول ماسنفهم ويش اقول والا والا

رغم ان احسه جيد وجدا بعد بس حبيت اخذ خبراتكم وطفلي ابدا مايحتاج اخصائي الناس هم الا يحتاجون اخصائيين لعقولهم عشان ابطلو تعليقات على النااااااااااااااااااس
&
حبيبتي وايد زين سن ولدج وطريقه كلامه

بعدين ما عليج من كلام الناس تراج بتعبين

وحطي في بالج ان الأطفال قدرات وكل واحد يختلف عن الثاني

انا بنتي كبر ولد اختي

الحين تتكلم وهو للهين ما يعرف يقول ولا كلمه لكن ما شاء الله عليه ذكي ويفهم واذا نقوله ييب ها الشي يجيبه

اهم شي يسمع ويفهم والكلام لاااا حقين عليه

الله يخلي لج اياه وتشوفينه معرس
أ
عزوز كمل ثلاث سنوات ولسانه مو فصيح
الكل يضحك ع كلماته مثل (مشعد) يعني مسجد
ا
ماعليك من كلام الناس

بنتيعمرها سنتين بس للحين ماتتكلم عدل بس احس اني افهم الها
أ
هلا اختي انا ولدي عمره سنتين و9 شهور كلامه واضح ماعدا بعض الكلمات بعض الاحيان ماافهم عليه بس كويس ان ولدش ينطق الحمد لله ماعليش من بعض الحروف خيرته ينطقها وبكير تعرضيه على اخصائي لان قريبتي عمرها 6 سنوات وللحين ماتنطق عدل وبدأت امها تتابع وياها من 5 سنوات تقريبا عند اخصائي لانها ودتها قبل بس قال ليها بعدها صغيره اعطيها مجال وانتي سوي مثلي حاولي بين فترة وثانيه انش تخليه ينطق كلمات فيها الحروف الي مايقدر ينطقها وان شاء الله خير ..
أ
ويش عليش من كلام الناس

أتضايق من كلام الناس لما يعلقوا على طفل

مع ان بعضهم نفس الحاله بس لما يكبروا ولادهم يعلقوا على أولاد الناس اللي أصغر سنا

عادي كلام ولدش وطبيعي

بنتي بعد عمرها سنتين في المفهوم من كلامها وفي الملخبط

وهم في هالسن يحاولوا يتكلموا عشان يثبتوا نفسهم مو هدفهم كلام عدل

الله يحفظهم جميعا
a
حبيبتي يختلف من طفل للثاني..مدام انه يتكلم ويكون جمل خلاص ما عليج من كلام الناس...
بجد انقهر من الناس اللي تعلق على مظاهر نمو عيال الناس...شو يخصكم...خلكم في عيالكم...يعني ما يعجبهم العجب!!!!
b
حبيبتي طبيعي انا الدكتورة قالتلي اذا تكون جمله من 3 او 4 كلمات معناته وايد زين ..

طبعا هذا ما ينطبق على كل اليهال وخاصتا الاولاد (طبعا مب كل الاولاد) نطقهم يكون متاخر عن البنات

انا بنتي الحين تقول من 3 الي 4 كلمات بس فس حروف ما تنطقها عدل يعني مثلا..::

تقول ابود ـــــــــــــــــــــــــــ يعني ــــــــــــــــــــــــــــ حمود

انيني ـــــــــــــــــــــــــــــــ يعني ـــــــــــــــــــــــــــــــ عطيني

شيحي ــــــــــــــــــــــــــ يعني ــــــــــــــــــــــــــــــــ صيحي
*
امس سمعت في برنامج The Doctors ان الاطفال يبدأ بكلمات لما يكون عمرهم سنة ... وعلى سنتين يكونو جمل قصيرة من كلمتين او 3 .. وعلى 3 سنوات يكونو جمل طويلة وعلى 4 الى5 سنوات يمكن اجراء حوار او حديث معه..

انا نفسي كنت قلقة على ابني اللي ما يقدر يكون الان الا جملة قصير مثل ( بابا ان) يعني بابا راح بالسيارة .. او ( بابا اواو ) يعني بابا نايم وهكذا .. ولما سمعت هذا الكلام خلاص اطمئن قلبي ..
أ
كلام ولدج مناسب لسنه واذا بتسمعين تعليقات الناس بتتعقدين وبتعقدين ولدج معاج واهم شي انه يسمع زين ويفهم زين
ك
حبوبة لا تسمعي كلام الناس .... ابنك طبيعي 100% ولسه قدامه مشوار طويل حتى يتكلم بطلاقة ... لا تستعجلين عليه ....
ر
تقريبا ً ابنك في عمر ابني ..

ولدي قريب يكمل السنتين ..ويعرف ينطق كثييير كلمات ..لكن مو فصيحة طبعا ً ..لكن مفهومة ..وأنا فرحانة لأنه يتعلم بسرعة ..ويردد وراي الكلمة ..

لكن لسى ما تعود يكون جمل ..يعني اذا جاب جملة تكون بسييييطة جدا ً ..مثل (افتح دا) ..(أحطها ..؟)..(جا بابا) ..

واذا على الناس ما عليك منهم أنا كمان عقدوني على ولدي على الحبي والمشي مع أنه مشى قبل السنة ..لكن رضاهم غاية لاااا تدرك ..

ربي يحفظ أولادنا ..

رقة
الورد
X