تعالو جوفو التطور في موضوع طلاقي(تكلمه للجزء الاول)>>تشجيع للمطقات

ب

بــروج

عروس جديدة

17-10-2008 | 05:33 PM

مشكووراات حبيبااتي على المرور
طبعا قصتي في هالوصله طرحتها من قبل>>اقصد مشكلتي

http://www.3roos.com/forums/t381668.html

وكان يوم الاثنين المااضي اول جلسه احضرها للمحكمه
هو كان على باله انه انا موافقه على الطلاق
كنت في البداايه متمسكه فيه لانه صارت تطورات عقب المشكله
كان يرسل لس مسجاات وكان يقول مااقدر استغنى عنك وهالكلام
وطبعا الاخت الغبيه الا هي انا صدقت انه تااب وفتح صفحه جديده
المهم هو قال انامجبوور اطلق وانتي بعد وكلي امرك لله ولا تعترضي على الطلاق في المحكمه وانشالله مابطلقوون من اول جلسه ولازم هم بيعطوونه فرصه
وطبعا في هالشهوور بحااول اكلم اهلي انه برجعج لانه انا متمسك فيج
المهم رحت المحكمه ودخلت على القاضي وهو معااي
وقال للقاضي انه يبغي الطلاق
انا كلمت القااضي قلت له يصير يطلق وهو مجبوور
يقول اشلوون يعني
قلت له انه ابووه واقف له ويقول له ان رجعتها بطردك من البيت وبتبرى منك
ووهو خايف على ابووه لانه كلما يكلمه في الموضووع يتعب الواالد وياخدوونه للمستشفى>>هاده اللي فهمته منه
الا الشيخ يساله هو هل الكلام صحيح
قال لا ابويي كلمني امس وقال براحتك بترجعها ولله لا
بس انا فكرت قلت لا ابغي اطلق منعنا للمشاكل>>صدق صدق صدق مناافق
يقول لي كلام ويقول للشيخ كلام ثاني
انصدمت بصراحه..سالني الشيخ موافقه انتي
قلت له لا مو موافقه على الطلاق>>في دااخلي اي موافقه وابغي افتك منه
بس ولله مثل مامرمرني وذلني بذله
واتخيلوو يابناات
انه ابويي خلاني في المحكمه برووحي وراح عني وقال له زووجي رجعها البيت>>في ذمتكم واحد بيطلق زوجته وفي محكمه وبيرجعها البييت
صدق ذلللللل..وانا في السياره معااه حق يرجعني بيت اهلي..امه اتصلت وقلت له خله التلفون سبيكر>>يعني اسمع شنوو اتقولحق اعرف من الجدااب منهم والصاادق.. الا امه تساله
ها يالدي شنوو سوييت.. قال اجلوو الجلسه لعقب شهر.. لانها مو موافقه.. اتقول شنو اسم الشيخ.. حق عمي بخليه يكلمه ويخلص الموضوع بسرعه>>حتى في الطلاق عندهم واسطه لاحول الله..اتقول المهم احنه جدي جدي اندور لك وحده حق بعدين غصبنا عنها لين درت بتقول ابغي الطلاق>>ولله ماتوقعت من امه هالشي
لانه تتصل ليي واتقول انا ابغيكم ترجعوون لبعض.. وقاعده اقرى قران وادعيه حق الله يسخركم لبعض.. ومن صوب ثاني اسمع هالكلام>>وزاد الحقد فيني عليهم...وانا اغرااضي كلهم جابووهم لي لبيت اهلى ماعدا كامرتي الفيديو عندهم.. قلت له مابنزل من السياره الا اذا رحت بيتكم وجبت كامرتي وبدين ودني بيت اهلي
ومر بيتهم باخد كامرتي.. قلت لازم انزل وااوااجهه امه بكلام اللي اتقول والمرحيه اللسخيفه اللي مسوينها فيني
نزلت وكانت مصدوومه مو متوقعه اني معااه..قلت لها.. ها عجل ادورين له وحده.. اتخسبقت هي اهني..اتقوول ها.. اتقول لالا كنت ابغي اجيس نبضه .. قلت يمكن هو مخلي احد في باله..
قلت ليها جان ماتدرين انه ولدش كان يبغي يرجعني للبيت وانتون محد..وهو يبيغيني بس انتون قلتون له ان رجعتها بنطرد من البيت
اتقول احنه قلنا.. قلت لها انزين هو قدامج.. هو سااكت.. اتقول اانا اللي اقول لج اكاهوو قدامج ساليه احنه قلنه.. وللعملج لحد امس كان يكلم بنت مادري من وانا اقول له ياولدي مالك خاطر اترجع البنت.. وهو يقول لا.. الا هو يقول انا اقول قدامج اللحين انا ابغي اطلق لانه مابتغير بظل نفس مانا.. وبطلق لانه ماابغي اظلمج معااي وابغي لج السعااده..>>يعني مناافق درجه اوولى
قلت له .. تدري انه مابروح ولا جلسه بعد اليووم
وهي مشكلت مو مشكلتي.. انته مثل مارحت رفعت القضيه.. انته خلصها بنفسك.. وبس رجعت لبيت اهلي.. وقررت انه خلااص ماابغيييه.. حتى لو فرضاا قال بيرجعني.. مستحيل ارجع للسجن اللي انا فيه
.. من هالاسبووع بجووف حيااتي وبروح اقدم على مسرووع العاطلين.. ويمشوون ليي مبلغ لين اتدرب سياقه.. واقضي حاجاتي برووحي.. لانه محد بينفعني..
والدنيا مانتهت.. بالعكس الدنيا ردت انفتحت لي.. والحمدلله...
ابغي لكل وحده اتخلي لها هددف.. ولا تيااس.. لانه محد يستاهل ولله
واتمنى من الكل انه ماياس.. ويرسم له هدف في هالحيااه
الحمدلله ماابغي ارجع لحياتي الساابقه
وبمرمره نفس مامرمرني.. خله هو اللي ينهي القضيه برووحه.. ومابحضر ولا جلسه مو مشكلتي
ولنا عووده انشااءالله

ح

حب القلوب

عروس برونزية

17-10-2008 | 05:52 PM

والله يا حياتي هذا انسان تافه و ما يستاهل تكونين زوجته
انسي اللي راح و اعتبريه ماضي
و احلى شي بالموضوع انه نفسيتج رياضية و روحج حلوة تجاه الموضوع
لا تزعلين و لا تتضايقين

ع

عيون الفهد*

عروس ذهبية

17-10-2008 | 05:53 PM

الله يعينك ويوفقك ويستر عليكي

ويجبر خاطرك ويعوضك بأحسن منو

بصراحه شي مقزز الي كنتي عايشه في
مو بيت ناس هذا بيت منافقييييييييييييييييييييين

عيون الفهد

ل

لولية

عروس مشرقة

17-10-2008 | 06:05 PM

حبيبتي ترى ما يستاهل ولا دمعة من عيونك الحمدلله اللي عرفتي حقيقتهم كلهم والحين دوري مستقبلك والله يعوضك خير منه ويكون يستاهلك وتستاهليه ويسعدك دنيا وآخرة

v

vanvoon77

عروس مبدعة

17-10-2008 | 06:09 PM

برافو عليكي كده تعجبيني :up:

l

leeno

عروس مشاركة

17-10-2008 | 08:05 PM

الله يوفقك يارب وارتحت جدا لما حسيتك قويه ومتفائله

a

abrar300

عروس نشيطة

17-10-2008 | 08:35 PM

الله يعوضك باحسن منه

O

Om Arawy

عروس متألقة

17-10-2008 | 09:06 PM

ماشا الله عليك قويييييييييييية
بردتي قلبي فيهم
كنت قريت موضوعك ورديت كان محترق قلبي وحتى انا ابغا اعرف من فيهم الكاذب
طلعوا اعووووووووذ بالله كلهم منافقين وكذابين
الله ينصرك ويوفقك ويعوضك خير
واحسن بعد بهذليه لاتروحين الجلسات خله اهو اللي فتح له هالباب ..
يسكره بالواسطة حقت امه
اعوووذ بالله من كذا ناس
وروحي انبسطي وعيشي حياتك على كييييفك
الله يهنيك
اهم شي كشفتيهم على حقيقتهم وتخلصتي منهم قبل يكون عندك ولد منه

ق

قصة حب!

عروس مشرقة

17-10-2008 | 09:14 PM

الله يكون في عونج...

ا

اللؤلؤه السوداء

عروس ماسية

17-10-2008 | 09:17 PM

وييييييييييلي يا برووج
والله يا بنت بلاادي عجبببتيني
شخصيتش رووعه وقوويه
اييه جدي
طلعتين حرتش
والي ما يبغيش ما تبغينه تضيعين عمرج على وااحد ما يسووى ضفرش

ربي يهنيش ويسعدش ويفتح ليش ابوااب السعااده ياااااااااااااااااااااااااااارب

واييه زيين تسجلين في المشرووع وتقدرين تاخدين دوراات بعد
اكو منزلين دوره دبلووم لمده سنتين في فني محااسبه
سالي خيوو عن الدورااات الي اكثر ممن سنه لان احسن هههه
مو كاني قلبت الساالفه
بس والله فرحت لج من قلبي وعجبني تصرفش

ب

بحرينية أصل

عروس ماسية

17-10-2008 | 11:01 PM

الله يوفقج في حياتج ان شاء الله وزين سويتين اللي يبيعج بيعيه ولا تندمين عليه لان مايستاهل

*

**بنت التميمي**

عروس برونزية

17-10-2008 | 11:08 PM

الله يكتب لك اللي فية الخير والله ياختي اللي زي هذا......المفروض انتي تخلعية .. ماتستنية يطلق مايستاهل... ولا يطلق علية رجل ...... والله يعينة .... الدنيا دوارة...... والله يمهل ولايهمل

تحسبي علية وربي راح ينصرك

ا

الــــهاشميه

عروس رائعة

17-10-2008 | 11:52 PM

[FRAME="11 70"]
الله كريم والحمدلله على كل حال :)
[/FRAME]

s

sarah_uk

عروس ماسية

18-10-2008 | 12:40 AM

ماشاءالله عليكي والله عجبتيني
لانه منافق ومايستاهلك بالمررررره
ان شاءالله ربنا يوفقك بلي احسن منه ويوفقك بحياتك ويسعدك

(

(رنين)

عروس فضية

18-10-2008 | 12:40 AM

لاحول ولاقوة الا بالله

د

دلوعةحناني

مشرفة سابقة

18-10-2008 | 03:04 AM

حبيبتي سالفتك تعور القلب الصراحه
بس الجميل فيها قوتك وتماسكك
وان قرارك بعدم الرجعه له صدر بعد ما تأكدتي انه واهله عباره عن مستنقع من الوحل
يشوبه النفاق والقرف وقلة الدين والمخافه من الله..
الحمدلله انك نجيتي بجلدك وطلعتي من هالمستنقع بدون اولاد
يربطونك بهالشاكله العفنه طوال العمر..
الله يستر عليك ويوفقك ويعوضك خيررررر
تحياتي

F

FLONAA

عروس نشيطة

18-10-2008 | 03:47 AM

استغفر الله منافقين درجه اولى الله لا يبلانا معقوله في ناس كذا
اختي احمدي ربك انه فكك من ناس بهالاشكال اختي الي قاعد يصيرلك هذا خيره من ربي
توكلي على الله ودوري وظيفه والوحده مو لازم تربط نفسها بالرجال لازم تشوف نفسها مستقبلها
وانشاء الله ربي يرزقك واحد احسن منه لازم حبيبتي تكثري من الاستغفار بنيه ان ربي يرزقك بوظيفه وتتعدل امورك ودايم احمدي ربك
الله يوقفك وييسر امرك ويختارلك الخيره يارب

ز

زوجة حبيبها

عروس مشرقة

18-10-2008 | 07:13 AM

leeno;7462164:
الله يوفقك يارب وارتحت جدا لما حسيتك قويه ومتفائله

a

am kalid

عروس مشاركة

18-10-2008 | 12:39 PM

حبيبتي اتمنه لش كل خير انشاء الله بس ليش اتخلين نفسش امعلقه فيه اطلفي وارتاحي منه يعني روحي الجلسات وانتي رافعه راسش وخلصي الموضوع ابسرعه وانتين من حقش اتشوفين حياتش وزرين انه بطلق لان في ناس حقودين اعلقون الوحده فخلش ذكيه وتطلقي وارتاحي منه والله وياش ووفقش يا رب وعسانه نسمع عنش كل خير يا رب

م

ملكة الصمت

عروس مبدعة

19-10-2008 | 01:11 AM

وي فديت النسوان الاقوياء .. روحي ربي ينصرك ويفرج همك