السلام عليكم اشلونكم بنات كل شي تمام
الحين عندنا بالكويت هابين بطريقه جديده في تحديد جنس الجنين قبل الحمل طبعا كل شي بيد الله سبحانه وتعالى اولا وبعدين بعد الاتكال عليه سبحانه والاستغفار الاخذ بالاسباب ومو عيب الواحد يجرب لا تقولون لي لا وليش وحرام انا قلت ان اول شي الاتكال على الله في بنات تدش وطلعنا كانه كفار ونسوي شي حرام ربي قال لكل شخص يسعى بالخير ويبذل الاسباب والطريقه هذي اغلب العيادات بالكويت الحين تسويها واهي عباره عن الآتي بحط لكم صوره البوكس اول شي وموجوده الصوره بالمرفقات والحين نجي للمحتويات
1- نظام غذائي للزوج والزوجه لازم الاثنين يلتزمون ما ينفع الزوجه بدون الزوج اذا الزوج ما التزم تصير نسبه النجاح
75% بدال 96%
2- حبوب تاخذهم الزوجه من اول يوم الدوره لمده 15يوم لحين موعد الاباضه
3-قياس حراره للجسم لمعرفه ايام الاباضه
4-غسول دش مهبلي قبل الجماع
طبعا اللي يتابع مع دكتوره ما يحتاج قياس الحراره لانها اهي بتابع التبويض بالسونار والاهم انه ماكو جماع الا باليوم اللي تحدده الدكتوره يوم التبويض بعد اخذ الابره التفجيريه
انا ماشيه على النظام مع الدكتوره مع الدعاء والاستغفار وانشاء الله ربي يكتبلي اللي فيه الخير
هذا البوكس الازرق للي يبي ولد وفيه بوكس وردي للي يبي بنت ونفس المحتويات بس الاختلاف بالنوعيه يعني فيه نظام غذائي وحبوب وغسول بس خاص للي يبي بنت وصورته موجوده بالمرفقات.