اليوم سويت ليكم برياني ربيان وان شاء الله يعجبكم
المقادير لشخصين بس
ربيان مقشر ومنظف
جيلة عيش يعني 3 اكواب رز مغسول ومنقوع
بصل مفرووم
بصل شرائح
اي بهارات تحبينها وفيه بهارات مخصصة للبرياني
ملعقة صلصة طماطم
زبدة
فص ماجي
زعفران منقوع بماي ورد
اول شي قشرت الربيان وغسلته وبهرته وقليته بروحه
وعقب حمصت البصل
وبعد ما حمصته شوي ضفت عليه صلصة الطماطم لا تكثررون
وعقب ضفت الربيان والبهارات والبقدونس
وطبعا كنت مخلية العيش يطبخ وحاطة فيه سوالف مثل الهيل والفلفل الاسود الدوائر والدارسين وطبعا فص مااجي ما استغني عنه ابداااا
وبعد ما جهز العيش وجهزت حمصتنا الحين نحط طبقة عيش تحت القدر وفوقها طبقة حمصة الربيان ونحط عليها قطع الزبدة وشرائح البصل مثل هالصورة
ونرد نحط طبقة عيش وفوقها حمصة واخر شي طبقة العيش وبعدين نكت عليه زعفران منقوع بماي ورد
وآخر شي نخليه يتنشف شوي على نار هاادئة
وهاذي صينية غداااانا
وتقبلوا تحياتي
cute mother:wink:
