ساعدوني متى يبين كل شي ... انا تعبانه ؟؟

حبيبتي هذي فتره تبويض..اذا دورتج نزلت تاريخ 1 يعني من تاريخ 10 لين 20 هذي فتره تبويض...وحتى لو حملتي هاليومين مستحيل يبين لان بيكون عمره كم يوم...اصبري لين موعد الدوره الياي وحللي وان شالله خير...ولا تفكرين في الحمل وايد ترا التفكير يأخر الحمل...
هالاعراض تستوي يمكن من التفكير او يمكن اعراض التبويض...او حتى تعب عام من مشاغل الحياه..ان شالله الله ينولج اللي في بالج قريب

أشكره اعراض تبويض
والدليل الافرازات البيضاء الشفافة

والله العالم

مرحبا

امس ظهري وايد كان يعورني واحس بحرقه رحت العياده قالتلي سوي تحليل دم يمكن فيج التهاب سويت التحليل طلع كل شي الحمدلله تمام قالتلي انتي تاخذين حبوب منع الحمل قلتلها لا زوجي يستخدم مانع خارجي.. بس صارت اخطاء قالتلي انتي تفكرين بالحمل قلتلها هي بس عقب كمن شهر .. قلتلها دكتورة في شي انا حامل قالتلي ما مبين ..

الم الظهر يزيد علي مثل الم الطلق في ولادة حمود كان حشرات تمشي في ظهري .. والافرازات صارت بيضه مثل الزبد ..

ان شاء الله تكونين حامل يااارب

بجعة انتي سالتي شنو استغلي الفرصة ؟؟ حسيتج مو فاهمة انا اقولج شكان قصدها .. قصدها الله يسلمج اذا حابة تحملين هالفترة (فترة التبويض) الوقت مناسب عشان يصير حمل احين انتي قولي لي شلون يصير حمل اذا ما استغليتي الفرصة؟؟ قصدي شلون الوحدة تحمل؟؟ ان شاء الله فاهمتني هههههه وعلى فكرة مابي جواب ها هههه .. الله يكتب لج الحمل ان شاء الله وتبشرينا جريب

ريا وليد;7452688:
السلام عليكم حبيبتي
ان شاء الله بتكونين حامل بس انا حسب تصوري انو هذي هي فترة التبويض عندك واعراض التبويض تشبه اعراض الحمل
وبالتوفيق ان شاء الله

انا مع الاخت ريا في كلامها

والحين ما يبين الحمل وحتى لو فيه حمل ما تبين اعراضه الا بعد 5 او 6 اسابيع من اول يوم للدوره

اتريي لين موعد الدوره الياي وسوي تحليل الدم علشان تتطمنين

الله يرزقش ان شاء الله

احس بانتفاخ فالبطن والم في اطراف عند عظمة الحوض

وكل ساعه او ساعه الا ربع اسير الحمام (تكرمون ) وفيه شبه امساك يعني يوم ونص تقريبا



نفس اعراضي وقلت حامل بس طلع التهاب وعطتني الدكتوره تحاميل استخدمها 3 ايام بس

بس سويت تحليل (تكرمون) البول وقالتي مافيج التهاب وقالتلي الم الالتهاب يكون فالوسط لازم نسويلج التراساونت واذا ما بين نتريا الين بعد الدورة ونسويلج فحص لعنق الرحم ............. .:o

ريا وليد;7452688:
السلام عليكم حبيبتي
ان شاء الله بتكونين حامل بس انا حسب تصوري انو هذي هي فترة التبويض عندك واعراض التبويض تشبه اعراض الحمل
وبالتوفيق ان شاء الله

(y)

حبيبتــي
يمكن هذي علامات تبويض ,, استغلي الفرصه الحين ......
وان شــــاء الله نهاية هالشهر تبشرينـــا بحملج