كيف فطمتي طفلك
U
16-10-2008 | 01:35 AM
يا أمهات عروس أنا أرضع بنتي طبيعي وصناعي لكن أعتمادها على الطبيعي أكثر يعني الصناعي أحينا تشرب مرضة وحدة من أربعة أرقام حتى وأحينا بس رقمين وأحيانا ستة يعني ما لها كمية معينة على حسب رغبتها لكنها تميل للرضاعة الطبيعية أكثر وأنا خايفة وقت الفطام يصعب علي الأمر ويصعب عليها طبعا قلبي مو مطاوعني أني أفطمها من ألحين قلت بحاول أفطمها لما تعدي السنة والنص بس أبغي أفطمها ألحين من رضعات الليل علشان يكون يكون الأمر سهل علي لما أفطمها فكرت أعودها على الصناعي في الليل بس المشكلة إن بنتي وقت النوم ما ترضع صناعي فويش رايكم يا أمهات أفطمها من رضعة الليل من ألحين والله بدري عليها وإذا كان رايكم بنعم فشلون فطمتون عيالكم من رضعة الليل وشلون تغلبتون على الموضوع
!
16-10-2008 | 01:45 AM
هلا اختي ..
انا اتفق معك و اقولك اصبري معها و افطميها بعد السنة و النص ، و هذا الرد لي كنت كاتبته لعضوة ثانية !
لو قررتي تفطمين البنوتة ، اول شي تخلينه ببالك هو الصبر و الارادة .
لان فترة الفطام الطفل يتوتر و يكثر صياحه و الام بالمقابل تتعاطف و ينكسر قلبها عليه و تعطيه و جذي ما راح ينفطم الطفل خلاص !
انا فطمت ولدي لما كان عمره سنة و خمس شهور .. لان صا معاي تشقق حاد و ما قدرت اواصل معاه و هذا بالاضافة الى تعلقه بشكل فضيع بالرضاعه .. و اكله قليل جدا بهالسبب .. و انا طفشت بالنهاية و الحمدلله جت من الله ، و اضطريت افطمه عشان اني اتألم !
أفضل طريقة هي التدرج ..
يعني اول 3 ايام ارضعيها بس لوقت النوم .. نومة الليل و الظهر .. ! و تحذري انك تضعفين او تملين و تعطينها بوقت ثاني لانه جذي بتطول معاك الى اسابيع و يمكن شهر !
بعدها ارضعيها لنومة الليل و بس ، و لو صحت بنص الليل اعطيها ماء .. طبعا خلي يمك كاس ماء حتى يكون جاهز .. ! لو رفضت الماء و هذا شي اكيد ، لا ترضعيها ، بس خليها على رجولك و هزيها !
اللي بعدها خلاص اتركي الرضعه الليلية ! و بتضطر يشرب الماء و لو ما شربت راح تصحى من جديد و تشربها !
بيمر عليك اسبوع مليء بالتعب النفسي و الجسدي .. بتصرخ بأعلى صوتها وقت النوم و بتسهرك بعد ، بس بتكون اهدأ شوي ثاني ليلة .. ! و ان شاء الله يمر الاسبوع و تكون مفطومة بنجاح !
انا توقعت ان فطام ولدي يكون صعب و متعب ، و الكل تعجب ! لان يشوفون ولدي على طول سادح نفسه بحضني و يشرب ! بس الحمدلله ما تعبني بفطامه .. بعدها راح تحسي بانك انجزتي شيء رائع !
بتلقينها بعدها تاكل بشكل جيد ، بتكون اعصابها اهدأ من قبل ، راح تحسين باستقلاليتها عنك بشكل ملحوظ !
موفقة عزيزتي .. !
و اتمى الفائدى للجميع !
انا اتفق معك و اقولك اصبري معها و افطميها بعد السنة و النص ، و هذا الرد لي كنت كاتبته لعضوة ثانية !
لو قررتي تفطمين البنوتة ، اول شي تخلينه ببالك هو الصبر و الارادة .
لان فترة الفطام الطفل يتوتر و يكثر صياحه و الام بالمقابل تتعاطف و ينكسر قلبها عليه و تعطيه و جذي ما راح ينفطم الطفل خلاص !
انا فطمت ولدي لما كان عمره سنة و خمس شهور .. لان صا معاي تشقق حاد و ما قدرت اواصل معاه و هذا بالاضافة الى تعلقه بشكل فضيع بالرضاعه .. و اكله قليل جدا بهالسبب .. و انا طفشت بالنهاية و الحمدلله جت من الله ، و اضطريت افطمه عشان اني اتألم !
أفضل طريقة هي التدرج ..
يعني اول 3 ايام ارضعيها بس لوقت النوم .. نومة الليل و الظهر .. ! و تحذري انك تضعفين او تملين و تعطينها بوقت ثاني لانه جذي بتطول معاك الى اسابيع و يمكن شهر !
بعدها ارضعيها لنومة الليل و بس ، و لو صحت بنص الليل اعطيها ماء .. طبعا خلي يمك كاس ماء حتى يكون جاهز .. ! لو رفضت الماء و هذا شي اكيد ، لا ترضعيها ، بس خليها على رجولك و هزيها !
اللي بعدها خلاص اتركي الرضعه الليلية ! و بتضطر يشرب الماء و لو ما شربت راح تصحى من جديد و تشربها !
بيمر عليك اسبوع مليء بالتعب النفسي و الجسدي .. بتصرخ بأعلى صوتها وقت النوم و بتسهرك بعد ، بس بتكون اهدأ شوي ثاني ليلة .. ! و ان شاء الله يمر الاسبوع و تكون مفطومة بنجاح !
انا توقعت ان فطام ولدي يكون صعب و متعب ، و الكل تعجب ! لان يشوفون ولدي على طول سادح نفسه بحضني و يشرب ! بس الحمدلله ما تعبني بفطامه .. بعدها راح تحسي بانك انجزتي شيء رائع !
بتلقينها بعدها تاكل بشكل جيد ، بتكون اعصابها اهدأ من قبل ، راح تحسين باستقلاليتها عنك بشكل ملحوظ !
موفقة عزيزتي .. !
و اتمى الفائدى للجميع !
B
16-10-2008 | 02:40 AM
بصراحة الأخت أنثي ما قصرت جزاها الله خير أنا معاها في كا اللي قالته
س
16-10-2008 | 03:40 AM
ان شالله اقدر اطبق مثلج الله يخليج ياانثى لعيالج يارب.
صحيح ولدي لسه صغيرون
بس والله افكر من الحين لانه مايبغي صناعي نهائيا والله كاسر خاطري من الحين.
صحيح ولدي لسه صغيرون
بس والله افكر من الحين لانه مايبغي صناعي نهائيا والله كاسر خاطري من الحين.
ن
16-10-2008 | 03:48 AM
انا الحين فطمت ولدي من صدري بس المشكله صار مايرضع صناعي ابد على الرغم انه قبل كان ياخذ رضعه صناعي في اليوم وخايفه انه يضعف لانه صار مايشرب حليب ابد والحين عمره سنه وثلاث شهور ونفسيته تعبانه دايم يصيح
U
16-10-2008 | 10:41 AM
مشكورة أنثى على النصايح إن شاء الله راح أعمل بنصايحك لأن قلبي مو مطاوعني إني أفطمها من ألحين لكن أحاتي الفطام شكلي إني إلي بصيح مو بنتي بس إن شاء الله يكون الكوضوع سهل بالنسبة لي ولنفسية طفلتي
مشكورين خواتي لمروركم في الموضوع
مشكورين خواتي لمروركم في الموضوع
أ
16-10-2008 | 10:54 AM
صح فترة الفطام فتره تتعب الطرفين الام ..والطفل...
فطمت بنتي وعمرها سنه و3 شهوور بس الحمد لله ما تعب معاها ..والاكثر اني قللت رضاعاتها في الليل مع انه بنت ما كانت تشرب غير الطبيعي وصلت لسنه و3 شهور وقطعت عنها الرضاعه واذا تقعد بالليل اعطيها كوب ماي واحضنها وتنام مسكينه...
والطفل من ينفطم ياكل وبتحسن انه الاكل افضل بكثير من الرضاعه..والله يقدرش ان شاء الله ويسهل امرش...
فطمت بنتي وعمرها سنه و3 شهوور بس الحمد لله ما تعب معاها ..والاكثر اني قللت رضاعاتها في الليل مع انه بنت ما كانت تشرب غير الطبيعي وصلت لسنه و3 شهور وقطعت عنها الرضاعه واذا تقعد بالليل اعطيها كوب ماي واحضنها وتنام مسكينه...
والطفل من ينفطم ياكل وبتحسن انه الاكل افضل بكثير من الرضاعه..والله يقدرش ان شاء الله ويسهل امرش...
\
16-10-2008 | 11:37 AM
اختى زهرة كيف الحال .والله الاخت انثى مثلت اراء الكل .فترة الفطام فعلا صعبة عيزة صبر ولكنى انصحك بانك تتانى شوية فى الفطام لان الرضاعة الطبيعية مهمة جدا لسلامة الطفل البدنية والنفسية.وفعلا ممكن تتعبى اسبوع خاصة فترة الليل .وفعلا الطفل بيتغير وكانه يرى الدنيا من جديد حتى مهاراته اللغوية والاجتماعية تتقدم كثيرا بمرور الايام. قلبى معكم انتى واختى فهى تفطم بنتها هذه الايام .تحياتى.
م
16-10-2008 | 11:45 AM
الملح كان افضل حل جربته
كنت احط ملح بالحليب وكرهه ولدي الحمدلله
وما تعبت معاه ابد فقط اول 4 ايام و تعود
وانفتحت نفسيته للاكل وصار يطلب ماما ابغي برجر
ماما ابغي سندويش ماما ابغي شيبس
بينما قبل صيـــــــــــــــاااااام
كنت احط ملح بالحليب وكرهه ولدي الحمدلله
وما تعبت معاه ابد فقط اول 4 ايام و تعود
وانفتحت نفسيته للاكل وصار يطلب ماما ابغي برجر
ماما ابغي سندويش ماما ابغي شيبس
بينما قبل صيـــــــــــــــاااااام
!
16-10-2008 | 02:00 PM
زهرة اليقين ..
فترة الفطام الام تتوقع انها صعبة و معقدة لكنها تمر و تخلص و ماتصدقين شلون سهولتها !
فترة الفطام الام تتوقع انها صعبة و معقدة لكنها تمر و تخلص و ماتصدقين شلون سهولتها !
ع
16-10-2008 | 09:02 PM
من الشهر التاسع ابتديت اعطيها بس اكل وخليت الحليب 3 مرات في اليوم
وفي الشهر العاشر استمريت على اللي سويته بالشهر التاسع بس قللت عدد الرضعات وخليتها رضعتين باليوم وحدة الصبح ووحدة الليل
طبعا فطمتها عن رضعات الليل من الشهر السادس
وفي الشهر العاشر استمريت على اللي سويته بالشهر التاسع بس قللت عدد الرضعات وخليتها رضعتين باليوم وحدة الصبح ووحدة الليل
طبعا فطمتها عن رضعات الليل من الشهر السادس
U
17-10-2008 | 12:43 AM
مشكورين على الردود وربي يسهل
أم شجاع بس مو كأنه رضعتين في الايوم شوية بالنسبة لعمر بنتك يعني ليش ما تعطينها ثلاث رضعات في اليوم بس أم نجد شلون فطمتيها عن رضعات الليل يعني مرة وحدة لو شوي شوي هذا إلي أني أبيه أبي أرضعها قبل ما تنام وبعدين خلاص تواصل نومها إلى الصبح لأن كل شوي تقعد حق الرضاعة بعدين إنتي ترضعين بنتك طبيعي ولا صناعي
أم شجاع بس مو كأنه رضعتين في الايوم شوية بالنسبة لعمر بنتك يعني ليش ما تعطينها ثلاث رضعات في اليوم بس أم نجد شلون فطمتيها عن رضعات الليل يعني مرة وحدة لو شوي شوي هذا إلي أني أبيه أبي أرضعها قبل ما تنام وبعدين خلاص تواصل نومها إلى الصبح لأن كل شوي تقعد حق الرضاعة بعدين إنتي ترضعين بنتك طبيعي ولا صناعي
ع
17-10-2008 | 11:28 AM
مـرحبا امهاات .. :) انا قررت افطم بنتي بعد عيد الأضحى
وفترتها بنتي بيكون عمرها سنه و11 شهر .. يعني قريب تكمل السنتين..
وقررت اوديها عند امي ..
تتوقعون تتعب نفسيتها ؟؟ فطام وبعد مو معانا .؟؟ والا عادي ؟؟
انا افكر في الموضوع واحاتيها وااايد ..
خصوصا ان من ولدتها الى حد اليوم على طووووووووول تنام معاي ..
ولا مره نامت مع امي .
وتحياتي
وفترتها بنتي بيكون عمرها سنه و11 شهر .. يعني قريب تكمل السنتين..
وقررت اوديها عند امي ..
تتوقعون تتعب نفسيتها ؟؟ فطام وبعد مو معانا .؟؟ والا عادي ؟؟
انا افكر في الموضوع واحاتيها وااايد ..
خصوصا ان من ولدتها الى حد اليوم على طووووووووول تنام معاي ..
ولا مره نامت مع امي .
وتحياتي
أ
17-10-2008 | 01:24 PM
زهرة اليقين والله هذه معاناتي أنا بعد بنتي
ماشاءالله عليها عمرها 8 أشهر و 10 أيام ومتعبتني طول الليل
تقوم كل شوي عشان ترضع وأنا بصراحة أتعب لأني موظفة ومن الصبح اقوم للدوام
والأخت أنثى جزاها الله خير ماقصرت معاكي وبحاول أطبق ألي قالته بخصوص رضعات الليل
والله يصبرنا إن شاءالله
ماشاءالله عليها عمرها 8 أشهر و 10 أيام ومتعبتني طول الليل
تقوم كل شوي عشان ترضع وأنا بصراحة أتعب لأني موظفة ومن الصبح اقوم للدوام
والأخت أنثى جزاها الله خير ماقصرت معاكي وبحاول أطبق ألي قالته بخصوص رضعات الليل
والله يصبرنا إن شاءالله
ر
18-10-2008 | 03:20 AM
وانا بعد والله افكر افطم بنتي مع ان عمرها سنه بس من جد اتعبتني
شكرا انثى افدتيني كثير
شكرا انثى افدتيني كثير
ر
23-10-2008 | 12:13 PM
موضوع حلو ما لقيته مع اني سويت بحث و اشكر الأخت انثى
ان شاء الله بتبع نصائحك يا انثى
ان شاء الله بتبع نصائحك يا انثى
د
23-10-2008 | 03:57 PM
[frame="13 70"]
[/frame]
السلام عليكم ورحمة الله وبركاته
انا اضم صوتي مع كلام اختي انثى
وقصتي مع بنتي كانت متعبة لانها كانت البكرية وكنت خايفة افطمها لانها متعلقة بالرضاعة الطبيعة اكثر من الصناعية لاني كنت ارضعها نفسج طبيعي وصناعي.. ذقت الويل لين فطمتها::
جربت وحطيت ملح في الرضاعة اول شي ومافاد وبعدين استخدمت ( مرة) نفعني وااايد خاصة وانه طعمه مر ومفيد للبطن يعني ماله اضرار على صحة الطفل
وتمت عملية الفطام خلال شهر وبنتي كان عمرها سنتين تخيلي اشكبرها وترضع طبيعي:)
انا مشكلتي اني لازم افطمها من الطبيعي والصناعي لانها صارت في سن لازم تاكل وتترك الرضاعة
طريقة فطامها من الصناعي: خليت داخل المرضعة شعر وكل مرة اعطيها نفس المرضعة وطبعا هاذي خاصة حق التجارب لاني حطيت فيها شعر وكنت اعطيها بدل المرضعة كاسات الاطفال الخاصة
مر تقريبا اسبوع على هالحالة وتخلصت من المراضع نهائيا
وقصتي مع بنتي كانت متعبة لانها كانت البكرية وكنت خايفة افطمها لانها متعلقة بالرضاعة الطبيعة اكثر من الصناعية لاني كنت ارضعها نفسج طبيعي وصناعي.. ذقت الويل لين فطمتها::
جربت وحطيت ملح في الرضاعة اول شي ومافاد وبعدين استخدمت ( مرة) نفعني وااايد خاصة وانه طعمه مر ومفيد للبطن يعني ماله اضرار على صحة الطفل
وتمت عملية الفطام خلال شهر وبنتي كان عمرها سنتين تخيلي اشكبرها وترضع طبيعي:)
انا مشكلتي اني لازم افطمها من الطبيعي والصناعي لانها صارت في سن لازم تاكل وتترك الرضاعة
طريقة فطامها من الصناعي: خليت داخل المرضعة شعر وكل مرة اعطيها نفس المرضعة وطبعا هاذي خاصة حق التجارب لاني حطيت فيها شعر وكنت اعطيها بدل المرضعة كاسات الاطفال الخاصة
مر تقريبا اسبوع على هالحالة وتخلصت من المراضع نهائيا
طريقة فطامها من الطبيعي: كنت جدا صعبة لانها ماكانت اتنام الا وترضع من صدري وحتى لوماكانت جوعانة ..
وبرنامجي كان اعطيها اكل على الوجبات الثلاث ويوم اللي تبي ترضع من صدري احط المرة على الحلمات واقولها تعالي وعاد لمن تحط لسانها ماتقدر ترضع ويعتفس شكلها وكل ماحاولت ترضع ماتقدر واهزها لين اتنام طبعا هاي بالنهار وبالليل وقت نومها كان اصعب تقعد تصيح مدة طويلة وتصارخ وتعفس البيت (6)وتفضحنا ونقعد انا وزوجي زامات مرة اهوا يهزها لين اتنام ومرة انا وهاذي حالتنا كل يوم لين شهر وطلعت عيني
بس الحمدلله فطمتها بعد ماطلعت روحي:confused:
وبرنامجي كان اعطيها اكل على الوجبات الثلاث ويوم اللي تبي ترضع من صدري احط المرة على الحلمات واقولها تعالي وعاد لمن تحط لسانها ماتقدر ترضع ويعتفس شكلها وكل ماحاولت ترضع ماتقدر واهزها لين اتنام طبعا هاي بالنهار وبالليل وقت نومها كان اصعب تقعد تصيح مدة طويلة وتصارخ وتعفس البيت (6)وتفضحنا ونقعد انا وزوجي زامات مرة اهوا يهزها لين اتنام ومرة انا وهاذي حالتنا كل يوم لين شهر وطلعت عيني
بس الحمدلله فطمتها بعد ماطلعت روحي:confused:
قصة حياتي كتبتها لج ...ادري عورت راسج بس الحكمة انج لازم تصبرين وتقاومين ولا تيأسين قوي قلبج
[/frame]
k
23-10-2008 | 07:46 PM
انا بعد عندي نوني ابي افطمها لكن راح اجرب الطريقه الي قالت عليها الاخت انثى
بس مو الحين في شهر الحج علشان ابونا يكون مسافر
وعلشان اذا حملت يكون انشاء على السنه الجديده
لان الرضاعه الطبعيه تمنع الحمل
ويكون ابونا مسافر
لانه مايبيها تصيح بالليل
كل ما حول افطمها يقول لا تخلينها تصيح علشان الحليب
والله المستعان
بس مو الحين في شهر الحج علشان ابونا يكون مسافر
وعلشان اذا حملت يكون انشاء على السنه الجديده
لان الرضاعه الطبعيه تمنع الحمل
ويكون ابونا مسافر
لانه مايبيها تصيح بالليل
كل ما حول افطمها يقول لا تخلينها تصيح علشان الحليب
والله المستعان
d
23-10-2008 | 09:37 PM
انا استعملت شىء من العطار
ع
17-11-2008 | 11:29 PM
يارب يارب ادعولي افطم ولدي ... عمر ولدي بالضبظ سنه ولازم افطمه لاني حامل...وانا من يومين احاول افطمه بالنهار بس و الله اشوفه صعب يبكي وايد ويكسر خاطري لانه يبا يرضع مني وخاصه وانه ما يرقد الا على صدري.. وقت اليل بس ارضعه.....اليوم سويتله ملح ما حبه صح بس مب قادره اشوفه جي وخاصه انه ايعاند ما يبا ياكل ولا حتى يرضع مرضاعته الصناعيه لاني ما كنت معودته.. سرت احط سكر زيادة في مرضاعته عشان يحبها ويكره صدري لاني مثل ما قلتلكم احط في صدري ملح....
الله يخليكم امهات اصحاب الخبرة ساعدوني
الله يخليكم امهات اصحاب الخبرة ساعدوني