تجهيزات عرايس مصر الجزء 102 يارب تمملنا بخير يارب

انستاسيا;7488071:
بنات اليكس يا ريت اللي شافت بوتجاز يونيفرسال البيلت ان تقولي شافته فين ضروووووووووووووري بليييييييييييييز ؟؟؟

انا شوفتة فى ملظوم اللى فى سموحة

mashimaro16;7488072:
مورو اخيرا حد رد عليا
ازعل ايه يابنتي
انا كمان مش عجبني
بس عايزه حاجه فيها فكره الفراغ اللي ف النص_حد بقي يلاقيلي كرسي ربنا يكرمكم

بعتلك موقع يا جميله




بنات هو السوق لسه فيه لبس صيفى


شوفوا دا


http://www.3roos.com/forums/t391337.html

m@hy;7488083:
انا شوفتة فى ملظوم اللى فى سموحة

بجد :D ميرسي اوي اوي طيب اللي شوفتيه كان كام عين و سعره كام ؟؟ لوحده من غير الفرن اوك و ميرسي مرة تانية حبيبتي (f)

اللى فكرة يا انستاسيا عشان كان من فترة كبيرة
هو 4 عيون و سعرة معدى ال2000 تقريبا

*جنه الله*;7484538:
فى محل انا دخلته فى المنصوره وكان عنده حاجات جميله اوى ومميزه اوى
بس غالى شويتين يعنى قميص اول يوم ب 900 وفى بالف وشويه كدا يعنى
لكن بردوا شفت عنده حاجات اسعارها معقوله وكان منزل سيل على بعض حاجات وجميله بردوا واخدت منهم الكارت بتاعهم ودى عنواينهم يا جميل
ليهم فرع فى اليكس ودا عنوانه : جرين بلازا - العالميه مول
وفى القاهره -اركيديا مول - كورنيش النيل الدور الثالث

اللى عاوزه عنوانهم فى المنصوره تقول
وليهم كمان فرع فى بور سعيد

المحل على فكره اسمه لافـــــــــا

أنا عايزة عنوانه يا حبيبتى يا ريت تديهولى

يارب أبقى عروسة;7484761:
بنات ايه القاعات الشيك(*)(*)(*) ونظامها حلو فى المنصورة ياريت تكونو شوفتوها بنفسكو قصدى يعنى حضرتو فيها يعنى وتكون أسعارها معقولة وعايزة أسال اذا كان حد يعرف نظام فندق رامادا الى عند الجامعة ده ونظام اسعاره ايه فى الافراح وكده ومتشكرة جدا مقدما واسفة اذا كنت تقلت عليكم ربما يباركلكو يارب ويتملكو بالخير ياريت لو تفيدونى ياقمرات:D:D:D

بصّى يا ستّى...القاعات التوب فى المنصورة مارشال بعدين القاعة الماسية...و قاعة قمرين حلوة و ديكورها لذيذ...و دول عندهم تجهيزات بالنسبة للأكل و كده...و أوركيدة السعادة اللى فى طلخا حلوة بردو ..الجديد اللى فيها عن القاعات التانيه ان التورته بتنزل من السقف.. بس المشكلة ان ما عندهمش مكان مجهز يحطّوا فيه الأكل و يقدّموه سخن و كده..الأكل بيبقى محطوط ورا برافان ...و فى قاعة الياسمين اللى تبع القوات المسلحة يعنى مش بطالة..و رينج الأسعار بيبقى من 10 ل 15 ..الكلام ده من كام شهر...مش عارفة دلوقتى بكام...أما بقى قاعة الأفراح فى رمادا..أنا سمعت انها قاعة واحدة و صغيرة كمان..آخرها تساع 100 شخص..و السعر فى حدود 40 ...الكلام ده من سنتين..معلش انا معلوماتى قديمة شوية بس أكيد دلوقتى الأسعار غليت

سلسولة;7484929:
للأسف ماكس دا فالكويت اصلي عايشه هناك:o

هو إيه مكس ده يا سلسل ؟ اللى هو Mexx بتاع هدوم الخروج اللى زى Benetton و كده؟ هو نفسه بيبيع حاجات بيت ولا إيه؟ لو كان هو ده اللى قصدك عليه فهو موجود فى مصر و له فروع كتيرة كمان..انا جبت منه هدوم خروج بس المشكلة ان حاجاته الكواليتى بتاعتها أقل من بره ..أصل له فرع فى السعودية بردو...

maro;7486205:
انا مقاسى كبرررر بعد الحمل والولاده كان 36 بقى 38:confused:

ايوه شفته عنده حجات تحفههههههههه بجد رائع جداااااااااواسعاره مولعه بس حجات مش متكرره

:rolleyes:ازاى يعنى انتى خلصتى التاسع ولسه هتسيبك كام يوم بعدها ليه طيب متولدك على طول
(i)سؤال يابنات كوفرتات اخميم بتتباع فين ومفارش كروشيه لسفره او السرير

إيه ده انا أول مرة اعرف المعلومة دى..كوفرتات أخميم بتتباع فى حمام التلات..بوكى قالتلى ان سعرها دلوقتى وصل ل 170 ..فى محل اسمه البيت اتخيلت بيه فى وكالة البلح..بس المفرش الكوريشيه شفته فى فرع المنصورة..عموما اسألى بنات القاهرة على فروع محل اسمه البيت هما هيدلوكى و ان شاء الله هتلاقى فيه طلبك

أمةالله;7485963:
آخر أخباري بقى

لسة راجعة من عند الدكتورة ... البيبي راسه مش نزلت في الحوض لأن راسه كبيرة والحوض صغير ... فهولد إن شاء الله قيصري يوم الخميس اللي جاي ... دعواتكم يا بنات بالله عليكم

ربنا يتمملك بخير يا رب

boky2010;7486285:

بنات مقولتليش البيبى ليس ب305 كدى سعرها غالى ولا حلو
ولو شعرى ناعم تبوظة ولا لاء ردوا عليه ماطنشونيش

إيه ده ؟ بكبك؟ مش معقول ...و الله يا بنتى انا فاكراكى بس انا متهيألى انك اتجوزتى...معرفش انك لسه بتدخلى هنا ...و بعتلك كام offline messege عالياهو مارديتيش..المهم كل سنه و انتى طيبة و ان شاء الله نتكلم قريب..بالنسبة للبيبى ليس انا مش عارفة سعرها..بس واحدة قريبتى شعرها متوسط النعومة زى شعى و شعر معظم المصريين كانت عاملة بيه و كان حلو ما باظش و لا حاجة

انستاسيا;7488101:
بجد :D ميرسي اوي اوي طيب اللي شوفتيه كان كام عين و سعره كام ؟؟ لوحده من غير الفرن اوك و ميرسي مرة تانية حبيبتي (f)

هو انتى بتحبى تسمعى anastacia اللى بتغنى:wink:؟ ولا ال neck name زيه صدفة؟

بنوتات عايزة آخد رأيكم فى حاجة...إيه رأيكم فى سجاد الحيطة؟

بصّى يا ستّى...القاعات التوب فى المنصورة مارشال بعدين القاعة الماسية...و قاعة قمرين حلوة و ديكورها لذيذ...و دول عندهم تجهيزات بالنسبة للأكل و كده...و أوركيدة السعادة اللى فى طلخا حلوة بردو ..الجديد اللى فيها عن القاعات التانيه ان التورته بتنزل من السقف.. بس المشكلة ان ما عندهمش مكان مجهز يحطّوا فيه الأكل و يقدّموه سخن و كده..الأكل بيبقى محطوط ورا برافان ...و فى قاعة الياسمين اللى تبع القوات المسلحة يعنى مش بطالة..و رينج الأسعار بيبقى من 10 ل 15 ..الكلام ده من كام شهر...مش عارفة دلوقتى بكام...أما بقى قاعة الأفراح فى رمادا..أنا سمعت انها قاعة واحدة و صغيرة كمان..آخرها تساع 100 شخص..و السعر فى حدود 40 ...الكلام ده من سنتين..معلش انا معلوماتى قديمة شوية بس أكيد دلوقتى الأسعار غليت



متشكرة جدا يا أندلسية ياقمر على الرد ويارب أشوفك أحلى وأجمل عروسة ان شاء الله
وربنا يقومك يا أمة الله بالسلامة ان شاء الله وتجيبى أحلى بيبى وماتنسينيش أنا كمان من الدعاء لو سمحتى
معلش يا بنات كان عندى مشكلة انا كان عندى صوانى تقديم ماما عيناهالى من فترة وشكلها جميل جدا بس للاسف لما جيت أطلعها دلوقت لقيت لونها جير جدا وبقى مطفى تماماماما بتقولى طوست:confused::confused: وهى كمان داخل فيها مدهب مش عارفة اذا كان فى طريقة لتلميعها وتدهيب الحتت المدهبة فيها فيه ولا استعوض ربنا سبحانه فيها وخلاص مع ان شكلها جميل :confused::confused:وعاجبنى ياريت لو تفيدونى وربنا يجازيكم كل خير

أمة الله
ربنا يقومك بالسلامة ويطمننا عليكي
معلش..ان شاء الله ربنا يعديها عليكي على خير يااااااارب

شيماء سعيد;7484620:


بنات حد يعرف المطبخ زي ده ممكن يتكلف كام؟؟؟؟؟؟؟؟؟؟؟؟ظ

المطبخ ده ياجميل كان مساحته 9 متر..وسعر المتر 1300...من غير الاكسيسوريز...:)
احسبيها انتي

بس هو متبطن جلد..والقطاع مزدوج..عشان كدا سعر المتر عالي
هو كدا يعتبر كويس ولا غالي يابنات ؟؟

يارب أبقى عروسة;7484761:
بنات ايه القاعات الشيك(*)(*)(*) ونظامها حلو فى المنصورة ياريت تكونو شوفتوها بنفسكو قصدى يعنى حضرتو فيها يعنى وتكون أسعارها معقولة وعايزة أسال اذا كان حد يعرف نظام فندق رامادا الى عند الجامعة ده ونظام اسعاره ايه فى الافراح وكده ومتشكرة جدا مقدما واسفة اذا كنت تقلت عليكم ربما يباركلكو يارب ويتملكو بالخير ياريت لو تفيدونى ياقمرات:D:D:D

و أنا كمان و أنا كمان نفس السؤال

نواره2005;7485184:
ايهما احسن المشيات اللى على موكيت الخفيفه وله اللى على السجاد

احسن حاجة المشيات على سيراميك بلاش سجاد و بلاش موكيت هتتعبي في تنظيفهم المشاية يدوب مش هتاخد وقت منك يا قمر

kasndra;7486506:
عايزة اشوف شغل اميرة الزاهد وعايزة اراااااااااااء كل اللي شافوا شغل لعلاء التونسي دول 5 الاف ده طبعا انا بحوش من مرتبي وماما تكمل وبابا يساهم بس ده لو هو حلو المصيبة اني مترردده اويييييي شفت له حاجات بايخة المهم عايزة اررررررراء صريحة ولا اميرة احسن ولا اية

لا اميرة الزاهد احلى كتير بس المشكله انى روحتلها ف شهر 8 مكنش عندها حد يعمل وش وحواجب ولا بديكير ومانيكر ولااى حاجة هيا بس هاتعمل الميكب بس اكيد دلوقت ان شاء الله جابت حد تانى بس الامانه هيا عملت لواحدة صحبتى تجنن ماشاء الله

هيا ف المهندسين ف شارع متفرع من ش شهاب الشارع اللى على ناصيته كافيه اكسبريسو اخر عمارة

بصى هيا ليها جروب ع الفيس بوووك عارضه تفاصيل اكتر

فين اقرب كمفورت للمهندسين او نطاق الجيزة

شهيدة ممكن الشركة بتاعة المطبخ من فضلك
انا محتاجة حد يعمل ديزين وحاجة كدة للمطبخ تبعى العجيب


يو ميو youmiz ممكن نمرة اميرة الزاهد وممكن البنت الى بتعمل ربطات الطرح من فضلك ضرورى من فضلك


انا كلمت بسمة نت امس وهة كويسة بس عندها شغل كثيررررررر وبيتسلم على الجميع انا كلمتها لانها قطعة مرة واحدة فكنت عايزة اطمن عليها واطمنة وقلت اشركم معى

امة ربنا ييسرك امورك وتولدى بالسلامة

انا عايزة مطبخ اية بتكلم هيروغليفى ماتخليكوا لطاف وتساعدونى

الاسطى محمود مالوش فى المطابخ لية فى العفش ولا حد هنا شغلة فى مطبخ

الصينى البنوتة الى بتسال على الصينى من الاخر
عايزة صينى حلو عليكى بالسوق الحرة وجاتنيو وتيوليب وبس ودة من عصارة لفى
بيتقدم فية للناس الى اول مرة يجوا بيتك ولو عندك عزومة كبيرة وبس
غير كدة بيتحنط تخلية للشياطين ياكلوا فية

قلب موجوع ازيك ممكن مساعدتك فى حكاية المطبخ
منافلة ازيك يا جميلة لم تظهرى امس انتى عندك فكرة فى حكاية المطبخ دة

قلب موجوع عندك خياطة كويسة انتى ومنال عندكم فكرة فى الحكاية دة

meroo012;7489564:
لا اميرة الزاهد احلى كتير بس المشكله انى روحتلها ف شهر 8 مكنش عندها حد يعمل وش وحواجب ولا بديكير ومانيكر ولااى حاجة هيا بس هاتعمل الميكب بس اكيد دلوقت ان شاء الله جابت حد تانى بس الامانه هيا عملت لواحدة صحبتى تجنن ماشاء الله

هيا ف المهندسين ف شارع متفرع من ش شهاب الشارع اللى على ناصيته كافيه اكسبريسو اخر عمارة

بصى هيا ليها جروب ع الفيس بوووك عارضه تفاصيل اكتر

فين اقرب كمفورت للمهندسين او نطاق الجيزة

كمفورت فى رويال هاوس الى تحت لاعمارات الميريلاند مصر الجديدة
لية فرع على كورنيش المعادى فى مول هناك


اميرة الزاهد دة بتعمل تصاميم طرح؟؟؟؟؟؟؟؟؟؟؟؟؟

ازيك يا سارة عاملة ايه
بصي ياقمر والله كان بودي اخدمك في حكاية المطبخ بس انتي عايزة خشب صح وانا اللي اعرفهم بتوع الومتيال
بس في واحده صاحبتي عاملة مطبخ خشب حلو اوي في حلمية الزيتون هابقي اسالهالك باليل وارد عليكي
وبعدين انتي اشتريتي القماش قبل ماتروحي للخياطة وتعرفي هي عايزة اد ايه
كان في هنا بنات بتقول علي خياطة في مصر الجديده ياريت لو استلمو شغلهم يقولو اخبارها ايه
وانا مستعده ياستي اروح معاكي انا كمان محتاجة خياطة

هيا برنسيس ميرو فين ظهرها لسة بيوجعها اخر مرة شوفتها قالت ان صحتها مش تمام سلامتها عاملة اية الان

هبة مامتها عاملة اية ابتدة فى الكيماوى وعاملة اية فية ربنا يعينها علية


دينا روحتى للخياطة ولا اية ؟


كلاكيت خامس رة علشان الحبايب عايزة اعمل مطبخ سهلة مش كدة عايزة اجابة يلا


وعايزة اعرف اية احدث الالوان فى الدهانات ممكن دة كمان ممكن

قلب موجوع;7489892:
ازيك يا سارة عاملة ايه
بصي ياقمر والله كان بودي اخدمك في حكاية المطبخ بس انتي عايزة خشب صح وانا اللي اعرفهم بتوع الومتيال
بس في واحده صاحبتي عاملة مطبخ خشب حلو اوي في حلمية الزيتون هابقي اسالهالك باليل وارد عليكي
وبعدين انتي اشتريتي القماش قبل ماتروحي للخياطة وتعرفي هي عايزة اد ايه
كان في هنا بنات بتقول علي خياطة في مصر الجديده ياريت لو استلمو شغلهم يقولو اخبارها ايه
وانا مستعده ياستي اروح معاكي انا كمان محتاجة خياطة

حلو الكلام هاستنى ردك عليا فى موضوع النجار
ايوة اشتريت لان انا اشتريت حاجات استاندر يعنى معروف بنطلون بياخد قد اية ليا كدة
انا مش جايبة سوارية وحاجات داخلة فى بعض ولا قصات وحاجات والوان لا انا جايبة حاجة استاندر كدة


الخياطة دة بتاعة دينا وهيا لسة هاتجربها يعنى لسة لم ياتى لنا الخبر اليقين


انا اتشرف انى اجى معاكى مكان م تودينى يا سلام :D
جيت اعدل التوقيع ردوا عليا انك مالكيش توقيع اساسا
جيت اعدل اسمى قالوا لا مش رضيوا اعمل اية معاهم

سارة المزعورة;7489913:
هيا برنسيس ميرو فين ظهرها لسة بيوجعها اخر مرة شوفتها قالت ان صحتها مش تمام سلامتها عاملة اية الان

هبة مامتها عاملة اية ابتدة فى الكيماوى وعاملة اية فية ربنا يعينها علية


دينا روحتى للخياطة ولا اية ؟


كلاكيت خامس رة علشان الحبايب عايزة اعمل مطبخ سهلة مش كدة عايزة اجابة يلا


وعايزة اعرف اية احدث الالوان فى الدهانات ممكن دة كمان ممكن

بصي ياسارة
انا صاحبتي دلوقتي لابسه تونيك حلو كانت خياطه عاملتهولها ب70
هو بعد الركبة بكتير دا سعر البلوزة من غير البنطلون
الخياطة دي في شارع البصرة في المهندسين
لو عايزاها قوليلي اجيبلك تليفونها
انا ناويه اروحلها ان شاء الله لانها جنب شغلي

سارة المزعورة;7489913:
هيا برنسيس ميرو فين ظهرها لسة بيوجعها اخر مرة شوفتها قالت ان صحتها مش تمام سلامتها عاملة اية الان

هبة مامتها عاملة اية ابتدة فى الكيماوى وعاملة اية فية ربنا يعينها علية


دينا روحتى للخياطة ولا اية ؟

لا يا ساره لسه مش روحتلها
عندي شغل كتير جدا
و عماله اقرا اللي انتوا كاتبينه انا وصلت لصفحة 50
ربنا يعينا و اخلص

pinocchio;7474450:
بالنسبه للبنات اللي بتسال على الاجهزه الكهربائيه احنا جبنا من كام يوم ثلاجه توشيبا بلازما هي نوفروست 14 قدم وفيها حنفية مياه في باب الثلاجه من بره ودي ميزه مش بتبقى موجوده غير في الثلاجات الغاليه والبلازما دي عشان تقتل البكتيريا وتزيل الروائح (y)

قلب موجوع;7489961:
بصي ياسارة
انا صاحبتي دلوقتي لابسه تونيك حلو كانت خياطه عاملتهولها ب70
هو بعد الركبة بكتير دا سعر البلوزة من غير البنطلون
الخياطة دي في شارع البصرة في المهندسين
لو عايزاها قوليلي اجيبلك تليفونها
انا ناويه اروحلها ان شاء الله لانها جنب شغلي

طبعا عايزاها هاستنى ردك مادام شوفتى شغلها وطالع مضبوط
انا جنبك فى الدقى

عاشقة الرحمن دينا;7489995:
لا يا ساره لسه مش روحتلها
عندي شغل كتير جدا
و عماله اقرا اللي انتوا كاتبينه انا وصلت لصفحة 50
ربنا يعينا و اخلص

اللة يعينك المشوار طويل هههههههههه

قلب موجوع لسة قايلة على خياطة هاشوفها معها

جدتك قالت اية على القماش ؟

ولية مش ليا توقيع ؟

صباح الخير. أنا باقالي كتير جداااااااااااااا ما كتبتش حاجة بس أنا متابعة اللي بيتكتب ويمكن أعرف أرد على كام حاجة كدا..

السنتر بيس
أنا شفت أسعار غريبة 100 و 30 و 50 وحاجات كده للسنتر بيس الواحدة!! على فكرة في ناس بتعمل حاجات تحفة وأحلى من صور كتير شفتها هنا وبأرخص كتير. أنا السنتر بيس في فرحي كانت تجنن وكان فيها ورد طبيعي وشمع وورق شجر أخضر و كمان الحاجات الإزاز اللي فيها مياه دي وكانت الواحدة ب 15 جنيه وكان عندهم كمان ب 10 بس ألوان ورد كتير وأنا كنت عايزة بس أبيض ونوع ورد مخصوص يعني حاجة معينةعشان كده زادت 5 جنيه. بس والله صدقوني في حاجات أحلى بكتير وعلى فكرة دول كانوا إيجار لأنك بجد بجد مش هتحتاجي السنتر بيس ده في حاجة أبدا ده شكل وخلاص. وحتى فكرة إنك توزعيها على المعازيم دي قصة قاشلة لإنك مش هتعمليها على عدد العائلات إنتي هتعمليها على عدد الترابيزات يعني ناس أه وناس لأ.. طب وعلى إيه وجع الدماغ؟؟؟؟!!!

علاء التونسي
شغله جامد جدا جدا جدا أنا عملت عنده في فرح واحدة صاحبتي وبجد كان يجنن ولما سألت عليه عشان فرحي كان ميكب بس لو هيجيلك 3000 ولو إنتي هتروحيلو 1500 بس ده كله ميكب بس لأنه مش بيعمل حاجة غير كده. بس شغله بجد بجد تحفة ومافيش عليه كلام. هو اللي بيعمل لأنغام وليلى علوي وكمان هند صبري

السويت
أنا شايفة كلام كتير أوي وحوارات على السويت دي.. والله والله الموضوع أسهل من كده مافيش بس إنتي عودي نفسك عليه. وبجد بجد طريقة متجربة و يمكن أول مرة أو مرتين في حياتك بس اللي تلاقيها صعبة شوية بس مش موووت ودمار ودم زي ما بشوف ناس بتقول:

1- أول حاجة دوبي شوية سكر في حبة ميه في طبق صغير، وإدهني بيها على المنطقة اللي هتشيليها. وإستني شوية لما تنشف. طبعا هتكوني ملزقة (وده كويس لأنه كده الشعر هيتشال من أول مرة وحتى الصغير جدا لأنه هيلزق في السويت بردوا).
2- خدي حتة صغيرة من السويت، وإبدئي دايما من بره من عند رجلك (بس طبعا من مكان شايلة منه الشعر عشان ما تلزقيش وكمان تتبهدلي)، بعد كده شدي الحتة اللي هتعمليها دي يعني شدي الجلد بإيدك كده في إتجاه الشعر وبعدين إفردي السويت كمان في إتجاه الشعر بس إتكي جامد عشان تلزق وماتضطريش ترجعي تشيلي تاني.. وبعدين إثبتي شوية وخدي نفس وشدي مرة واحدة. والله والله والله مش هتحسي بألم غير يمكن أول شده وخلاص.

أهم حاجة في الموضوع ده وبجد مش كلام وبتقلل الوجع جدا إنك قبل ما تبدئي إدعي ربنا إنه ييسرلك اللي بتعمليه عشان تملي عين جوزك وترضيه في الحلال. وصدقيني ربنا هيكرمك بأسهل وقت في حياتك. وكل ما توجعك قولي كده جواكي. والله والله كل حاجة ممكن تكون متعبة ومقرفة وكمان بتعمليها غصب عنك لو بتعمليها كده وخلاص أو نظافة أو أي سبب تاني بس نفس الحاجة لما تصححي النية وتنويها لله بتكون سهلة وكمان بتاخدي ثواب عليها.


الحاجات اللي عايزة أنا أسأل عليها بقى
عايزة أعرف المطبخ تقفيله الألوميتال ولا الخشب أرخص؟؟ و مين أحسن؟؟

كمان عايزة اللينك بتاعة د/ هبة قطب على الفيس بوك

وعايزة السايت بتاع تلوين الديكورات


طولت عليكوا جدا بس ياريت تقولولي رأيكوا
وتدعولي ربنا يتم حملي على خير المرة دي.. وكمان تدعوا لبابا بالرحمة..

حاجة كمان معش. أنا مش عارفة إحط التيكر إزاي، انا عملته في سايت تاني وفي اللينك بتاعه وعملتله باست في المربع اللي في تعديل الخيارات بس بردوا مش بيطلع تحت المشاركة بتاعتي؟؟ ممكن حد يقولي إزاي وإزاي أغير الصورة كمان؟؟

عشان مكونش مخالفة.. ممكن أعرف بنجيب منين في مصر المطابخ دي (سواء الألوميتال أو الخشب) بسعر كويس؟؟ أكيد طبعا مش عمرو حلمي ديزاينز