زوجي والخيانات الكثيره

غلا الروح 21 14-10-2008 39 رد 1,794 مشاهدة
ب
اختي العزيزة
لا تغلطين مثل الغلط ألي سويته
صديقني ألي في السوء ما تربطه لعيال
لا تأذين روحك وتربطين روحك بالعيال ترى انا مجربة
ولازم أهو يعقل لانه يحبك مو عشان لعيال
أكرر نصيحتي اخري الحمل والعيال إلى ما تتأكدين بأنه ترك عنه هل السوالف
والله شنو راي العرايس
غ
مشكوره على النصيحه فديتج
انا حاليا افكاري متشتته و ما ادري شاسوي ساعات اقول ابي يهال
وساعات اقوووووووووووول ما ابي بس اخاف الله يعاقبني

واحس فكرة التأجيل جدا مناسبه

في انتظار راي العرايس الثانين


مشكوووووووووووووووره حبيبة قلبي على المتابعه ويزاج الله خير
ب
بس سمح لي أختي
كم صار لكم متزوجين
p
اي صح سمعي يا قلبي
انتي بطلي سورة البقرة اهم شي
و اذا على المواقع في برامج تخليج تصكينها خير شر يعني بلووك
وانتي قولي له انا مارضه انك تجوف اجسام بنات غيري وهاي كله حراام
انت تحب الحرام ؟! واذا انت متعود على هالشي ليش تزوجت في الاصل ؟
مافي ولا بنت ترضه تجوف زوجها يجوف هالاشيه ويكلم بنات و يسوي كل شي وتسكت
انا احبك وماودي اخسرك بس اذا انت بتم جذي بنخسر بعضناا لاني مابتحمل اكثر من اللي راح

قولي له انت شلون بتصير ابوو زين حق عيالك اذا انت جذي ؟

حاولي تعودينه على الصلاه و قراءة القرآآن و خليه يسمع محاضرات
و خلي القرآن مبطل في بيتج دايماً و ادعي ربج انه يهديه ويسخره لج

واذا مانفعت هالاشيااء احس تكلمين امج او اخوج يعني احد جريب لج :)

الله يهديه و يطول صبرج
ج
الله يفرج همك ياوخيتي والله اني حاسه فيك لان زوجي من اكبر الغازلجين في قطر


انا هجرت زوجي شهرين وانا معه في بيت اهله ولافيه فايده وصار يكلم ويصرف على بنات الحرام من راتبه

وانا ماصرت اتحمل وكلمت اخواني وجاو لقطر وخذوني وانا اللحين لي تسعة اشهر بالرياض عند اهلي

صحيح مرتاحه من الفسق اللي كان هو عايش فيه بس بنياتي كاسرين خاطري توهن صغار وعايشين مع اهله

وانا شرطي الوحيد اذا يبيني يجيب لي بيت وتخيلي تسعة اشهر وانا على هالحاله وكل يوم افكر بالطلاق

ولاارجع له ولا لاهله لأني ابيه يتحمل مسؤليتنا لان للأسف لاحياة لمن تنادي


الله يفرج لي ولك ولأخواتنا المؤمنات ويهدي ازواجنا اللهم امييييييييين
م
السلام عليكم ورحمة الله وبركاته.. بكلمك من خبرة اعشيها يوميا واسمع احداثها.. جارتي الله يستر عليها تعاني من نفس المشكلة ان زوجها راعي بنات ومكالمات.. وصلت معاه لزنا .. لا تظنين ان السالفة سهلة.... وصار اخلاقه زفت لدرجةحرمها من اهلها واسلوبه قاسي معاها وقدام اهله مثل ما قلتي انا اقول اتركيه قبل ما يجرش لمرض الله يشافيش ويحميش من كل مرض.. نوعية هذي الرجال شوي شوي تنساق للمعصية وبترك الصلاة فانا اقولش من حياة اشوفها يوميا وياما نصحتها تطلب الطلاق لكن الحين عندها ولد وتفكر بالولد ويوم فاض عليها الهم قررت تتطلق .. فكري بحياتك وتركي الحب ..
م
توني شايفة ردك .. اكبر خطا بترتكبيه وتتحملي اذمه لاخر يوم بحياتك انك تنجبي عيال منه ..لانه ما راح يدري عنهم .. وجارتي جابت ولد وحبسها بالبيت على طول ولما يطلعوا كان يقول للولد قول عمي مب بابا حتى لاحد يعرف انه متزوج وعنده ولد.. مهما قالوا اهلك بتستحملي.. بس اي اهون كلام اهلك لو كلمة مصابة بالايدز,؟؟؟؟؟ ربي يحميش.. فكري وفكري وقرري حياتك
غ
بالنسبه لسؤال الغاليه برق ورعد انا جريب بادش في 7 شهور
والله اني احبه واهوه يحبني بس عينه زايقه وموفر لي كل شي ابيه وطيب لأبعد الحدود
ادري انه يحبني ما في مره ما تعرف زوجها اذا يحبها وله لا بس هالشي في دمه الافلام والنت
حسبي الله ونعم الوكيل

الغاليه بنكيز مشكوره ع ردج الجميل و مره ثانيه راح اقط عليه هالكلام ان شاء الله يفيد فيه
المشكله انه يقدر يمثل لي لاني طول يومي في الجامعه والشغل فخاف يتطنز علي يقول لي بترك واخرتها يلعب من وراي في النهايه لين طق المطر ينكشف المستوور لاني كل مره اصيده ...

الغاليه جوجو الله يعينج ويعين كل وحده مضلومه و الله يهدي زوجج بس نصيحتي لج رجعي بيتج لانه هالنوعيه من الريايل ما ينعطون فيس و راح يتمادى اكثر لانج عطيتيه المجال وانا هالايام لاصقه في زوجي
وكله اتصل له و اذا جذب علي واكتشفت الشي احاجيه بنفس خايسه طبعا يحس في نفسه وهذي الطريقه اللي انا اسويها الحين

ويسلموو الغاليه ملكة الصمت انا زوجي صج يغازل بنااااااااااات بس مو لدرجة انه يطلع معاهم بس انا ما استبعد هالشي واذا شميت ريحة شي اكيد ما بفكر اقعد معاه ولا دقيقه ... زوجي اللي ذابحه النت
وقبل كان يكلم بنات ع ايام الخطوبه بالموبايل بس الحين لا لاني افتش كل شي في تلفونه بدون ما يعرف يعني اعرف كل شي بس اللي انا حاسه فيه انه يكلم بنات في المسن و اللي يكلم في المسن اكيد في يوم من الايام بيرجع ع سوالفه وبيكلمها في التلفون و هذي اللي انا خايفه منه
الله يهديه ان شاء الله

انا احبه و مستعده اعطيه كم فرصه اذا حسيته بيتعدل اما اذا تم ع حالته
مستحيل اتم معاه

اختكم
مسوووه
ع
لوجبتي اولاد انتي الي حتندمييييي

وحيقول في نفسو لو ايش حملت ماتقدر تتكلم حأمنعها من اولادها وبكدا تظطر تسكت وماتتكلم

نصيحتي للمره التانيه دخلي اهلك مدام فيها خيانه

عندي سؤال ايش موقفك لو اتزوج عليكي ؟ايش حتعملي؟

انتظر اجابتك

عيون الفهد
غ
هلا حبوبه اكيد ما برضه في وحده ترضه بهل شي
واذا صار اكيد راح اتطلق منه

بس انا ادري انه ما يسويهاااااااااااااااا

اختكم
مسوووه
د
حبيت ادعي لك
الله يفرج كربتك
وينورد درب زوجك
بلايمان والصلاح والهداايه
ب
صباح الخير لعيونك
هذي انتم متزوجين من 7 شهور ومشغول عنك أشلون لو مر على زواجم كم سنه وتملل منك
نصيحتي اكررها لك لا تفكرين في الحمل إلا اين ترسين على بر
ف
لاحول ولاقوة الابالله
وتعالي ندعي مع بعض ( اللهم اجعل قلب زوجي معلقاً بحب الله ورسوله وحبي)
أ
حبيبتي النقص مب فيج
النقص بريلج اللي يخلي الحلال
ويدور عالحرام
الله يهدي زوجي وزوجج وكل رجال المسلمين
ن
([GLOW="FF00FF"]ومن يعرض عن ذكري نجعل له معيشتن ضنكا ونحشره يوم القيامة اعمى [/GLOW]) [GLOW="9966FF"]لاتخلي صلاة اخر الليل وادعي لزوجك بالهدايه[/GLOW]
o
حااااسه فيك ياقلبي

ماشاءالله عليك صابره عليه وله مكان في قلبك؟

انا مع الاخت برق ورعد حاولي تاخري الحمل باي وسيله هذي نصيحه


انتي فاضيتله وهو كذا كيف اذا حملتي وانشغلتي باطفال


اكثري من الاستغفار والله يهديه ويهدي زوجي وجميع المسلمين
ا
اللة يعينك أختي
a
الله يهديه ويسخر قلبه لك قولي آميييييييين
م
الله يصبر قلبج ويعينج على ما ابتلاج خلي ايمانج بالله قوي

انتي تزوجتيه لأنج تحبينه وهو اختارج من بد البنات مع انه يكلم ويغازل وعنده سوالف نت يعني يحبج بس الي يسويه عاده

زوجج من حقج ولا تتنازلين عنه مثل ما تعلم وتعود على هاذي العاده لازم تساعديه تدريجيا يبطل هاذي العاده

انتي جديده بالزواج ويمكن ما عندج خبره وتره اللصقه الي انتي مسويتهه والهواش ما بينفعج بشي

سمعيني فديتج لازم تبتدين تلهينهه بأمور ثانيه وتحببينه فيهه واول شي انتي حبي نفسج ثقي بنفسج

ولا تفكرين بالحمل ابد طول ما انتوا بمشاكل اليوم انتي شايله هم زوجج بكره تشيلين همه وهم طفل مظلوم مع ابو خاين

التفتي لنفسج وخلي شخصيتج قويه ولازم يكون لج موقف قوي لين صدتيه وحاولي ما تواجهينه بنفس الوقت لا تصبري خليه يركض وراج بس بنفس الوقت لا تهجرينه واشبعيه جنسيا عشان لا يفكر بالحرام حاولي تتعلمين اشياء تجذب زوجج لج اكثر حاولي تعرفين شنو اكثر يعجبه ويجذبه بنفس الوقت سويله مفاجأت رومانسيه حسسيه برجولته سمعيه كلام عمره يا يحلم انه يسمعه منج يخليه يحس برجولته، حاولي تلفتين نظره بأي حركات جديده سوى بلبس او كلام او افعال وخليه يشتاق لهالاشياء يوم الي تقطعينهه عنه عوديه بالليل ما ينام والا انتي يمه خليه يفتقدج يعني لين شفتيه بيدخل ينام او انتي بتنامين لزمي عليه يدخل معاج ذكريه بالاشياء الحلوه وحاولي انج تريحينه سويله مساج بمنطقة الرأس والكتف والظهر فيهه بعض من الحركات الرومانسيه عشان يبتعد عن التوتر وخليه مرتاح على الآخر ومسترخي وخليه يميز عطرج بالليل يشمه فيج ويتعود عليه ويبي قربج عشان بعدين لو حته سافر بدونج ما يقدر يبات ليله بدونج يبي دفاج يبي يتنفس مع انفاسج يبي حضنج.

دايما اول ما يرجع من الدوام قابليه بأبتسامه وقبله خليه يترياهه منج كل يوم كوني بشوشه واتركي عنج التوتر وكثرة الاسئله.

ودي اساعدج أكثر بس تدرين مو كل شي مسموح نكتبه بالعام

الصلاه ثم الصلاه واضبي عليهه وذكريه فيهه

والله يوفقج دنيا وآخره ويسخر لج زوجج آمين
F
اختي عليك بالدعاء والاستغفار الاستغفار انشاء الله ربي يهديه لك
ودايما كرري الدعاء هذا مع كل صلاه وراح تشوفين النتيجه ان شاء الله بعينك ( اللهم سخر لي زوجي وسخرني له والف بين قلوبنا اللهم باعد بينه وبين الحرام كما باعدت بين المشرق والمغرب اللهم رد لي زوجي ردا جميلا اللهم اجعلني اجمل النساء في عينه )
X