محتاره بين ... وبين...!!!

مرحبا ياصبايا
انا طالبه مشورتكم في موضوع سببلي الصداع من كثر ماافكر فيه ومحتاره فيه
باختصار انا كان وجهي صافي مافيه ولا حبه ومره حضرت فرح ومن بعده ماشال وجهي العافيه
كل يوم تطلع حبه جديده في الجبين .. رجت لكذا طبيب يعطوني دوا احس نتايجه مؤقته وانا بصراحه نفسيتي تعبت من هالحبوب خصوصا ان بشرتي كانت صافيه وبشرتي جافه يعني مايطلع فيها حبوب
المهم رحت للدكتوره وقلتلها ابغى حل جذري لحالتي يعني لا تعطيني علاجات مؤقته قالتلي اوكي راح اعطيكي دوا اسمه (الروأكتين) هذا علاج سحري لحب الشباب وهو عباره عن فيتامين A المركز بس شرط استخدامي لهالعلاج عدم الحمل ابدا ابدا ابدا في هالفتره لأنه يسبب تشوهات للجنين
ومدة العلاج 4 شهور
ويتخلص الجسم من الدوا بعد الانتهاء من اخر جرعه بشهرين ....
بس انا محتاره يابنات اخذ الدوا ولا افكر بالحمل اول وبعد الولاده استخدمه
انا عندي ولدين الله يحفظهم 5 سنوات-- وسنه ونص وانا عمري 30
ساعه اقول اخاف اخذ الدوا واحمل بعد مااخلص من الكورس ويكون في شئ في الجسم من الدوا ويأثر على الجنين وساعه اقول احمل اول وبعد الولاده استخدم الدوا عشان مااوسوس فترة الحمل بأن الدوا ممكن يكون اثر على صحة الجنين
والله محتاااااااااااااااااااااااااااااااااااااااااااااااااااااااااااااااااااره يابنات زوجي يقول بلاش من الدوا انا شايف ان بشرتك مهي محتاجه لهالعلاج ابدا وفكري بالحمل افضل
وانا مذبذبه صليت صلاءة الاستخاره كذا مره بس لسه محتاره ..

من فضلكم شورو علي والي قد استخدمت هالدوا تفيدني وجزاها الله كل خير