بنات لا يفوتكن وربي اعجاز 00!!

دموع الغد 13-10-2008 241 رد 36,479 مشاهدة
د
بسم لله الرحمن الرحيم

السلام عليكن ورحمة لله

والله جربت لكم هالوصفه والموضوع بعد تجربتي نقلته ؛؛

كنت اعاني من امساك مزمن والدليل موضوع لي سابق

هنا كنت ادور حل تعبت منه ؛؛

المهم يا بنات هالشئ كان ماثر على بشرتي وصحتي

وكنت اتصفح من موقع لموقع ولين طحت على موضوع

وربي اعجز عن مدحه ؛؛

رغم انها 3 اشياء وبسيطه وعن طريق الفم تشرب مع حليب

و7 تمرات 00

وربي يا بنات جربتها بس بالعشر الاواخر وبعدها بالعيد سافرت

لرياض الكل يقولي متغيره بياضانه وسمنان وجهك ؛

رغم والله ما كنت استخدم شئ من الكريمات

بس كنت اشرب هالخلطه 00

المهم الحين بعد تجربتي شخصيا ً اقتبست لكم الموضوع

وجبته لكم والله ما ابي الا الاجر ودعواتكم ان ربي يحقق اللي ببالي

ومن معاناتي لهشئ فكرت اني انقله لان ادري فيه غيري بحاجته

وانتم ما قصرتوا معي والله تستاهلون ؛؛

للمعلوميه فيه داخل الموضوع ان البنت المراه مرخت لها بطنها

انا ما رحت ولا شئ سوى اني استخدمت الخلطه بس

واي سوال انا حاضر ؛؛






أخواتي الكريمات ..



بصراحة لم اتوقع ان ينجح موضوعي الخاص بالتضييق !ولكن لاحظت ان المواضيع التي تكون عن تجارب شخصية تجد نجاحا أكثر من المواضيع المنقولة أو التي تكون نقلا عن وكالة يقولون !


المهم يا أخواتي أنا كان عندي نزول بالأرحام لاتتي بصراحة كنت أحمل أشياء ثقيلة بعد ولادتي الأخيرة طبعا بسبب ظروف انتقالنا لبيت جديد تعرفون حنا الحريم ما نصبر !


طبعا بتقولون كيف تعرفين ؟؟


من علاماته ألم بالظهر شديد وكذلك وقت الجماع تكوني غير مرتاحة وفيه شيئ ينغص عليك (اتمنى تفهموا )!



المهم ذكرت لي إحدى الأخوات ممرخة ممتازة (اللي تبغى رقمها تراسلني على الخاص )ترى والله ما اعرفها لكنها والله عالجتني من أشياء كثيرة منغصة علي حياتي الله يرزقها الخير ذيك المرأة وين ماراحت والله اني ادعيلها بكل وقت !



المهم كلمتها وقالت لي تجيني وقت الدورة واليوم الخامس يكون أفضل !



ورحت لها على الموعد المحدد ..المهم شرحتها بالشيئ اللي اعاني منه قالت لي راح اعرف وش فيك بدون ما تتكلمين !



المهم قامت بالتمريخ الا وصرخت ذيك الصرخة يا اختي انت مو بس الرحم خربان عندك ونازل الا معدتك خربانة !


والله اني اندهشت وشلون عرفت ؟قالت انت معك امساك مزمن صح والا لا ؟قلت ايه وش دراك ؟شوفي معدتك فيها التصاقات ؟وعندك كسل بالمعدة يعني الأكل يا حبيتي ما يتهضم زين وهذا الي مسبب لك إمساك ؟قلت لها والله ما تركت شيئ ما استخدمته للإمساك لكن ما نفع معي وبديت اشعر انه جزء لا يتجزأ مني ؟


قالت تدرين ان الرجال ينفر من المرأة اللي فيها إمساك ؟قلت أفا يا ذا العلم واللله يوم بديت اتذكر أشياء كانها صحتني من النوووووووووووم ؟قلت كيف ؟قالت الإمساك يسبب روائح في المنطقة اللي انت خابرة مهما حاولت ان تنظفيها از تعطريها ؟بصراحة بغيت أصيح بأعلى صوتي ؟معلومات جديدة نكبر ولا أحد يعلمنا عن هذه الأمور قاتل الله الجهل !وفي رواية أخرى قلت :لو كان الجهل رجلا لقتلته !!!!!!!!


المهم ..قالت ترى رحمك بالباب ؟قلت وش بابه ؟قالت شوي ويطلع على برا ؟قلت حسبي الله ونعم الوكيل زين ما طلع وسير على الجيران !



قالت شوفي حبيبتي نزول الأرحام أمرها سهل راح امرخك في كل دورة وان شاء الله تطيبين بس لا تشليين أشياء ثقيلة وخاصة وقت الدورة أو نفاس ؟قلت ابد ما يصير خاطرك إلا طيب يا بنت الأجواد !


طبعا مرختني ثلاث دورات وطبعا دفعت لها فلوس حق التمريخ !



أما الموضوع الثاني (خراب المعدة )قالت شوفي ابذكرلك وصفة خرافية وسحرية وبتدعيلي بس اللي يكرهونك لا تقولين لهم أبد مدى الحياة وبعد شغالتك انتبهي منها لا تشوفك وانت قاعدة تاخذين هالوصفة !قلت أبد


وقالت لي هذه الوصفة راح تعالج أمور كثيرة عندك مو بس معدتك يعني راح تزينين وتزين بشرتك الباهتة !(والله انها جاءت على الجرح )وأقول ورى بشرتي باهتة مهما سويت فيها ما ينفعلها شيئ اثر المصيبة بالمعدة وقالت لي بعد شهر من استخدام الوصفة راح تشوفين وجهك بالمراية وتقولون يا سلام سلّم معقولة الطخمة أنا !وراح كلن يلاحظ التغغيرات حتى زوجك قالت بس لا تقولين لأحد حتى زوجك !وإذا سألك أحد قولي عادي انا سامنة حبتين !


وقالت لي هالوصفة استمري عليها مدى الحياة ما راح تضرك زي ما تاكلين رز خوذي هالوصفة !لكن يا أخواتي انا أخذتها أربعة شهور ومن الشهر الأول زنت وفعلا لما اشوف نفسي بالمراية ما اصدق اني انا تغير شكلي اثر الإمساك مو هين لاعب فيني لعب !


الهم أليكن الوصفة (تبي تقولون وش هالخطبة الطويلة العريضة )وأقولكم المخرج عاوز كذا !(تعرفون عنصر التشويق مهم !!!!!!!!!!!!!!!


بسم الله نبدأ ...



قالت تاخذين على الريق الآتي تخلطين (ماش +فلفل أبيض +زنجبيل )طبعا كله مطحون وبنسب متساوية !


ثم تاخذين قد ملعقة صغيرة من تلك الخلطة مع حليب حار وتخلطينهم مع بعض +سبع تمرات وبسسسسسسسسسسسسسس!


طيب انا سألتها عن كل واحد منهم بالضبط وش فايدته ؟


قالت التمر +الحليب حق الإمساك راح يكنس معدتك كنس ويشيل الالتصاقات اللي فيها !


والماش معروف فوائده للظهر وجبر الكسور يعني مثل الحلبة والزنجبيل معروفة فوائده أيضا والفلفل الأبيض يا عيني عليه !كيف ما نعرف فوائده ؟قالت لي تعرفين ليش الاندونسيات زينات من تحت علشان الفلفل الابيض علشان كذا قلت لك شغالتك لا تعرف بالوصفة والله لو تدري انك تاخذين فلفل ابيض ان تصكك عين لانهم يقدسون شيئ اسمه فلفل ابيض !يعني اللي فهمته من الممرخة انه ممتاز للخوا (صوت يطلع من الفرج )وقالت هو بشكل عام مفيد للمرأة ولازم تاخذه على طول تراه مفيد مفيد مفيد بكل ما تعنيه الكلمة من معنى وراح تشوفون فوائده واضحة عليكم !



..ملاحظات هامة ..



_الفلفل الأبيض يختلف عن الفلفل الأسود اختلاف جذري ولونه بهد ما تطحنينه سكري أو بيج !وتراه اشد حرارة من الفلفل الأسود !


_الحليب اللي ما تبغى السمنة تاخذ قليل الدسم او منزوع الدسم !



_التمر اللي ما تبغى السمنة تاخذ السكري حق الثلاجة !



_انا بصراحة في البداية ما تحملت الفلفل الأبيض والزنجبيل فقللت مقاديرهم يعني (كأس ماش _نصف كأس زنجبيل +نصف كأس فلفل أبيض )وخلطتهم مع بعض وحطيتهم بثلاجة غرفتي !


_استمريت على هذه الخلطة اربعة شهور والكل لاحظ التغييرات وأولهم ابو الشباب والكل يسأل لكن كنت اقول سمنة لا أكثر !



يا أخوات اللي يمرون على الموضوع ما ابغى منكم الا الدعاء لزوجي ان الله يهديه ويصلحه الله يجراكم خير واي سؤال انا حاضرة والسلام ختااااااااااااااااااااااام ..



..تراني ما أحلل اي وحدة تنقل الموضوع دون أن تذكر اسمي عليه وتنسبه لي ..


كاتبات الموضوع او ناقالته


رغد امل رابيه


الله يسعدهن يا رب


ويجزاهن خير



د
لا تطنشون الموضوع 00

وربي من تجربتي شخصيا ً

والحمدلله يا ربي 00

الله يجزاها خير اللي كتبت الموضوع ؛؛
ا
الله يجزاك كل خير ويوفقك دنيا واخره قولي امين
بصراحه
معلومات اول مره ادري عنها وخاصه الفلفل الابيض الله يسعدك يارب
تحياتي...
L
مشكوره وجزاك الله خير على هالمعلومات بس اختي المفروض ماتدعين على الي ماترد لانو اعرف بنات اهلهم مايرضون ان بناتهم يكتبون ردود
ا
الله يجزاك كل خير ويوفقك دنيا واخره قولي امين
د
المملوحهss;7415856:
الله يجزاك كل خير ويوفقك دنيا واخره قولي امين
بصراحه
معلومات اول مره ادري عنها وخاصه الفلفل الابيض الله يسعدك يارب
تحياتي...



وياك يالغـلآ ؛؛
د
Layal1981;7415860:
مشكوره وجزاك الله خير على هالمعلومات بس اختي المفروض ماتدعين على الي ماترد لانو اعرف بنات اهلهم مايرضون ان بناتهم يكتبون ردود



العفو يالغلآ 00 شكلك انخرعتي هههههههه

مشكوره وعدلته لعيونك ؛؛
د
احسا س انثي;7415910:
الله يجزاك كل خير ويوفقك دنيا واخره قولي امين



امين وياك يا الغلآ ؛؛
ص
مرحبا اختى
حبيت اسألك طيب واللي ماعندها امساك
بس وجهها شاحب وعزابيه !!! عادي تستعمله ؟:o
صراحه حسيتها مفيده ذا الخلطه
اشوف بنات صحتهن تبارك الله ماشاء الله عليهن ودي اصير سنعه وانفع نفسي >> خخخخخ
وابي اسالك وشو الفلفل الابيض ؟؟ والماش اعرفه بس حق ايش هو يستعمل اصلااا ؟
والزنجبيل مطحون صح ؟
والله يصلح لك زوجك ويسخره لك
ويجزاك الف خير ع المعلومه الخطييره

لا تبطين علينا بالرد (f)
د
مشكوووووووووووووووره
الله يوفقك
تحياتي
د
صباآآ;7415956:
مرحبا اختى

حبيت اسألك طيب واللي ماعندها امساك
بس وجهها شاحب وعزابيه !!! عادي تستعمله
؟:o

ايه يالغلآ عادي استخدميها ان شاءلله بتفيدك اكثر


صراحه حسيتها مفيده ذا الخلطه
اشوف بنات صحتهن تبارك الله ماشاء الله عليهن ودي اصير سنعه وانفع نفسي >> خخخخخ



ههههههه فديتك ان شاءلله تصيري احسن

الله يعطيكِ الصحه والعافيه يا رب 00!!


وابي اسالك وشو الفلفل الابيض ؟؟


الفلفل الابيض تلقينه عند العطار فيه ناس تستخدمه بالطبخ

شكله حب زي الفول بس انه صغير ؛؛



والماش اعرفه بس حق ايش هو يستعمل اصلااا ؟


الماش هو العدس الاخضر اللي يستخدم مع الاكل

سؤالك مافهمته بالضبط اذا انا فهمته غلط با اجابتي

وضحيه يالغاليه وانا معك باي شئ تسالينه عنه



والزنجبيل مطحون صح ؟


ايه مطحون كل شئ مطحون واذا مو مطحون اطحنيه انتي بنفسك
لان بعض العطارين عندهم مطحون وغير مطحون



والله يصلح لك زوجك ويسخره لك
ويجزاك الف خير ع المعلومه الخطييره


امين يا رب رغم مو متزوجه بس بطريق خخخخ

دعواتك ان ملكتي عاجل غير اجل :confused:


لا تبطين علينا بالرد
(f)


وهذا انا ما تاخرت من رديتي رديت وراك خخخخخخ

الله يسعدك يا رب ؛؛
ع
مشكووووره حبيبتي ع هالنقل المفيد

عسااج ع القووه
ب
ماشاء الله..
يعنى هاااي الخلطة تنظف الامعاااء وتصفى البشرة؟؟
وممكن البنات يستخدمونهااا ولا خاصة للمتزوجات؟؟
^
جزاك الله خير ماقصرتي
ز
الله يسعدك ويهدي زوجك ويصلح امورك
ا
راح اجرب الخلطه شكلها مفيده
لان بشرتي وايد تعبانه
ل
يعطيك العاااافيه ياربو شكلي بجربها كل صباح ما وراي شي ان شاء الله

يعطيك العااافيه ياارب و يجزااك خير
ب
مشكوره حبيبتي ان شاء الله بجربها...
د
عاليه بطموحي;7416064:
مشكووووره حبيبتي ع هالنقل المفيد

عسااج ع القووه


\

العفو يالغلآ لا تنسين اني مجربتها

تسلمي لمرورك ؛؛
د
بـــطه;7416082:
ماشاء الله..
يعنى هاااي الخلطة تنظف الامعاااء وتصفى البشرة؟؟
وممكن البنات يستخدمونهااا ولا خاصة للمتزوجات؟؟




للبنات والمتزوجات لانها بالأخير كلها اشياء طبيعيه

ومفيده للجسم ؛؛

جربيها الاهم شئ الصحه وبعدين الباقي لان الصحه وسلامة الجسم

هو الاساس واللي على اساسها يساعد بنية الجسم والبشرة

على صحتها وتغذيتها بشكل السليم ؛؛
X